الشيطانة بقلم امل احمد سلوم الجزء السادس والاخير

الشيطانة بقلم امل احمد سلوم الجزء السادس والاخير

الشيطانة بقلم امل احمد سلوم الجزء السادس والاخير

الشيطانة بقلم امل احمد سلوم
الشيطانة بقلم امل احمد سلوم

الحياه احيانا مابتعطينا كل يلي بدنا ايه واحيانا بتعطينا كلشي بس بوقتها بتكون الضريبه غاليه

صحيت من نومها وعيونها مورمين من البكي قامت من فرشتها بتثاقل ومشيت بخطوات تقيله ناح الشباك اخدت نفس طويل لتحس بشوية راحه وتقدر تزيح الذيق يلي بصدرها… ..

دلال : معقول رضا يكون ابي… ؟؟ ليش لا تعامله معي كان غير عن الكل ماكان يضربني ولا يقبل روح مع الاء واسراء عالمراقص ووقت اغلط كان يتغاضى عن اخطائي ويطلعلي الف حجه

سندت راسها عالشباك وهي عم تتزكر يوم اللي قتلت رضا

رضا : ر ر وحـ حي عـالقصر

رضا : انــ انتي بـ بـ نت……

فتحت عيونها على وسعهم وشدت على قبضتها

دلال : ايه رضا قبل ما يموت طلب مني اجي عالقصر وكان رح يحكي اني بنته بس ما لحق ما لحق ما لحق 😭

غصت بدمعها وهي عم بتحاول تجاهد نفسها لتبقى بمضهر البنت القويه يلي مابيهزها شي… مسحت دمعتها بكم بلوزتها واردفت

دلال : وقت دخلت على هالقصر كان هدفي كون خانوم البيت وكلمتي مطاعه واخد كلشي منهم وبما انه رضا طلع ابي وسميه امي فوجودي هون طبيعي وهالاملاك نصها الي حق مشروع . بس انا مارح اكتفي بنص الاملاك انا رح اخد منهم كلشي وعيشهم الزل والتشريد يلي عشته انا وامي وابي وهنه هون متنعمين بالعز وعايشين بدفا مع بعضهم البعض…

لمعوا عيونها وهي عم تشوف بسام نزل من السياره ودخل عالقصر وجود وصل بعدو

دلال : اكيد بسام جاب نتيجة التحليل انا لازم اتحرك بسرعه واقدر فرقهم عن بعض وازرع الكره بقلوبهم
مابدي ائزيك ياجود انت الوحيد يلي حبيته بهالقصر بس سامحني مضطره 😔

فاتت عالحمام غسلت وجهها ولبست قميص اسود وبلطلون جينز ازرق وربطت شعرها جدوله رمتها ع كتفها براحه ورسمت الحزن والانكسار على ملامحها واتوجهت عالصاله بخطوات ثابتة بكل خطوه عم تشعل نار الحقد بقلبها اكتر وتزيدها اصرار وتصميم تنتقم من بسام وعيلته

🔥🔥☆ ╚══════ღღ══════╝ 🔥🔥

نزلت عالصاله وهي عم تحول حجر عينها بين بسام وخوله وقفت بعيد عنهم لتعرف شو عم يحكوا وشو مصيرها ياترى هيه البنت المطلوبه ولا مجرد #لقيطه من الشارع

كانت خوله شارده بخيالها لبعيد وهي حاطه ايدها ع خدها والحزن على وجهها و دمعتها بطرف عينها
اما بسام كان قاعد قبالها بكل هدوء وتقرير المختبر بين ايديه وعم يطلع بخوله وبقلبه غصه عفراق بنته بس وضعه مابيسمحله يضهر هالشي

بقي السكوت مخيم عالمكان ودلال واقفه مكانها عم تراقب وبلشت تفقد صبرها لتعرف نتيجة التحليل

بيكسر الصمت دخول جود ووجه متعب وحيله مهدود اول مابتلمحه دلال بتتخبى ورى العامود…وبس تشوفوا دخل عالصاله بتتسحب وبتطلع لبرا بلمح البصر .. اما جود بيرمي حاله عالكنبه بثقل وبيحول عيونه للورقه يلي ب ايد ابوه

جود : جبت نتيجة التحليل ابي

هز بسام راسه بمعنى ايه

جود : ايه وشو طلع نتيجة التحليل ؟؟

عدل حاله وهو عم يمرر اصابعه بين خصلات شعرو وباين عليه الازعاج

جود : شو ابي هيه ولا مو هيه

هز بسام راسه وعيونه بالفراغ شارده : هيه ابني هيه

حول جود نظرو لامه يلي ماكان حالها احسن من حال بسام واردف

جود : كيف رح تقدري تعيشي مع هالزنب امي وكيف رح تخبري دلال انها مو لقيطه جايه من الازقه وانها وحده من عيلة المهدي

خوله بتبكي : مااابعرف مابعرف وغمرت وجهها بين ايديها وصارت تبكي

وقف جود وراح ب اتجاه امه وقعد حدها وحوطها بذراعه وضمها لصدور لتبكي براحتها واطالع كل الكبت والحزن يلي جواتها على موت بنتها وعلى دلال يلي حاولت تقتلها وهي بالمهد

جود : ابكي امي ابكي براحتك ما تخلي شي جواتك واتركي العنان لدموعك تغسل اهات قلبك 😔💔

☆ ╚══════ღღ══════╝

واقفه ورى العامود وضامه ايديها لصدرها ومغمضه عيونها وكاتمه صوتها… .. في شي خلاها تحس بفرح يمكن لانها اخيرا عرفت مين هنه اهلها ويمكن لانها عم تقرب من تحقيق هدفها
خبت القطاعه يلي استخدمتها بتخريب سيارة جود ورتبت حالها و اخدت نفس وقررت تبلش خطتها بتفريق عيلة المهدي… فتلت حالها وتوجهت عالصاله

دلال : صباح الخير 😔

الكل : صباح النور

دلال : كيفك هلأ خوله خانوم

خوله بحزن : كيف بدي كون يعني 💔

دلال : حاسه فيكي مافي ابشع من انه ام تخسر بنتها 😔

خوله بلبكه : ا ايه ممعك حق 😥

دلال : انا بدي روح مشوار وحولت نظرها لبسام بيك… ممكن توصلني بطريقك بسام بيك

بسام : لوين بدك تروحي

دلال : عالخرابه

جود : شوو ؟؟؟؟

خوله : ليش يابنتي حدا زعجك ؟؟

بسام : صاير شي ؟؟

دلال : شبكم بدي روح لبيتي يلي ربيت فيه وين الغريب بالموضوع

جود : بس انتي هون بيتك دلال

دلال بخبث : ب امارة شو جود ولا لحتى يلي صار بالماضي ينعاد هلأ

بسام : ششو قصدك

دلال : ماقصدي شي بسام بيك خدني عالخرابه بترجاك يمكن هناك شم ريحة اهلي وحس بدفاهم

بسام : تشمي ريحة. اهلك بين الحاويات وصفايح الزباله

دلال : الحاويات وصفايح الزباله احن من بعض عالم بسام بيك… . انا قررت ارجع عالخرابه وشكرا الكم على كل شي

فتلت حالها لتطلع لكن استوقفها صوت خوله

خوله : انتي بنت اختي دلال انتي بنت اختي 😭 وامك عايشه

تلفتت دلال ناحها والدموع بعيونها واردفت بصوت مبحوح : بعـــــرف

خوله بصدمه : بتعرفي !!! 😲 واطلعت بجود بغضب 😡

دلال وعيونها تسلطت على جود وكأنها بتحكي جود يلي خبرني :

بتتزكر وقت طلبت منك تساعدني اعرف مين امي وابي وقلتلك ابوك وامك بيعرفوا مين هنه

جود : ايه بتزكر

دلال : بتشكرك جود

جود : على شو بتتشكريني

دلال : على كل شي عملته كرمالي

جود : ماعم افهم عليكي

خوله والشك بقلبها : كيف عرفتي انه امك سميه

دلال : مين سميه

خوله : يوه مو من شوي حكيتي انك بتعرفي

قربت دلال من خوله بخطوات بطيئة وضيقت عيونها : بعرف شو خوله خانوم انك حاولتي تقتليني وانا باللفه ولا امي يلي حابستيها بالمزرعه وحرمتيني حنانها ولا ورتة ابي يلي حطيتوها ببطونكم وانا قضيت ايام و ليالي بطني خاويه مو لاقيه لقمه تسندني ولا غطا يدفيني… .. ما عم افهم بالضبط افهم شو يا……. خاله خوله 💔

بلعت خوله ريقها ونزلت راسها بالارض وما عرفت ترد على دلال

جود : من ايمت بتعرفي دلال

دلال : من امبيرحه

كان جود بدو يحكي بس كانت صفعة خوله اسرع منه
وقف قدامها وهو حاطط ايدو ع خدو ومصدوم

جود : عم تضربيني امي

خوله : لك كنت مفكرتك رجال وبتتأمن عالسر طلعت ولد

جود : انا ؟؟

بسام : طلاع لبرا جود

جود : بس يابي ؟؟

بسام : طلاااااع لبرا عم قلك

كل غضب الكون اتجمع بعقدة حواجب جود زفر بغضب : ازا انا مابتأمن ع السر ف انتو مابتتأمنو ع شي وبدكم الحقيقه تبقى مخبيه مو كرمال عيلتنا وشرف عيلتنا انتو بدكم تستولو على ورتة هالمسكينه وتاكلو حقها انا مابعرف عن شو بتحكوا وليش عصبتوا بس يلي بعرفه انه دلال معها حق الخرابه والحاويات احن عليها من هالقصر واللي فيه عرفتي امي ليش مابدك السر ينكشف عرفت يااابي ليــــ… .

قبل مايكمل كلامه كان بسام ضاربه كف متل فراق الوالدين

جود : انت كمان عم تضربني

بسام : طلاااااع لبرااااا يا حيوان من اليوم ماعاد الك فوته على هالبيت

جود : اساسا انا ماعاد يشرفني عيش بهالمكان يلي كل واحد مابيهمه الا حاله بس قبل ما اطلع خد مني هالهديه…… وطلع ورقة تنازل عن كل املاكه لدلال وحطها بوجه بسام

جود : ماعاد بدي مصاريك ولا عزك وجاهك انا رح اشتغل وابني حالي بحالي واتنازلت بكل شي لدلال لانها احق وحده بالورته

بسام :………… .

رمى صورة العقد ع الارض وسحب مفاتيح سيارته وطلع من القصر وقلب دلال ماعاد هدا

دلال : جوووووود استنى استنى لا تركب سيارتك جووووود

مارد عليها وركب سيارته وطلع متل المجنون

بقيت تركض وراه وتنادي وتصرخ لحتى يوقف بس نيران الغضب يلي كانت شاعله بقلب جود ماخلته يسمعها وخلال ثواني كانت السيارة مختفيه عن انظار دلال

نزلت ع ركبها وهي بعدها بتصرخ وبتنده لجود

دلال : ياجوووووود كرمال الله فرامل السياره معطلين لك ارررجع اررررجع جوووووووود 😭😭

💔 💔 💔 💔 💔

جاء ندمك متأخرا كان عليكي أن تتعلمي كيف تشرقين مع الشمس تاركه الليل الذي بداخلك للأمس

💔💔💔💔💔

بسام بقلق : فرامل شو يلي خربانه دلال

رفعت راسها لتبين حمرة عيونها اللي تغلل جواتهم الحقد والكره اكتر ودمعاتها عم تصب ع خدها وتجرح قلبها وتكتم النفس داخلها

دلال : ازا صار لجود شي انتو المسؤولين عم تفهممم

بسام : شو رح يصيرلوا فهميني انتي شو عارفه ومخبيه عليي

وقفت وتوجهت عليه وحجر عينها عم يلمع ع حنجرة بسام

دلال : تعال معي ع غرفتي لفهمك كل شي

دخلت دلال وبسام لغرفتها تاركين خوله وسط دموعها وانهيارها بتبكي ابنها يلي خان ثقتها وفراقه وبتبكي حسرتها وكسرة قلبها على بنتها

☆ ╚══════ღღ══════╝

قعدت ع طرف التخت واشرت لبسام يقعد حدها

بسام : اي شو في دلال عم اسمعك

دلال : بدي حقي

بسام : حق شو

دلال : ورتة ابي وامي كلا

بسام بتلعثم : انا مو مفكر اكل عليكي شي بس حصر الارث بيحتاج وقت واوراق

دلال : 17 سنه وبعدك ماجهزت وراقك

بسام :… ..ماعندي اي اوراق لاخي سعيد لحتى باشر ب اي شي

دلال بخبث : بس انا عندي وجهزت كلشي

بسام بصدمه : شو عندك 😳

فتحت الدرج وطالت الصندوق ونكتته عالتخت

بسام : شو هدول الاوراق

دلال : هدول اوراق ابي شهادة ميلاده وهويته وكل شي بيملكه وانت سرقته منه

بسام والصدمه استحكمت منه : ي يعني انتي كنتي بتعرفي من اول انك بنت اخي سعيد

ضحكت دلال ضحكه بارده ممزوجه بالاحتقار : حظك الحلو اني ماكنت اعرف من الاول رغم انها هالاوراق كانت معي من زمان بس بصراحه ما توقعت رضا الدرويش يكون اخ بسام بيك

بسام : مين رضا ؟؟

دلال مع ضحكه عاليه : هههههههههه رضا هوي سعيد… . رضا اللي رباني طول هالسنين على اني #لقيطه رضا يلي حرمني من حضن امي وحرمني قله يابي وانا معه بنفس البيت .. عرفت مين رضا

بسام بتلعثم : و وينو رضا ؟؟؟ هوي يلي بعتك لهون ؟؟

دلال : لا مو هوي لانه مسكين ما لحق يقلي الحقيقه حظك القليل يلي رماني بطريقك وهلأ بلا كترت حكي وابصم على هالاوراق

بسام : هه وراق شو بالله

وقفت دلال وهي عم تمشي بتمايل ونفاذ صبر فتلت بالغرفه ورجعت لعند بسام وحنت حالها عليه وركزت بعيونه

دلال : تنازل منك ل الي بكل شي

بسام : ههههههه انتي جنيتي شي .. يمكن الك حق بالقصر والاملاك بس لا تنسي في ورثه غيرك

حطت اصبعها بتمها وهي بتفكر : مين الورثه 🤔 قصدك بنتك العايبه ولا جود يلي بيكون هلأ التقى ب اخته بجهنم

بسام : شو عم تحكييي شو صار لجود انتي شو عملتي انطقي قبل ما اطلع بروحك

لمعت عيون دلال وهي عم تحكي بخبث : اطلع من الشباك لتعرف

بدون تفكير وقف بسام وراح لعند الشباك عم يطلع حواليه ليفهم قصد دلال

بسام : مافي شي

دلال : اطلع منيح… ..

وبلشت تقرب منه ببطئ وهي حامله سكينها وبس صارت وراه مباشره حطت ايدها ع تمه وحزت رقبته بالسكين بغل ليوقع عالارض وهو عم يطالع بالروح ويشخر

بسام : خخخخخ شـيـ شط نه خخخخخ

قعدت دلال عطرف التخت وحطت اجر على اجر وهي بتراقب بسام عم يموت ومتلذذه بمنظرو… وبعد ثواني قليله كان بسام مفارق الحياه وعيونه مفتحين ومسلطين عليها واصبعه الشاهد بعدو مسلط بوجهها… وكأنه عم يقلها #شـــــيطانه

بكل برود وقفت ومسكت ابهامه وبصمته ع اوراق التنازل وسحبته ع عالحمام حطته بالبانيو

دلال : خليك مقبور هون لحتى ارجعلك .ويسلمو على هالورته الكبيره غمرتني بكرمك بسام بيك 😈

وطلعت لتكمل مهمتها الاخيره

☆ ╚══════ღღ══════╝

نازله عالدرج بكل حذر وهي عم تتنقل بعيونها وبدور ع خوله وبس شافتها قاعده بالصاله وقفت بنص الدرج وندهت عليها بصوت عالي

دلال : خولــــه

تلفتت خوله ب استغراب ع دلال

خوله : عم تقليلي الي خوله هيك حاف ؟؟

دلال : ههههههه بعتزر منك هلأ بجيب خبزه وشوية جبنه وبغمسلك اسمك لحتى مايكون حاف

خوله : انتي جنيتي دلال كيف بتحكي معي هيك

ضربت ب ايدها ع الدرابزين بقوه وصرخت بصوت عالي

دلال : دلاااااال خانووووووم ياخوله اياكي تنسي مره تانية

خوله : خانوم ؟؟ انتي نسيتي حالك ولا شو

دلال وهي عم تنزل الدرج بخطوات بطيئة وراسمه ع وجهها ابتسامه خبيثه : هئ ما نسيت حالي بس الضاهر انتي ماعاد عرفتي قدر نفسك

خوله : …..

دلال : مستغربه مو… ممممم طيب رح ريحك لاني مو فاضيتلك كتير وعندي الف شغله لساويها

خوله : مابدي افهم منك… يا مندا يا سعاد يا رقيه

دلال : هههههههههههه على مين عم تندهي كل الخدم وزعتهم مافيي غيرنا هون

بلعت ريقها وبلش الخوف يتسلل لقلبها ودقات قلبها عم تزيد وتخفق بشده وجاهدها التعب وصارت تتعرق بغزاره

خوله بخوف : و وينو بسام

دلال : ليكو فوق ناطرك بشوق

خوله : انا طالعه شوفوا

مسكتها دلال من زندها وزتتها عالكنبايه

دلال : لوين رايحه انقبري محلك ومسكت السكين ب ايدها وحطتها عرقبة خوله

خوله : شـ شو في ليش هيك عم تعملي

دلال : بدي اعرف كلشي ووينا امي هلأ

خوله : ا امك امك بالبيت يلي بالمزرعه هلأ ياخدك ازا بتحبي

دلال : اي بحب بس بحب روح لوحدي… انقبري اكتبيلي العنوان

مسكت خوله الورقه والقلم ب ايدين مرتجفه وكتبت العنوان

دلال وهي عم تثني الورقه وتحطها بجيبة بلطلونها : عال عال انتي هيك حبيبتي انا بحب الشخص يلي بيفهم مصلحته وبينجز

خوله : وهلأ شو بدك مني بدي روح شوف بسام

دلال : مستعجله كتير لتروحي عندو… . لك افهمي ياختيارة النحس حترووووحي وتشبعي منه اساسا مابيهون عليي فرقكم عن بعض بس بالاول يابطه ابصميلي هون

خوله : شو هاد

دلال : وبعدين وبعدين لاتغلبيني ياخوخه خليكي حبابه… . افففففف ياربي شو قلبي مشرتح وحنونه خلص رح قلك… وقربت من منها وهمست ب ادنها : هي ورقة تنازل منك الي يالله خليكي متعاونه وابصمي متل ماعمل بسام ههههههه يعني حيسير كل شي الي تخيلي

خوله : شووووو

دلال : شبك ياحلوه ماعجبك

خوله : انا رح بلغ الشرطه

دلال : ههههههههههههه بلغي شو ناطره

خوله والخوف تملكها : خـ خلينا نقعد ونتفاهم بهدوء شو رأيك يابنتي

دلال : كان على عيني ياخوخه بس صدقيني مو فاضيه عندي الف شغله خلصها بعد ما ادبحك

خوله وهي عم تتحسس رقبتها : تـدبحيني ؟؟

دلال : يوه مو قلتي بدك تروحي تشوفي بسام ؟؟

خوله : انتي دبحتي بسام ؟؟؟

دلال : هههههههه وكنت السبب بموت ايمان وهلأ بيكون جود سبقك لعندهم مع اني ماكنت بدي جود يموت ونتزوج ونعمل عيله بس شو ساويلو مارد عليي وقت ندهت عليه

خوله : لاااا لااااااا عم تكزبي احكي انك عم تكزبي

باللحظة بيرن تليفون القصر وبتأشر دلال لخوله ترد

دلال : ردي عالتلفون بس اياكي تتزاكي وتطلبي النجده من حدا اساسا مارح تلحقي… .. ردي اشوف

هزت راسها وتناولت التليفون وهي عم ترجف

خوله : ا الو… . ايه قصر المهدي… . شوووووو ابني جود عمل حادث… .؟؟

رمت التليفون من ايدها وبلشت تصرخ

خوله : لااااااااا ياربي لاااااا جووووووود لاتتركني يا امي

حست بدلال بغصه وقت سمعت خبر موت جود بس ع السريع اداركتها هيه مو جاي لهلمكان تحب وتعشق هيه جايه لهدف واحد مافي غيرو وهوي الاستيلاء ع قصر المهدي والثروهخوله (بتبكي) : قتلتي ولادي وجوزي ياحقيره قتلتي ولادي وجوزي انتي مستحيل تكوني انسانه انتي شيطانه شيطانه

دلال : وانتي وجوزك ابالسه يمكن جود وايمان مادخلهم بهاللعبه بس كان لازم اتخلص منهم كان لازم يموتو لحتى انا عيش وهلأ صار دورك تلحقيهم ياخوله

انتفضت خوله ومسكت مزهريه ورمتها ع دلال بعدددي عيني ياشيطانه بعدي عنيييي و قامت تركض ناح الباب لتهرب

دلال : وين مفكره حالك رايحه بتفكري انك رح تقدري تهربي من الشيطانه

وغرزت سكينها بضهر خوله بكل قوتها وعيونها عم تقدح شرر

جثت خوله ع ركبها وهي عم تترنح والدم عم يدفق من تمها واخيرا وقعت تحت اجرين دلال مسلمه الروح لباريها

دلال وهي عم تدعس ب اجرها ع خوله : اخيرا صفيلي الجو مو باقي الا روح شوف امي واخدها ونهرب من كل البلد
تناولت مفاتيح سيارة خوله وطلعت من القصر وتوجهت ع المزرعه وقلبها عم يدق بسرعه اخيرا رح شوف امي 💔

☆ ╚══════ღღ══════╝

وصلت دلال عالمزرعه وترجلت من السياره وهي عم تتفحص المكان…

دلال : خطوات معدوده عم تبعدني عنك يا امي اخيرا رح نجتمع وعوضك عن كل الالم يلي عشتيه

مشت ب اتجاه البيت وبكل خطوه يزيد النبض بقلبها اكتر وترتفع حرارتها اكتر واكتر
وقفت عالباب واخدت نفس ورفعت ايدها برجفه ودقت اول دقه والتانيه والتالته

دلال : شكلو مافي حدا هون معقول خوله عطتني العنوان الغلط لك الله يلعنك ياختيارة النحس… . وبعد ماتسلل اليأس لقلبها نزلت راسها ب اسى وفعلا حالها لترجع وهي حامله بقلبها خيبة امل… .

مين عم يدق الباب… . مين في هون

وصل هالصوت لمسامع دلال ليرجع الامل من جديد

دلال : هي انا افتحي الباب

سميه : ومين انتي انا مافيي افتح الباب لحدا غريب

رمت حالها عالباب وهيه بدق بقهر والم عم يعتصرو قلبها 💔

دلال : لك انااااا مو غريبه انا بنتك افتحي البااااب كرمال الله 😭

بينشق الباب وبتنحبس انفاس دلال وبيفتحوا عيونها على وسعهم وهي شايفه قدامها نفس المره يلي كانت بالصوره اللي بالتعليقه تبع القلاده

سميه ب استغراب : مين انتي

بتقرب منها دلال والدموع مجتمعه بعيونها : ا انتي سميه سميه : ايه انا… .مين انتي وشو بدك ؟؟

رمت حالها بحضنها وتركت العنان لدموعها ينزلو براحتهم كانت عم تبكي وتتنشوق وهي بتشم ريحة سميه وبتشد عليها اكتر واكتر لحتى حست انها رح تفوت جوات صدر سميه وسميه تفوت بصدرها وتتغلغل الروحين سوا ويسيرو جسد واحد

دلال : اااااه يا امي شو تعبت لحتى شفتك ماعم صدق اني بحضنك… دخيلك يا امي لاتتركيني خليكي معي خليكي معي محتاجة لحنانك يامو 😭

سميه وهي عم تتحسس شعر دلال : اهدي حبيبتي وفوتي لجوا

اطلعت دلال بعيون سميه وسافرت بسما زرقتهم والحنيه يلي بتفيض منهم

دلال : امي انا بنتك دلال انا رجعتلك يامو رجعتلك

سميه : بنتي دلال ؟؟

دلال : اي يامو اي رضا خطفني منك من 17 سنه

سميه : رضا ؟؟

دلال : قصدي سعيد… انا رح خبرك كلشي يامو

هزت سميه راسها واشرت لدلال تفوت لجوا وسكرت الباب بعد ما تأكدت انه مافي حدا عم يراقبها

دلال : لا تخافي يامو مافي حدا عم يراقبني… . شتقتلك يامو اشتقتلك

سميه بحزن عحال دلال : مابدي اجرحك وانا عم شوف كل هاللهفه بعيونك لتشوفي امك بس انا

دلال : انتي شو يامو

سميه : انا مو امك ..

دلال : شـ شو مــ ممو امي ؟؟؟

سميه : اي مو امك . . . ونزلت منها دمعة
انا بنتي ماتت من سنين طويلة 😔

دلال : لا يامو هنه فهموكي هيك لحتى ما ادوري عليي انا بنتك وبأكدلك هالشي
وقربت منها وهي عم توريها نتيجة تحليل المختبر

دلال : شوفي امي هالتحليل عملوه بسام وخوله ليتأكدو اني بنتك وبعد ماتأكدو صار بدهم يخلصوا مني لحتى ما طالب بحقك وحق ابي من الورتهمسكت سميه الورقة وبلشت تقلبها بين ايديها

سميه : ضحكوا عليكي هالورقه مزوره

دلال بشهقه : مـ مزوره 😱 يعني يعني انتي مو امي 😔

ــــ لا مو امك يادلال ـــ

وصل هالصوت لمسامع دلال وتشنجنت مكانها قبل ماتتلفت… هالصوت بتعرفه منيح ومحفور بزاكرتها وبدون ماتلتفت مين صاحب هالصوت بحلقت عيونها ونطقت بخوف وصوت اشبه للهمس :

دلال : رررضا 😲؟؟

رضا : شو ما اشتقتيلي دلال .. ولا بتحبي ناديلك دلال خانوم

تأكدت من صاحب الصوت اخيرا

دلال بقلبها. : اي هاد رضا رضا يلي دبحته ب ايدي التنتين بدون مايرفلي جفن بس شلون رجع للحياه شلوووون

انحبست انفاسها ورجف قلبها من الخوف وهي عم تلتفت وراها لتلتقي عيونها بعيون رضا

دلال : انت ؟؟؟

رضا : اي انا شو مو حلوه هالمفاجئه

دلال : بس كيف وشلون

رضا : شو يلي كيف وشلون… ايه فهمت عليكي قصدك كيف بعدني عايش وشلون مامتت وقت طعنتيني

دلال :…

رضا : فيكي تحكي حضي بيفلق الصخر وحظك متل الطبال يلي بيطبل بعرس كله طرشان

بلعت ريقها وهي عم تتلفت حواليها لتلاقي حجه تطلع فيها من هالورطه

رضا : شو ما بدك تحكي شي

دلال : كان لازم تموت انت كنت تخطط لتصفيني متل ماخططت لتصفي اخوك ومرته ويخلالك الجو

رضا بتهكم : اي خططت لصفي اخي ومرته بس مانفذت يمكن حكيت كلام بلحظة غضب بس ماسمحت للشيطان يتملكني

دلال : خلينا ننسى يلي فات ونطلع للي جاي شوف ليكنا هلأ مع سوى وكل ثروة المهدي صارت ب ايدي تعا نكفي حياتنا ونبلشها من جديد ونسافر لغير بلد ونعيش سوى انا وانت وامي

رضا : ههههههههه مين امك

دلال : امي سميه ليش كم ام الي

ضحك رضا بصوت عالي لحتى تسكرت عيونو
ومين حكالك انها سميه بتكون امك

دلال : التحليل معي و …

رضا : بليه واشربي ميته

دلال : شلون ؟؟

رضا : انا كنت عم راقبك وراقب يلي بالقصر وعرفت انه اخي ومرته راحو عالمختبر ليعملو فحص DNA بس الحلو بهالبلد انك بالمصاري بتقدر تعمل كل شي وتشتري كل شي حتى ذمة البشر

دلال : شو قصدك ؟

رضا : قصدي اني انا يلي زورت هالتحليل يلي معك ومبسوطه فيه لحتى توفري عليي الجهد وتخلصيني من كل العوائق يلي بطريقي

دلال : استخدمتني طعم ؟؟

رضا : برضاكي وتخطيتك ولا نسيتي ودخولك عالقصر بتخطيتك وتدبيرك ياشيطانه

دلال : ييعني سميه مو امي وانت مو ابي ؟

رضا : ههههههههههههههههههههههههه لا

حولت نضرها لسميه يلي كانت واقفه بهدوء عم تراقب وتستمع لحديثهم

دلال (بتبكي) : انتي مو امي ؟؟

سميه : لا انا بنتي ماتت

رضا : لا تجزمي انها ماتت سميه بنتنا لسه مفقوده و اكيد دلال بتعرف وينها

دلال : ليش مين بنتك

رضا : الاءدلال : شوووو عم تحكي انت الاء هيه بنتك بس كيف وشلون مستحيل هالشي يكون حقيقه انا بنتها الحقيقه و الشبه يلي بيني وبين سميه بيأكد كلامي

رضا : بيخلق من الشبه اربعين… .. وهلأ بدي اعرف منك بنتي وينها شو عملتي فيها

دلال :……… ..

رضا بعصبيه وصوت عالي : انطقي ولي ووووينا بنتي

دلال بصوت اعلا : دبحتااااا

حطت سميه ايدها على تمها وشهقت : دبحتي بنتي

رضا : دبحتيها !!!!

دلال : اي دبحتااااا ومستعده ادبح اي حدا بيوقف بطريقي انا ماكان هدفي اعرف مين هيه امي انا هدفي الثروه الثروه وبس وهلأ الثروه كلا بين ايديي وملكي انا وحدي

رضا وعيونو عم تحمر وتحولت لحمم وهو ماسك دلال من كتافها وعم يهزها بقوه : دبحتي بنتي كرمال الثروه ليش الاء شو دخلها بعيلة المهدي اصلا هيه ماكانت تعرف انها بنتي ولا اي حدا بيعرف ليش قتلتيها ليش

نترت حالها بقوه وزادت بصراخها : لاني بكررررههااااا ويمكن دمها النجس يلي بيسري بعروقها خلاني اكرهها… لو كانت هلأ عايشه كانت اخدت مني كل شي بس انا مارح اسمح لحدا يوقف بطريقي مين مايكون حتى لو كان طفل بعمر يوم وحسيته رح يعترض طريقي رح ادبحه عم تفهم ررررح ادبحه

سحبت سكينها من بين تيابها واطلعت برضا وسميه بغل

دلال : بما انكم ماطلعتوا اهلي فحياتكم مالها لزوم

رضا : لك انا يلي رح اطللللع برووووحك

وهجم عليها وبحركه وحده سريعه خلصها السكين وبلش يضربها كف ورى التاني

رضا : ياكلبه ياحقيره دبحتني بنتي كرمال الثروه انا رح اقتلك ب ايدي هدوووول والله لافصل راسك عن جسمك وعلقوا ع باب المزرعه

دلال : كرمال الله سامحني سااامحني 😭

رضا : سااااامحك لك ساااامحك وانتي دبحتيلي بنتي بدون زنب… .. تشاهدي على روحك يانجسه ياشيطانه

ونيمها ع بطنها وحط ايديها ورى ضهرها وشد عليهم بركبته ومسكها من شعرها ورفع راسها لفوق وحط السكين عرقبتها

رضا : مووووووووتي ياشيطاااانه مووووووتي

دلال : لااااااااااااااااااااا لاااااااااا لاتدبحني لااااااااا

☆ ╚══════ღღ══════╝

سميه : بسم الله عليكي يابنتي شو صرلك

سعيد (رضا) : دلال اصحي يابي شو صرلك

سميه : اكيد شايفه كابوس بمنامها شوف كيف وجهها اصفر متل الليمونه ناولني كاسة المي سعيد

سعيد : خدي اشربي بابا… . شبك ماعم تحكي دلال انتي منيحه حبيبتي

فتحت دلال عيونها ع وسعهم وهي بتطلع بسعيد ورجعت لورى وهي عم تخبي حالها تحت الغطا

دلال : دخيلك يا معلمي التوبه والله ماعاد عيدا دخيلك لاتدبحني لاتدبحني

خوله بخوف : لك شوفي شبها دلال عم تصرخ

دلال :خوله انتي بعدك عايشه لااا لاااا انتي عفرررريت بعدي عني بعدي عني انا خانوم هالقصر عم تفهمييي

ايمان : شبك دلال هي امي

دلال : ا ايمان ؟؟ كـ كيف رجعتي من الموت انا خليت جود يدبحك كيف بعدك عايشه

جود : انا دبحت ايمان ؟؟

دلال : جوووود انت عايش

جود :… ..؟؟؟ شبك دلال ؟؟

زيد : خلينا ناخدها عالمشفى ابي

دلال : ز زيد ايمت طلعت من السجن و وينو حسون

حسون : انا هون اختي اطلعي فيي شو صرلك يا روحي

دلال : حسون ؟؟

اسراء : مرت عمي اعملي شي دلال مو بعقلها

دلال : اسراااااء انتي عايشه بس انا ب ايدي هدول دبحتك وحرقتك لا لا انتي عفريت 👿 انتي جنيه انا دبحتك وحرقتك انتي والاء

الاء : حرقتينا ؟؟؟

تلفتت دلال ناح الاء وبرقت عيونها ع اخرهم : كلووووو منك كلوووووو منك انتي يلي خربتي حياتي سميه امي انا عم تفهمي سميه امييييي اميييي

بسام : اهدي حبيبتي اكيد سميه امك وكلنا هون اهلك

دلال : بسـ بسام ههههههههههه اي والله بسام انت كمان عايش ههههههههههههههههههه لك كيف رجعتوا من الموت انا دبحتكم كلكم دبحتكم كلكم هههههههههههههه انتو عفاريت شياطين انا الخانوم كل الثروه الي رح اقتلكم كلكم ههههههههههه

مسكها سعيد من كتافها وضربها كف لتوعى من كابوسها وضمها لصدرو لتهدا

سعيد : دلال بابا اهدي حبيبتي انا ابوكي وليكني حدك مارح خلي حدا يقربلك

بقيت دلال بحضن ابوها عم ترجف متل يلي صاييته صعقة كهربائية والكل حواليها خايف ومرعوب وبعد دقايق من السكينة بلشت دلال تتلفت حواليها وتستوعب انها كانت عم تحلم… بس هالحلم كان كتير بشع بلشت تنفض راسها لحتى اطالعوا من فكرها وخيالها وهي عم تبكي وتزيد ببكاها وتتعلق برقبة ابوها اكتر لتحس بالامان

دلال : كان حلم كتير بشع

زيد : شو حلمتي اختي

اطلعت دلال بزيد وبلشت تقص عليهم حلمها والكل يطلع ببعضه مستغربين من هالحلم وبشاعته

سميه : ياقلبي ياامي خلص اهدي هي وساوس الشيطان الله يلعنه

خوله : اقرأي المعوذات تلات مرات واتفلي ع شمالك لينطرد الشيطان بنتي

اسراء وهي عم تنكش زيد : شفت حبيبي ضحيت بحياتي لحتى روح وقفلك محامي

زيد : لك يسلملي الحنون يلي حتى بالحلم اكل همي

اسراء وهي عم تحضن زيد : لحتى تعرف اديش بحبك

حسون ب اسلوب طفولي : دلال الاء ماعملت شي كرمالي يعني انحرقت وماتت فطيس وماعبرتلك عن حبها الي تزكري اختي

دلال : هههههههه لا اخي ما عبرت عن شي

حسون : يضرب حضي

ضربته الاء ع كتفه : شبو حضك يابعدي ليكون مو عاجبك

حسون : عاجبني ولو

ايمان : كلو كوم وانه اخي يقتلني لانه شافني واقفه مع عمر كوم 😂

الاء : ههههههه لا واشتبه انك حامل هاد لو بطنك مو واصل حلقك شو صار

ايمان : هههههههه اي والله كان فرمني فرم احسن شي اتصل بعمر يجي ياخدني عالمشفى لاني حاسه حالي رح اولد بكير من الضحك 😂😂😂

اطلعت دلال بجود بعصبيه 😡 وقعدت ع ركبها بنص التخت وتخنصرت

جود : شبك دلال ليكون ضايل شي بالحلم ماعملتيه وبدك اطبقيه عليي

دلال : ايه 😡

جود : شووو في والله انا بريئ وليكني كنت بالحلم متل ابو بدر شو ماتحكيلي صدقك 😥

دلال : مين ميمي يابعدي

جود : مين ميمي… 😥

دلال : لاتغشم حالك واعترف احسلك مين ميمي يلي كنت خاطبها بالحلم

زيد : لتكون مريم الخدامه مو انتي على طول بتناديلا ميمي

دلال : مريم الخدامه 😲 لك يامييييميييييي تعي لهون 😡😡

ميمي : ائمريني دلال خانوم

دلال : انتي متجوزه شي

ميمي : شبك ياخانوم اي متجوزه وعندي 3 ولاد

حكت راسها وحكت : لك اي والله صح… . بس لتكوني ناويه تتركي جوزك ولي

ميمي : شو هالحكي ياخانوم انا وجوزي بنحب بعضنا واخدين بعضنا على حب

دلال : ايوه طيب روحي شوفي شغلك

ميمي. : حاضر

سميه : ههههههه لك يبعتلك الهنا شو مجنونه

سعيد : كلو من ورى افلام الرعب يلي بتحضريها

دلال : تصدق كلامك صح بابا انا امبيرحه بالليل حضرت فيلم موت الشيطان وكتير خفت ونمت وانا عم اتخيل فيه

حسون : بس الشيطان مامات 🤔

ضربته بالمخده وهي عم تضحك : تضرب اي

الاء : يالله قومي جهزي حالك اليوم عيد ميلادك يا حلوه كل سنه وانتي سالمه

دلال : وانتي سالمه مرت اخي

جود : كل سنه وانتي احلا شي بحياتي بس بدون منامات

دلال : ههههههه حاضر حبيبي 🙈

بسام : يالله نروح عالصاله واتركوا البنات ياخدو راحتهم

دلال : لحظه عمو بسام بدي احكي شي بما انه الكل مجتمعين

بسام : احكي حبيبتي

🍃🌼🍃🌼🍃🌼🍃

دلال : كلامي مو بس الكم كلامي لكل يلي عم يقرأ قصة الشيطانه

بعمر المال ما اشترى بيت دافي ولا اهل يحبوك وتحبهم… صحيح المال شي مهم بالحياه بس الاهل مابيتعوضوا
حبو بعض اتمنوا الخير لبعض واسرقوا من العمر يوم ليشهد على حبكم لعيلتكم و اهلكم
بعمر الكره والحقد والازيه مابتعمر بيوت واللي بيعمل خير بيلاقي الخير واللي بيعمل شر بيلاقي شر وبيعيش مهموم بين غيرته واحقاده وبالتالي هو الخسران لو ملك مال الدنيا باللي فيها مارح يعوضوه عن اهله وناسه يلي بيحبوه وبيخافو عليه
يمكن كرهتوني بسبب هالقصه بس انا مو هيك انا مو شيطانه انا بنت حبابه وبحب اهلي وبحب الخير لكل الناس والمنام يلي شفته كان نتيجة هوسي بحب افلام الرعب وهالشي غلط لانه هيك افلام مع الوقت بتنعكس علينا سلبا بتصرفاتنا وشخصياتنا لهيك بطلب من كل ام واب يديرو بالهم ع اولادهم من هيك افلام بلا مايصير معهم متل ماصار معي 🙈 وتروح الكاتبه امل احمد تكتب عنه قصه وتسميها صحوة العفاريت 😂

بتمنى تكون القصه عجبتكم واستفدتوا منها وياسيدي الله يسامح اللي حكى عني شيطانه 😂😂😂 بحبكم

☆ ╚══════ღღ══════╝

#النهـــــــــــــايـــــه





#بقلمي امل احمد سلوم

الشيطانة بقلم امل احمد سلوم الجزء الاول

الشيطانة بقلم امل احمد سلوم الجزء الثاني

الشيطانة بقلم امل احمد سلوم الجزء الثالث

الشيطانة بقلم امل احمد سلوم الجزء الرابع

الشيطانة بقلم امل احمد سلوم الجزء الخامس

الشيطانة بقلم امل احمد سلوم الجزء السادس والاخير

admin

لا تعليقات بعد على “الشيطانة بقلم امل احمد سلوم الجزء السادس والاخير

اترك تعليقاً

لن يتم نشر عنوان بريدك الإلكتروني.

error: Content is protected !!