الشيطانة بقلم امل احمد سلوم الجزء الرابع

الشيطانة بقلم امل احمد سلوم الجزء الرابع

الشيطانة بقلم امل احمد سلوم الجزء الرابع

الشيطانة بقلم امل احمد سلوم
الشيطانة بقلم امل احمد سلوم


بين فكرا مشوش وقلب مدمر كانت قاعده بالزوايه ضامه اجريها لصدرها وحاطه ايدها تحت دقنها وعم تطلع بجثة رضا

دلال : كنت حاسه انك مخبي سر بيخصني وبيخص القصر بس ليش ما كملت كلامك ليش ماعملت شي منيح قبل ماتموت
مسحت دمعتها وسندت حالها عالحيط لتوقف

مارح اقدر احملو لحتى احرقوا بمكان بعيد احسن شي ولع بالخرابه باللي فيها بس بالاول رح فتش المكان وشوف شو مخبي … . وهمت لحتى تفتش بين اوراق رضا على شي يدل ع هويتها
راحت بالاول للقرنه يلي بينام فيها ونكتتها نكت دورت بكل قطعة تياب وبالمخدات والفرشه

دلال : معقول مايكون مخبي الا هدول المصاري ؟؟ ولفت نظرها لتشوف صندوق صغير مسكر بالقفل حملته بين ايديها وهي عم تقلب فيه وعيونها عم تلمع

دلال : اكيد رح لاقي شي بالصندوق بس وين مخبي المفتاح ياترى… . وبعد تفكير قصير… . اها اكيد مخبيه بجيابه
نطت من مكانها وراحت لعند رضا قلبته على ضهرو وبلشت تفتش بجيابه
دلال : اكيد هاد هوي المفتاح…
حطت الصندوق بحجرها وفتحته
شو هي الاوراق…… وبعد تفحص حطت ايدها ع تمها وشهقت
دلال : رضا اسمه سعيد محمد المهدي لك شوووو عم بيصيرررر 😲😱
وشو هي القلاده…… . مسكت القلاده وتأملتها ب اهتمام
هي يلي بيكون بقلبها صور .. رح افتحها وشوف شو مخبي كمان

فتحت التعليقه يلي بالقلاده لتشوف صورة بنت بغاية الجمال شعرها الاصفر لاخر ضهرها وبشرتها بيضه وعيونها زرق كانت متل الملاك… .
دلال : مين هالمره .. يلي بعرفه رضا مو متزوج… . قصدي سعيد 😡

خبت الاوراق والقلاده بالصندوق وسكرته وجمعت كم غرض الها وحطتهم بشنته وهمت لتقوم تحرق الخرابه

دلال : بشوفك بجهنم يا سعيد المهدي

ياااامعلم رضااااا وينك

دلال : ولي مين هاد

دخل واحد من اصحاب رضا وصار ينده لرضا ودلال جمدت مكانها وما عرفت وين تروح بحالها… بقيت متخبيه لحتى فات الشب جوا الخرابه انتهزت الفرصه وحطت شنتتها بكتفها وبلشت تركض لحتى بعدت عن الخرابه ب امان

┬──┬

وصلت لعند قصر المهدي وتخبت بين الشجر عم تراقب الفايت والطالع وناطره بلهفه تشوف سيارة بسام بيك عم تتحرك من القصر لتبلش خطتها

☆ ╚══════ღღ══════╝

جود : ابي انا رايح عالبيت لاتغدى بدك تبقى هون ولا نروح سوا

بسام : جاي معك ابني اساسا مو خرج سوق

جود : اخيرا رح تركب سيارتي بسام بيك

ضحك بسام واردف : ههههه ماحزرت مو بسام بيك يلي يركب سياره سبور رح نروح بسيارتي

مط شفايفه بعدم رضا : امرك بسام بيك

☆ ╚══════ღღ══════╝

قاعده مكانها متل التعلب يلي ناطر فريسته وعيونها عم تحوس بكل مكان ب انتظار نقطة البدايه لتنطلق
وبعد ساعه من الانتظار حست بملل وتعب فتحت الصندوق وطالت القلاده وبلشت تتأمل صاحبة الصوره

دلال : ماشفت بجمالك حدا وعيونك كلها دفا وحنيه ياترى مين انتي

قطع شرودها صوت زامور سيارة بسام بيك معلن وصوله للقصر قامت من مكانها بسرعه ومن لخمتها حطت القلادة برقبتها لتلحق السياره

بسام : بعد الغدا رح نروح عالمزرعه

جود ب اهتمام : بجد ابي

بسام : اي ابني انا قررت احكيلك الحقيقه

جود : وامي

بسام بصوت عالي : انتتتتتتبببببببببه 😲

جود : لاااااااا 😲

بينزلوا من السياره ومعالم الخوف واضحه عليهم… وبيلحقهم الحراس تبع القصر

جود : لك هي صبيه… والله مابعرف كيف طلعت بوجهي

مسكها بسام ولف وجهها عليه وحكا بصدمه : د دلال 😲

جود : مين دلال ؟؟ لتكون البنت ما غيرها ؟

بسام : ايه هيه واشر للحراس يحملوها عالقصر

جود : خلينا ناخدها عالمشفى ابي

بسام : مافي داعي هلأ بخلي دكتور القصر يكشف عليها وازا لزم الامر بطلب ممرضه تبقى معها مابدي سين وجيم بالشرطه

هز راسه وهو عم يطلع بوجه دلال الملطخ بالدم

دلال : امي امي اه

جود : ابي عم تحكي

بسام : بسرعه ياحراس خدوها لجوا

بدون ما يفكر جود شلح سترته وحطها عليها وحملها بين ايديه وركض فيها لجوى وهو عم يصرخ بالحراس بعدوووو هيييييك… . طلبوا الدكتور بسررررعه

☆ ╚══════ღღ══════╝

فتحت عيونها بتعب وبلشت تحرك حجر عينها بالمكان

دلال : وين انا

خوله : حمدلله عالسلامه بنتي كيف حاسه حالك

دلال بصدمه : خوله خانوم… . و و وين انا وهمت لتعدل حالها

خوله : خليكي مرتاحه بنتي انتي تعرضتي لحادث على باب القصر… . ليش كنتي تركضي بنتي

رسمت الحزن على وجهها وجمعت الدموع بعيونها وغمرت وجهها بين ايديها وبلشت تبكي

دلال : عمي وخواتي ماتو احترقت فيهم الخرابه وما بقي حدا عايش غيري .. كنت ماشيه ادور ع شي اكله وتعرضلي كم شب ازعر بدهم ياخدوني معهم بالغصب خفت منهم وهربت ومابعرف شو صار بعدها مو متزكره الا صوت زامور عالي وماحسيت عحالي الا هون 😭😭😭

خوله ب اسف : ولي عليي عليكي يابنتي شو حظك قليل خلص حبيبتي لاتبكي الله يرحمهم

بيندق الباب وبيفوت جود وبسام

بسام : هه انتي فقتي حمدلله عالسلامه

دلال بدموع ونشوقه : الل الله يس يسلمك بسام بيك 😭

بسام : شبك بنتي

خوله : عمها وخواتها ماتو محروقين بالخرابه

بسام : لاحول ولاقوة إلا بالله…. خلص بنتي حاج تبكي انتي مالك حدا تروحي عندو

دلال : لا ما كان الي الا عمي وخواتي… . تركوني وحيده وراحو 😭

قرب منها جود وهو حاسس بالندم عالشي يلي صار

جود : انا اسف كتير صدقيني ما شفتك ولا انتبهت عليكي وانا مستعد اتكفل بعلاجك لحتى تتعافي

سكتت دلال ل لحظه وهي عم تتأمل جود… م مين انت

خوله : هاد ابني الكبير جود وهوي يلي خبطك بسيارته

دلال بهمس : يعني مو بسام بيك يضرب حضي بس شو عليه باينته شقفه ورح استفيد منه

خوله : شو قلتي

دلال : اه ااااه عم قول رجلي كتير بتوجعني ياربي دخيلك

بسام : جود انده للدكتور بسرعه

دلال : لالالا مافي داعي خلص راح الوجع… شكرا الكم انا قايمه لروح

بسام : لوين تروحي مو قلتي مالك حدا

نزلت راسها واردفت بحزن : ايه مالي حدا بس انتو مو مجبورين فيي خلص انا بدبر حالي واصلا متعوده عالنومه ع الرصيف 😔

خوله : شو هالحكي من هون ماعاد الك طلعه رح تبقي معنا وازا عالشغل ياستي بس تتعافي بتشتغلي بالقصر شو رأيك ابو جود

بسام : موافق تبقى هون بس مارح تشتغل انا مابنسى انها انقذت حياتي

خوله : يلي بتشوفو ابو جود

بهالوقت بتفوت ايمان عالغرفه وبتطلع ع دلال بقرف

ايمان : يعني مالقيتو غير غرفتي وسريري تنيموها عليه كيف هلأ رح نام بالغرفه

حست دلال بالحرج وهي عم تطلع عحالها وتيابها المهتريه الوسخه والتخت يلي تحول لصفيحة زباله بسببها

جود : ايمان لشو هالحكي

دلال : كرمال الله بدي اطلع من هون 😭😭

بسام : مارح تطلعي لمكان انا قلتها كلمه ومن اليوم عالغرفه صارت الك دلال

ايمان : شووووو وانا وين نام بابا

بسام : خدي الغرفه يلي ب اول الممر

لوت تمها وماعجبها الحكي : لاااا مابدي بدي غرفتي 😭

دلال : لو سمحت بسام بيك هي غرفتها ومارح كون مرتاحه ازا اخدتلا ياها

خوله : شفتي شلون انها ادميه

بسام : ماربيتك عالتكبر وشوفة الحال بنتي شبك شو صايرلك

دلال : بترجاك بسام بيك خليني امشي مابدي ازعج حدا بوجودي هون

بسام : انا قلت رح تبقي يعني رح تبقي

دلال : لا بسام بيك مارح ابقى الا ازا كانت ايمان خانوم موافقه

حست ايمان بالندم ونزلت عيونها بالارض من الخجل : انا اسفه دلال خلص انا موافقه تبقي ورح جهزلك جناح خاص تحت اشرافي عربون محبه… رضيانه هلأ

دلال : مازعلت لحتى ارضى شكرا ايمان خانوم غمرتيني بكرمك

ايمان : العفو… كيف حاسه حالك هلا

دلال : الحمد لله بس اجري عم توجعني شوي

ايمان : لكان مارح تقدري تنزلي عالطابق الارضي لتتعشي معنا وبما انه جود بيك يلي دعسك فلازم يتعاقب ويجيبلك العشا لحد عندك عالتخت

احمر وجه دلال ونزلت راسها بخجل : لا يوه شو يجيبلي العشا لهون

جود : مفكرتيني رح ازعل ست ايمان… اكيد موافق

بسام : خوله اندهي للخادمات يجوا يساعدوها لتفوت تتحمم وانتي ايمان شوفيلا شي من عندك تلبسه لحتى نجيبلا غيارات جديده

ايمان : حاضر بابا

خوله : يالله رح انده للخادمات وانتو انزلو لتحت لحتى تتعشوا

جود : عن ازنك انسه دلال ونعيما سلف

دلال : شكرا جود بيك

جود : بلا من بيك خليها جود وبس

دلال : ما بيصير كرمال واجبك

جود : تسلمي شو مزوئه يالله بالازن

طلع الكل وبقيت دلال لوحدها لتشلح قناع البرائه ويبين وجهها الحقيقي

دلال بمكر : والله وكل شي خططتله صار ومن احسنه لا وطلع عندهم شب متل القمر… . اكيد حتكون زوجي ياجود هاهاها 😈

╭∩╮()╭∩╮╭∩╮()╭∩╮

اجتمع الكل ع السفره لحتى يتناولو طعام العشاء… كانت اشهى الاطباق عم تنزل بشكل مرتب وانيق وكل واحد بمكانه الخاص عم يشرب الشوربه تبعه وبعدا يبلشوا بالطعام الدسم

خوله : باينه كتير ادميه هالبنت

بسام : فعلا مو مبين عليها ربيانه بخرابه

خوله : حابه اكسب فيها اجر وعلمها لتكون سيدة مجتمع ارستقراطية

ايمان بتضحك : سيدة مجتمع فرد مره الهيئه رح تتعبي ها

خوله : بالعكس دلال باين عليها من النوعيه الفتحه يلي بتستوعب بسرعه

ايمان : اي لنشوف شو رح يطلع معك ماما

جود : مابدي ترجعي تعايريها بفقرها او مكان ما اجت اختي لو سمحتي انا ماشفت بنت مكسوره متلها

ايمان : من هالناحية اطمن اخي خلص رح عاملها منيح

جود : تمام

ايمان : اموت واشوفها بعد الحمام 😂

جود : على فكره حتى وهي وسخه وتيابها مهتريه بس ملامحها حلوه ولا شو امي

خوله بتلعثم : ايه والله .. حسيتها بتشبه خالتك سميه 😔

اطلع جود وبسام ببعض وفضلوا يسكتوا ومايفتحوا سيرة الماضي

بهالوقت بيستئزن واحد من الحراس ليشوف بسام بيك

بسام : شو في يا ابني تعا لشوف

الحارس : ماتواخزني يابيك بس لقيت هالقلاده مكان الحادث واعتقد انها وقعت من الصبيه يلي اندعست

بسام : هات هالقلاده من ايدك وانصرف انت

الحارس : امرك يابيك

اعطى الحارس القلاده لبسام ومشي وبقي بسام يتأملها وبين عليه الصدمه

بسام بقلبه : هي القلادة لسميه شو عم تعمل مع دلال وكيف وصلت ل ايدها

ايمان : يااااي شو حلوه كيف وحده مو لاقيه تاكول معها هيك قلاده مبين عليها غاليه

سحبت خوله القلاده وايديها عم يرجفوا حطت ايدها ع تمها وفتحت عيونها على وسعهم وهي تطلع فيها

بسام : عم تفكري باللي بفكر فيه

خوله : لك نفس القلاده

بسام : افتحيها لتتأكدي

رجفوا ايدين خوله وهي عم تفتح القلاده وبعدا شهقت بصوت عالي بسااااام لك هييييييه والله هيه وغط عقلبها من الصدمه

ايمان : اميييي

جود وهو عم يضرب ع وجه امه لتفيق : امي امي فيقي كرمال الله هاتو عطر بسرعه واندهوا للدكتور

بلشت خوله تستعيد وعيها والدموع بعيونها

بسام : انتي منيحه

مسكت ايدو وشدت عليها

خوله : هيه يابسام هيه

بسام : خلينا نتأكد بالاول ونعرف من وين جايبيتها ارجوكي اتمالكي اعصابك

قرب جود لعند ايمان وهمس : فاهمه شي اختي

رفعت كتافها وهزت راسها : ماعم افهم شي 🤷‍♀️

☆ ╚══════ღღ══════╝
وبعد ساعه………

نزلت الخادمه عالصاله واستئزنت لتحكي

الخادمه : خوله خانوم

خوله : شو صار معكم

الخادمه : كلشي تمام ومتل ماامرتي ياخانوم

خوله : منيح يعطيكي العافيه فيكي تروحي لشغلك

الخادمه : با امرك ياخانوم

وقفت خوله على عجل وطلعت عالغرفه يلي فيها دلال ولحقها بسام

ايمان : مافيي اصبر بدي شوفها بعد الحمام 😂

جود : هههههههه اي وانا كمان يالله نلحقهم

ايمان : يالله

وقفت خوله على باب الغرفه وهي حاطه ايدها ع صدرها

بسام : خوله مابدي تهور اتركيني اتصرف

خوله : قلبي بيقلي انه هيه يابسام

بسام : ما فينا نجزم لحتى نتأكد ويمكن البنت نفسها مابتعرف شي لهيك كوني هاديه

خوله : الله يقدرني

ايمان : ليش واقفين هون

جود : في مشكلة ابي

بسام : لا ابدا… . خوله دقي الباب وخدي طريق

دقت خوله عالباب واجاها صوت دلال : تفضلي

دخلت خوله ووراها ايمان وبسام وجود والكل وقف مكانه وبحلق

كانت لابسه بيجامه حرير بلون الزهري البارد وفارده شعرها الاشقر الطويل براحته على ضهرها والكحله بعيونها زادت جمالهم جمال وبينت رموشها الشهل اكتر

ايمان : مين هي 😳

جود بقلبه : سبحان اللہ اللي خلق هالوش ماتوقعتك هيك حلوه

بسام : ماشالله يابنتي بين وجهك وفتحتي وين كنتي مخبيه هالجمال

دلال بخجل : شكرا بسام بيك 

خوله : الله يحميكي بنتي متل القمر…
.وبقلبها ( كأن سميه قدامي ماعم صدق الشبه شو كبير )

قرب بسام منها وحط القلاده قدامها

بسام بلا مبالاه مصطنعه : هالقلاده الك شي لقيوها الحراس مكان الحادث

دلال : اه… ايه ايه الي

بسام : حلوه كتير من وين جبتيها

حست دلال انه بسام شاكك بشي وبدو يتأكد منه وبلمح البصر ربطت الامور ببعضها… صورة المره يلي بالقلاده واسم رضا يلي طلع سعيد المهدي وخوف رضا انها تروح عالقصر

بسام : شبك بنتي عم احكي معك

دلال بحزن : هالقلاده تذكار من امي 😔

خوله وهي بتحاول تكتم صدمتها : امممك 😲

بسام : ووينها امك

دلال : ما بعرف يمكن ماتت انا مابعرفها الا من الصوره

بسام : وشو اسم ابوكي

اتوترت دلال وبلعت ريقها مابتعرف ازا كان رضا او سعيد هو زوج سميه او لا

دلال : ابي اسمه ربيع

بسام : ربيع؟؟

دلال : ايه ربيع عبدالله سالم

اطلع بسام بخوله ب استغراب : ايه طيب بنتي رح نتركك لترتاحي… يالله تصبحي على خير

دلال : رح نام هون

ايمان : هههههههه مع هالنظافه ماعندي مانع تنامي بغرفتي ومنه منتسلى بالليل

دلال بفرح خبيث : اي منتسلى 😄

☆ ╚══════ღღ══════╝

الشيطانة بقلم امل احمد سلوم الجزء الاول

الشيطانة بقلم امل احمد سلوم الجزء الثاني

الشيطانة بقلم امل احمد سلوم الجزء الثالث

الشيطانة بقلم امل احمد سلوم الجزء الرابع

الشيطانة بقلم امل احمد سلوم الجزء الخامس

الشيطانة بقلم امل احمد سلوم الجزء السادس والاخير

admin

اترك تعليقاً

لن يتم نشر عنوان بريدك الإلكتروني.

error: Content is protected !!