الجنون فنون للكاتبة اسيل مراد

الجنون فنون للكاتبة اسيل مراد

الجنون فنون للكاتبة اسيل مراد القسم الثاني

الجنون فنون اسيل مراد
الجنون فنون اسيل مراد

ملك اتطلعت بسيلار وسيلار غمضت عيونا وبتسمت انو هيه مرتاحة

وجلنار وميار كانو عم يتطلعو ببعض من تحت لتحت وعيونن عم تقول والله لنكيف

نسيت عرفكن عن الشباب والصبايا
رح احكيلكن عنن شوي لبين مايخلصو اكل 😂

خلونا نبلش بالشباب
ميار يلي هوه اخو سيلار من ابوها ….شب طويل حنطي فاتح وشعرو بني فاتح ومطولو وعيونو سود انيق وشخصيتو قوية وقت الجد جد ووقت المزح مزح عمرو ٢٧

جلنار ابن عم سيلار ….شب طويل اطول من ميار بشوي حنطي فاتح شعرو بني وعيونو زرق صايع ضايع همو عضلاتو والبنات وكل وقتو مقدية لعب ومسخرة بس وقت يعصب بركان ونفجر عمرو ٢٦

امجد ابن عمت سيلار …..طويل واسمر شعرو بني وعيونو خضر هادي كتير ومابيختلط مع حدا بعد ماتركتو حبيبتو وختفت عمرو ٢٩

هلق دور البنات 😁

سيلار ….بيضه متل التلج شعرا صابغتو اشقر على ابيض وعيونا خضر نحيفة وطولا عادي قلبا طيب كتير بس يلي بيغلط معها مابتسكتلو عمرا ١٨

الاء ، بيضة وشعرا بني وعيونا شهل طولا من طول سيلار وقلبا طيب كتير فيكن تقولو عالبركة على قد مانا طيبة وحساسه بتبكي على اتفه الشغلات عمرا ١٩

…..خلونا نرجع…..

خلصو الكل العشا وراحو عالصالون يشربو شاي

جلنار قرب على ميار بهمس ، شوف هلق شو بدو يصير

شمس ، الحمدلله شفت عيلتي كلا بخير الله يرحمك ياعلي لوكنت عايش وشفت هاللمة الحلوة
سهيل ، تعيشي وتترحمي امي الله يرحمو ويجعل مثواه الجنة
سمعو صوت كسر فنجان
سيلار ، اااااخ
ملك قامت ركد لعند بنتا ، شبك امي شبك حبيبتي
سيلار بخوف وعم تبكي ، امي في صرصور بالكاسة في صرصور
الكل ، شوووو صرصور
جلنار قام وقرب على سيلار ، شبك انتي منيحه حترقتي
شمس عم تنادي ، كوثر يا كوثر ….(كوثر خادمة)
سيلار وهي ضامه امها عم تطلع بجلنار وتبكي
جلنار واقف وعم يبتسم لميار وغمزو وميار عم يضحك بصمت ..بدون ماحدا ينتبه عليهن
اجت كوثر ، نعم ياخانم
شمس ، معقول صرصور بكاسة الشاي من ايمتى عنا صراصير بالفيلا ولا من ايمتى المطبخ سايب وماعم تنظفو
كوثر بصدمة ، مستحيل ياخانم المطبخ دائما نظيف وبحياتنا ماشفنا صرصور
شمس ، لكن هاد شو
كوثر بخوف ، والله ياخانم مابعرف
شمس ، روحي نضفي ورشو المطبخ من بكرا الصبح وحاسبي الشغالات
كوثر منزلة راسا ، بتامري ياخانم …. وراحت
سيلار عم تبكي وخايفه وامها ضاممتها قامت ستا وراحت لعندا
شمس ، حبيبتي خلص لاتخافي
ملك ، هيه كتير بتخاف من الصراصير من وقت ماكانت صغيرة
سهيل ، يعني معا فوبية منون
ملك ، هيك شي
جلنار وميار اتطلعو ببعض وبتسمو لبعض بمكر
ملك ، حبيبتي خلص شالوه قومي غسلي وشك
قامت سيلار وشمس قالت لكوثر تاخدها عالحمام

راحت سيلار غسلت وشا ورجعت

جلنار قاعد حاطت رجل على رجل ، ستي شو رئيك بكرا نطلع مشوار على شرف سيلار ومنو منتعرف على بعض
شمس بتسمت ، اي انا ماعندي مانع ..شو قلتي ملك
ملك بتأتأة واحراج ، والله مابعرف
سيلار ، اي ماما امانه خليني اطلع معون
ملك بخجل ، حبيبتي لاتدايقي حدا بوجودنا
جلنار ، له يا مرت عمي اي ازعاج الله يسامحك سيلار اختي التانية
سيلار بترجي ، ماما حبابة والله جاي عبالي اطلع صرلي من وقت ما بابا توفى ماطلعت
شمس ، شو قلي ملك حرام البنت حابة تطلع
ملك بخجل ، خلص متل مابدك
جلنار اتطلع بسيلار وبتسملا
شمس ، لكن قومو نامو لتصحو بكير
جلنار ، وانتي قلتيها يلا باي انا رايح نام

طلعو الكل ونامو

بنص الليل فاقت سيلار عطشانة كتير رفعت راسا مالقت مي
سيلار رايحه جاية بالغرفة ، يا الله شو اعمل والله عطشانه كتير حاسة حلئي رح يطق اووووف …. سيلار ستسلمت ونزلت عالمطبخ تشرب مي
وهي عم تطلع عالارض خايفة يطلعلا شي صرصور

ميار نزل وشافا حس عليها انها خايفه
ميار ، نتبهي ليكو وراكي
سيلار نطت وركدت باتجاه ميار (بخوف) ، وينو وينو
ميار ، هههههه
سيلار عرفت انو عم يكزب (عقدت حواجبها) ، ليش هيك عملت
ميار اتطلع فيها وبتسم ، عبمزح معك شو نازلة تعملي بالمطبخ
سيلار بحزن ، فقت عطشانة كتير وماعاد تحملت نزلت لاشرب
ميار رفع حواجبو ، مممم غريب مع انون مابينسو يحطو مي بكل الغرف اي صح بجوز لانو انتو ضيوف جداد نسيو
سيلار زعلت من كلامو بس مابينتلو ، اي بجوز
لفت ضهرا واتطلعت تطليعه سريعه عالارض وراحت اخدت كاسة مي وشربت
ميار كان واقف ساند ضهرو عالحيط ومكتف ايديه
ميار ، عطيني من عندك كاسة مي الي كمان
سيلار اتطلعت فيه باستغراب ، ماشي
طلعتلو كاسة وعبتلو ياها مي وقربت عتطو ياها
بفوتت جلنار
جلنار ، اووووو الاخت عم تدلل اخوها اي بس يابنت عمي انا غرت فيكي تعطيني انا كمان
سيلار بتسمت ، ليش مافي بغرفتك مي انت كمان
جلنار اتطلع بميار ورجع ركز معا ، ممم لا مافي
سيلار ، ماشي ….راحت لتجبلو كاسة
جلنار بهمس لميار ، سمعت كلشي واجيت حط بصمتي
ميار بهمس ، هههه حلال عليك
سيلار ، تفضل
جلنار ، عزبتك معي بتسدقي وقت شفت ميرو عم يشرب بللي ريقي خدي ماعاد بدي
سيلار اتطلعت فيه باستحقار وحطت الكاسة عالمجلا وطلعت
ميار ، هيك بتزعلها لبنت عمك ياندل
جلنار ، تؤ تؤ تؤ والله مو بقصدي يا ابن العم بس والله كنت جنتل معا
ميار ، هههههه يخرب بيتك شو داهيه
جلنار غمزو ، ههه بعجبك ……حط ايدو على كتفو …، يلا ابن العم خلينا نطلع انام بكرا ورانا يوم بجنن
ميار ، ههه اي يلا

طلعو ونامي

تاني يوم الصبح
الكل عالفطور

سيلار مدموجه مع ستها وامها بالحديث
جلنار ، شو بدي قلك عطيني الملح من جنبك
سيلار ماسمعتو لانو كانت مشدودة بحديث ستها
جلنار نكشها من ايدا
سيلار اتطلعت بايدا بعدين عليه ، شو
جلنار ، حاسك مابتسمعي منيح
سيلار ، مبلا بسمع بس كنت مدموجه مع ستي
جلنار ، قلتلك بدي الملح
سيلار عطتو الملح ، تفضل
اخدو من ايدا وحطو عالطاولة
سيلار باستغراب ، ازا مابدك ياه ليش قلتلي اعطيك يا
جلنار ، انا بحب حطو جنبي مابعرف اكل بلاه
سيلار (فكرتو عم يمزح معا) بتسمت ، ماشي صحتين

اجت كوثر ، جلنار بيك غسان عالباب شو قلو
شمس ، قليلو يفوت بنتي
جلنار ، مافي داعي انا طالع لعندو
كوثر ، بتامر …وطلعت

تابع في المقال السابق الجنون فنون القسم الأول

mal alsham

لا تعليقات بعد على “الجنون فنون للكاتبة اسيل مراد

اترك تعليقاً

لن يتم نشر عنوان بريدك الإلكتروني.

error: Content is protected !!