الشيطانة بقلم امل احمد سلوم الجزء الثالث

الشيطانة بقلم امل احمد سلوم الجزء الثالث

الشيطانة بقلم امل احمد سلوم الجزء الثالث

الشيطانة بقلم امل احمد سلوم
الشيطانة بقلم امل احمد سلوم

بيرجع رضا والدم عم يغلي بعروقوا واول مابيوصل بيدفش الباب ب اجرو وبيفوت لمكان مابينامو البنات وهو عم يصرخ

رضا : دلاااااال وينك وليي دلااااال

وبيسحب الغطا عنها وبيمسكها من شعرها وبيجرها لعندو ودلال كاتمه صرختها ومن داخلها فاهمه كتير منيح شو عم بيصير

زتها عالفرشه وعيونو عم تطلع منها الحمم

رضا : اسمعي دلال .. ربيتك 16 سنه ولامره مديت ايدي عليكي ولامره جبرتك تعملي شي مابدك ياه… ولامره بعتك لتشتغلي شغل وسخ وتبيعي لحمك… . بس انك تطعنيني بضهري هالشي مارح اسكت عنه

دلال وهي عم ترسم على وجهها علامات التعجب والاستغراب : عن شو عم تحكي ليش شو صاير

رضا : لاتغشمي حالك دلال انتي يلي سلمتي زيد وحسون للشرطه ماهيك

دلال بصدمه مصطنعه وبلشت تضرب ع وجهها : شووووو زيد وحسون انكمشوا .. ولي على امتي ولي على امتي 😱

قرب منها رضا ومسكها من كتافها وصار يهز فيها بقوه

رضا : هالحركات مو على رضا دلال… فهميني ليش عملتي هييييك ليششششششش لك بدك اتضيعينا بدك ياهم يعترفوا علينا ياغبيه

ورفع ايدو ليضربها كف بس ايدو بقيت معلقه بالهوا ومانزلت ع وجه دلال

رضا : بعرف انك مابتحبي الضرب وانا مابحب اضربك دلال لهيك فهميني شو يلي صار

بلشت تمثل دور الضحيه ونزلت من عيونها دموع التماسيح

دلال : انت ليش ماعم تصدقني لك زيد وحسون اخواني ربينا سوا ليش بدي سلمهم للشرطه 😭 بعدين انا من لما رجعت من القصر ودخلت لانام ماطلعت من الخرابه بنوب حتى اسأل اسراء والاء ازا ماعم تصدقني 😭

رضا : لك الحاااارس تبع القصر هوي يلي حكا انه بياعة الكبريت ساعدت بالقبض عليهم

دلال : صدقني مو صحيح بعدين يمكن شك فيك وحكالك هيك ليشوف ردة فعلك… . ليش مافكرت فيها

ارتخت ايدين رضا وهو عم يفكر بكلام دلال

رضا بقلبه : لك صحيح كيف ماخطرت ببالي هي وبعدين دلال مابتعملها ومبين عليها مصدومه وصادقه

بعد عنها ووقف عالباب وسند اجرو عالحيط ومشط شعرو الغزير ب ايدو واطع ب دلال بقهر وهو عم يشعل سيجاره ويدخن بشراهه

رضا : انا مصدقك دلال بس كيف انكمشوا هالبهايم وازا حققوا معهم اكيد رح يعترفوا علينا

قربت دلال من رضا وحطت ايدها ع خده

دلال : خلينا نهرب من هون

رضا : واسراء والاء وين اروح فيهم

دلال : بيعهم

رضا : شووو انتي جنيتي

دلال : هص لاتعلي صوتك .. وقربت منه اكتر وبلشت تحكي بهمس

دلال : انا مو قصدي تتخلى عنهم بس حاليا لازم نفترق وكل واحد منا يروح بقرنه لنشوف شو رح يصير بقضية زيد وحسون

رضا : فعلا معك حق

دلال : شو رأيك ناديهم ونتناقش الكل سوا

رضا : طيب ماشي

فتلت حالها لتمشي واستوقفها صوت رضا : دلال

اتلفت عليه ب اهتمام : نعم معلم

رضا : اسف لاني شكيت فيكي

ابتسمت بود واردفت : ولايهمك معلم انا عازريتك

رضا : ماشي فوتي نادي للصبايا

دخلت دلال ونادت للصبايا وفي سؤال علق براسها

( ليش رضا بيعاملني هيك وليش ماضربني متل مابيعمل م الكل )

☆ ╚══════ღღ══════╝

اجتمعوا البنات عند رضا ونظرات التساؤل بعيونهم

اسراء : خير معلم في شي

الاء : لشو هالاجتماع ووينن زيد وحسون ليش مو معنا

سحب كرسي القش وقعد عليه وركز ايديه على ركبه

رضا : زيد وحسون مسكتهم الشرطه

الاء : شوووو وكيف صار هيك وايمت

اسراء : زيد انكمش 💔

رضا : مو وقت الشرح هلأ … انا جمعتكم لفهمكم انه هالفتره لازم نفترق ونتخبى كل واحد بقرنه لحتى نشوف شو رح يصير مع الشباب

الاء : وين رح نروح بحالنا ونحنا مالنا غير هالمكان نعيش فيه

رضا : انتي بتروحي لعند ابتهال يلي بتشتغلي عندها وبتخبريها انه اهلك عم يبيضوا البيت وعندك حساسيه ومطره تباتي عندا

الاء : اي اساسا ابتهال ناطف قلبها لحتى ابقى عندها طول اليوم مابدها اشتغل ساعتين و اروح

رضا : كتير منيح هي الاء لقينالها قرنه تتخلى فيها

اسراء : وشو عني معلم ؟؟

رضا : انتي مو بتروحي تقعدي احيانا عند هي المره الختياره

اسراء : ايه

رضا : لكن بتروحي عندا وبتخبريها نفس الحكي يلي فهمته ل الاء

اسراء : مممممم طيب ماشي بس كم يوم رح نغيب

رضا : شي تلت اربع ايام مو اكتر لبين مادبر قرنه غير هي نتاوى فيها

اسراء : طيب مارح توقفلهم محامي

زمجر رضا ودوى صوتو بالمكان

محامي شو يا بعدي بدك الشرطه يشتلقوا اني بعرفهم😡

اسراء : بس يامعلم 😔

رضا : انتهينااااا 😡

اسراء : امرك 🙈

كانت دلال واقفه عجهه بتلعب بخصلات شعرها وماعم تشارك الحديث

الاء : وانتي دلال

دلال : شبني

الاء : وين بدك تروحي

دلال بثقه : شو رأيكم روح عالقصر

الاء واسراء : شوووووووو

رمقها رضا بنضرة شك : وبصفتك شو بدك تروحي عالقصر

دلال : ههههه عم امزح 😜 ولو شو موديني هونيك اساسا مارح يفوتوني

قرب رضا منها بخطوات بطيئة وقرب من دانها وهمس

انتي لشو عم تخططي دلال

دلال بتلعثم : ا انا لشو بدي كون عم خطط الله يسامحك معلم شبك ما عدت وثقت فيي 😔

رضا : لانك اتغيرتي من لما صرتي تروحي من وراي عالقصر

دلال : كنت روح من باب الفضول مو اكثر

رضا : باب الفضول ولا في شي مابعرفه

دلال : ششي متل شو معلم 😰

رضا : ولاشي انسي وانتي خص نص رح تبقي معي

دلال : ليش 😥

رضا : اسراء بتقعد عند المره الختياره والاء عند المره اللي بتشتغل عندها وهي طبيعة شغلهم احيانا ازا ماراحو عالافراح ليرقصوا بس انتي شو طبيعة شغلك… تلمي صفايح وخرده… . بتحبي تنامي بحاوية الزباله مثلا

دلال : لا 😣

لكن اسمعي الكلمه وبلا كرة حكي وانتو يابنات جهزو حالكم بسرعه معكم نص ساعه وبعدها مابدي المح حدا منكم هون ومابترجعوا شو ماكان السبب لحتى جيبكم بنفسي مفهوم

الاء واسراء : مفهوم معلم

فاتو البنات يجهزو حالهم وطلع رضا ناح القصر يراقب و يشوف ازا في تطورات جديده

الاء : وينك اسراء بلا ماناخد معنا بدلات الرقص ولا شو رأيك

اسراء : ساوي يلي بدك ياه

حطت الملابس من ايدها وقامت قعدت حد اسراء وحطت ايدها عكتفها

الاء : شبك اسراء

اسراء : انا لازم وقف محامي لزيد

الاء : هصصص وطي صوتك شو انتي جنيتي بدك المعلم يشختك

اسراء : وليش يشختني اساسا زيد وحسون منا وفينا مالازم نتخلى عنهم

الاء : يا روحي اهدي وفكري بحكمه ازا عرف المعلم والله ليقيم قيامتك

اسراء : ايدو وماتعطي حاج كابس ع نفسنا نحنا ما عدنا صغار بعدين حاج كل شي للست دلال ونحنا عالرف

الاء : انا سمعت من حسون انهم ناويين يصفوها

اسراء : لك ياريت يحرقوها ماعدت طقتها

الاء : ولا انا لك بدها كلشي الها نحنا بنتعب وبنفتل من عرس لعرس ومن بار لبار وهيه مدلله وحجتها انها بتلم كم قطعة خرده لا ورضا مبسوط منها

اسراء : حاطه في سر مخبيه رضا بخصوص دلال والغريب كل ماتنجاب سيرة القصر رضا بيركبه ميت عفريت 👿 ومابيحب دلال تمر من ناحه ولا تحكي عنه

الاء : معك حق لاحظت هالشي وزيد وحسون لاحظوا لك كل هالاهتمام والدلال مو لله لك بعمري ما شفته ضربها كف اما نحنا بيسلخ جلدنا عن عظمنا

اسراء : لهيك لازم يطلع زيد وحسون هنه يلي رح يوقفوها عند حدها

الاء : اجلي هالموضوع هلأ

اسراء : مستحيل انا هلأ رايحه وقفلهم محامي لطالعهم

الاء : انا نصحتك وانتي حره بدي روح عالدكانه جيب شي اكله مارح طول … . وتركتها وراحت وبقيت اسراء وحدها

وورى الباب كانت متل الجنيه واقفه وعيونها بتلمع و عم تتسمع عليهم وعلى وجهها ابتسامة مكر

دلال : مارح اسمحلك توقفيلهم محامي ضروري ينسجنوا ليصفالي الجو واقدر فوت عالقصر بدون ماحدا يخرب مخططاتي 😈

احمرو عيونها وهي عم تسحب عصاي تقيله وفاتت تتسحب ع اطراف اصابعها لعند اسراء

☆ ╚══════ღღ══════╝

وبالقصر

نزل من سيارته الفاخره وفات عالقصر وهو عم يركض وانفاسه متسارعه وعم ينادي لامه وابوه

جــود : امي ابي وينكم

خوله : انا هون امي شبك

بيركض عليها وبيحضنها

جود : الحمد لله اني شفتك بخير امي خفت كتير وقت دريت انه في حراميه فايتين عالقصر طمنيني انتو مناح حدا صرلو شي ابي واختي مناح احكيلي امي

خوله : اهدى حبيبي نحنا كلنا مناح والحراميه انكمشوا واخدتهم الشرطه

جود :وينو ابي

خوله : راح عالشركه من الصبح

جود : وايمان ؟

خوله : ايمان معاقبه بغرفتها

جود : معاقبه ؟؟ ليش شو عملت !!

خوله : تعا ابني ارتاح ورح خبرك كلشي صار بالتفصيل

☆ ╚══════ღღ══════╝

كانت اسراء حامله صورة زيد وعم تبكي لوقت حست انه في حدا واقف وراه لفت وجهها بسرعه ماشافت حدا وركضت لعند الباب كمان مافي حدا

اسراء : الهيئه قطه عم تحوس انا لازم اتحرك بسرعه والحق زيد قبل مايترحل… . وفتلت وجهها وفاتت لحتى تفوت تكمل لبس واول ماصارت بالغرفه شافت دلال واقفه قدامها وملامح وجهها متحوله وكأنها شيطان 😈

اسراء : ششو في ليش هيك بتطلعي عليي

بلشت دلال تقرب منها بالخطوه البطيئه واسراء ترجع لورى لحتى لزقت بالحيط

دلال : لوين رايحه ياحلوه

اسراء : مو رايحه لمكان بدي اعمل متل ماحكا المعلم

دلال : بالله جد وشو هي… . ورفعت صورة زيد وحطتها بوجهها

اسراء : هـ هي هي

دلال : ايييه شو هي بدك تروحي لعند زيد مو هيك… .. لك انا ما صدقت واخلص منه بدك ترجعيه ليخرب كل شي عم خططله

حطت ايدها ع تمها وشهقت : ا انتي يلي… .

دلال : ههههههه ايه انا

اسراء : لك ياحقيرررررره والله لاشرب من دمك

وهجمت على دلال لحتى تضربها بس كانت ضربة دلال اسرع منها
ضربتها عراسها بالعصايه مره ومرتين وتلات وعشره لحتى وقعت وما عادت تحركت … نزلت ع ركبها وعيونها عم تحمر اكتر واكتر وحطت ايدها ع رقبتها لتتأكد انها ماتت وابتسمت بخبث

دلال : وهي كمان خلصت منها الدور على الاء وبعدا بفضى للسيد رضا اللي بدو يصفيني هه لنشوف مين رح يصفي مين يارضا الكلب
بكل برود سحبت جثة اسراء ولفتها بحرام وحملتها عكتافها وحطتها بين الحطب ورجعت لتتخبى وتنتطر رجعة الاء

☆ ╚══════ღღ══════╝

جود : ومين هالبنت الشجاعه امي

خوله : يلي عرفته عنها انه اسمها دلال وساكنه مع خواتها وعمها بالخرابه

جواد : خرابه ؟

خوله : هالبنت لو تشوفها متل الملاك الابيض يلي علقت فيه خطايا الشياطين وصار لونو اسود

جواد بحزن : الفقر بيقتل كل شي حلو امي

خوله : اي والله

جواد : بس ايمان ليش هيك تصرفت معها مو حرام عليها… يعني شو زنبها ازا فقيره تروح تعايرها بفقرها نسيانه انه ممكن تكون مكانها

خوله : معك حق امي لهيك ابوك غضبان منها وعاقبها

جواد : خرجها خليها تتعلم انه مشاعر الناس مو لعبه متل ما عندها احساس العالم عندن احساس شي حلو والله ع اخر الزمن حدا من عيلة المهدي يطلع بلا انسانيه لك عيلتنا معروفه بالكرم والاحسان لمين طالعه هالبنت مابعرف

خوله : اكيد رح تندم وتعرف غلطها وتتعلم منه

وقف وهو عم يلبس سترته السبور : طيب امي انا بدي روح شوف ابي بالشركه… انتبهي عحالك

خوله : الله معك ابني

☆ ╚══════ღღ══════╝

رجعت الاء من الدكانه وهيه عم تنده لاسراء وتستعجلها لحتى يطلعوا

الاء : اسراااء اسرااااء وينك ولي جدبه… . وين راحت هي لتكون مانطرتني وراحت تعمل يلي براسها

فاتت لجوا وبعدها عم تنادي ل اسراء

اسراااااء لك وين رحتي… . يوه اغراضها هون لكن وين راحت وشو هاد

قربت ونزلت ع ركبها : لك هاد دم ؟؟؟ شووو يلي صار اسرراااااااء

دلال : اسراء سبقتك لجهنم

رفعت راسها لتشوف دلال واقفه وب ايدها سيخ طويل غزتو بعينها وطلع من الجهه التانيه والدم صار متل النافوره وطرطش على وجه دلال

وقعت الاء تحت اجرين دلال ميته ومتل ماعملت ب اسراء عملت ب الاء لفتها بحرام و حملتها وكومتها فوق جثة اسراء بين الحطب

فاتت لجوا بخطوات سريعة ورجعت وهي حامله البابور فتحته وفضت الكاز اللي فيه عالحطب وولعت عود كبريت وابتسمت وبعدا رمت العود لتاكل النار جسد الاء و اسراء وتنتهي حياتهم للابد

بعد ما خلصت مهمتها فاتت بكل برود علقت ع ابريق الشاي وغسلت وجهها وايديها من اثار الدم وعملت عروسة زعتر وقعدت تاكل وتشرب شاي وهي عم تراقب النار وبتخطط لقدام ولا كأنها من شوي قتلت روحين بريئتين مالهم زنب بحقدها وطمعها قتلت البنتين يلي نامت معهم ع مخده وحده وتغطت معهم بنفس الغطا واكلو من نفس الطبق

☆ ╚══════ღღ══════╝

وصل جود عالشركه ومشي ب اناقته المعهوده بين المكاتب وهو راسم على وجهو ابتسامه عذبه ليحيي كل حدا بطريقه

دق الباب بخفه ودخل لمكتب والده

جود : كيفك ابي

بسام : اهلين ابني ايمت رجعت

جود : من شي ساعه مرقت بالاول عالقصر لاطمن عليكم .. ابي انا ماعم صدق انه هالزعران قدرو يفوتو عالقصر وكانو رح يقتلوك

بسام : وانت كيف دريت خبرتك امك

جود : ايه وخبرتني كمان عن البنت الشجاعه يلي انقذت حياتك

بسام : لك هالبنت وجهها مو غريب عليي حاسس حالي بعرفها او شايفها من قبل بشي مكان

جود : وين بدك تكون شايفها يمكن ع شي اشاره او مشبه عليها

حك دقنه وهو عم بيفكر : هوي هيك انا مشبه عليها

جود : قيمنا من سيرتها هلأ… .. نحنا لازم نعزز الحراسه عالقصر هالمره الله سلم بس مره تانيه الله اعلم شو ممكن يصير

بسام : وانا عم فكر بهالشي ابني بس بدنا حراس ثقه مو حيالله

جود : لاتاكل هم هالشغله اتركها عليي

بسام : صحيح مرقت لعند خالتك سميه شقيت عليها

جود بتلعثم : اه اييه ابي مريت

رجع بجسمو عالكرسي وبين عليه الانزعاج : هالكابوس مارح نخلص ابني سميه غلطت غلطه كبيره ولولا ستر الله كانت عيلتنا انفضحت

جود : اوقات بحس انها صادقه ومظلومه

بسام : انا متأكد انها صادقه ومظلومه

جواد : ومدامك متأكد ليش ما ادافع عنها وتسمحلا ترجع عالقصر ابي وليش امي رافضه تحكي معها ومقاطعيتها

بسام : الشغله مو بهالسهوله ابني وانا مافيي اعمل شي

جواد : ليش ابي خاله سميه قبل ماتكون اخت مرتك فهيه بنت عمك

اطلع عالشباك وهو بيحاول يهرب من عيون جود واردف

بعدين بتعرف كلشي ابني

جود : وليش مو هلأ ابي انا ما عدت صغير انا رجال ابي شو السر يلي مخبينيه عني انت وامي

بسام : بعرف انك رجال بس مو وقته ابني اسمع الكلمه الله يرضى عنك

نزل راسه بعدم رضا والاسئلة عم بدور براسه

ياترى شو سر القطيعه بين خالتي سميه وامي

وشو علاقة ابي بالموضوع وليش لحتى مايقدر يساعدها

وليش حابسينها بالبيت يلي بالمزرعه ومابدهم حدا يعرف انها عايشه

وليش زوجها حاول يقتلها وشو قصدها وقت تحكي انا مظلومه بس الشيطان خرب حياتي

شو السر المخبى بهالقصر وخايفين حدا يعرفه

☆ ╚══════ღღ══════╝

رجع رضا وهو حامل بين ايديه كياس فيها اكل… شلح من اجرو وحط الكياس من ايدو وفات غسل وغير ملابسه بملابس نظيفه انيقه ليظهر بمظهر البيك

رضا : دلال … . دلااااال

دلال : ايه معلم جايه… خبت سكين بين تيابها وراحت لعند رضا

واول ما اجت عينها على رضا بحلقت عيونها وفتحت تمها 😲

رضا : شبك جمدتي مكانك قربي لتاكلي لقمه وتبدلي تيابك جبتلك تياب جديده

دلال : انت رضا ؟؟

رضا : ههههههههههه شو ولي ماعجبك الطقم يلي لابسه

دلال : بالعكس مبين باشا ابن بشاوات

رضا بتلعثم : اييه وهنه الباشاوات بشو احسن مني

صفنت دلال وهيه مسلطه عيونها على رضا

دلال بقلبها : فعلا بشو البشاوات احسن منه لك اول مره اعرف انه رضا بهالجمال والاناقه ههههههه مبين عمرو عشرين سنة مو خمسه واربعين

قطع شرودها سؤال رضا : لك شووو هالريحه هي

دلال : ا انو ريحه 😰

رضا : ريحة عطب او شي عم. ينشوي ومحروق ريحه كتير بشعه مانك شاممتيها

دلال : ايه امبلا شامه بس الضاهر الطقم الجديد مأثر عليك هالريحه متعودين عليها نسيان انه عايشين بحد مكب الزبالة وكل يوم بيحرقوا الزباله

رضا : لك لاتجدبيها عليي عم قلك ريحة شي عم ينشوى ومحروق

دلال وهي عم تفرد الاكل بدون اهتمام :بتكون في شي قطه او كلب ميت وعم يحرقوه

رضا : حاصله… راحو البنات

دلال بحزن : اي راحوا انا ماعم صدق اني رح انحرم منهم وماشوفهم كم يوم كتير روحي معلقه فيهم 😭

رضا : معلش مضطرين… كلا كم يوم وبلاقي قرنه جديده وبنسكن فيها وهلأ قربي لناكل لقمه وتجهزي حالك لنطلع من هون

هزت راسها وبلشت تاكل وتراقب بعيونها نظرات رضا وتصرفاته بحذر وهيه حاطه ايدها ع خصرها عم تتحسس السكين مستعده لاي هجوم

☆ ╚══════ღღ══════╝

وبالمخفر

دخل الشرطي بخطوات سريعة عالزنزانه ليشوف شو سبب هالصريخ

الشرطي : لك شبك انت ويااااااه شو في

كان زيد حاضن حسون بين ايديه وعم يبكي

زيد : لك الله لاااايوفقكم شووو عملتو فيه يلي مابتخافوا الله

قرب الشرطي ونزل ع ركبه وحط اصبعته ع رقبة حسون وانصت شوي وبعدا اردف بصوت واطي

هي نهاية الزعرنه صاحبك ماقبل يعترف وعمل فيها نااصح والنتيجه ما تحمل التعذيب ومات

زيد بصدمه : ماااااااات 😲

الشرطي : يا ابني تعوا خدولي هالجثه من هون…… ووجه كلامه لزيد

بتمنى تكون ازكى من رفيقك وتعترف لانه التهمه لابسيتك لابسيتك فنصيحتي الك وفر عحالك عزاب القلب واعترف بكل شي…. وتركه مابين صدمته وانهياره وطلع

زيد : حسون حسووون رد عليي ياصاحبي انت وعدتني ماتتركني لك حسووووووون 😭 بكرت ياصاحبي بكرت 😭

☆ ╚══════ღღ══════╝

دلال : كح كح كح

رضا وهو عم يدق عضهرها: بسم الله عليكي شو صرلك خدي اشربي مي

دلال : الحمد لله راحت

رضا : اي عمهلك وانتي عم تاكلي

دلال : خفت عليي ؟؟

اتلعثم رضا وما عرف شو يرد : اه لا عادي لشو خاف عليكي

دلال : وانا هيك بقول 😒

رضا : شو قصدك

دلال : يعني واحد بيخطط ليصفي حدا لشو لحتى يخاف عليه

رضا :………… ..

دلال : شو يارضا ماعندك جواب

رضا : انتي شو عم تخرفي ومن ايمت بتندهيلي رضا حاف

دلال : من اليوم يارضا

وسحبت سكينها ووقفت قبال رضا بنظرة تحدي وصراع البقاء للأقوى

رضا : شو هاد انتي جنيتي دلال نزلي هالسكين من ايدك

دلال : مو قبل ما اغرسها بقلبك

رضا : يلي عم تعمليه غلط دلال … . انا فعلا حكيت لحسون وزيد اني ناوي صفيكي بس حكيت هيك لاحميكي

دلال : ومطلوب مني صدق مو

رضا : مو ضروري تصدقي هلأ بس بعدين رح تفهمي كل شي

دلال : تشاهد على روحك رضا

هجمت دلال على رضا وبلشت تحاول تطعنه ورضا عم يصد هجومها بدون مايئزيها

رضا : لك ماابدي ائزيكي هاتي هالسكين من ايدك

دلال : قلتلك مابتركه الا بعد ما اغرسو بقلبك

رضا : شكلك ما رح تفهمي بالزوق

دلال : لاتكتر حكي واتشاهد عروحك عمقلك

رجعت هجمت عليه ورضا بحركه وحده مسك ايدها وفتلها ورى ضهرها واخد منها السكين وحطها عرقبتها

رضا : قلتلك مابدي ائزيكي لاتجبريني اعمل شي تندمي عليه

دلال : اقتلني وريحني اقتلني لاني رح اقتلك

رضا : اهدي وخلينا نحكي لحتى فهمك

دلال وانفاسها عم تتسارع : شو بدك تحكي بدك ادور ع كزبه جديده لك ب ادني سمعتك بتخطط لتصفيني وهلأ عم تقلي اهدي

رضا : رح اترك ايدك وبتقعدي هاديه لنحكي

هزت راسها وعيونها عم تلمع وهي عم تتحسس بلطلونها واول ما ترك ايدها سحبت موس وغزت رضا ببطنه

حط ايدو على جروحوا واطلع عالدم يلي ب ايدو وبعدا رفع راسو والتقت عيونهم ببعض

دلال : قلتلك تشاهد على روحك مارديت عليي وهلأ موت يارضا موت لحتى انا عيش ورجعت طعنته كمان طعنه

تجمعت الدموع بعيون رضا وتعلق بكتاف دلال وهو عم ينزل ع ركبه

رضا : ر ر وحي عـ عالققصرر ..

دلال : اروح عالقصر. ؟؟؟!!!

رضا : ا ا نتـ ي بـ بـ بنـــــ … ..

دلال : انا بنت مين احكي كرمال الله احكي احكيييي

ماكمل كلمته لانه ب اختصار وقع ع الارض غرقان بدمه

نزلت ع ركبها وهي عم تضربو ع وجهوا بوحشيه وتصرخ

انا بنت ميييييييين انا بنت مييييييين ليش متت قبل ماتخبرني 😭

☆ ╚══════ღღ══════╝

الشيطانة بقلم امل احمد سلوم الجزء الاول

الشيطانة بقلم امل احمد سلوم الجزء الثاني

الشيطانة بقلم امل احمد سلوم الجزء الثالث

الشيطانة بقلم امل احمد سلوم الجزء الرابع

الشيطانة بقلم امل احمد سلوم الجزء الخامس

الشيطانة بقلم امل احمد سلوم الجزء السادس والاخير

admin

اترك تعليقاً

لن يتم نشر عنوان بريدك الإلكتروني.

error: Content is protected !!