الشيطانة بقلم امل احمد سلوم الجزء الخامس

الشيطانة بقلم امل احمد سلوم الجزء الخامس

الشيطانة بقلم امل احمد سلوم الجزء الخامس

الشيطانة بقلم امل احمد سلوم
الشيطانة بقلم امل احمد سلوم


☆ ╚══════ღღ══════╝

مرق شهر من لما فاتت دلال عالقصر… كانت تضهر قدام الكل بمضهر البنت البريئه المسالمه وقدرت بكل خبث ومكر تستحوذ على حب كل العيله وثقتهم وصارت دلال وحده من العيله

☆ ╚══════ღღ══════╝

صحيت خوله بكير واستغلت وجود الكل بالطابق اللي تحت وعم يفطرو وفاتت لغرفة دلال بالخفيه وتناولت الفرشايه وسحبت منها كم شعره وخبتهم بمحرمه وطلعت بكل هدوء ونزلت لتنظم الهم ع مائدة الطعام

☆ ╚══════ღღ══════╝

خوله : صباح الخير

الكل : صباح النور

بسام : غريبه مالك بالعاده تتأخري عن الفطور

خوله ب ارتباك : كنت بقضي حاجه فوق وغمزتو

فهم بسام وكمل فطوروا وهو عم يفكر بدلال

جود : شو ابي ايمت رح نروح مشوارنا

بسام : اي مشوار

جود : شبك ابي هداك المشوار

بسام : اه… . اجلي هالموضوع هلأ جود

جود : ليش ؟؟

بسام : بدون ليش

جود : بس ي ابي… . كان ع وشك يناقش والده لحتى استوقفه صوت انثوي

ميمي : صبااااااح الخيرررر انا جيت وقربت من جود وطبعة عخدو بوسه : كيفك حبيبي

جود : اهلين حبيبتي شو هالمفاجئه الحلوه

ميمي : شو اعملك اشتقتلك وانت ماعم تسأل عني

ايمان : اهليييين ميمي كيفك حبيبتي

ميمي مشتاقيتلك ي روحي… . كيفك مرت عمي كيفك عمي

بسام: اهلين حبيبتي

خوله : قربي لتفطري معنا

حولت نظرها ب اتجاه دلال وبلشت تطلع فيها من فوق لتحت

ميمي : شو مرت عمي من ايمت بتسمحوا للخدم يقعدو معكم عالسفره

خوله : شو هالحكي بنتي هي دلال مالا خدامه هون

ميمي : ومين دلال بالله مو هي البنت يلي حويتوها من الشارع 😏

شدت دلال ع قبضتها وبلش الدم يغلي بعروقها وبسرعه قررت تستغل الموقف لصالحها

وقفت وراسها بالارض والدموع بعيونها

دلال : عن ازنكم… .😭😭

وعملت حالها عم تعرج بمشيتها وتعلي صوت بكاها

جود : شو هاد يلي عملتيه ميمي

ميمي : اي شو عملت كلا شقفة ..

جود : خلص ميمي 😡

ميمي :…… ..

وقف بسرعه ولحق دلال وهيه طالعه عالدرج

جود : دلال دلال لحظه ازا سمحتي

دلال : نعم جود بيك 😔

جود : انا اسف ع تصرف خطيبتي اكيد مابتقصد

انصدمت دلال وقت عرفت انها ميمي خطيبة جود وبطرف عينها رمقتها بنظرة تحدي وحطت ايدها على راسها ورمت حالها بحضن جود

جود بخوف : دلال شو صرلك ردي عليي دلال

ركض الكل ليشوفوا شو صار بدلال يلي كان باين عليها الانهيار والحزن

قرب منها بسام وصار يضرب عخدها براحة ايدو : دلال دلال عم تسمعيني بنتي

فتحت عيونها وهي بتطلق ونات الالم والقهر

دلال : ااااه ااااه يا امي خديني من هون لاتتركيني امي

خوله : اسم الله عليكي بنتي فيقي حبيبتي

دلال : خـ خوله خانوم

خوله : اي حبيبتي

دلال : بدي امي خديني لعند امي

انصدمت خوله واطلعت ببسام وبلعت ريقها

خوله : ليش وينا امك

ماردت دلال لانها غمضت عيونها ورخت حالها بحضن جود يلي ما استنى اي كلمه تانيه من حدا وحملها بين ايديه وطلع فيها على غرفتها وترك ميمي عم تغلي من القهر

☆ ╚══════ღღ══════╝

حطها عالتخت بهدوء وهو بيتأمل ملامح وجهها البريئه وبيمسح دمعتها يلي علقت بطرف عينها

مسكتله ايدو وفتحت عيونها ببطئ

دلال : جود

جود : كيف صرتي دلال

دلال : ساعدني لحتى لاقي امي

جود : ليش وينا امك

دلال : امك وابوك بيعرفوا… ورجعت غمضت عيونها

جود بصدمه : شو بيعرفوا دلال دلااااال

دخلت خوله وايمان ليطمنوا على دلال بينما جود اطلع ب امه نظره مريبه وطلع من الغرفة

ايمان : شبو اخي

خوله : بيكون ادايق من تصرف خطيبته يا خوفي يتخانقوا

ايمان : لا شو يتخانقوا جود بيحبا لميمي و مستحيل يزعلها بس هو اخد عخاطرو من كلامها

خوله : كلامها متل السم مابيصير تحكي مع البنت هيك

ايمان : خلص روحي انتي امي وانا ببقى حدها

خوله : طيب انا بدي روح مع ابوكي مشوار مهم مابدي وصيكي بنتي

ايمان : لوين رايحين

خوله : بعدين بقلك يلا سلام

ايمان : الله معك

طلعت خوله وقربت ايمان من دلال وقعدت ع طرف التخت سحبت موبايلها وطلبت رقم

(( ايمان : اي حبيبي كيفك… . وانا كمان شتقتلك…… .ليك امي وابي طالعين مشوار ازا فيك تجي لشوفك تعا… . اي كتير منيح ناطرتك انا… مممووووواه ))

سكرت الخط وضمت الموبايل لصدرها وهي بقمة سعادتها

دلال : اااه اااه وين انا

ايمان : فقتي دلال حمدلله عسلامتك

دلال : شو صرلي وينو جود

ايمان : اكيد ضغطك نزل لهيك دختي وجود بيكون هلأ بالجنينه مع ميمي عاوزيته بشي

دلال :لا ابدا مابدي اعملو مشاكل مع خطيبته… وانا فعلا حاسه بهبوط وكتير مخنوقه بدي اطلع شم هوا

ايمان : اه… ليكي استني شوي ارتاحي هلأ وبعدين بتطلعي عالجنينه اي لحتى ماترجعي ادوخي

دلال : ماشي

ايمان : ماتزعلي مين كلام ميمي هيه هيك عطول

دلال : ليش ازعل هيه ماحكت شي غلط

ايمان : خلص انسي وارتاحي… انا بدي روح اخود شور بدك شي

دلال : سلامتك 😈

طلعت ايمان وتركت دلال تفكر كيف تستغل الموقف وتصيد 3 عصافير بضربه وحده… ميمي وايمان وجود

وبعد تفكير لمعوا عيونها وقامت من تختها متل الافعى السامه لحتى تبدل جلدها بجلد جديد

وقفت قدام الخزانه وطالت فستان احمر لفوق الركبه وبشيالات ضيق من عند الصدر وبيتوسع تدريجا لتحت
لبست فستانها على صندل فضي واكسسوارات ناعمه وقعدت قدام المراي حطت روج احمر وكحلت عيونها وفردت شعرها الاشقر وسحبته كله ع كتفها لينكشف ضهرها
اخر شي مسكت قزازة عطر ورشت بكثره وماخلت مكان من جسمها مارشته بالعطر
اطلعت بحالها عالمراي وهي عم تفتل شمال ويمين وبعدا فتحت الباب بهدوء وتسحبت عالجنينه واختارت تقعد عند المسبح وتنطر فريستها بشغف

☆ ╚══════ღღ══════╝

ميمي وهي عم تحضن جود من ورى : اسفه يابيبي ماتزعل مني

نزل ايدها ببطئ وهو عم ينفخ : لك الف مره قلتلك ماتحكي بيبي شو شايفتيني ولد صغير

رجعت حضنته وشدت عليه

ميمي : اي خلص حياتي مارح عيدا

جود : تصرفك ماكان لائق ابدا لك شو ماكانت هي قاعده ببيتنا والها احترامها

ميمي : وانت ليش مزعوج عليها هلقد ليكون الشقره عاجبيتك

جود : لاااا انتي ماعدتي تنطاقي و نتر حاله عنها وتركها مشي

ميمي : جود جووود لاتتركني وتروح 😡

مشي جود ناح القصر وهو مزعوج ومتضايق وقبل مايفوت لفت انتباهه وحده ماده حالها عالبسيم وعم تاخد حمام شمس

جود : مين هي ؟؟ .

. وقرب منها وهو عم يتفحص جسمها المكشوف قدامه وبشرتها يلي ابيض من الثلج واصفى من المي

جود : مين انتي ياانسه وكيف دخلتي هون

لفت وجهها وهي عم تزيح خصلات شعرها الذهبيه يلي عم اداعبها نسمات الهوا الصيفيه

جود : دلااال 😲

دلال : بعتزر ما اخدت ازن لانزل عالمسبح

جود ب ارتباك : للاا لا عادي خدي راحتك كيف صرتي

دلال : حاسه حالي احسن بعد ماطلعت عالجنينه وشميت هوا نظيف الجو اليوم كتير حلو

قرب منها وقعد حدها

جود : بتسمحيلي شاركك هالقعده

دلال : اي طبعا بس كنت بدي قوم انزل عالمسبح غطس اجريي شنو ما بعرف اسبح

جود : شو رأيك علمك

وقفت وصارت تنط بفرح : عنجد ياااي كتير حلو ياريت

وقف قبالها مباشره وشال نظارتها لتلمع عيونها الزرقا بعيونو ويرجف قلبه مين مكانه

جود : قلتلك انه عيونك كتير حلوين

دلال بخجل : لأ 🙈

جود : عيونك اجمل عيون شفتا بحياتي

دلال : وانت احلا شب شفتو بحياتي

كانت ريحة عطرها عم تتغلغل جواتو ودقات قلبه عم تتسارع وهو شايف هالملاك قدامه

دلال: … يالله ننزل عالمي

جود : تكه روح اللبس ملابس السباحه وارجع

ماقدر يكمل كلمته وكانت دلال بحضنه عم تدفشه من صدرو ليوقع بالمي وتنط وراه وتتعلق برقبته

جود : ههههه لك هيك يادلال

دلال : ههههههههه خدعتك

بقيت محوطيته ب ايديها ومتشعلقه برقبته وعم تقرب منه اكتر

دلال بخبث : رح اغرق امسكني ومسكت ايديه ولفتهم ع خصرها

جود : هي مو سباحه هي صارت رقصة سلو

دلال بدلع وهمس : اي شو عليه بنرقص سلو ونحنا عم نسبح وركزت عيونها بعيونه وجود ماعاد حمله عقله من جمالها يلي سحرو
كان لون عيونها متل لون المي يلي عم يسبحوا فيها وخصلات شعرها الذهبيه المبلوله نازلة ع وجهها بطريقه مغريه وجسمها عم يلتصق بجسمه اكتر

ومن بعيد لمحت دلال ميمي واقفه عالشباك وعم تراقبهم وعيونها بتقدح شرار

دلال : اول مره حدا يعاملني منيح دايما كنت اتبهدل وانضرب بعمري ماحسيت بحنية الا بهالبيت

جود : بدي ياكي تنسي الماضي والالامه وتفتحي صفحه جديده

هزت راسها وابتسمت وقربت منه بشكل خطير

جود : شو كان قصدك وقت حكيتي انه امي وابي بيعرفوا وين امك

رسمت الحزن على وجهها ونزلت راسها : خلي هالموضوع لبعدين مابدي اخسر هاللحظة الحلوه وبلش ابكي

جود : لا ماتبكي خلص يلي بريحك

دلال : توعدني توقف معي

جود : بوعدك

دلال بفرح : انت كتير طيب جود شكرا الك واتعلقت فيه وضمته

ميمي : الله الله شو سيد جود اطلبكم اتنين ليمون

بعدت دلال عن جود وهي خجلانه

جود : شو هالحكي ميمي احترمي حالك

ميمي : لك انت مابتستحي عحالك نازل تحب وتتمعشق قدام عيوني وبدك احترم حالي

جود : شو قلتي انا مابستحي

ميمي : اشبع فيها لبنت الشوارع اساسا لابقه عليك… وهي دبلتك تفضل… ماعاد بدي اعرفك ياخاين ورح خبر اخي عمر ليحطك عند حدك

حملت حالها ومشيت وجود مكانه مصدوم من كلامها ومن الموقف اللي صار

دلال : ولي على امتي كله بسببي يبعتلي موتي

جود : بعيد الشر عنك انا بعرف كيف صالحها… يلا بالازن

دلال : بتحبا ؟؟

اطلع بعيونها وسرح فيهم لبرهه وبعدها طلع من المسبح وفات على غرفته

☆ ╚══════ღღ══════╝

ايمان : لك وينك انت

عمر : دقيقتين وبوصل عالقصر لاقيني بالمكان يلي بنتقابل فيه دايما

ايمان : لا صعب اخي جود بالبيت وماطلع

عمر : بالله شو ومدام جود بالبيت لشو تطلبي مني اجي جنيتي انتي شي

ايمان : طول بالك حبيبي انا رح شوفك بس مو مكان مابنلتقي رح شوفك ورى القصر تمام

عمر : بلاش جنون ايمان لو شافنا جود بيدبحنا

ايمان : لك ماتخاف اخي ملتهي مع ميمي بالجنينه

عمر : طيب انا سابقك لهناك لاتتأخري

ايمان : طيب حبيبي

سكرت الخط ونطت عن تختها عم تصفر وتغني وتسرح شعرها

دق دق

ايمان : تفضل

دلال : مسا الخير ايمان خانوم ممكن طلب صغير

ايمان : شو في دلال

دلال : بدي ورقه وقلم

ايمان : ايه ايه ليكون بالدرج خدي يلي بدك ياه و روحي

دلال : كأنو بدك تطلعي ؟

ايمان : اه … لا لا لوين بدي روح يعني

جابت دلال من الدرج دفتر من دفاتر ايمان وقلم وقعدت عالتخت

دلال : ايمان خانوم

ايمان بضجر : شو بدك

دلال : ممكن تكتبيلي كلمتين بصراحه انا مابعرف اقرأ واكتب

ايمان : اجليها لبعدين حبابه انا مشغوله هلأ

دلال : بشو مشغوله

ايمان : يووووه شو برامه وكتيرة غلبه أمري ل الله هاتي لشوف شو بدك اكتبلك

دلال : تمنيت اقدر خبركم بدون ماخاف تمنيت لاقي حدا يفهمني بس ياخساره كل واحد منكم مابيهموا الا حاله وانا نسيتوني ونسيتو اني بنتكم والي حق عليكم … بس لو تعرفوا اني حامل وقتها

ايمان بصدمه : انتي حااامل

دلال : ممكن تكتبي الرساله وبعدين بفهمك كل شي

ايمان : هاتي لشوف

وقت تعرفوا اني حامل رح تتزكرو أنه الكم بنت بس مو لحتى تحموها .. لحتى تدبحوها … لهيك قررت ريحكم مني ومن عاري واهرب مع الانسان يليزحبيته انا وابني يلي ماشاف الدنيا لاتزعلو مني وسامحوني بس هاد قراري

ايمان : خلص هيك

دلال : ايه

ايمان : شو قصتك ولي ومن مين حامل

دلال : خليني ابعت الرساله وبعدين بفهمك كل شي

ايمان : هلأ بدي افهم

دلال : مو قلتي انك مشغوله

ايمان : وليي عمر … طيب بشوفك وياويلك ازا بتخبي عني شي

دلال : ماشي

طلعت ايمان وتسحبت لورى القصر وعيون الشيطانه عم تراقبها

☆ ╚══════ღღ══════╝

كان عم يبدل ملابسه المبتله وعلامات الضيق مرسومه ع وجهو… اندق الباب ورد… تفضل

دلال : ممكن فوت

جود : خير دلال في شي ليش لونك مخطوف

دلال بخوف : ايمان ايمان ياجود

جود : شبها ايمان لك شو في

نزلت راسها وهي عم تعطيه الورقه : رحت لعند ايمان لاستعير منها كتاب ومالقيتها بغرفتها ولقيت هي الورقه 😔

مسك جود الورقه وبلش يقرأ فيها وايديه عم ترجف ووجهو عم يحمر ونيران الغضب انطلقت من عيونو

جود : هاد خط ايمان 😲 لك الواطيه بدها تحط روسنا بالطين والله لادبحها والله

دلال : اكيد مابعدت انا سألت الخدم عنها حكولي انها طلعت من الباب الخلفي للقصر لحتى تتمشى كرمال الله الحقها ياجود قبل مايوقع الفاس بالراس وتضيع حالها

بدون ما يحكي اي كلمه فتح الدرج تبعه وتناول مسدسه وطلع يركض ورا ايمان والغضب عامي على عيونو

☆ ╚══════ღღ══════╝

وبالمخــــــتبر

خوله : شو صار معك بسام

بسام : بالزور لحتى قدرت جيب عينه من سميه

خوله : المهم مشي الحال

بسام : ايه مشي وسلمت العينات للمختبر

خوله : وايمت النتيجه

بسام : بكرا المسا بالكتير بتكون التحاليل جاهزه

اخدت نفس براحه وحطت راسها ع صدر بسام واردفت

خوله : نشالله ياللي بفكر فيه يكون مزبوط وارتاح من عذاب الضمير 😔

بسام : ان شاء الله حبيبتي وهلأ خليني وصلك عالبيت وروح عالشركه شكلو ابنك رح يقضي النهار مع خطيبته ومارح يروح عالشركه

هزت راسها ومشيت معه ليركبوا السياره ويتوجهوا عالقصر

☆ ╚══════ღღ══════╝

وصلت ايمان لعند عمر وضمته بشوق

ايمان : شتقتلك حبيبي

عمر : اخيرا اجيتي عشوي كنت رح امشي

مطت شفايفها وهي عم تتحسس دقنه : عم قلك شتقتلك

باسها ع انفها بدلع ونزل ليبوس شفايفها

ايمان : لااا عمرر ماتعمل هيك

عمر : انا هيك بعبر عن اشتياقي

ايمان : انت لازم تستعجل وتجي تطلبني خايفه حدا من اهلي يعرف اني بلتقي فيك

عمر : بس انا حاليا مو جاهز

ايمان : كيف يعني مو جاهز مو قلتلي رح رتب حالي واجي اطلبك شو غير رأيك

ـــ ☆ لان الشب بس ياخد اللي بدو ياه من البنت مابتعود تلزمه يا ايمان ☆ـــ

انحبست انفاسها و التفتت ناح الصوت لتشوف جود واقف قبالها ومسلط مسدسه عليهم

حطت ايدها ع تمها وشهقت بخوف : جـ جوووود 🥺

عمر : جود بترجاك لاتفهم غلط انا 😰

جود : انت شو يا واطي ياحقير لك اخر شي توقعته تغدرني وتطعني بضهري … لك انت شو ماعندك شرف 😠

عمر : جود اعطيني فرصه اشرحلك 😰

ايمان : اخي كرمال الله الموضوع موو متل مانك فاهم 😢

جود : لك اخرسي ياواطيه ياوسخه عم تستغفلينا وبدك تهربي مع هالواطي بس للاسف مارح تلحقي😠

ايمان : لاااا اخي كرمال الله لااااااااااااااا😭

جود : يلي متلك مالازم يعيش…😡 ..وصوب مسدسه عليها وضغط عالزناد لتجي الطلقه براسها وتموت فورا مكانها

ارتعب عمر ورجع خطوه لورى : بترجاك ماتقتلني جود لااا لااا

جود : اختك خطيبتي وماقربت منها بيوم احتراما الك لانك صاحبي بس انت شو عملت طعنتني ووسخت شرفي ياندل

عمر : جوووود لااااا بترجااااك لااااااااااا

قوصه جود اربع طلقات بصدرو وبقلبه وببطنه وعمر عم يترنح ووقع ع ركبه لتجيه اخر طلقه براسه ويخر ع الارض بحد ايمان ميت

على صوت القواص اتجمع الحراس والخدم واجت دلال تركض

دلال : شوووو عملت ياجووووود ولي على امتي وركضت لعند ايمان حضنتها وصارت تبكي

ليش هيك ساويتي بحالك يامجنونه ليش فرطتي بشرفك ااااه يا ايمان الله ينتقم من اللي ضحك عليكي

بسام : شوووو في

التفت جود ناح امه وابوه والدموع بعيونه… رفع المسدس ب اصبعه بوجه ابوه وبعدا فلته ليوقع ع الارض

جود : غسلت عاري ب ايدي ابي

خوله : ولييييييي على امتي ولي على طولي قتلت اختك ياجووود قتلت اختك

جود : بنتك فرطت بشرفها وحامله ببطنها ولد من هالحقير شو بدك اعمل يعني اخدها بالاحضان

وقعت خوله مغمى عليها وحملوها لغرفتها وبقي جود وبسام ودلال وبعض الحرس بالمكان

بسام : تأكدت انها حامل

جود : شوف هالورقه ابي مو هاد خط ايمان… لك كانت عم تخطط تهرب معه لولا دلال شافت الرساله بالوقت المناسب

حمل بسام الورقه واحمرت عيونو من الغضب… وبعد ماخلص قرائتها عجنها بين ايديه واتقدم ناح جثة ايمان و ركلها ب اجرو وبزق عليها

بسام بصوت هز كل القصر : خدوووووووو هالزباله من وجهي واحرقوها بالحاويه…. الله يشهد اني بريئ منها ليوم الدين وبدل العزا رح اعمل فرح بمناسبة غسل عار عيلتنا

هم الحراس ليسحبوا جثة ايمان وعمر… ودلال بعدها حاضنه ايمان وعم تبكي وتتنشوق قرب منها بسام ورفعها عن الارض

بسام : من اليوم انتي بنتي يادلال ورح تكوني خانوم هالقصر من بعد خوله

رقص قلب دلال من الفرح وحاولت ماتضهر قدام جود وبسام وخبت راسها بحضن بسام وهي عم تبكي

دلال : اهئ اهئ انا كتير زعلت على ايمان 😭 مابدي كون محلها لااا لاااا

بسام : وانا مابعيد كلامي مرتين… . تعي لنفوت عالقصر وخلي الحراس يشوفوا شغلهم

حط ايدو ع كتفها ولفها لحتى يروحوا عالقصر ودلال عم تبكي وتتنشوق وتتطلع بطرف عينها نظره اخيره على ايمان

دلال بقلبها :(( قلتلك رح اخد مكانك وندمك عالساعه يلي حكيتي عني بنت شوارع… هه شوفي وين صفيتي تحت اجري وانا صرت ستك وتاج راسك 😈 ))……… .. اهئ اهئ ياقلبي يا ايمان 😭😭

🍂🍂🍂🍂

╚═════ღღ══════╝

مرت هالليله كئيبه على خوله كان قلبها مكسور وفيه غصه على بنتها يلي راحت من بين ايديها بلمح البصر

بسام : بشوف لبستي اسود قومي اشلحيه بسرعه

خوله : يلي ماتت بنتي يابسام بنتي

بسام : بنتك عابت ياخانوم شوفي بعينك الرساله يلي كتبتها بخط ايدها

خوله : هالرساله مودليل مو دليل

جود : حاج تكابري عحالك امي انا بعيوني شفتها بحضن عشيقها وسمعت كلامهم ايمان وطت روسنا وجابتلنا العار

خوله (بتبكي) : ماعم صدق كل هالشي يطلع من ايمان ااااه يابنتي

بسام : كلبه وفطست ومن اليوم مابدي سيرتها تنجاب بهالبيت
وياستي اعتبري دلال بنتك… رغم انها فقيره بس مافرطت بشرفها متل بنتك المحترمة

خوله : مو قبل ما اتأكد انها… ..

جود : انها شو امي .. انت شو مخبيين عني

خوله : م مافي شي 😔

جود : لا في امي من لماشفتي القلاده وانتي مو على بعضك

بسام :خوله… جود ماعاد صغير وصار لازم يعرف الحقيقة

نزلت خوله راسها ب اسى واشرت لجود يقعد حدها

خوله : رح قلك كلشي امي بس اوعدني هالسر ما يطلع لبرا انا وابوك حافظنا عليه كل هالسنين لحتى نحافظ على شرف العيله وسمعتها

جود : شغلتي بالي امي شو القصه

خوله : بالاول اوعدني هالسر ما يطلع من تمك لاي مخلوقا يخلق

جود : بوعدك امي وعهد الله كلامك رح يبقى بقلبي ومايطلع لبرا

خوله : مهما كان السبب

سكت جود لبرهه وبعدا مسك ايدين امه ليشجعها : مهما كان السبب امي

نزلت من عينها دمعه وهي عم تتزكر الماضي ورجعت بخيالها لسنين مضت

☆ ╚══════ღღ══════╝

ــــ فـــــلاش بــاك ـــــ

من عشرين سنة كان عمر سميه يادوب 15 سنه بنت متل فلقة القمر وكانت محبوبه من الكل عقد ماكانت مرحه واجتماعيه وبتحب الناس والحياه
وبيوم كانت الدنيا برد كتير والمطر عم ينزل بغزاره وعم يخبط عالابواب والشبابيك من شدته… . بقيت استنى رجعة سميه من المدرسه وقلبي عم يغلي
سميه كانت بالنسبه الي متل بنتي انا يلي ربيتها بعد وفاة امي وابي رغم صغر سني بوقتها بس قدرت دير بالي عليها وربيتها كل شبر بندر بس متل مابيحكوا الحذر لايمنع القدر…
. بهداك اليوم المشؤوم رجعت سميه من المدرسه وهيه مبلوله وكلا طين وملابسها مقطعه وعلى وجهها جروح وكدمات
اول ماشفتها ركضت عليها وبلشت اصرخ واضرب ع وجهي واسألها شو يلي صاير معك وليش هيك حالتك وهي كانت تسمع وماترد بحرف… بس تبكي من تم ساكت وترجف
وصل عمي الكبير وشاف حالة سميه وحملها بسرعه عالمشفى وهناك عرفنا انها تعرضت للاغتصاب والضرب العنيف وصايبيتها صدمه وانهيار عصبي
هون عمي ماحمله عقله وحلف الا يدبحها ويخلص من عارها وقفت بوجهو وقلتلو هيه اغتصبت ما عملت شي بخاطرها يعني كانت ضحية…… وفعلا قدرت اقنع عمي انه مايعملا شي وطلعناها من المدرسه وكانت تتلقى دروسها بالبيت وبعد 3 اشهر كتبو كتابها على ابن عمي على اساس فتره ويطلقها بس لحتى نستر عليها ونحافظ ع سمعة العيله
وبيوم كانت سميه عم تاخد درسها متل العاده بس الاستاز يلي متعودين يجي ما اجى وبعت مكانه واحد تاني… .. فيك تسميه شيطان بهيئة انسان ماخطرلنا انه يكون نفس الشخص يلي اغتصبها وبكل عين وقحه رجع وفات عالقصر

سميه : انت

سعيد : شتقتلك سميه

سميه : اطلع لبرا قبل مالم عليك اللي بالقصر

سعيد : مابعتقد ناقصك فضايح ياريت تلمي الدور وتهدي

سميه : حرام عليك انت شو بدك مني ماكفاك يلي عملته فيي بسببك تركت مدرستي وتجوزت واحد اكبر مني ومابحبو

سعيد : بعرف انك بتحبيني متل مابحبك سميه انا جيت لاخدك معي ونعيش سوا وعوضك عن كل شي

سميه بتضحك بقهر : ههههههه مو شايف انه كلامك اجا متأخر انا يمكن حبيتك وامنتك عحالي بس انت ماصنت الامانه

قرب منها خطوه وهيه عم ترجع لورى لحتى لزقت بالحيط وماعاد فيها تتحرك… حاوطها ب ايديه وقرب منها لحتى حست انفاسه عم تلفح وجهها وماعادت قدرت تقاومه

سعيد : بحبك سميه ومارح تكوني لحدا غيري

سميه : لك بعمري ماحبيت حدا متل ماحبيتك بس هلأ ماعاد ينفع هالحكي ابوووس ايدك بعد عني واطلاع لبرا انا هلأ متزوجه وعلى ذمة رجال تاني

سعيد : بس مابيحبك متل ما انا بحبك

سميه : يلي متلك مابيعرف شو هوي الحب اطلاع لبرا سعيد ولاعاد ترجع انا بكرهك بكرهك

سعيد : بتكرهيني

تجمعت الدموع بعيون سميه وهيه شايفه قدامها الشخص يلي حبته من قلبها ويلي كسرلا قلبها ماقدرت تسيطر عحالها وارتمت بحضنه وصارت تبكي من قلب محروق

سميه : اييييه بكررررهك سعيد بكرهك 😭

سعيد : بس انا بحبك سميه بحبك

حست سميه عحالها وركزت بعيونو وهي عم تتزكر كيف اغتصبها بكل وحشية وضربها ضرب مبرح غصت وماقدرت تحكي حرف وبعدت عنه وفتلت حالها لتروح ناح الباب وتنادي لبسام او الي

بحركه سريعه سكر تمها وثبتها وسحبها على الحمام… حاولت تصرخ وتستنجد بس ماقدرت كان مكمملا تمها ب ايدو وبالايد التانيه عم ينزع عنها تيابها وبلمح البصر تحول لوحش مفترس واغتصب سميه للمره التانيه وتركها وطلع وكأنه ماعمل شي

بقيت سميه قاعده مكانها حاطه ايديها عتمها وكاتمه صرختها ودموعوها عم تنزل ع وجهها متل الشلال

☆ ╚══════ღღ══════╝

جود : يعني خاله سميه صادقه وفعلا كانت ضحية وانتي بتعرفي هالشي… ليش يا امي حابستيها بالبيت يلي بالمزرعه ومقاطعتيها ومابدك حدا يعرف انها عايشه ؟؟؟؟

خوله : مافي شي بدون سبب امي خليني كفي كلامي

جود : طيب احكي

☆ ╚══════ღღ══════╝

وقت انكتب كتاب سميه على ابن عمي كان زاوج منظره يعني على عين الناس بس ماقرب منها ولا لمسها
وبعد زواجهم ب شهرين عرفنا انه سميه حامل
انا بالاول فرحت لاني ماكنت بعرف طبيعة العلاقه بينهم بس وقت شفت ردة فعل ابن عمي وكيف هجم عليها وطعنها بخاصرتها عرفت انه سميه غلطت وهالمره ب ارادتها
لو خبرتني كنت قدرت ساعدها بس هيه خافت تحكي لانه هالمره ماحدا رح يصدقها وماتوقعت تكون حامل
وبعد ماطعنها ابن عمي بزق عليها وتركها وطلع وبقيت سميه تتلوى من الالم ركضت عليها وحضنتها ووقتها تعلقت بتيابي وهي بتبكي

سميه : و والله ما عملت شي ال الشيط طان هوي يلي رجع اغتصبني

خوله : مين هوي الشيطان شو اسمو احكي كرمال الله

سميه : سـ سعيد اخـ اخو بسـ بسام

خوله بصدمه : شوووووووووو

☆ ╚══════ღღ══════╝

جود : شو عم تحكي امي عمي سعيد هوي يلي اغتصب خاله سميه ؟؟

خوله : اي يا ابني ومن يومها ابوك طرده من القصر وحرمه من املاكه وجردو من كلشي

جود : لهيك خبيتي خاله سميه بالبيت يلي بالمزرعه وحكيتي للكل انها ماتت

خوله : مو بس لهيك امي

جود : ليش شو صار كمان ؟؟؟

☆ ╚══════ღღ══════╝

للاسف خالتك سميه طلعت حامل وماعرفنا الا بالشهر الرابع وقت مابلش بطنها يكبر طبعا اول واحد رح ينكر هالطفل هوي ابن عمي لأنه مالمسها ولانام معها بنفس الغرفه
هربتها من القصر واخدتها عالبيت يلي بالمزرعه وبقيت اشق عليها كل فتره والتانيه لحتى ولدت وجابت بنت
بعد يومين من ولادة سميه صابتها حمى نفاس وكان لازم نسعفها ع المشفى بس لأنه سميه مسجله متوفيه ماقدرنا وجبنالها الدكتور عالبيت ليعتني فيها
ماكنت انا وابوك منعرف أنه في عيون عم بتراقبنا وبيوم رحت عالمزرعه لشق على سميه مالقيتها ولالقيت البيبي سرت اركض متل المجنونه بين البساتين وفجأة بلمح سميه واقفه عم تحكي مع حدا … قربت عليهم بشويش وبكل خطوه دقات قلبي عم بتزيد ونفسي بيديق لحتى وضحت قدامي الصوره وحسنت اسمع سميه واللي كان معها

سميه: نحنا ماهيك تفقنا سعيد

سعيد : بالله شو يعني شو بدك ياني اعمل بعد ما اخي واختك عرفوا كل شي وانطردت من القصر

سميه : بتقوم تخطط تقتلهم لا لا انا مو موافقه ابدا دور ع شي خطه تانيه تقربنا من بعض

سعيد : مافي الا هالحل وبموتهم رح نخلص من كل المشاكل وتموت الحقيقه معهم

سميه : لا ياسعيد شو ماكان هي اختي يلي ربتني وتعبت عليي ووقفت معي مستحيل فكر ب ازيتها أو اسمحلك تأزيها

سعيد : انتي مابتحبيني سميه

سميه: ماتحكي هيك انا تحملت كل شي كرمالك وكرمال حبنا بس هي اختي ياسعيد وزوج اختي بيكون اخوك افهاااام بقا

سعيد: هه اخي يلي طردني من قصره وحرمني من كل شي مستحيل سامحه

……
وانا عم قرب حالي لأسمع الحديث اكتر اتفركشت ووقعت عالارض وشافني سعيد

سعيد : هي انتي مرت اخي

خوله : لاتقول مرت اخي انت انسان بلا شرف ولا اخلاق

سعيد : له له يامرت هلأ انا هيك ….

خوله : بعد عنا وعن حياتنا سعيد

سعيد : رح بعد بس مو قبل ماطالع روحك خوله خانوم

وسحب مسدسه وصوبه عليي وانا من رعبتي غمضت عيوني وصرخت وبعد ماضغط عالزناد سمعت صوت سميه صرخت وشي تقيل وقع بين اجريي
فتحت عيوني وشفت سعيد واقف مكانه مصدوم وسميه مكومه ب الارض بعد ماتلقت الرصاصه بصدرها بدالي
قعدت على ركبي وانا ابكي وصرخ واضرب على وجهي وحضنت سميه بقوه وسرت شدها لصدري اكتر واكتر
وقتها شعلت النار بقلبي وماحسيت بحالي الا ماسكه بنت سميه وسرت اخنق فيها …. كنت عم حاول انتقم من سعيد لأنه حرمني من اختي وانا رح احرمه من بنته وبعد هيك حسيت بشي تقيل ضربني براسي وغميت ومافقت الا بالبيت يلي بالمزرعه
فتحت عيوني وشفت ابوك عم يحاول ينقذ حياة سميه وسميه عم تنزف زحفت لعندو وصرخت

خوله : سميه ماااااتت

بسام : لا ماماتت بس عم تنزف كتير ولازم ناخدها ع المشفى

خوله : صععععب يابسام سعيد هلأ بيفكرها ميته ومالازم سميه تضهر

بسام : لكن أنا بعتني بجرح سميه وانتي روحي جيبي الدكتور

من الفرحه ماسألت شو صار بالصغيره ورحت ركض عالسياره جبت دكتور وقدر يعملا العمليه

رب العالمين شاء أنها سميه تعيش بس ماحدا فينا عرف شو صار بالطفلة ياترى ماتت ولا عاشت
ومن بعد هالحادثه طلبت من ابوك يبيع المزرعه ويشتري مزرعه قريبه من القصر ومايسجلها ب اسمه لحتى ما حدا يعرف انها النا واخدنا سميه تعيش هناك
ومن هداك اليوم مو قادره حط عيني بعين سميه يمكن تكون بنتها ماتت بيومها وبهيك بكون انا يلي قتلتها ويمكن عاشت واخدها سعيد مابعرف …
بس وقت شفت القلاده يلي مع دلال وفيها صورة سميه وشفت بعيني الشبه الكبير بينهم حسيت انه هي بنت اختي سميه والكلب سعيد

♬♫♪◖(● o ●)◗♪♫♬

واقفه ورى الباب وحاطه ايديها ع تمها ومصدومه ودمعتها تحجرت مكانها وماعدت نزلت

دلال : رضا بيكون ابي… .. لللاااا مممسسستحييييلللل مسسستحييييل… انا دبحته ب ايدي هدووول مستحيل صدق هالحكي مستحييييييل

ركضت لغرفتها ورمت حالها عالتخت وانفلتت بالبكي يلي بيحمل غصه وحرقة الم 💔

☆ ╚══════ღღ══════╝

عـــــــودة 🔙

جود بصدمه : يعني دلال احتمال تكون بنت خالتي وبنت عمي ؟؟؟

خوله : ليكك قلتها احتمال وانا وابوك عملنا فحص dna لحتى نعرف ازا كانت بنت سميه او لأ

جود : وازا كانت هيه نفسها بنت خاله سميه امي ياترى فيكي تواجهيها بالحقيقه وتخبريها انك حاولتي تقتليها وهي طفله

مسكت ايديه واطلعت فيه نظرة رجاء

خوله : انت وعدتني هالسر ماتفشيه لحدا امي

جود : اطمني امي سرك ببير

خوله والدمعات اخدت مجراها ع خدها

اختك يمكن غلطت بس كان لازم تحتويها يا ابني مو تقتلها 😔 الاخ سند الاخ قوه الاخ امان… . ليش يع امي كسرتلي قلبي ليش ماخليت اختك ادافع عن حالها ليشششش 😭

نزل جود عيونو بالارض وهو عم يفكر ب ايمان غمض واخذته الذكريات لمواقف عاشوها سوا

(( ايمان : اخييييي انا نجحت 🤩

جود : الف مبروووووووووووووك اختي 😍

ايمان : ماحزرت مبروك عالناشف مارح اقبل 😏

جود : اطلبي واتمني اختي😘

ايمان : بدي تاخدني سفاري ع هاواي🙃

جود : تكرم عينك حبيبتي كم ايمو عندي انا 😛

ايمان : اخي حرارتك مرتفعه 😱

جود : لاتخافي عليي انا منيح🤒

ايمان : ازا ماخفت عليك على مين بدي خاف لك انت اخي واغلا شي بحياتي 🤗

جود : 7 .. 8… . 9. 10 فتح

ايمان : لاااا عم تغش شفتك شفتك 😡

ايمان : يا اميييي جود كسرلي لعبتي 😭

ايمان : لو لف كل الدنيا مابلاقي بحنيتك اخي الله لايحرمني منك 😍 ))

صحي من افكاره على صوت ابوه

بسام : انا قلت سيرتها ماتنجاب بالبيت ويلي عمله جود هوي الصح

خوله : بس

بسام : خلصنااا

خوله : 😔

فك زرار قميصه ليقدر ياخد نفس واطلع ب امه وابوه وبعدها طلع من القصر وركب سيارته وطلع ..

ماكان عارف لمين يشكي ولا لعند مين يروح يبكي بقي عم يسوق السياره بسرعه جنونيه ودموعه بعرض وجهو لحتى لقي حاله واقف قدام البيت يلي بالمزرعه ..طفا السياره ونزل وفتح الباب بالمفاتيح يلي معه ودخل بخطوات ثقيله وكأنه حامل هموم الدنيا عكتافه

كانت سميه قاعده ع كرسيها الخيزران عم تسمع ل ام كلثوم (رجعوني عنيك لايامي اللي راحو

واول ما شافت جود منهار والدمعات بعيونو لهف قلبها وقامت تركض عليه وغمرته بحضنها ليبكي متل طفل صغير فقد حنان والديه

حطت ايديها ع وجهو واردفت : شبك خالة شو صاير معك

جود : مافي شي خاله بدي ارتاح كرمال الله بدي ارتاح تعبااااان ياخاله تعبان

سميه : يبعتلي حمى عليك تعا حبيبي اتسطح هون لاعملك كاسة يانسون تروق دمك

جود : مابدي شي خالة بدي نام بدي ارتاح

سميه : بعد ماتشرب اليانسون حتحس براحه حبيبي تكه وراجعه

قامت من مكانها لتفوت عالمطبخ بس جود مسكلا ايدا

تلفتت عليه ورتبت ع ايدو وهي عم تبتسمله بدفا

جود : لو كان عندك بنت شو كنتي حتسميها

سميه : دلال

جود 😲

☆ ╚══════ღღ══════╝

#يتـــــــــــــبع

(◕‿◕✿)

mal alsham

اترك تعليقاً

لن يتم نشر عنوان بريدك الإلكتروني.

error: Content is protected !!