عروس قي غرفة الولادة بقلم جمايكا الاحمد

عروس قي غرفة الولادة بقلم جمايكا الاحمد

عروس قي غرفة الولادة بقلم جمايكا الاحمد

عروس قي غرفة الولادة بقلم جمايكا الاحمد
عروس قي غرفة الولادة بقلم جمايكا الاحمد

اعروس قي غرفة الولادة بقلم جمايكا الاحمد لجزء الاول..

ترتيب الخزانة لمرت اخي كان الشي الوحيد يلي ارتاح في ترتيبو وتنضيفو ع الاقل اكون قاعدة، ومابحمل تقيل.. كنت عايشة عندهم مافي مجال اترك بيتهن وروح لبيت تاني، انا الصغيرة بس مر العنقود، مالحقت افرح بدلال او هنا، وعيت ع الدني لقيت حالي تحت ايدين مرت اخي يلي بناتها اكبر مني، واخي يلي حامل مسؤولية البيت من بعد موت ابي وامي الله يرحمهن،. هيك حياتي كنت مقضيها اشتغل بالبيت لاحسن عيش، ومين رح يشوف هالعذاب..

رجاء :- اسمع اختك موقفة نصيب بناتك كل ما حد بيجي عليه العين لالهن، بتوقف بنصيبو..

حاتم :- اي وليش مابتوافقي..

رجاء :- بجي بطالع بناتي بقولوا جايين لسمر..

حاتم :- طيب انا شو اعملك

رجاء :- شوفلا عريس الناس يلي بيجو من طرفي كثير اوادم وماخرج زوج اختك لالهن لتخجلني معهن..

حاتم :- وانا لمين بدي زوجها كل رفقاتي بعمري من ٤٠ وفوق يا ماعندهن شباب للزواج..

رجاء ‘- هلق صارو كلن متزوجين

حاتم :- بلا عندي رفيق بس كبير بالعمر

رجاء :- اي قلو عندك عروس

حاتم :- لك هاد بدو وحدة بعمر ٣٠ وفوق بتشتغل متعلمة.. اختي جاهلة سادس مامعها.. وعمرها ١٥.. وين ازوجها..

رجاء :- جرب اعرض عليه وقلو في عروس شو بتخسر..

حاتم :- لك بخجل

رجاء : ادفش حد تاني من رفقاتك وقلو خليه يخبروا انو في عندك اختك مستورة للزواج..

حاتم :- طيب طيب بس بدي ارتاح وع المسا بس لاطلع لعندهن بشوف..

..

في المسااء..

رجاء :- اي شو صار معك

حاتم :- صار شي معي شاغلي بالي

رجاء :- اي قلي شو هو

حاتم :- عم احكي قدام رفيقي اياد قلتو حاكيه لرامي اذا بدو عروس عندي اخت وبدي استر عليها.. بس عمرها ١٥..

رجاء :- اي وشو قلك

اياد :- بس هو مابدو صغيرة بس ع العموم اذا حابب تستر ع العروس عندي

حاتم :- بيني وبينك يارفيق بدي زوج اختي واسترها.. خايف عليها

اياد :- قلتلك خلص عندي

حاتم :- ومين العريس ومن وين..

اياد :- محسوبك اياد ياسيدي بدور ع عروس

حاتم :- الرابعة

اياد :- والعاشرة كمان بدي صبي بدي صبي رح تطلع روحي لاشوفوا..

………….
حاتم :- صرت اتناقش معو ويقلي اسبابو بس اياد عقليتو صعبة ومابدو مرة تجيب بنت يعني لو جابت اختي بنت رح تطلق وتقعد بوجهنا..

رجاء :- لا تسابق الاحداث بنكتبلا متاخر عالي.. وهيك رح يجبرها من تم ساكت..

حاتم :- يعني رايك وافق

رجاء :- ورح تلاقي احسن من اياد ع الاقل بيستر عليها وبس تخلص هالحرب في عندهم املاك كثير بيرجعو لالها..

حاتم :- طيب احكي مع اختي وشوفي رايها

رجاء :- شو هالحكي انت والي امرها يعني القرار لالك وين رح نلاقي بالاوضاع هاي حد يستر على بناتنا..

حاتم :- تمام بس كمان حاكيها مشان ماتقول اهلى زوجوني غصب..

رجاء :- طيب خلص انا بحكيها.. انت ارتاح وانا رايحة اشوفها..

سمر:- بس والله انا ماحابة اتزوج هلق

رجاء :- لك غبية في حد بصح لالو يتخلص من هالفقر والتعتير ومرت اخوها الظالمة وبتقول لاء بدل ما انتي هون طول نهارك بس عم تشتغلي وتنضفي لالي هونيك بضلك مستتة بحملك ع كفوف الراحة بجبلك اكلك لعندك بدلعك وبدلل متل ما اخوكي بيعمل.. بصير عندك خزانتة تياب وفساتين متل يلي عندي وسرير ترتاحي عليه بدل ما انتي بتنامي بالارض غير هالمشاوير والسفريات.. والعزائم والمطاعم.. جربي مارح تخسري ياهبلة يا درويشة انا رايحة احكي لاخوكي انك موافقة طيب يختي..

..

حاتم :- شو بشوفك مبسوطة

رجاء :- لك شوف هالدبة طلعت نفسها مهفهفة ع الزواج.. ماسدقت توافق تقول بدها تتخلص منا..

حاتم :- يعني شو

رجاء :- يعني بكرة قلو موافقين..

حاتم :- وشو المهر

رجاء :- المقدم وملبوس والذهب كلو مدفوع.. والمتاخر مو مشكلة غير مقبوض..

(( بعد مرور اسبوعين..

رجاء :- شوفي مابدي تخجلينا انا فهمتك كل شي وليكني عبيت لالك الشنت تياب من عندي لتفرحي واذا سالك عن الذهب قليلو مامنة عند اخي فيهن وهادول لالي وماتسال فيهن…

سمر :- طيب.

رجاء :- ارفعي الفستان من الارض مشان ما يتوسخ بدنا نرجعو..

سمر :- مافي لالي فرح

رجاء :- ما اسمعتي اخوكي ضبلك مصاريف العرس للايام.. والرجال مابدو افراح قرفانهن.. المهم كوني مطيعة ولا تكسري كلمتو مابصير مابدنا نسمع اخبار مامنيحة كل شي بقلك اياه قليلو حاضر..

(( جسمي النحيل ووجهي الصغير ماكان يناسبهن كمية المكياج يلي حطتهن مرت اخي ولا الفستان كان مناسب لالي.. انفتح باب بيتنا للسيارة وبجانبي رجال بعمر اخي واكبر.. وجهو مانو منيح ومانو مريح قبيح جدا.. ماقدرت حتى اشوف وجهو حتى الكلمة اللطيفة ما لقيتها اوصلنا البيت طلب مني انزل بوس ايدين امو واختو.. وبوستهن ..

اياد :- تعي.

سمر :- حاضر..

اياد :- هاي غرفتنا.. بس امي ماخرج تنام بالارض وبدها ترتاح جنبنا بالسرير بالوقت واليوم يلي بدها اياه.. وهاد مابدي اي اعتراض عليه.. فوتي هلق وجهزي حالك..

سمر :- لشو

اياد :- شو مرت اخوكي مافهمتك.

سمر :- بلا فهمتني..

اياد :- اي لكان اتحركي اشوف..

(( كانت الغرفة بالية وماعليها شكل غرفة نوم جديدة.. والشراشف قديمة.. وحتى تيابي كانت بعدها بالشنت وما اعتقد رح لاقي لالها مكان بالخزانة.. غيرت التياب والبست يلي وصتني عليه مرت اخي واتسطحت متل ما طلبت مني .. انفتح الباب..

اياد:- بدي خلص واطلع وانتي اطلعي جهزي مع امي العشا لان رفقاتي عندي..

( استسلمت رغم كل انواع الالم يلي شفتها بس كنت عم طبق الشي يلي مجبورة عليه.. قام ولبس تيابو.. والبست تيابي واطلعت اساعد امو بدون ما حتى حد يعذرني اني ماقدرانة امشي..

حماتي :- هههه عم تعرج.. رجال الله يرضى عليه

حنان :- خدي هاي اغسليهن وقطعيهن..

سمر :- حاضر..

حماتي :- مرت اخوكي قالت انك متحممة من الزايرة ما صىرلك كم يوم يعني خرج حمل ان شاء الله..

سمر :- 😣.. بس انا ماقادرة وقف

حماتي :- اي عادي مانك اول وحدة.. المهم في شوية مية روحي اتحمممي ونامي وغسلي وجهك ابني مابحب المكياج..

سمر :- طيب..

(( انتقلت من خدمة بيت اخي لخدمة بيت الزوج يلي انحسب عليه.. مافرق او تغير شي.. حتى تصرف امو ببعض الاحيان افضل من مرت اخي.. وكنت مشي بالايام وهالايام مشت وكبرت بطني…وصرت حامل و بين احشائي طفل..

حماتي :- الدكتور هاد ماعاجبني يامو

اياد :- ليش

حماتي :- قال مانو باين

اياد :- اي خلص انعرف

حماتي :- لاء بطنها وحملها صبياني انا متاكدة بس اسمع مني..

اياد :- خديها لعند عيادة عبدوس..

حماتي :- غالي بدو ع الكشفية كثير..

اياد :- اي مو مشكله هي مرة بس…

حماتي :- ماشي بكرة باخدها…

في الجانب الاخر في عيادة الطبيب..

قيس :- ع مهلك حبيبتي شوي شوي

هدى :- والله بقدر يا روحي امشي

قيس :- انا هيك مبسوط اتركيني اهتم لامرك جاي لالي احلا اميرة

هدى :- طيب خلص وصلنا

يوسف :- استاذ قيس اتفضل.

هدى :- يالا ياعمري موعدنا

قيس :- بدي هلق اطمنى وتقلي انها اميرة

يوسف :- اي اكيد..

..

حماتي :- اقعدي هون الله يستر بس والله حاسة قلبي ع شوي يوقف..

سمر :- مرت عمي شبهن البنات

حماتي :- البنات همهن للممات ليكها بوجهي حنان قعدت.. مو بكفي عنا ٦ بنات..كمان هم زيادة..

سمر :- بنات اياد والله يامرت عمي حلوين وماشاء الله امهاتن مهتمين لامرهن كثير..

حماتي :- ابني بيكره البنات.. ٣ اتزوج ولا وحدة عرفت تجيب صبي لالو..

سمر : يعني لو كانت بنت انا رح يكون مصيري متلن

حماتي :- 😣 ان شاء الله ربنا مابيكسر بخاطر ابني..

.. ( خروج قيس من غرفة الطبيب ((

قيس :- والله احلى حلوان لالك

يوسف : نيالك ياعمي امير واميرة..

قيس :- مابقدر اوصفلك فرحتي يا دكتور

يوسف :- ياسيدي الله يقوملك المدام بسلامة وتشوف بنوتك بين اديك بخير..

قيس :- امين امين مشي ياعمري براحة لا تستعجلي معنا الوقت كلو..

يوسف :- مين بعدو..

حماتي :- نحنا يادكتور

يوسف :- اتفضلو..

حماتي :- بدي تبشرنا متل ماحكتلك..

يوسف :- كل شي بيد الله.. وكل شي منو حلو..

حماتي :- ان شاء الله صبي يادكتور

يوسف :- الله كريم اتسطحي اختي..

( كانت الانفاس شبه واقفة وحماتي واقفة وايدها على تمها ومتوترة.. والدكتور عم يحاول يشوف البيبي منيح.. بس ماكان عم يقبل يحكي..

يوسف :- بخير والطول والوزن والامور كلا بخير..

حماتي :- ها يادكتور طمن

يوسف :- عروس ما شاء الله..

حماتي :-……… اتاكد يا دكتور اكيد انت مانك منتبه

يوسف :- ياستي شوفي ليكها رباعية الابعاد هاد وهاي والطفلة وهاي رجليها وهاد مابين رجليها عروس ماشاء الله..

حماتي :- يعني شو.. ليش هيك حظو لابني كل مابيتزوج وحدة بتجيب بنات..

يوسف :- اولا يا امي هالشي بايد رب العالمين والست ما دخلها بهيك شي الرجال مسؤؤول عن كون الطفل ذكر او انثى.. ومابتعرفي رزقتهن بتجنن حناين..

حماتي :- الله كريم.. كم الكشفية..

يوسف :- حاسبي عند السكرتيره..

حماتي :- شكرا

يوسف :- الله معكن..

حماتي :- والله مابستاهل هالدفع..تعي مشي من هون من ع الدرج ولا اخدت رجلك ع الاصنصير..

سمر :- مرت عمي شبها البنت..

حماتي :- شبها انا ماخرج احكي ..

(( بقينا هيك لوصلنا للبيت كانت عابسة جدا. كان ابنها ناطرها..

اياد :- ها يوم بشري..

حماتي :- شو بدي قلك يامو لو فيها زيت لضوت..

اياد :- شو يعني

حماتي :- بنت

اياد :- لاء هيك كثير يا معمول سحر يا النسوان ازبالة..

حماتي :- شو اعمل مكتوبلك هيك

اياد :- تنزلوا تجهضوا ماعاد بدي اياها..

حماتي :- وين تنزلوا هاي بالشهر السادس مابقبلو بالعيادات ولا المشفيات مستحيل..

اياد :- انا بخليها تجهضوا..

حماتي :- امي شو بدك تعمل

اياد :- بوافقو يجهضوا طفل ميت..

سمر :- شو بدك تعمل

اياد : قربي لهون

سمر :- شو رح تعمل.

اياد :- رح اربط هالحبل ع بطنك واعصروا.

سمر :- لا مستحيل

حماتي :- ابني بننكشف بلاها امي

اياد : انا ماعاد بدي اياها انا مابدي بنات

حماتي :- طيب بلاها امي هلق بس تولد بنتخلص منها. ماناقصين جرايم ونروح فيها..

حنان :- لا يا اخي لا تتسرع هاديك المرة صار بطليقتك نزيف.. واجو اهلها اخدوها واجت الشرطة وحكتلن انك ساويت فيها هيك.. وانسجنت بقدرة رب العالمين طالعناك.. مابدك هالمشاكل.. خلص خليها تولد وانا بدبرلك اياها بعرف عالم بدهن اطفال.. ومستعدين يدفعو كمان..

حماتي :- اسمع لاختك يامو كرمالي.

اياد :- طيب.. بس لبنت الحرام هاي لا عاد تغذوها متل الاول..

حماتي :- طيب متل مابدك..

(( وارجعت للتعتير والشقا.. كنت قبل لاعرف اذا صبي او بنت في شوية اهتمام في اكل.. وتخفيف اعباء شغل هلق من بعد ما نعرفت انها بنت صار الشغل اضعاف والاكل بايت والاهتمام اختفى.. كنت اتحمل يوم ورا يوم وياما نزفت وماقبلو يخلوني روح دكتور.. كانو ع طول يقولوا مابستاهل مصاريف.. واخي مابيجي لعندي الا وقت في عزيمة واكل هو ومرتوا.. وحنان يلي كانت عم تحاكي العالم لياخدوا الطفلة من قبل لتجي.. وحماتي يلي رافعة ايدها من كل شي.. وانا كل يوم كان عم يجي كنت عم اتعلق بالطفلة اكثر وخايفة عليها كان مافي بالدني غيرها لالي.. وفتت الاشهر الاخيرة وحنان شافت عالم ياخدو الطفلة.. بس هالعالم ماكانو ماكدين الامر الا ليتاكدو اذا الطفلة رح تنولد بصحة منيحة او لاء..

حنان : اخي خليها تنولد بالمشفى ليكون للطفلة تاريخ ميلاد وورق فحوصات انها بخير.. هيك العالم طالبين..

اياد :، والله تخطيطكم رح يجيب وجع راس

حماتي :- اسمع لاختك توكل ع الله….

اياد :- لنشوف..

(( قبل ٣ سنوات..)) في الجانب الاخر..

اميرة :- شوف ياحلو انا بدي ترتبلي غرفة ابني ع اخر طراز.. يعني الديكور عجبني بس بدي كم اضافة وضروري يخلصو لان مابقي شي..

قيس :- اعتبريه صار ياحلوة

اميرة :- وبدي صوري وصورتك بغرفتو

قيس :- اي من عيوني..

اميرة :- اي صحيح مين هاي يلي كانت عيونك عليها بفرح اخوك..

قيس :- مين فيهن كانو عيوني ع كل الحلوين

اميرة :- قيس يلي اجت وسلمت عليك

قيس :- اي اتذكرت هدى

اميرة :- اي هدى ى ى ى ى

قيس :- بنت عمتي كثير طيبة

اميرة :- 🙄

قيس :- والله طيوبة هالبنت وحبابة

اميرة :- قيس كأنك زودتها

قيس :- ياروحي يا تاج راسي وتاج راس كل الاميرات كل العالم بكفة وانتي بكفة.. وهدى لا تغاري منها بنت حبابة ومحترمة..

اميرة :- طب ليش هي ع طول مهتمة فيك

قيس :- بصراحة بدون ماتزعلي هي كانت معتقدة اجي اخطبها لان اهلينا زمان كانو مفكرين نحنا لبعض.. بس ياجماعة القلب ومايهوى.. انا بحب اميرتي ومافي ست بتقدر تاخدني منها..

اميرة :- قولك يا ماما بيك صادق.. بس اتحرك اذا صادق..

قيس :-ههه يعني هلق هو سامعنا

اميرة :- اي طبعا ❤️

قيس :- هوهوهو بلشنا بامير وقصص امو اميرة..

اميرة :- ☹️

قيس :- ماجاي ع بالك تاكلي سمك.

اميرة :- بصراحة اي..

قيس :- يالا جهزي حالك.. ودفي حالك لان برا برد

اميرة :- رح انزل الجاكيت هاديك يلي فوق الخزانة بتسكر على بطني..

قيس :- تمام جهزي حالك لكان..

(( كانت اولى ايامها بالشهر التاسع.. ولادتها كما قرر الطبيب طبيعية جهزت تياب طفلها وشنتاية الولادة من الشهر السابع.. كانت ناطرة كل يوم بيومو ليمر وتشوف ابنها بين ايديها.. وقت خبرتني انو بدها تنزل الجاكيت ماخطر ع بالي انهن بشنتاية فوق الخزانة.. وماطلبت مني ابدا ساعدها بس وقتا اسمعت صراخ.. كانت عم ترجف وتصرخ باعلى صوتها.. كانو تيابها بعدن على السرير.. فتحت الباب لقيتا بالارض ورجليها عليهن دم..

قيس :- شو صرلك اميرة شو عملتي..

اميرة :- قيس انا وقعت وحاسة في اشياء عم تنزل مني..

(( مانطرت كنت طالب الاسعاف وعلى الطوارئ لغرفة الولادة القيصرية الطفل بخطر وضروري ينولد… ووحدات دم وطفلي انولد بخير… الطبيب المشرف ع عملية زوجتي طمني انو امورها بخير بس النزيف كان شوي شديد وانو في جرحين بجسمها . جرح الولادة والجرح التاني بسبب حافة الكرسي يلي وقعت فوقها.. وكان ضروري اضل متسطحة.. غادرني الطبيب وقال رح يمر بعد ساعتين ليطمن على جرحها، طالعو زوجتي من غرفة الولادة.. وانتركت بالممر التابع للمشفى.. على امل يجو ممرضات مختصين لينقلوها ع غرفتها..

صادفت ممرضتين سألتهن انو زوجتي صرلا تلت ساعة بالممر وماحد اجا.. سحبو زوجتي لغرفة مشتركة مع سيدات يفصلنا بينهن سرير.. وكانت هالغرفة للسيدات يلي ولدو بشكل طبيعي.. انا ماكان عندي خبرة باي امور المشفى..

وقت فاقت زوجتي من البنج كانت تتالم بشكل كبير وتبكي مثل الاطفال حاولت تصبيرها…

الممرضة :- صرلا قديش ولدانة

قيس :- شي ساعة

الممرضة :- فاتت الحمام

قيس :- لاء لان ماحد خبرنا انها ضروري تروح الحمام..

الممرضة :- طيب رح عصرلا بطنا وبعدها تروح الحمام..

اميرة :- لا تكشفيني بردانة..

الممرضة :- مارح كشفك… من فوق الغطا.. استرخي مشان بطنك ينضف..

اميرة :- عم يوجع دخيلك عم يوجع شوي شوي. خلص خلص اتركيني قيس قلا تتركني عم اتوجع

الممرضة :- اختي هاد شي روتيني يعني بدك تتحملي وفي ستات كتير بدهن متابعة غيرك..

اميرة : قيس قلا توقف والله عم موت

الممرضة :- خلصت هلق قومي ع الحمام

اميرة :- مافيني قيس. قلا خليني شوف ابني

الممرضة :- رح روح وارجع اشوف اذا فتي الحمام او لاء.. وبجبلك ابنك معي لا تخافي مارح ناكلو

قيس :- انا بفوتها..

اميرة :- حبيبي كيف بدي فوت في عندي هاد معلق..

قيس :- شو هو

اميرة :- قلا تفكو مشان فوت

قيس :- يي كيف ما انتبهت الله يصلحها. رح اروح شوفها ارتاحي انتي..

..

بعد نصف ساعة..

امي :- ابني ما اجت الممرضة

قيس :- قال خلص وقت عملها ورح تجي وحدة تانية تشوفها..

امي : طيب فيقها حبيبي لمرتك.. خليها تشوف ابنها

قيس :- حاولت امي، شكلو المخدر قوي ..

امي :- هات اشوف امي مرتك جسمها بارد مانك منتبه ع شفايفا كيف زرق.. خليني شيل عنها هالغطا واغطيها باللي جبتو.. اسحب امي..

قيس :- امي كانو مبلول..

امي :- قيس شو هاد.. دم السرير مغرق دم

قيس : شو عم يصير امي..

امي :- نادي ع الدكتور.. اميرة بنتي اميرة فيقي..

قيس :- دكتور هون هون..

الطبيب :- ليش هون هاد مو مكانها

قيس :- هني جابوها لهون..

الطبيب :- ممرضة سلام تعي لهون..

قيس :- دكتور قلي شبها

الطبيب :- هي اتحركت شي قامت شي من مكانا حدا لمسها

قيس :- لا يادكتور بس اجو ممرضتين وعصروا بطنها.. وراحو

(( اصفر وجه الطبيب وكان متوتر.. طالعتنا الممرضة لبرا.. وقت فتح على جرحها لاميرة شفت اشياء مابعمري شفتها كان اللحم او احشائها كانت برا.. صرخ الدكتور باعلى صوت جهاااااز الانعااش مين هني المجنونات جهاز الانعاش بسرعة .. حسيت الوقت وقتا وقف وماعاد في صوت بالمكان. صوت طنين . نبضات قلب عم تنسمع. الضربة الاولى جسمها اتنفض لا اجابة و الضربة التانية جسمي اتنفض.. وغطوا وجهاا بالغطااا..
اخر شي سمعتو صرخة ابني.. ورقم الوفاة الوفاة ٣٢٥٧.. ٢٧_١_٢٠١٧.. الساعة الحادي عشر ضهرا…

=======================================================

عروس قي غرفة الولادة بقلم جمايكا الاحمد الجزء الثاني

انيت بحياتي كثير من بعدا كنت عم حاسب حالي ع كل صغيرة وكبيرة تركتا هي تعملا بدون ماساعدها.. ماكنت بعرف انو كل شي عليها رح يكون خطر.. ابني يوم عم يوم كان بحاجة امو يلي ماتت بدون ماتشوفوا.. بقيت حسرة بقلبا.. كنت ابقى قاعدة بالغرفة واحكي معها بيني وبين حالي قلا تفاصيل ابنا.. كنت كل اسبوع اخد صورة لالو وعلقها بالغرفة تحت صورتها الكبيرة.. كنت متمني اعمل شي يوصلها اني مازلت متل ما انا قيس يلي هي بتحبو.. بس ابني وعمري الصغير وحياتي طلبو مني اطلع من هالحلم الموجع.. قررت امي تخطبلي هدى… يمكن كنت شوفها اكثر شخص مستعد يتحملني ويتحمل ابني.. بس شروطي ما كانت بسيطة.. ولا سهلة ع انسانة رح ترتبط برجل ارمل..

قيس :- هدى انا مارح اجبرك عليه لالك حرية الاختيار.. اذا بتوافقي او لاء بعدو ماصار بينا شي.. بس كل شي بتطلبيه اعتبريه ملبى ومارح قصر فيكي وبحقوقك كلا.. بس اانا عندي كلام.. ابني امير قبل كل شي بالكون بتشليه بعيونك بشيلك بقلبي.. وحطك ع راسي من فوق… ابني اغلى شي عندي.. انتي بتعرفي منيح علاقتي مع اميرة الله يرحمها وقديش كنت بحبها ولهلق بعدني بحبها وبشتاق لالها.. وبشوفها بحياتي كل يوم هي بعدها مافارقتني.. غرفتها رح اضل متل ماهي تيابها امورها اغراضها رح اضل متل ماهي هالغرفة بدي ضل مقفلها انا وابني رح نفوتها بس.. انتي رح اعملك غرفة متلا واحسن بس هالغرفة لاميرة وحتى لو ماتت بدي تبقى لالها.. عم تجي امها كل اسبوع بترتبها وبتغير الشراشف. وبترش من عطور اميرة فيها.. بس بفوتها برتاح من كل شي بيوجعني بعرف هالشي مانو سهل عليكي بس بدك تتحمليني اذا حابة تبقى معي.. غرفة ابني امير مابدي يتغير فيها شي.. هي يلي عملتها.. صورها رح تبقى متل ما هي ارجوكي اذا زاعجك اي شي فيكي ترفضي انتي مانك مجبورة ع هيك شي..

هدى :- الله يقدرني واحاول اعوضك شوي انا اي شي بخص اميرة مارح اقربوا او ازعجك فيه… رح اعتبرها اختي وهاي ذكرياتا.. اما امير.. اذا بتسمحلي كون امو يعني هو يناديني ماما انا هاد كل طلبي منك..

قيس :- انا بتمنى ابني ماينقصو شي.. ولا بدي يحس بنقصان شي بحياتو بدي تكوني والدتو بس اسمحيلي بدي كمان بس يوعى يعرف انو امو هي اميرة…

هدي :- اكيد وانا بوعدك كون قدها.. واقدر عوضك انت وامير..

قيس :- اذا بنفسك شي خبريني..

هدى :- لاء الحمد لله..

قيس :- يعني اعرف انك موافقة

هدى :- باذن الله..

( كانت الايام الاولى صعبة لاشوف حد غير اميرة في بيتها.. كان يوجعني الموقف واوقات كون خايف افوت ابكي لالها واطلب تسامحني متل اطفال صغار بس تصرفات هدى كانت تخليني اتحمل كانت معوضة ابني عن كل شي.. يقعد ابني بحضنها ويغفى ومايقبل الا جنبها ينام.. كانت تبكي اذا مرض.. وتفرح اكثر مني اذا اتخطى شي بحياتو.. كانت تصورو وتلزق الصور تحت صور اميرة.. وايام اجي ع البيت لاقيها مشغولة هي امي وام اميرة وعمتي.. كانت تعمل ولائم على روحها لاميرة.. وختمة قرءانية بقلب البيت عن روحها.. وبمرض ام اميرة وغيابها عن الغرفة واهتمامها فيها…

قيس :- مين فايت غرفة اميرة..

هدى :- انا بعرف انك رح تنزعج.. بس يشهد الله مالمست شي بس رتبتها وغيرت كل شي متل ما امها بتعمل وفتحت لالها قرءان فيها..

قيس :- لا عاد تعيديها اذا بتريدي هاد كان شرطي لا تفوتي غرفتها..

((هجرتها اثر هالموقف شهرين .. وماعدت اقعد معها.. ولا اهتم لامرها…. بس هي اهتمامها فينا لا قل ولا تغير.. بل زاد احترامها لخصوصياتي..

هدى :- انا جهزت العشا والصبي عشيتو نام.. اذا بتحب بعدو ساخن..

قيس :- وانتي..

هدى :- انا شوي وباكل بعدني ماجعت

قيس :- ( ماكنت اقعد ع السفرة وهي معنا لهيك كانت تتركني اكل لحالي وتروح..)).. انا بدي اتعشى معك. بعد شوي..

هدى :- بس انت

قيس :- اشتقت اتعشى معك واسمع اخبارك. اذا الاكل بعدو سخن تعي. .

هدى :-مانك زعلان مني

قيس :- هالسؤال كنت بدي اسالك اياه اذا زعلانة بعدك مني او لاء..

هدى :- انا مافيني ازعل منك.. انا كنت خايفة تتركني بسبب هالموقف..

قيس :- انتي عم تتحملي كل شي لانك بتحبيني

هدى :- 😢 يلي بحب من قلبو بتحمل كل شي اوجاع..

قيس :- كنت متحملة اني اتزوج وكنت قبلانة بكل شي..

هدى :- متل ما انت متحمل غياب اميرة.. ووجود شخص تاني مكانها انا عم اشعر فيك..

قيس :- قديشو قلبك كبير

هدى :- انتو هديتي بالدنيا مافيني بلاكن..

قيس :- بتمنى تسامحيني

هدى :- هالسماح بطلبو منك ع تصرفي..

قيس :- مين جاي لعنا

هدى :- مرت عمي.. قالت رح تمر ع العشا وانا جهزتو لان بعرف رح تصل..

قيس :- رح افتحلا..

هدى :- رح اكفي باقي السفرة..

امي :- شو امي عاش من شافك صرلك كم يوم مامريت لعندي

قيس :- اهلين امي بس مشغول شوي..

امي :- اتعشيتو

قيس :- عم تحط هدى

امي :- طيب خد عني هالفطاير عملتن لان في حد مشتهين..

قيس :- ها ومين مشتهيهن..

امي :- حدا صاير يخطر ع بالو شغلات كثير..

قيس :- مع اني مافاهم شي امي ومين بتقصدي بس تعي احضنك تعي..

امي :- الله يرضى عليك يانور عيوني انت..

هدى :- اهلين مرت خالي

امي :- اهلين ياعمري مع اني شفتك الصبح ماني مشتاقلك كثير..وينو امير

هدى :- والله حاولت اتركوا فايق بس ماخرج توقيتو سامحيني

امي :- انا ملانة منو خلص صار دور غيروا

قيس :- له له يا امي مليتي منا بشوف كلنا

امي :- اتعشى اتعشى جايبتلك معي مفاجاة تسر خاطرك

قيس :- ايوه اذا هيك مارح اتعشى لاعرف لان ماخرج اتحمل مفاجآت

امي :- والله حتى انا ماخرج انطر تعال لاقلك سر

قيس :- اي هالسر يعني بيني وبينك

امي :- اي هيك شي..

(( فتت انا وامي لغرفة هدى وقفلت الباب.. كانت امي بايدها صندوق صغير.. ومغلف.. بس ماقبلت تعطيني اياه الا وقت..

امي :- شوف امي قبل لتاخد هالصندوق.. يلي فيه ممكن يسر خاطرك متل ما انا متوقعة وومكن يكسر خاطرك.. ووقت هالشي يكسر خاطرك بدي توعدني برضاي عليك هالمخلوقة يلي برا ماتنزل دمعتها ابدا..

قيس :- ليش امي شو علاقة هدى

امي :- هدى علاقتها كلا هون بالصندوق وهالصندوق يلي فيه رابط بينكن.. وبدك تتقبل هالصندوق لان ياعمري هالهدية مانها بشرية هالهدية مو مني هاي هدية ربانية فهمت عليه الله يرضى عليك.. خد امي افتحو..

( فتحت الصندوق بسرعة لان خفت من كلام امي.. كان جوا الصندوق ورقة وجوا هالورقة في اختبار حمل.. اثنينهن باسم هدى.. واثنينهن عاطيني مؤشر انها حامل..

قيس :- شو يعني. يعني هدى حامل..

امي :- اي يامو وهالشي لو مفكروا غلط مانو ذنبها هاي من الله.. هي كانت خايفة تخبرك خايفة تقلك هالشي نزلت لعندي تترجاني اخدها لعند دكتورة تجهضوا.. كانت عم ترجف وعم تبكي.. قلتا لاء ابني رح يفرح.. قالت مستحيل هو مابدو اطفال.. خلص اكتفى بأمير..امانة يامو تتقبلو امانه لا تجرحها…

قيس :- اتركيني امي

امي :- برضاي عليك

قيس :- هددددد ى ى ى ى

( اطلعت وبايدي اختبار الحمل.. كنت مدايق ومخنوق صرخت عليها شفتا وقفت مقابيلي خايفة وبلشت تدمع..

هدى :- انا قلت لمرت عمي تساعدني لاخلص بس والله مو بايدي..

(( قربت عليها وحضنتا وانا عم ابكي وخايف.. انا صرخت مو لاني مابدي الطفل.. صرخت لاني خايف افقدها متل اميرة.. خايف يصير فيها متلا..

قيس :- كنتي رح تقتليني لو عملتي هالشي.. كنتي شاركتي بقتلي للمرة الثانية… انا بدي هالطفل بس مابدي اخسرك..اممممممميييييي

امي :- اي حبيبي

قيس :- خايف يا امي خايف

امي :- حبيبي وكل امرك لربنا.. واتركها بحفظو
هو الحافظ والحامي..

قيس :- بغلاتي عندك يامو تهتمي معي بهدى

امي :- خلص بعيوني لا تخاف..

(( بقيت طول السهرة غافي ع حضن امي عم فكر كنت بدي تنتهي هاي الافكار من راسي.. حسيت انو صار وقت بلش حياتي الجديدة وانهي الماضي بأقل الالام.. وصلت امي لبيتها وارجعت لعند هدى.. كانت بعدا ناطرتني..

قيس :- بعدك فايقة

هدى :- بتعرفني مابرتاح الا بس شوفك بالبيت

قيس :- كيف ماحسيت انك حامل. ليش ماخبرتيني

هدى :- كنت خايفة من ردة فعلك

قيس :- مابتتوقعي فرحتي مابتوصف بس خايفة من النهاية..

هدى :- خلي املك وثقتك بربنا سدقني مارح يخيب ظنك

قيس :- هدى بدي من هون ورايح تهتمي بحالك براحتك باكلك بشربك.. لا عاد تحملي امير.. ولا اتعبي حالك بشي.. انا رح ساعدك ورح جيب ست ترتبلك البيت وتهتم معك بامير..

هدى :- لاء امير انا بهتم فيه

قيس :- قصدي بالغسيل بالتنضيف والامور هاي

هدى :- ماني بحاجة انا بقدر اعمل كل شي..

قيس :- لا خلص متل ما وصيتك..

مرت الايام واشهر الحمل على عجل والان وبنفس شهر ولادة امير عم انطر دخول زوجتي هدى غرفة الولادة كنت خايف عم ارجف وتايه متل طفل فقد ابوه وخايف يفقد امو.. كانت عم تتالم بصمت.. كنت خايف ما اسمع جقات قلبها، كامش معصمها وعم اتحسس النبض..

الممرضة :-، صار لازم تنطر برا

قيس :- لاء انا بدي ضل معها مابثق فيكن. ..

سكتت وهي عم تنظر لالي نظرة حيرة سؤال عن السبب..زوجتي هدى حاولت تهدي الممرضة.. مدت ايدها باتجاها.

هدى :- اعذرينا الله يخليكي هو بخاف من هيك لحظات.. صدقيني خايف اكثر مني عم حاول اتحمل كرمال مايخاف اكثر.. 😂..

الممرضة :- شلون لو بشوفك عم تصرخي..

هدى :- عم حاول اجبر الوجع مشان ما اخوفو

الممرضة :- مابصير..هاد طلق.. يعني هلق بس يحمى بجد رح شو يعمل..

.. الطبيب يوسف :_ قيس بعدك خايف.. هدى رح تولد طبيعي والامور ابسط واسهل مما تتصور.. حتى بنصحك تجيب كاميرا وتصور اجمل اللحظات.. وبعدين في وقت طويل للولادة لا تستعجل.. يعني الطلق بارد.. احتمال ننطر للمسا اذا الله اراد.. اذا بدك روح ارتاح وغفى ساعة وتعال مشان تكون مصحصح للسهرة..

.. قيس :- لا لا دكتور يوسف مافيني اتركها زلا ثانية..
..
وقت كانت عم تحاول زوجتي تهون عليه الموضوع اجت ممرضة لتركب لزوجتي محلول بايدها..

.قيس :-. وين الدكتور يوسف.. ..

الممرضة :- انا هنا المسؤولة عن ها الشي..

قيس لا لا تركبي انتي، الدكتور بس يعمل هالشي….

..الممرضة :- يا اخي ها العمل من مهمتي ومانها مهمة الدكتور اذا بتريد اترك لالنا مجال للعمل..

..حاولت وقفها واعطل عليها تركيب المحلول وقعت ابرة المحلول من ايديها بالارض وصدمني ردة فهل وقت لقطتها ورجعت بدا تركبها نفسها لزوجتي.. ..

.قيس :- لا والله مجنونة.. يا مريضة..من وين اخدي شهادتك اكيد بالواسطة . وين المسؤول عن ها الغباء..

على صوت الصراخ كان الدكتور يوسف موجود ..

يوسف :- شو في يا قيس اترك الممرضة تخلص مهمتها ليش متوتر ..

.قيس . لاء والله مابتفهم شي بمهمتها جيدا.. وقعت من اديها بالارض وبدا تركبها مرة ثانية وهي ملوثة.. انا قلتلك والله مابثق فيهن،، بس انت ماسدقتني بس بدي منك تتفهمني انا مابدي اخسر زوجتي مرة ثانية ..

قيس :- طيب انت ارتاح وانا بتكفل بكل شي ..جيبي عصير ليمون للسيد قيس.. ان شاء الله ب تنتهي هاي الولادة على خير وانت مبسوط مافي داعي اضلك خايف والقلق الشديد رح يتعبك ،، لا تحاول تخوفة زوجتك هي هلق بحاجة للدعم مو للتخويف و الترهيب..

.. قيس :-دكتور يوسف انا بدي ابقى جانبها لوقت مانرجع ع البيت ،، مابدي ممرضات هون ، انا قلتلك بعطيك ماء العين مقابل عناية منيحة بزوجتي،.
..

هدي :_. حبيبي الله معنا لا تخاف، هي ساعات منيسة لازم تتذكر لطف الله فينا ، هاد الشي نهاية لبداية حلوة ، انت مابدك تشوف اميرة اخت لابننا امير،،.. خلص اترك قلبك بين ايدين رب العباد هو القادر على حمايتنا..

في الجانب الاخر.. من الغرفة..

سمر :- كنت عم اسمع حديث زوجها في يوم ولادتي بالسرير كان عم يفصلني بينهن ستارة بيضا صغيرة… واياد كان ناطر برا واقف ناطر عم يزاورني من الشباك.. اشرت بايدي لالو ليجي كنت بحلجة لذرة خوف واهتمام من اي حد حواليه.. كان الوجع عم يقطع فيني كنت خايفة اصرخ مشان ما اخوف الرجال يلي جنبي ع مرتو..ماكان حد معي لا اخي ومرتوا ولا حماتي وبنتها.. كنت وحيدة يتيمة بقلب هالمشفى .. ،

اياد :- شو بدك ليش عم تاشري وتتلوي متل الحية خلصينا اتعبت انا بدي انهي هالقصة بسرعة وهالعار والقرف..

سمر :- ليش بعدك مصمم على قرارك خليها هالطفلة متل خواتها والله حرام اتركها لالي انا بعتني فيها والله حرام هاي ملاك انا احن من اي حد عليها .. اسمعي يا اياد هي بعدا ما اجت ع الدني.. شوفها يمكن قلب يرهف االها.. والله انا حاسة رح تحبها حرام بنتنا هاي رح نسال عنها يوم القيامة.. حرام ترميها بحاوية او نهر او تقتلها.. اذا فيها عله وحرام تعطيها لحد يربيها.. والله ما الها ذنب..

اياد :- اخرسي اخوكي مابدو اياني اطلقك ومابدو البنت.. لتطلقي وهي يربيها متل ماعملوا طليقاتي ببناتهن انتي كلك ع بعضك مابتملكي غطا يضبك لتربي بنت.. المهم حاجي تنقي رايح غفي كم ساعة وارتاح بالبيت وبالمسا بمر بتكوني والدة انتي ع البيت وهي ع الهفا..

..

تركني وراح.. وانا من الخوف كان هالطلق يهرب.. بس صار فوق طاقتي وزاد.. كنت عم حاول ما اولد ما اطلق شد ع حالي.. كنت ابكي خايفة عم ناجي ربي ياخد روحي قبلا..

الممرضة :-.. اها صار ١٠ جرات صار موعد ولادتك يا حلوة.. رحمك ماشاء الله تمام وراس البيبي بانت…. خلينا نروح ع الغرفة..

سحبتني لغرفة الولادة…

الممرضة :- حطي رجليكي هون.. لا تخافي بساعدك انا باينتك صغيرة ما الك حدا هون.. وينا امك.. ادفعي.. دورنا ع حد من عيلتك لنشوف مين الدكتور المسؤول عنك الكل اختفى.. المهم هاي مساعدة من المسؤول هون.. ادفعي كمان لا تشدي لا تشدي ادفشي بس.

..

.. سمر :- بترجاكي مابدي اولد..

الممرضة :- لا تخافي ادفشي لان الطفل رح يختنق من تجي الطلقة ادفشي.. خدي نفس هلق من تجي الطلقة ادفشي.. ..

سمر :- بترجاااكي عم موووت ااااااه مابدي اولد الله يخليكي خلااااااااااص ماعاد بددددي اولد د د..

الممرضة :- كمان شوي كمان شوي.. ادفشي رح يختنق الطفل ادفشششششي..

سمر :- اممممممممممممممم اااااااااخ..

الممرضة :- عرووس اسم الله عروووس.. جاي متسرعة ع الدني..

انتهت ولادتي بعد عذاب وخوف بعمري ماشفتن.. رجعوني للغرفة يلي كنت فيها . حطت بنتي بسرير باخر الغرفة.. وكانت بلا تياب عم تبكي وصوتها عالي.. ماكنت بملك اي شي لالها..

..

في الجانب الاخر..

هدى :- يا قلبي صوتها

قيس :- كانها بنوتة

هدى :- هيك شي..

قيس :- الله يخليها لالها..

قمت من سريري وانا عم انزف وبايدي الغطا الخاص بالمخدة لبستو لبنتي لان ماكان معي شي كنت حاملتا وانا عم ابكي.. كانت ملاك صغير بغاية الجمال حضنتا لان بعرف رح يكون هاليوم اخر يوم بيني وبينها….

هدى :- قيس ماعاد فيني ماعاد فيني.. اااااااااخ زاد الوجع كثير..

قيس :-. طيب طيب رايح جيب الدكتور استني حبيبتي لا تخافي..

وقفت بجانبهن ناطرتوا.. وقت كان متسرع لينادي الدكتور..

سمر :- اخي،، ساعدني.. الله يخليك
( ماسمعني كان مستعجل.. وما اهتم لصوتي.. شفت زوجتو قامت من مكانها باتجاهي.. كانت عم تتوجع..

هدى :- شبك شو صاير معك.. فيكي شي.

قيس :- هدى ليش قمتي.

. الطبيب يوسف :- شوفي .

هدى :- قيس هالست بحاجة لحد يساعدها

يوسف :- اختي خبرنا لزوجك واتصلنا عليه.. بس هو اتاخر ومابعرف كيف فينا نساعدك اكثر من هيك.. ..

..سمر :-. خذو بنتي لدار الايتام وقولو لزوجي انها ماتت، هو بدو قتلها او يدفنها هو مابدو بنات ،. هني عائلة ما بحبو خلفة البنات وانا الزوجة الرابعة من بعد طلاق ثلاث زوجات لو لانن خلفو بنات وانا لا ماعندي مكان اذا كبني.. وان رفضت شي هني بدن يعملوخ حيكون الطلاق مصيري ورح اعيش مشردة بالشارع،، زوجي رجال كبير بالسن انت شفتو وهو عقلية صعبة وانت شايف حالتي بعدني صغيرة وان كبوني بالشارع، والله مارح ترحني كلاب الشوارع.. وواذا هربت فيها تياب مامعي لالها.. خدوها الله يخليكن..

هدى :- قيس قيس ماعاد قدرت

يوسف :- صار وقت ولادتها.. خليكي هون انتي راجعلك.. قيس بدك تفوت الولادة معنا

قيس :- اي اي..

(( دخل مع زوجتو غرفة الولادة وانا تركت بنتي على سرير مرتوا.. وكنت ناطرة لاروح وارجع ع البيت قبل ليجي اياد.. وانا خارجة لاهرب.. وقفني زوجها كان حامل بايدو شنتة تياب طفل..

قيس :- اختي بنتك..

الممرضة :- اعطيني انا بلبس الطفلة هلق بنجيب زوجتك..

سمر : ولدت مرتك

قيس :- اي الحمد لله الله اعطاني اميرة..

سمر :- الحمد لله ع سلامتها

قيس :- وسلامتك شكرا

سمر :- نيال زوجتك فيك قديش فرحان

قيس : حاكيت مع الممرضة لتلبس بنتك من تياب بنتي.. لا تخافي رح ساعدك مرتي هدى وهي عم تطلق حلفتني ببنتي لو نحنا غاليين عليها اني اطلع وساعدك..

سمر :- بشو الله يخليك

قيس :- اذا طلع كلامك صحيح وانو زوجك بدو يكب البنت انا رح اخدها واربيها..

سمر :- الله يخليك والله كلامي صحيح

قيس :- طيب بس ليجي.. الدكتور يوسف رح ياخد البنت على الحضانة وانا رح اقعد هون اسمع حديث زوجك اذا كلامك صحيح رح ازلع حاكي الدكتور مشان يقلو انو البنت ماتت بالولادة بعيد الشر عنها.. وانتي بدك تخبريه انك لهلق ماشفتيها….

سمر :- بس هو اذا رح نقلو ماتت بدو الدليل

قيس :- في طفل مجهض قلي الدكتور يوسف عمروا ٥ شهور.. رح يخبرهن انو الطفل نزل ضعيف ومريض وصغير ومانو مكتمل..

سمر :- اعطيني ايدك بوس عليها

قيس :- انتي كم عمرك

سمر :- ١٥

قيس :- انا فكرتوا يلي برا بيك.. الله يسامحهن اهلك..

الممرضة :- وهاي زوجتك وهاي العروس الصغيرة

هدى :- حبيبي افتح الستارة بدي شوفها لام البنت..

سمر :- حمد لله على سلامتك

هدى :- الله يسلمك لا تخافي اختي الله موجود وبنتك بالقلب..

اياد :- لك ليش فاتحة الستارة يا غبية.. ومخليه حالك تنكشفي ع العالم الله يبهدلك من سابع سماه..

 

عروس قي غرفة الولادة بقلم جمايكا الاحمد الجزء الثالث

 

 

هدى :- كانو هاد زوجها

قيس :- اي ياعمري شكلو هيك

يوسف :- كيفك ان شاء الله مدام هدى كيف صرتي

هدى :- الحمد لله يادكتور شوية الالام

يوسف :- مكان الاقطاب ايام ويروق كل شي المهم اداومي ع المضاد الحيوي مشان اي التهاب. هاد خفيف مابضر حليب الطفلة رح ناخدها لنعملا شوية فحوصات.. انتي ارتاحي هلق.

قيس :- دكتور قيس هاد زوجها

يوسف :- عن مين قصدك اي الست الوالدة… ع ما اعتقد اي..

قيس :- شو رايك متل ما قلتلك

يوسف :- طيب شوي وبرجع اطمن عليكي..

في الجانب الاخر..

(( اقترب الدكتور ليقرا اسمي من على الورقة الملزقة بسرير الولادة..

يوسف :- مدام سمر شلون حاسة حالك..

سمر :- الحمد لله بخير

اياد :- فينا نطلع يعني مالزوم لقعدتها هون

يوسف :- لاء شوي بس لاشوف الملف..

( غادر الدكتور وبقي اياد جنبي عم يحاول يخليني قوم لاجهز حالي..

اياد :- البسي تيابك. ماعندي وقت هاي المية لالنا والعصير.

سمر:- اي جابتهن الممرضة..

اياد :- وين البنت..

سمر :- ما جابوها ابدا مابعرف ليش

اياد :- ان شاء الله ماتكوني مخبصة بالحكي..

سمر :- لا بس سالتها وينها قالت مابتعرف شي عن ملفي بس لتجي المسؤولة عن ولادتي..

اياد :- استعجلي رايح اسألهن عن الاوراق لان حنان العالم ناطرينها..

سمر :- اياد طيب خليني شوفها قبل لتاخدها بس لو مرة احضنها..

اياد :- لاء مشان ما اضلك تولولي وتجعري عليها احسن ماتشوفيها.. رايح اخد الاوراق واتصل ع حنان لتجي وانتي كوني جاهزة..

سمر :- اخي.. رد عليه..

قيس :- سامعك اختي وسمعت كل شي..

سمر :- حنان اختو بدو يروح يتاكد اذا البنت سليمة بدو ياخد الاوراق والبنت ويعطيها لحنان اختو.. لتعطيها لعالم مابعرفهن.. واذا فيها مشكلة بدو ياخدها يقتلا..

قيس :- حسبي الله ونعم الوكيل

هدى :- قيس بترجاك حرام اعمل شي والله قلبي عم يتقطع عليها خايفة ع البنت اكثر من بنتنا.. 😢😢

قيس :- طيب رايح احكي مع الدكتور.. ارتاحي. ولا تشغلي بالك..

هدى :- الله معك.. اختي انتي شو اسمك ومن بيت شو..

سمر :- انا سمر من بيت المدقق.. عيلتنا صغيرة ومانها معروفة كثير. لالي اخوات كثير بس مابشوفهن الا بالمناسبات حتى يوم ماتزوجت ما حد اجا فيهن.. كل واحد ملتهي بحياتوو.. ابي وامي متوفيين من كنت صغيرة ماوعيت عليهن هني كبار بالعمر..

هدى : وليش قبلتي بهيك زواجه

سمر :- الظلم والفقر يلي كنت عايشتو عند اخي.. اخي منيح بس مابحكم ع شي مرتوا هي لالها القول والفعل.. حتى اوقات مصروفو بياخدو منها..

هدى :- ليش عيلة زوجك بدها تعمل بالطفلة هيك في شي سبب..
ماتواخذيني بس بسمع بالعار وانو بيتخلصو من الطفل يلي جاي بالحرام كانو هالطفل هو السبب ومحملينو ذنبهم..

سمر :- هاد زوجي عندو بنات كثير وبدو صبي.. لان هو وحيد امو ولاوحدة من زوجاتو جابو صبي.. وهو مابدو بنات، حكالي يا بتخلص منها يا مني.. وانا حكيت لمرت اخوي مشان ارجع عيش انا وبنتي عندهم ماقبلت قالت ما نربي اولاد غرب.. وطلاق مافي عنا.. يعني انا السكين عم يكوي فيني من الطرفين..

هدى :- حسبي الله ونعم الوكيل ع هيك عقليات.. مابعرف ليش بعدا موجودة..

سمر :- ليكو زوجك عرف الحقيقة شو رح تعملو ببنتي وانتو من بيت شو..

هدى :- لا تخافي ان شاء الله كل خير وبنتك رح تكون بالحفظ والصون..

..

اياد :- قومي خلينا نروح

سمر :- ليش وين بنتي

اياد :- قال بالحضانة والطفلة الله اعلم اذا بتعيش بقول

سمر :- انت شفتها

اياد:- اي كثير صغيرة وعليها اجهزة ورئتين عليها ما مكتملين هيك بقول الدكتور

سمر :- طيب خليني شوفا قبل لاروح

اياد :- خلصينا حكا بنرجعلا بيوم تاني لنطمن عليها..

سمر : انت بدك تطمن عليها انا بعرف انو رح نروح ومارح نرجع ابدا

اياد :- اسمعي الدني ليل وهلق ماعاد في مواصلات خلصي لنحسن نرجع ع البيت بكفي علاك مصدي.

الممرضة :- شو عم تعملي.. الطبيب قال ممنوع الخروج لالها

اياد :- ليش شو السبب طول عمرهن الوحجة بتولد وبترجع ع البيت

الممرضة :- والله هيك قال الطبيب المدام عندها نزيف عالي ووضعها مانو مستقر وضروري تبقى تحت المراقبة اذا صار شي لسمح الله لالها وقت تطلع ع مسؤوليتك فيها سجن وحكم..

اياد :- هو هو هو مارح نخلص اليوم

الممرضة :- تعال بكرة مشان تكفي اجراءات الخروج.. وتاخد مواعيد زيارة الطفلة..

اياد :- انا رايح ع البيت بكرة بترجعي مع امي ماني فاضيلك رايح جاي. سلام..

الممرضة :- رح جبلك تاكلي اوك هيك وصانا الطبيب لا تشغلي بالك باللي بصير ضروري ترتاحي وانا باخدك تشوفي بنتك بالحضانة..

سمر :- بتشكرك..

الممرضة :- قومي لاساعدك تفوتي الحمام وتغيري تيابك.. الجارة يلي جنبك اعطتك شوي من اغراضها..

سمر :- بدي اتشكرها والله

الممرضة :- هي نايمة هلق خليها ترتاح..

(( من بعد ما اخدت حمام وغيرت تيابي.. واكلت الحمد لله بمساعدة هالناس المنيحة اجا الطبيب ومعو بنتي كانت الساعة ١١ ونص بالليل..

يوسف :- شوفي اختي احنا صدقنا كل شي قلتية.. وكان المفروض نخبر الشرطة لان حياة طفلة بس كمان بهيك حالة الشرطة رح تجبر العائلة ياخدوها ومابنعرف اذا رح يعاملوها منيح او لاء ويمكن تنظلم معهن اللي صار مؤقت هو ماشاف البنت شاف طفلة مخلوقة بشهرها السادس.. والطفلة تحت المراقبة.. واقل شي رح اضل شي ٥ شهور بالحضانة.. الطفلة التانية لالها قصة كمان واهلها حابينها.. ومتل ماتوقعين بجوز مايجي يشوف البنت جوزك.. بس بكل الاحوال احنا علينا مسؤولية كبيرة بس بدي منك اقوالك كلا تسجليها..

ثانيا الطفلة رح ياخدها رفيق قيس.. رح تسجل الطفل مع بنتو باعتبارهن انخلقو بنفس اليوم والساعات.. قانونيا وشرعا لايجوز.. لهيك بدنا منك تعطيها اسم.. ورح تبقى على اسم ابوها بس بحضانة هالناس.. وبتوقيعك.. الموضوع صعب كثير ومانو هين لا علينا ولا عليكي.. بس حياة الطفلة اجبرتنا ع هالشي..

هلق خدي الطفلة وضميها ع حضنك
وفكري والراجل رح يعطيكي العنوان واسمو لتشوفي بنتك دايما.. لتحسني شي يوم تحكي حقيقتا.. قيس عيلة خلوقة واولاد ناس ومحترمين.. وبخافو الله ورح يخافو ع بنتك متل بنتهم..

شي اخير حاولى وقفي انجاب اطفال جسمك صغير وضعيف ومابيتحمل طفل تاني حاليا..

قيس :- دكتور يوسف

يوسف :- تمام خليها الطفلة معك للصبح بتمر الدكتور هيا بتاخدها.. هيا بتكون اختي كمان. رح تحاول تساعدك بكرة.. اي قيس دقيقة.. اذا احتجتي شي دقي ع الجرس..

يوسف :- امور هدى منيحة

قيس :- اي الحمد لله ورضعت البنت امي جنبها هلق.. انا جايب علب حليب وعصير وشوية فواكة للاخت.. وامي عاملة شوربة لمرتي وقاسمتها بينها وبين الاخت..

يوسف :- يسلم اديك مشان الطفلة هي مع امها هلق ومابنعرف شو رح يجد جديد والموضوع مو هين ياقيس….

قيس :- ارمي الحمل لربنا والله كبير..

ام قيس :- ابني فيني شوفها..

يوسف : اي خالتو اتفضلي

قيس :- امي خدي هالاغراض معك..

ام قيس :- لا حول ولا قوة الا بالله.. طفلة ياعمري لساتك بنت صغيرة.. رضعيها حطيها ع صدرك لهيك عم تبكي.. اي اي جربي..

سمر :- ماعرفانة ترضع

ام قيس:- اكمشي لالها وحاولي.. اساعدك.. ماشاء الله ملاك ملاك. ليكها كمشت الحمد لله.. مسكينة جوعانة.. انا حماتها لهدى.. هي مرت ابني التانية.. الاولى الله يرحمها ماتت بالولادة.. وهاد ابنها يلي صوتوا طالع مبسوط باختو.. لا تخافي بنتي ابني قلي قصتك انا امك هون انا بدير بالي عليكي انتي متل هدى وبناتي واعز كمان.. وطفلتك ان شاء الله بتكون بحفظ الرحمن ومن ثم رعايتنا.. لا تخافي الدنيا فيها ناس بخير.. وانتي يابنتي والله بعدك طفلة وكانت الحياة قدامك مانك مجبورة ع هالمعاناة..

سمر : خالتو والله لو بايدي ما بجبر حالي ع هيك عيشة..

ام قيس :- الله كبير با بنتي موجود شايف وعارف. والله خايف قلك اطلقي قلي ابنك ما الك ماوى.. انا يابنتي وحيدة كل بناتي اتزوجو وواولادي كذالك وماعندي الا قيس عايش فوقي.. وبيتي فارغ لولا اميري الله يرضى عليه بسليني تعي لعندي.. بيتي مفتوح لالك.. متل بنتي واكثر.. انتي ساكنة بالحمدن

سمر:- اي بالسكن القديم

ام قيس :- نحنا يا بنتي مانا بعيدين عنك. نحنا بالمدينة الجديدة.. ٥ دقايق مشي

سمر :- خالتو بنتي والله واجعني قلبي عليها..

ام قيس :- الله كبير شايف وعارف.. والظلم ظلمات.. تعي كل يوم شوفيها.. كنتي هدى رح ترضعها مع بنتها.. اشربي العصير ونامي بنتي شوي

سمر :- ماقدرانة يا خالتو بدي اشبع من بنتي واشم ريحتها اكثر..

ام قيس :- اااخ ع هالحسرة.. حسبي الله ونعم الوكيل طيب بنتي اذا احتجتي شي نحنا جنبك.. وابني رايح يحط ابنو عند بنتي وجاي اذا جاي ع بالك شي خبريني انا قاعدة عند هدى.. نامي واحضني بنتك.. ارتاحي شوي..

..

في الصباح..

اياد :- عيني يالا قومي شو بدنا نسكن هون..

( فتحت عيوني مالقيت البنت.. قمت ارجف خايفة يكون شافها واخدها..

سمر :- البنت.. اياد وين البنت

اياد :- لسه مابلشنا لنصير هيك بنتك بالحضانة..

ام قيس :- اخي فيك تنطر شوي برا لان في حريم بالحمام وبدهن ينستروا..

اياد :- طيب طالع وانتي خلصي واطلعي برا..

سمر :- خالتو بنتي وينها..

ام قيس :- اخدتها ياعمري ليكها نايمة بالسرير عندي.. لا تخافي وقت شفتو لهاد الله يقصف عمرو حملتها

سمر :- خالتو انا رايحة هلق وقلبي مشغول على بنتي..

ام قيس :- تحت مخدتك بنتي عنوانا وارقام تلفوناتنا وقت مابتقدري تعي..

سمر :- خليني شوفها الله يخليكي

ام قيس :- اي تعي..

هدى :- سمر

سمر :- الله يخليكي ياهدى بنتي امانة عندك.. بنتي هدى امانة عندك.. انا سميتها هدى..

هدى :- اهربي وتعي لعنا لا تخافي

سمر :- بيقتلني 😭 خليني شمها كمان.. 😭😭
..

اياد :- شو جهزتي يالا امشي.. حاجي فضايح وبكي.. ماسدقنا من الله وارتاح

سمر :- الله كبير..

(( من يومها ما نشفت الدمعة بعيني ولا بعرف مصير بنتي شو.. حتى موضوع طفلة الحضانة ماكنا نسمع فيه….

حنان :- شو صار بالطفلة

اياد :- لا بدي روح ولا بدي اسال.

حنان :- انا خايفة من سؤال الشرطة.. صرلنا اسبوعين ما سالنا

اياد :- اعطيتهم عنوان غلط واعطيتهم هوية ابي الميت 😊😊 يروحو ينبشو قبروا ويجيبوه..

(( ماصار لالي اي فرصة لاطلع برا البيت كان ممنوع ومابصير تطلع الوالدة قبل ٤٠ يوم.. كان كل يوم بمر اتحسر واموت فيه الف موتة بس ماكن فيني اعمل شي.. او اني اتصرف او اتكلم بشي.. وبيوم ماقدرت اتحمل صرت ابكي مشان روح شوفها واطمن عليها..

اياد :- بدها هاي تجيبلي الاجل بدها تموتني..

سمر :- بس بدي شوفها من بعيد

اياد :- تعرفي اذا ما نخرستي لاقتلك وروح اقتلها..

فك حزام البنطلون وضربني.. ضربني بدون مايشفق ع حالي..

حماتي :- خلص خلص جرس بيتنا عم يدق

حنان :- امي في عالم ع الباب

حماتي :- مين هالعالم.

حنان :- مابعرف بس في ستات اتنين..

حماتي :- شكلن خطابات.. خلص انت روح وانتي فوتي غرفتك وحاجي تنوي متل القطط.

حنان :- مين هون.

.. نحنا بنتي عم اندور ع عروس..

حنان :- امي متل ما قلتي خطابات.

حماتي :- فوتي رتبي امورك.. اتفضلو ياجماعة اهلا وسهلا..

.. ماتواخذونا جينا بوقت غير مناسب بس مابنعرف رقم التلفون بعتونا ناس قال في عندكم عروس لرجال بعمر ٥٠..

حماتي :- اي اهلا وسهلا يا جماعة اتفضلو اتفضلو.

.. انا ام قيس وهاي كنتي هدى وحفيدتي جينا ندور ع عروس لاخي هو مطلق ومرتوا مابتجيب اولاد وبدنا عروس لالو.

حماتي :- اهلا وسهلا ام قيس طلبك ان شاء الله عنا.

ام قيس :- كم بنت عندك

حماتي :- وحدة عزابية.. والبنات اتزوجتو..

ام قيس :- ماشاء الله عندك كناين..

حماتي :- يووه عندي وحدة ابني وحيدي..

ام قيس :- الله يخليه لالك..

هدى :- مرت عمي البنت بدها ترضع فيني افوت بغرفة بمكان..

ام قيس :- ماتواخذينا الطفلة جوعانة اذا عندك مجال..

حماتي :- اي تعي اهلا وسهلا فوتي هاي غرفة ابني..لان بنتي بالغرفة بتخجل.. سمر افتحي

(( فتحت الباب وانا ماكان خاطر ببالي انو هدى بنتي هي يلي جاي تزورني.. مسحت دموعي بدون ما اخلى الست تشوف كدمات الضرب..

سمر :- اتفضلي..

هدى :- سمر هاي انا هدى..

(( حسيت للحظة انو الدني نورت وغرفتي اتغير لونها الاسود لابيض درت ضهري وشفتا هي هدى وحاملة بايدها الطفلة..

هدى :- جبتها لعندك ، سالنا الجيران وبكل مكان لوصلنا لالك خفنا يكون صرلك شي. ما اجيتي تشوفي بنتك.. مالقينا الا هالطريقة من بعد السؤال نجي نفوت لعندك بحجة بدنا نخطب.. اسمعنا انها حماتك قاتلة حالا لتزوج بنتا.. تعي شوفيها هي اشتاقت لالك.. فقت اليوم قلت لقيس ياخدنا لعندك عم احلم فيكي انا وحماتي كثير.. 😢. عم نشوفك بالحلم عم تبكي.. شو صايرلك ليش وجهك هيك..

سمر :- فيني احضنها..

هدى :- اي انا جبتها لتحضنيها.. صحتها منيحة باول ايام كانت تبكي كثير بس الحمد لله اتحسنت امورها كانها مشتاقتلك..

سمر :- هدى انا عم موت بلاها

هدى :-😢 عم يضربوكي

سمر :- اشتقتلا لبنتي

هدى :- لا تخافي نحنا معك..

ام قيس :- بنتي هدى

هدى :- انا هون

ام قيس :- يا لطيف يا امي شو شنعة وبشعة منيح انو اخواتي متزوجين.. راحت امها تجهز القهوة.. كيفك بنتي سمر

سمر :- تعبانة يا خالتو

ام قيس :- شاغلة بالنا عليكي كثير 😣.

سمر:- هاد احلى يوم بمر عليه.. ع قد ماتوجعت حسرة اليوم ع قد ما ارتاح بالي..

حماتي :- ييي هاد انتو هون..

ام قيس :- ماتواخذينا جيت شوف كنتي ليش اتاخرت..

حماتي :- هاي كنتي سمر.. هي والده جديد وابنها مات 💔 ياحسرتي عليه وعليها.. كل ماتشوف ولد صغير بينحرق قلبها..

ام قيس :- مسكينة الله يعوضها خير.. تعي بنتي هدى

حماتى :- اتفضلو ياجماعة اشربوا القهوة..

هدى :- رح ابقى مع سمر مرت عمي.. خليها حاضنة بنتي..

(( ماكانت الا ربع ساعة بس عوضتني عن ايام كانت عم تحرقني.. صرت اذا تعبانة اتذكر وجها الملائكي وبلشت حاول نسيهن موضوع البنت مشان مايشكو بشي.. وام قيس كانت حماتي ناطرتا لتردلا خبر مشان حنان. وع طول تسالني ماقالت وين ساكنين هي بتقصد عن هدى من قعدت معي.. مرقوا اسبوعين تانين وبلش الافراج.. صرت اقدر اطلع مع حماتي ع سوق او زيارة لعند حد.. ماكانت تقبل تعطيني مجال اروح لحالي عند حد..

..
ومرق كمان شهر والوضع بلش يخنقني اكثر.. ورجعت تزيد مشاكلي معهن..

حماتي :-لا جد هاي المخلوقة ماعادت استحت ومانها مربية وبدا ترباية..

حنان :- الحق مو عليها الحق ع اخي كان لازم يضبها قبل لتطول لسانها..

سمر :- انا بدي شوف روح بنتي واذا بترفضوا وبرب العزة لابلغ الشرطة

اياد :- قلتيلي بدك تبلغي الشرطة اي ان شاء الله بكون دافنك قبل لتروحي..

سمر :- اي مافشرتوا

حماتي :- لك خرسي مين مقوي لسانك هيك

سمر :- ماحد بس حق بنتي لازم جيبو

اياد :- اي تعي لكان اعطيكي اياه..

(( وماعرفت من وين لتلقى الضرب حتى لدرجة ماعدت اقدر افتح عيوني من الضربات يلي اجت عليهن.. وماعرفت كيف صرت بالشارع الساعة وحدة بنص الليل هربت من بين ايديهن كنت عم اركض بالطرقات وهو عم يلحقني.. كنت خايف يرجع يمكشني.. ويرجعني ع البيت.. عنوان الجماعة مانو معي ولا بعرف وين ساكنين بالزبط.. كنت عم احاول اخفي حالي من طريقو.. لاهرب لشي مكان مايقدر يكشفني فيه.. اخفيت حالي ببيت ببناية.. وكنت بدي اطلع وقت شفتو هو واخي حاتم عم يركضو بالشارع..

سمر : يا الله وين بدي روح….

 

 

عروس قي غرفة الولادة بقلم جمايكا الاحمد الجزء الرابع

 

حاتم :- لك حلال قتلا هاي

اياد :- رح تفضحني يا حاتم اخرتي ع ايد بنت صغيرة. ثلاث نساوين قبلا ولا وحدة قدرة تتلفظ معي.. هاي اخر الليل تخليني اركض وراها

حاتم :- بس لاقيها لاخلي الدم ينفر من راسها نفر..

اياد :- اسمع اذا مارجعت من هون لبكرة انا ماعاد بدي اياها واعتبرها طالق.

حاتم :- شو هالحكي اليوم بترجع وهي بايسة الصرامي..

اياد :- انا والله بعمرا ما صارت معي اركض اخر الليل بالشوارع

حاتم :- خلص ولا يهمك كل شي بصير متل مابدك..

اياد :- انت روح بهاد الاتجاه وانا باتجاه الاسكان ما اعتقد لحقت تبعد اكثر..

حاتم :- الله ينتقم منك يا سمر جرجرتينا بنص الليالي..

..

سمر :- يالله والله اذا شافوني رح يقتلوني لا اخي ولا اياد رح يشفقو على حالي.. وين بدي روح ماحد بالشوارع واذا طلعت هلق من هون رح يكمشوني.. اااخ الله ينتقم منك يا اياد الله يكسر ايديك..

( كنت قاعدة بالبناية وخايفة ليجي شي حد ويكشفني. ماكنت بعرف شو مصيري.. حاولت اقفل باب البناية واقعد تحتاا لوقت مايمضى الوقت.. او يطلع النهار.. بس ماحسيت من التعب والوجع الا صوت ناس حواليه..

.ماقدرت فتح عيوني منفوخين… وماقدرانة شوف مين يلي حواليه بس كنت عم اسمعهن..

.

… ياحرام شكلو حد معتدي عليه او مغتصبها باينتا صبية صغيرة..

.. الله يكسر ايديه البنت شكلا هربانة من حد.. لان بلا شي برجليها..

.. اتصلو على الشرطة..

سمر :- لا دخيلكن لا تتصلو..

..هاتو شوية مية.. اختي انتي قدرانة تفتحي عيونك..

سمر :- لاء.. عم يوجعوني

.. بنتي مين عامل فيكي هيك..

سمر :- زوجي هو ضربني..

.. الله يكسر ايديه..

… ياجماعة يمكن البنت عاملة شي لا تدعو ع الرجال الا وقت تفهمو السبب

.. شو ماكان السبب مابحقلو يضربها هيك لك مورملا جسما كلو..

… يمكن البنت عاملة ذنب كبير..

… اتقي الله يا راجل شو بتحكي..

سمر :- شربوني شوية مية.

.. اي اي على مهلك اختي ليش ضربك زوجك.. وهو مين ووين بيتكن..

.سمر :- ضربني لاني جبت بنت وهو رماها ومن هددتو اكشفو للشرطة ضربني.. انا خايفة هني عم يدورو عليه ليل ونهار هو اخي..

.. مين جوزك مين بكون..

سمر :- اياد…… كان مجوز ٣ قبلي هو كبير بالعمر عمروا شي ٤٥ سنة.. ساكن بحي المشمش..

…. اي اعرفتو هاد ابو البنات يلي بطلق نسوانو لان بجيبو بنات..

.. من وين هو..

.. والله مابعرف بس هو مانو من المنطقة هو مهجر لان مانو جديد.. هاد بكون رفيقو لتيسير بكونوا بيلعبو طرنيب بالقهوة ع طول وصوتهن طالع ماعرفتو..

… اي اتذكرتوا.. هاد يلي وجهو محفر كثير.

.. اي هو..

.. العما بقلبو والله وجهو اجرام..

سمر :- لا تخبروه مكاني انا رايحة..

.. بنتي وين رايحة مانك شايفة حالتك..

سمر :- لا تخافو عليه انا بعرف لوين روح..

.. طيب انتي وين اهلك خلينا نخبرهن..

سمر :- انا مالي اهل ماتو واخي اذا بيعرف وين مكاني رح يقتلني لان رفيقو هو يلي زوجني لالو انا مالي حد..

.. اختي كيف فينا نساعدك اذا مابدك نتصل بالشرطة وما الك حدا..

سمر :- خدوني ع الحي الجديد.. بس وصلوني لهونيك انا بعرف ناس بساعدوني..

..بنتي استني هلق باتصل ع ابني وبيجي بياخدك بسيارتوا.. رايحة جبلك شي تلبسيه برجلك.. لا تخافي نحنا معك..

سمر :- لا تخبروا حدا اذا سال عني وين رحت والله بيقتلوني…

(( كانت ساعة وساعدوني بغطا وشحاطة ونزلوني بالحي الجديد.. ماكنت بعرف وين بيتهن بالزبط الست والرجال يلي وصلوني ما قبلو يتركوني ليعرفوا وين رحت او بمكان امن..

… بس قليلنا لمين بدك تروحي والمكان..

سمر :- لام قيس.. ( الكنية).. هي ساكنة بهاي المنطقة.. وهي عندها كنة اسمها هدى.. هي بتعرفني منيح..

… انا رايح اسال السوبر ماركت اكيد بيعرفهن..

سمر :- خالتو عذبتك معي.. بس خلص روحو انا بخير..

… بنتي ام قيس بتقربلك..

سمر :- عندها اقرب شي لالي..

.. السوبر ماركت قلنا بهاديك البناية.. هاد بيتهن ابنها مهندس مو هيك..

.سمر :- اي هني.. خلص انا بروح..

.. لاء بنتي انتي امانة وضروري نعرف وين مكانك..

سمر :- انا بروح سدقيني..

.. بنتي انتي مانك شايفة شي.. خلينا نساعدك..

(( وصلنا للبيت دقت الست اللي معي الجرس رد قيس..

قيس :-مين..

.. ابني هاد بيت ام قيس..

قيس :- اي اتفضلي..

.. معنا امانة لالها..

قيس :- طيب دقيقة اختي..

هدى :- شو في حبيبي

قيس :- وحدة عم تقول في امانة لامي..

هدى :- غريبة

قيس :- نازل لتحت اشوفها انتبهي للبنات…

امي يا امي..

ام قيس :- خير ابني في شي..

قيس :- مواعدة حد..

ام قيس :- لاء ابني في شي..

قيس :- في ست ع الباب عم تحكي في امانة ما امانة.. مافهمت عليها..

ام قيس :- طيب ابني شوفها بس لالبس ثياب الصلاة وجاي

قيس :- يالا.. مين حضرتك..

.. اخي انا ابن المرا يلي دقت.. في معنا بنت وصونا امانة لنوصلها.. هي مع امي البنت دايخ وعم تستفرغ.. استنى..

قيس :- مين هالبنت..

… ابني انت ابن ام قيس..

قيس :- اي خالتو.

..بتعرفها للصبية هاي.

ام قيس :- خير ابني مين..

.. انتي ام قيس بتعرفيها للبنت هاي..

قيس :- وجها مو غريب عليه.. بس ماني متاكد من الكدمات يلي بوجهها مين عامل فيها هيك..

.ام قيس :- اسم الله عليكي يا سمر مين عامل فيكي هيك يابنتي. يالطيف عليهن.. دخلها ابني دخلها.. اتفضلو ياجماعة..

قيس :- امي هاي ام هدى..

ام قيس :- اي امي هي فوتوا يا جماعة ساعدهن ابني..

.. جوزها ضاربها يا اختي ومكسرها البنت لقيناها بباب البناية نايمة هربانة من جوزها ضاربها.. لمورملا جسما مسكينة والبنت خايفة وهربانة منهن. وهي حكتلنا نجيبها لهون..

ام قيس :- الله يكسر ايديه..

… تعبانة البنت ماقدرانة تسند راسها..

ام قيس :- ريحها هون ابني.. الله يكسر ايديه يا بنتي اللي عمل فيكي هيك هادول عالم مابخافو الله في الولايا.. يا ويلهن من الله..

قيس :- بجوز عندها شي كسر براسها التنفيخ يلي بعيونا مانو شي منيح..

.. البنت خايفة تروح مشفى او نتصل بالشرطة ويعرف جوزها..

ام قيس :- الله يجحمو بجاه الحبيب المصطفى بنت طفلة مو حرام يعمل فيها هيك والله سم بدني. الله ينتقم منو هو وعيلتو..

… الله يسامحهن مقطوعة من شجرة يتيمة.. اخوها بايعها لرجال كبير..

ام قيس :- اي بعرف يا اختي.. عذبوها للبنت.. وقتلو كل شي حلو فيها..

.. انا والله ماهاين عليه اتركها.. بس الله يخليكي ضلك طمنينا عنها..

ام قيس :- انتي شو بقولو لالك

.. انا ام عادل وهاد ابني الوسط عبد.. ساكنين بالحي القديم.. هاد يا اختي رقم التلفون.. طمنينا عنها برضى الرحمن عليكم..

ام قيس :- استني اختي اشربي قهوة اي شي..

.. ماتواخذيني ابنو عندو جامعة امتحان وبدو يلحق يوصلني كرمال يروح جامعتو.. انا بجي اطمن عليها..

بعد مرور ساعتين..

هدى :- مرت عمي حرارتها مرتفعة

ام قيس :- على اساس قيس يردلنا خبر 😣. ويجيب الدكتور..

هدى :- عم دقلو مابيرد.

ام قيس :- خدي هاي الكمادات..

هدى :- مرت عمي خلوها تروح الشرطة تبلغ عنهن والله بيستاهلو السجن..

ام قيس :- حكيت لقيس… قلي بجوز يتهموها قضية شرف هو واخوها ويطلعو براءة..

هدى :- هاد قيس عم يدق.. الوو

قيس :- هدى اعطيني امي..

هدى :- اي يالا.. مرت عمي هاد قيس بدو اياكي.

ام قيس :- اي ابني

قيس :- امي جهزي حالك ضروري نصل المشفى

ام قيس :- ابني البنت خايفة..

قيس :- الدني مانها سايبة الخوف والهروب رح يزيد الطين بلة ضروري نجي ع المشفى ونعمل تقرير وتجي الشرطة تحقق..

ام قيس :- طيب ابني طيب

قيس :- جاي معي الدكتور نزار رفيق يوسف ليساعدنا بسمر لان بجوز يكون في كسر براسها استفراغ وحرارة وتنفخ عيون شي مو بسيط

ام قيس :- يا لطيف لا تقولا يامو.. يالا يالا رح نجهز..

قيس :- خلي هدى بالبيت ورح يجي اخوها ايهاب لعندا..مابتعرفي بجوز كانو عم يراقبوها لوين تروح..

ام قيس :- طيب مارح نطلع ليجي ايهاب ابن عمتك.

قيس :- شوي وبكون وصل امي انتو اجهزو.. بكون وصلت..

ام قيس :- بنتي قيس جاي لهون لازم ناخدها للمشفى هيك عم يقول.. ورح يجي اخوكي ايهاب يضل عندك لا تفتحتو الباب لحدا..

(( وقت فتحت عيوني ماكنت بعرف انو وين بس كل يلي عرفتو انو مكان بالمشفى صوت الاجهزة والطنين والاشياء يلي مرتبطة فيني اتاكدت اني بالمشفى كانت راسي مثبتة وماقدرانة حركها…

ام قيس :- فاقت ياهدى..

هدى :- مسكينة. الحمد لله..

ام قيس :- بنتي انتي شايفتينا..

سمر :- راسي..

ام قيس :- كان في كسر صغير بالراس والحمد لله قدر الله ولطف.. لا تتحركي

سمر :- صرلي زمان هون

هدى :- شي ٣ ايام الحمد لله فقتي مرتين بس كنتي تحت تاثير البنج حكا الدكتور انك بخير لا تخافي..

سمر :- راسي عم توجعني..

ام قيس :- اي ياعمري بخف ان شاء الله رح نادي الدكتورة..

..

(( كانت الاضاءة مشوشة بالغرفة وعيوني بعدن منفوخين.. اعطتني الطبيبة دواء مخفف للالام.. ومن يروح مفعولوا ارجع اتالم اضعاف.. بقيت بالمشفى اسبوع كامل.. يلي عرفتو انو في حراسة شرطة بالباب.. وانو وصل الخبر لالهن.. اجو حققو معي من بداية مرت اخي وجبروتها لوقت ماتزوجت وجبت بنتي… وكيف اجبروني اتركها..

هدى :- بنتك بخير وكلبوزة صارت ماقدرت جيبهن تركتن عند امي.. حبابة وهادية متلك.. لا تاكلي همها.. ان شاء الله انتي وهي بتكونوا بأمان..

ام قيس :- الله بدو ياخدلك حقك منهن لا تخافي يا بنتي.. ليكها الشرطة حجزوه لهاد اياد واخدوا اقوالنا واقوال هدى يوم المشفى حتى الطبيب يوسف.. وسمعت انو طالبين طليقاتو للتحقيق.. واخد تهمة شروع بالقتل.. في حرس ع الباب من الشرطة.. لان اخواتك اتهجموا بدهم ياخدوكي.. ان شاء الله بتنحل الامور وابني حاطط محامي منيح..

سمر :- اخواتي مارح يتركوني

ام قيس :- لا تخافي امي الا تنحل هالقصص..

قيس :- امي في وحدة اسمها رجاء. بدها تفوت.

سمر :- مرت حاتم

ام قيس :- ابني هاي مرت اخوها.. اكيد جاي تسم بدنها

قيس :- مافينا امي نمنعها من الزيارة.. قال هي رببتها..

ام قيس :- بنتي بدك نفوتها..

رجاء :- ليش مابدا نفوت.. بدنا نطمن ع هالهانم يلي خلت سمعتنا بالارض.. واذا منعت اخواتها يشوفوها.. نحنا كمان اولى بالاهتمام فيها..

سمر :- شو يلي بدك اياه مني

رجاء :- تسحبي كلامك عني وعن اخواتك وحاجتك تبلى..ما الك غيرنا الناس مانهن مجبورين فيكي.. ولا تتأملي خواتك يتركوكي هيك وتلحقهن السمعة العاطلة..مصير رجعتك ع بيتنا وع العموم جيت قلك انو اخوكي رح يطلقك من اياد اساسا هو يلي بدو يطلقك ماعاد بدو اياكي… ضبي هالقصة سمر عيب عليكي .. سمعتنا صارت حديث الناس،، اذا مانك خايفة ع حالك لالي بنات انا.. ع العموم هاد الحكي من عندي بس كلام اخوكي جاي قلك اياه.. بيتك هو عنا.. ولا تفكري تركضي ببيوت الناس.. سلام..

ام قيس :- الله يسم بدنها

هدى :- مرت عمي يعني شو..

ام قيس :- مابيطلع بإيديهن شي..

بعد مرور اسبوعين..

قيس :- امي كتبوهن ع تعهد ماحد يتعرض لاختو

ام قيس :- وشو يضمنا هالشي

قيس :- والله يامو مابنقدر نعمل شي.. بكفي انها اطلقت..

ام قيس :- وشو مايكون كلو فيلم ويرجعو يرجعوها هي والبنت لالو

قيس :- لاء ما اعتقد هو مانو معترف بالبنت.. مابدو اياها.. وتنازل عن الطفلة للام..

هدى :- طيب والله خايفة ع هدى الصغيرة ليآذوها خلوها عنا واضل تجي تشوفها..

قيس :- قال الشرطي اخواتها متكفلين فيها ووببنتها هيك ع اساس مكتوب بورق التعهد..

ام قيس :- والله قلبي بقلي مانو خير ابدا يامو

قيس :- شو بايدنا نعمل..

ام قيس :- بدي اضل عندي..

قيس :- كيف هاتي خبريني

ام قيس :- مو هو طلقها… اتزوجها امي

هدى :- شووو

ام قيس :- افهمي بنتي مافي الا هالحل

هدى :- مرت عمي احكيلي انك بتمزحي

ام قيس :- والله قلبي مقهور عليها وع الطفلة

هدى :- لاء مرت عمي مستحيل تاخد بنتها وتروح.. لا تقربيها ع بيتي.. لا تجازي المعروف بالعذاب..

ام قيس :- خطية هالطفلة وامها رح اضل محلاقتني الله يخليك امي فكر..

هدى :- وانا.

 

عروس قي غرفة الولادة بقلم جمايكا الاحمد الجزء الخامس

 

 

قيس :- امي شو عم تحكي..

هدي :- كأن ماحد حاسس بوجودي كان ماحد سامعنى.. ليش بدكن تحرقوا قلبي انتو ماشفتو الا كل خير مني..

ام قيس :- بنتي كرمال هالطفلة بس اسمعيني.. امها بوضع الله يعلم فيه.. واخواتها والله ليعذبوها.. اذا اخدوها مابعمرنا رح نشوفها لا هي ولا امها.. ورح ياذوا الطفلة مارح يربوها رح نبقى طول عمرنا نادمين..

هدى :- طيب انا شو ذنبي ارتكب هيك ذنب.. ليش ماتزوجيها لحد من اخوات قيس.. زوجيها لحد من قرايب ليش انا بس يلي اتحمل..

ام قيس :- اخواتو مارح يقبلو وبعدن صغار وواحد بعدو خاطب..

هدى :- انتو قلبكن من شو..

ام قيس :- احكي امي كلمة..

هدى : ساكت موافق اكيد

قيس :- امي ليش بدك تورطينا..

ام قيس :- خايفة اموت واضل حاملة ذنب هالطفلة وامها برقبتي..

قيس:- طيب ليش انا يامو

ام قيس :- لانك الوحيد يلي عارف قصة البنت وقدران يساعدها وانا ماهاين هالطفلة تروح من بيتنا..

هدى :- والله حرام يلي بدكن تعملوه فيني.. والله حرام 😭😭
..
(( هدى بهاديك اللحظات تركتنا.. وبقيت انا وامي.. نحكي بالموضوع كلامها كان يقنعني.. بس خايف جدا من ردة فعل هدى هي شخص مابستاهل اذيه بشي.. بنفس الوقت لحد الان مالقيت معها الحب من بعد اميرة كل تصرفاتها كانت تجبرني احترمها بس داخليا كنت مثل عليها الحب والزواج بس كنت بعدني عم دور ع اميرة مرة ثانية.. يمكن يلي خلاني اهتم بالبنت وساعدها هو وجها الطفولي الشبيه لاميرة.. ..

قيس :- طيب امي بس المخلوقة باشهر العدة ومابجوز اني اتقدملا ابدا..

ام قيس :- انا امي قلت من هلق لتحاول تقنع مرتك. هدى فهمانة واكيد انت قدرتك تقنعها هي بتحبك.. حاول بكم كلمة طيبة تقنعها..

قيس :- اووووف يامو. الله مابعرف شو اعمل..

ام قيس :- بس وغلات امير عندك مو وجها قريب من اميرة..

قيس :- سدقي ياامي انك لعبتيها منيح ع جرحي.. وكانك حاسة اني مارح اتردد.

ام قيس :- بعدها صغيرة كثير عمرها يمكن ١٧..يعني اول شبابها..

قيس : الله كريم لنشوف امي

ام قيس :- روح حاكي هدى بلكي روقت.. فايتة حاكي البنت واطمن عليها..

هدى :- فوت

قيس :- شبك عم تبكي

هدى :- لاء مافي شي بس حرقة بقلبي ع شي مانو مستاهل

قيس :- مزعوجة من كلام امي

هدى :- مزعوجة ع حالي..

قيس :- انتي ليش رفضتي اقتراح امي فيني اسمع منك..

هدى :- شو بدك تسمع.. فكرتك رح تحس فيني… بس شفتك مبسوط لفكرتها..

قيس :- انا ماني مبسوط لفكرتها بس البنت وضعها سئ وفتحت الموضوع مع رفقاتي ماحد عندو مبادرة لزواج..

هدى :- ايهاب اخي ايهاب انا بحكيه بس انت لا تقبل

قيس :- مستحيل عمتي مارح تقبل لابنها البكر وحدة متزوجة ومعها بنت وقصتها قصة بتجيب وجع الراس..

هدى :- يعني شو

قيس :- هدى بدك تقعدي وتفهميني

هدى :- بدون ماتقلي شي انا فاهمة شو ردة فعلك. انا بعرف انو انت موافق وبعرف انك بعدك عم ادور ع حب بحياتك عشت معك سنين كنت حاسة اني مجرد شخص بدك تحترم مشاعروا كرمال يلي عملو معك.. يلي عملو وضحى بحالو كرمال يحافظ ع حبك.. حتى من اتزوجت اميرة واخترتها.. قبلت بمعاناتك.. وجيت لهون واتحملت كل شي بربطك فيها بعد موتها.. اتحملت هجرك لالي بالايام والشهور.. اتحملت شوفك بغرفتها عم تحضن تيابا…. اتحملت صورها بكل مكان.. اتحمل كل ذكرياتك معها وحتى من نكون انا وانت سوا اتحملت طلباتك من تقلي اعملي متلا.. اتحملت من تجبلي قطعة تياب من تيابها الخاصة تقلي البسيها اشتقتلا.. اتحملت ترش عطرها فوق مخدتك لتنام وتشم ريحتها.. اتحملت كل وجه وكل نظرة عابرة تقلي بتشبه اميرة.. اميرة هيك كانت تحكي اميرة هيك كانت تحبك.. اميرة كانت تسمع هاي الاغنية.. اميرة اميرة اميرة لدرجة جسدت دور اميرة بوجه هدى.. عشت اشيلك بعيوني واتحمل كل هالشي لاني بحبك.. كنت شوف خوفك افرح اعتبر هالشي حب.. بس ينتهي هالخوف ترجع الامور لطبيعتها ويختفي الحب وتصير حياة اساسها الاحترام.. مجبور كنت تحترمني لان الشخص الوحيد يلي احتوى وجعك وضمدو.. وهلق شو جزاتي غير هالوجع الجديد عشت سنين لابعدك من هالواقع المؤلم بحبك القديم كنت قول رح يجي يوم وينسى.. بس انك تجازي تعبي بانسانة انا وقفت معها وتجيبا ع بيتي كرمال انها بتشبه وجه اميرة.. اي بعرف هالشي.. كل اهتمامك فيها بالمشفى وتحملك للبنت.. ودفعك لامك تعطيها العنوان وتحضن طفلتها كرمال شي يوم تشوفها.. خليتنا نسال عن بيتهن بكل الحارات كرمال نسمعك خبر منيح عنها.. انا بعرف كل شي يا قيس.. بس بكفي حاجي ادوسو عليه انا كمان مالي ذنب وعم اتحمل..

قيس :- شو يلي بيرضيكي انا رح اعملو

هدى :- انت مارح تعمل يلي بيرضيني لان يلي برضيني مابرضيك ولا برضي مرت عمي..

قيس :- طيب لا تستعجلي انا ما اعطيت قرار او راي مجرد كان اقتراح من امي واحتمال ارضيها بشي حد من معارفي

هدى :- واذا ماقدرت

قيس :- رح يصير وقتها حكي نتفق عليه كلنا..
لا تسبقي الاحداث.. انا وامي رايحين مشوار مشان رجليها لعند الدكتور وبس نرجع بنجتمع وبنحكي..

….

سمر :- كثير ياماما بتشبهيني.. كنت خايفة اخسرك للابد واخسر اليوم يلي احضنك فيه..

هدى :- فيني فوت

سمر :- اي هدى اكيد اتفضلي..

هدى :- اسمعي انا من يوم ماعرفتك ماقصرت فيكي لا انتي ولا بنتك وحطيت بنتك بعيوني.. اذا بتريدي بدي منك معروف واحد بس..

سمر :- انا مابعرف شلون بدي اتشكرك اذا بدي كفي عمري كلو مارح اوفيلك معروفك هاد معي..

هدى :- انا هلق بدي منك توفيلي اياه بدي منك طلب واحد بس. مانو صعب عليكي

سمر :- تكرمي رح لبيه لالك حتى لو كان ع حساب صحتى..

هدى :- انا مابدي شي فوق طاقتك هي شغلة وحدة بس..

سمر :- تكرمي

هدى :- بدي منك بوجود جوزي لا تتواجدي ابدا.. لوقت ما ترتاحي وتقومي بسلامة.. وبدي منك ترحلي بس تخلص ايامك انا رح ساعدك ودلك ع مراكز رعاية يساعدوكي..

سمر :- 😢. حاضر بس ليش هيك عم تطلبي مني

هدى : حماتي بدها تطلبك لجوزي.. وانا اتحملت كثير ليصير جوزي لالك اذا بتريدي انا مابدي حد ياخد زوجي مني ماحد احق مني فيه.. اذا عرضوا عليكي هالفترة بترفضي مابدي يجي وجع قلبي لالي بسببك.. انا بحبك وبحب بنتك وبعرف انك مظلومة واكيد مابهون عليكي الظلم او حد ينظلم.. انا انظلمت بحبو لقيس. لا تخسريني بيتي.. انا عندي طفلة متلك وطفل ربي بين احضاني ودخولك ع بيتي رح يهدمو.. مارح انطر ورح اطلق..

سمر :- ☹️ سدقيني انا ماكنت بعرف انو لهون واصلة سدقيني مانيتي اخرب بيتك او اذيكي او سببلك وجع.. انا رح نفذ كل شي طلبتيه مني..

هدى : مابدي حد يعرف بحوارنا

سمر : تكرمي

هدى :- انا بعرف انها صعبة عليكي اضلك محبوسة هون بوجود زوجي بس بدك تتحملي كرمال بيتي.. ووعد رح دقلك بكرة ع كل العالم يلي فيهن يساعدوكي.. وعندي صديقة امها مريضة وبدها حد يهتم فيها.. هي ساكنة لحالها.. رح احكيها يمكن تقبل تعيشي عندها مقابل عنايتك بامها..

سمر :- مابعرف شو قلك..

هدى :- لا تقولي شي بس كرمال الله لا تهدمي بيتي.. اتركيني مرتاحة.. بدون مصايب..

(( كانت عم تبكي وتحكي عن حياتها مع قيس وكيف اتحملت زواجو من وحدة تانية رغم انها بقيت تنطروا وهي بتحبو. كانت خايفة مني.. خايفة اسرقلا فرحة حياتا. ماكنت اتخيل كون بهيك موقف يهدم حيات ناس ساعدتني.. واهتمت ب بنتي ورضعتا…

ام قيس :- سمر.. انتي بعدك سهرانة بنتي

سمر :- اي خالتو ام قيس.. تعي

ام قيس :- كيف صرتي خف الازرق يلي على وجهك

سمر :- اي الحمد لله خالتو ام قيس مابعرف كيف اتشكرك.. انتي وهدى وقيس لو بدي انفي عمري كرمالكن مارح عوضكن ع شي..

ام قيس :- لا حبيبتي لا تحكي هيك هاد واجبنا وانتي معزتك عندي متل هدى واكثر.. بكفي تبقي هون جنبي..

سمر :- خالتو انتي بتعرفي انو اخواتي مارح يتركوني واكيد مارح يقبلو اعيش ببيت غرب.. وانتي عندك اولادك ومابصير ابقى هون ومانعتن ياخدو راحتهن فيه..

ام قيس :- والله قلبي اتعلق فيكي ومابدي تروحي خلص لا تفكري بشي انا بحل هالامور..

(( كنت بهاي الايام مابعرف شو اتصرف كنت اتوقع ردة فعل من اخواتي منيحة لرجعتي امن فيها.. بس اخي حاتم مصمم روح لعندو هو ومرتو رجاء واخواتي رفعو ايديهن.. طالما من البداية كنت عايشة عن حاتم ورجاء.. كانت ام قيس بتماطل الناس يلي كانت فايتة تحل القصة.. وبنفس الوقت هدى ماعادت تتعامل معي متل قبل.. ومن تقعد بينا انا وام قيس كانت نظراتها فيها حكي كثير حتى بنتي ماعادت حملتها.. وبس تبعتلا ام قيس لتنزل نقعد سوا.. كانت على طول عندها مببررات.. بس ماتنزل الا وقت تعرف انو قيس تحت.. وانا من يكون قيس اختلي بالغرفة لحالي.. واعطيهن راحتهن..

ام قيس :- بنتي بدك اضلك هون ليكها نامت البنت تعي اسهري معنا.. ابني جايب شغلات طيبة تعي قومي

سمر : خالتو ام قيس دخيلك خلص انا هون مرتاحة انبسطو انتو انا مابدي اسلب راحتكن

ام قيس :- شو هالحكي بنتي والله لتقومي انا كرمالك وصيت ابني ع شغلات تعي هدى كمان برا تعي اقعدي بينا..

(( كنت خجلانة منها كثير.. بس طلعت كرمال ماتزعل.. طلبت مني تقعد على كنباية مقابيلي قاعد فيها قيس.. بس وقفت بمكاني خجلامة لوقت ما اجت هدى قبلي وحطت ابنها امير فوق الكنباية يلي طلبت مني ام قيس اقعد عليها.. وهي قعدت جنبو وانا قعدت بطرف خالتو بحيث مايقدر قيس يلتف باتجاهي.. كنت شاعرة بغيرتها عليه.. ونظراتها لالي حاسة فيها.. حتى طول الوقت هي عم تحاول تجذب نظر قيس لالها.. ومن تحكي مرت عمي ويلتف باتجاهنا تحاول تشغلو بشي..

هدى :- حبيبي خد فنجان القهوة مني..

قيس :- يسلمو ياروحي كفي امي وشو صار وقتا..

ام قيس :- امو ماقبلت تروح لعند حماتها قال شو مانن من توبها..

قيس :- اي زمن.. يطلع الجوعان حديث النعمة ع ضهر اللي طول عمروا شبعان بس هالحرب دمرتوا.. كيفها بنتك سمر ماعم تشاركينا بالحديث..

سمر :- اها اي

هدى :- بنتها منيحة ياعمري ماتشغل بالك حماتي ماعم تقصر.. صح ولا لاء مرت عمي..اي صحيح حبيبي شو صار بقصة اخو سمر حاتم..

قيس :- لسه الكبار عم يحلو السيرة معهن

هدى :- طيب مادام الاخ متعهد على حالو قدام الرجال وعاطيهن كلمة..

قيس :- الرجال نفسهن يا هدى مانن مسدقينو لهاد حاتم وهي سمر ادرى فيهن مو هيك سمر..

هدى :- والله انا بشوف انو بضل اخوها ومابتهون عليه واكيد اذا في تدخل عائلي اكيد مارح يغلط بحقها احسن من بيوت الرعاية او.

ام قيس :- شو جاب سيرة بيوت الرعاية.. لشو بيوت الرعاية

هدى :- قصدى انو كرمال سمر مرت عمي

ام قيس :-، مين قال رح نحطها في بيت رعاية.. البنت هون ماناقصها شي عنا..

هدى :- مرت عمي بس اخواتها مارح يقبلو

ام قيس :- رح يقبلو اكيد..

سمر:- اسمحولي يا جماعة والله تعبانة بدي ارتاح..

ام قيس :- بنتي اقعدي ازعلتي

سمر :- لا والله بس بدي فوت اغى شوي هلق بنتي بتفيق وبضل سهرانة للصبح

قيس :- سمر..

( وقت وقف من مكانو ونادى على اسمي.. هدى نظراتها لالو كانت كلا غل وعصبية.وكانو ارتكب جرم بحقها..

قيس :-. ناقصك شي

هدى :-، شو بدو ينقصها قيس الحمد لله عايشة عيشة ملكات هون..

ام قيس :- هدى

سمر :- تصبحو على خير ياجماعة..
(( تركتن ورحت على غرفتي وتركت الباب موارب لاسمع حديثهن..

ام قيس :- هدى شو صرلك فجاة ليش هيك عم تحاكيها لسمر

قيس :- تصرفاتك ما صح

هدى :- شو يعني بشو غلطت بعدين شو هالاهتمام الزايد قيس فيها..

قيس:- اما مابهتم بشكل زايد.. انا عم قدم معروف

هدى :- المعروف لالو حدود عم تتعامل مع المخلوقة كانها حد قريب منك كثير..

ام قيس :- هدى مابصير هالحكي

هدى :- مرت عمي من يوم مافوتي هاداك الموضوع علينا وحياتنا عم تدهور.. ليش مابتتركوني ارتاح وعيش متل كل اتنين متزوجين ضروري تحرقوا قلبي للمرة العاشؤة.. تصبحو على خير..

ام قيس :- يييي شو صرلا انقلب كل كيانها

قيس :- غيرة.. والله يامو انا بقول نقفل ع الموضوع..

ام قيس :- لا ابني الا تتقبلو..

(( تاني يوم الصبح شفت هدى بالبيت.. وحماتي بعدا غفيانة..

هدى :- فايقة.. انا مارح كثر حديث اذا بتريدي لا تنزعي حياتي بترجاكي.. اتركينا وفلي..

(( حكت الكلمتين وراحت.. وكانو عيونا مورمين من البكي.. وكانها قضت ليلا كلو حسرة وزعل..

ماقدرت اتحمل خطية حد مالو ذنب حملت بنتي ورحت طلعت من البيت بدون ماحد يحس عليه ام قيس غفيانة.. وانا رحلت وتركتن.. كنت مابعرف لوين روح بس مالقيت الا بيت اخي مافي مجال ضلي هربانة منهن اتحملتن سنين هو وزوجتو.. دقيت الباب..

رجاء :- العما شوفي مين اجا.. شو قلعوكي اكيد..

سمر :- حاتم هون

رجاء :- اي طبعا هون يا حاتم تعا شوف اختك..

حاتم :- سمر هاد انتي فوتي حاجي اضلك ع الابواب..

اول مافتت البيت فكرت من استقبالو انو مرحب فيني.. مرتوا قفلت الباب بالمفتاح وطلبت مني فوت ع الغرفة لحقها اخي ومعو كرباج 😭..

بعدني مافتت باب الغرفة اكلت ضربة ع ضهري وايدي وايد بنتي صرخت بنتي من الوجع حطيتا بالارض لاوقفوا بس هو ماوقف كان الضرب من كل مكان مرتوا عم تدفشني وهو عم يضرب.. كنت ماقدرانة اوقفوا.. عيوني على بنتي خفت من التدفيش حد يدوس عليها.. دفشتها تحت السرير.. لوقت ع الارض من الضرب..

حاتم :- كنت حلفان يمين يابنت الحرام.. هيك بتعملي فينا وبتخلينا حديث اللي يسوي ومايسوى..

رجاء :- سترنا عليكي ليش عملتي بحالك وعملتي فينا هيك يا مقصوفة الرقبة. الله يهدك لك زوج بتتمناه كل مرة زوجناكي.. بتروحي لعند عالم مابيسووا.. وبتاخديهن جدار لالك ضدنا ياعيب الشوم عليكي تفي..

(( قضيت اليوم مسبات وضرب وتقريص.. حتى كاسة مية رفضو يشربوني.. ماكنت بعرف شو عملت بحالي.. اخدت بنتي بحضني وغفيت من وجع الضرب..

ام قيس :- والله يامو مابعرف فقت الصبح مالقيتا

هدى :- ولا انا ماشفتا. يمكن سرقت شي وهربت اتاكدي مرت عمي..

ام قيس :- بنتي حرام شو عم تحكي..

هدى :- انا بحكي لان مو معقولة فجاة اخدت بنتها وهربت على الاقل تعطينا خبر ما اذيناها بشي..

قيس :- سالت الجيران والعالم ما حد شافها.. ودقوا الكبار ع اخواتها قالو ما اجت ولا بيعرفوا عنها شي..

في اليوم التالي..

رجاء :- قومي غيري لبنتك ريحة الغرفة بتقتل.. قومي عندك شغل كثير اليوم

سمر :- طيب

رجاء :- اذا بسمع صوتك طلع او قربتي باتجاه الباب لاحكي لاخوكي واخليه يشبعك ضرب.. قومي بلشي ببنتك وخلصيها وتعي لعندي ع المطبخ بدي نعزلوا..

(( بقيت اكثر من اسبوع بهاد المكان وماحد بيعرف شي عني.. حتى من يجو اخواتي.. رجاء تقلن مانو حاتم هون بس يرجع بحاكيكن.. ومن يجو الكبار لعنا.. حاتم ينكر وجودي.. ومايستقبلن بحجة البيت في حرمات.. وانا عذابي كان عم يزيد يوم عن يوم.. كنت متاملة حد من اخواتي التانين يعرف مكاني وياخدني لعندو ع الاقل بضلن اهون من حاتم ومرتوا..

انتهت شهور العدة وبلشت مرت اخي تعرضني للزواج لرجال بعمر جدي.. بس كان شرطا اخد البنت معي وقت اتزوج والمهر عالي.. كانت عم اتاجر فيني للعالم ..

رجاء:- شو هالصوت مين عم يدق علينا هيك باخر هالليل..

حاتم :- مابعرف.. فوتي لاشوف.. مييين

:- هاد انا ابو الجهاد مختار العيلة.. ومعي الشرطة حاتم

رجاء :- شرطة لشو.. معقول هالحيوانة خبرت بس والله ماطلعت من قلب البيت..

ابو الجهاد :- افتح حاتم.

حاتم :- اي يالا.. خير شو في

ابو الجهاد :- جاي الشرطة تفتش البيت افتحلن مجال

حاتم :- لشو تفتش البيت

ابو الجهاد :- البنت مختفية صرلا ايام.. ومو معقول الكل بالو مشغول الا انت.. وبعدين القطاط اكلت كياس الزبالة من ع الباب.. حاول تخبي حفايض الطفلة بمكان اكتر لو بدك تخبي حد

حاتم :- انا ماخبيت حد اختي اجت لعني برجليا وقالت احميني من العالم مانك مسدق فوتوا..

رجاء :- اسمعي ولي اذا بتتنفسي بحرف انو نحنا عم نضربك او انتي بترفضي عيشتنا لاخلي حياتك سودة مارح تفلتي من ايدينا انا واخوكي ورح نجيبك.. بتطلعي هلق بتحكيلن انك مبسوطة هون وانك بدك تبقى مع اخوكي حاتم اكثر امان لالك وبتحكيلن انو العالم يلي كنتي عندهن كلاب وبدهن يستغلوكي.. افهمتي..

حاتم :- قلتلك لا تفتشو فايت جيبها.. سمر اسمعي

رجاء :- لا تقلا شي خدها بس لان بتعرف شو مصيرها..

ابو الجهاد :- تعي بنتي…

سمر :- عمي انا بدي ضل هون عند اخي..

( من الخوف ما قدرت قلن انهن بعذبوني كانت نظراتو لالي كلا انتقام.. قلتو لابو جهاد والشرطة بجي ابقى..

ابو الجهاد :- بدنا نحكي مع البنت لحالنا..

حاتم :- ليش لحالكن اختي بتقلكن مابدها تروح هي الشغلة بالزور..

ابو الجهاد :- قلت بدنا نحكي مع البنت لحالنا..

( اخدوني لبرا بسيارة الشرطة.. ومعي بنتي.. قعد الضابط وابو الجهاد معي..

ابو الجهاد :- بنتي شوفي انتي وين انتي هون بامان.. لا اخوكي ولا مرتوا.. هو غصبك اضلي هددك شي..

سمر :-ممم لاء

ابو الجهاد :- اسمعي بنتي ايديكي عليهن علامات ضرب.. واخواتك التانين احسن من حاتم ومرتوا.. مرت اخوكي عم ادلل عليكي ع ناس لتزوجك.. خبرونا العالم.. اذا خايفة من خواتك بيتنا مفتوح.. لالك مع بناتي.. لا تخافي اذا بدك هلق بخلص قصتك لا تخافي منو وانتي هون معنا مابترجعي تفوتي هاداك الباب..

سمر :- رح يقتلني حاتم

ابو الجهاد :- لاء مارح يقدر.. لا تخافي خلينا هون بدي اشياء من البيت

سمر :- لاء مابدي شي..

ابو الجهاد :- تمام خلونا نمشي ياجماعة..

(( نزل الضابط وخبرهن اني مارح ارجع.. طلعت حاتم من الباب وكلو انتقام.. رحنا بالسيارة لبيت ابو الجهاد.. لان اخواتي حديثهن طويل.. بقيت يومين مع البنات كنت حس حالي غريبة اتشنتط قلبي بين الناس وكل مرة بمكان..

ابو الجهاد :- بنتي سمر في حد بدو يقابلك تعي..

سمر :- مين

ابو الجهاد :- تعي هلق بتشوفي..

سمر :- خالتو ام قيس

ام قيس :- بنتي ليش فارقتينا ليش رحتي وتركتينا قصرنا معك بشي دايقناكي بشي..

سمر :- لا والله ياخالتو بس يشهد الله مابدي اخرب بيت حدا

ام قيس :- كنت بعرف انو هدى حاكيه معك.. ابني لمح لالي وقتا…

(( قيس :- هدى شبك ليش باعته لالي..

هدى :- قيس انا بترجاك اتسامحني انا مابعمري عملت غلط بحق حدا بس مابدي خطيه هالبنت تتعلق برقبتي هي وبنتا.. انا يلي ضغطت عليها لتروح

قيس :- هدى انتي

هدى ‘- ماكنت بعرف رح تختفي هيك.. واخوها يعذبها.. انا كنت خايفة عليك وع بيتي..

قيس :- لك ليش لك البنت ماتت الف موتة بسببك هالايام

. هدى :- بسببي انا.. الله يخليك سامحني..

..

ام قيس :- امي شبك صرلك كم يوم هاجر بيتك وعندي قاعد صاير معك شي

قيس :- لا امي مافي شي.. بس مقهور من شغلة.. امي سمر ماطلعت من بيتنا بارادتها طلعت مجبورة..

ام قيس : كيف يعني

قيس :- طلعت مجبورة مافيني احكيلك اكثر..

وبعد يومين.. اجت لعندي هدى..

هدى :- مرت عمي بدي احكيلك شي

ام قيس :- تعي هدى

هدى :- انا موافقة ع جوازة قيس من سمر

ام قيس :- مو لنعرف هي وين

هدى :- انا موافقة بس بشرط تجبيها لعندك وهو مايقربها.. بس زواج حماية لالها.. انا زوجي لالي ومابدي يروح مني

(( ما اخدت بحكيها ابدا لان ماكنا بنعرف مكانك وين.. انا بنتي مصيرك بعد كم يوم لواحد من خواتك.. انا بعرف انو طلبي مانو بمحلو ولا وقتو تعي لعندي صيري كنتي.. مكانك عندي راحة لالك ولالي انا تعبانة من بعد مارحتي والله قلبي ناطف عليكي كانك قطعة مني..

(( حديث خالتو ام قيس وابو الجهاد اقنعوني شبه ما لان ماكان عندي مجال لمكان اروح لعندن فيه لان اخواتي كلن نفس الطبع بس خايفين تتشوه سمعتهن متل حاتم بسبب افعالو..

سمر :- خالتو انا موافقة بس انا موافقة على شرط هدى بالاول

ام قيس :- شو هالحكي بنتي الله مابرضاه

سمر :- والله مابيرضا اكسر خاطر حد مالو ذنب.. انتي بدك اياني وانا بدي مكان آمن لالي.. موافقة على ابنك بس هو يضل مع مرتوا ويتعامل معي كأختو

ابو الجهاد :- بنتي مابصير وحرام وضروري يصير في زواج بشكل طبيعي.. ياتحرمي عليهن للابد…

(( ماقدرت حاكي هدى لانها كانت رافضة بس كنت قدرانة نفذلا طلبها.. انطلبت لقيس من اخةاتي وابو الجهاد وهني وافقو.. بس ام قيس عم تفكر انو فترة واتقبل ابنها وانو هدى لازم تنجبر لاني رح كون حلالو.. اما هو كل تفكيروا فيني.. وما عندو اهتمام لمشاعر مرتوا.. عملو عرس بس هي ماحضرت.. وانا اتجهز لالي ببيت ام قيس..

( جهزت حالي وفتت غرفتي.. وقفلت الباب لان كنت رافضتو لقيس..

قيس :- افتحي سمر

سمر :- قيس اذا بتريد الله يخليك

قيس:- شو هالحكي امي قفلت الباب

ام قيس :- بنتي افتحي..

سمر :- اتفضلي خالتو..

ام قيس:- فوت ابني

سمر:- خالتو بس افهميني

ام قيس :- اسمعي رح يصير زواج لان هاي سنة وشرع ربنا.. وهدى شي يوم رح تتقبل ان قالت اي او لاء..

سمر :- فوت قيس

ام قيس :- انا رح اتركن

سمر :- اسمعني الله يخليك انا ماني حابة الزواج بس والله مو بايدي حيلة.. ماعندي مكان.. ومابدي اكسر خاطرها لهدى الله يخليك

قيس :- هدى بتحبني ورح تتقبل هالشي.. واذا خايفة ع مشاعرها قدامها مارح نعمل شي تمام..

سمر :- بس

قيس :- انتي هلق مرتي وحلالي ورح عوضك عن كل سنين الحرمان انا اخترتك بدون اي شي.. انا متقبلك انتي وبنتك وبعيوني رح حطكن..

سمر :- والله هدى ما الها ذنب

قيس :- انا هدى بحترمها بس انا رجال ولالي حق الاختيار..

..

في الصباح..

هدى :- شو العريس بعدو مافاق.. جهزتلو الفطار

(( اطلعت من الحمام كان بعدو قيس نايم.. وكنت خايفة منها.. وجهو ماكان منيح.. ماكانت مبسوطة حاملة صنية الاكل وقلبها مقهور.. ماقدرت احكيها شي بس حاسة بنارها يلي كويتها فيها..

سمر : هدى

هدى : جبتلك فطار انتي وزوجي بدكن اخدمكن طول عمري اي تكرموا..

سمر :- شو عم تحكي انا يلي بدي اخدمك

هدى :- كثر خيرك خدمتيني واخدتي مني احلى شي كنت شايفو بحياتي..

( من داخل الغرفة))

قيس :- سمر

هدى :- عم ينادي عليكي زوجي

(( بقي ينادي لوقت ماطلعت من الغرفة وهو لابس روب النوم.. كنت خجلانة منها نزلت الصنية بالارض وطلعت تبكي وصوت شهقاتا مسموعين..

ام قيس :- صباح الخير شو في يا اولاد

سمر :- انا قلتكن لاء ليش عم تحملوني شي فوق طاقتي انا تعبانة من كل هالدني ليش لتخلوني اجازيتي بشي سئ..

(( فتت غرفتي وماعدت اطلع.. كنت حاول الاقي طريقة لاواسيها فيها..

ام قيس :- وين سمر

سمر :- مرت عمي رايحة لعند هدى فوق فيني..

ام قيس :- بنتي اتركيها الا ترضى شي يوم..

سمر : بدي روح لعندا..

(( دقيت الباب وهي فتحت لالي.. كان بيتها جنة اهتمام.. مامنعتني فوت.. دخلتني بس ماحكت معي شي…

سمر :- فيني افوت

هدى :- اي كنت ناطرها لزيارتك.. تعي افرجيكي شي..

سمر :- شو هو

((لغرفة بابها مقفول.

هدى :- فوتي.. لا هاي مو غرفتي هاي غرفة ضرتنا ميتة.. الله يرحمها ساكنة هي معي هون.. بحترمها بحترم حبو لالها.. عايش معها هون يوم عندي كان ويوم عندها.. يفيق يفوت ع غرفتها يبوس صورتها ويطلع يفطر معي.. يحي اخر الليل نسهر سوا متل اتنين متزوجين.. وبس يخلص يفوت لعندا يبكي لان خانها بالحلال ٤ سنين عشناها سوا وانا قبلانة بكل جرح بكل عتب بكل كبيرة وصغيرة.. كان يجيب تيابها ويقلي لبسيهن.. عطرها لمساتها حركاتها.. كنت هدى المعطاءة حبيتو من قبلا.. واجت هي اخدتو مني.. راحت رجعت اخدتو بس بعدو معها.. لوقت انتي ما جيتي.. حسيت روحها واتقمست فيكي.. عرفت انو انتي اميرة بس بوجه سمر.. اميرة يلي بقيت اخاف منها لترجع تحيا وتاخدو.. فنيت عمري كلو لاخلي روحها تموت من حياتنا.. بس انتي جيتي واحيتيها انا هلق بعلن فشلي ومبروك عليكي هو.. انتي هلق اخدتيه وانا ماني زعلانة. انا هلق عرفت اني جسد اميرة يلي تحت التراب وانتي روحها.. انا اخدمو بعيوني وانتي تخدميه بروحك..

(( ماقدرت اتحمل كلاما ونزلت.. بس ماكنت اتصور منها تتقبل فكرة اني ضرتها.

وها هو شهر العسل مضي شهر كامل هو هاجرها.. بس ماكان بايدي اعملا شي.. تجي تسهر وتشوفوا عم يضحك وهي متل شمعة وانطفت.. نفسي اجي قلا اني انا مابدي شي واني لقيت ملجأ لاني بحاجة نفسي لاقي كلام اقدر اوصفلا اني ماخدت منها حد.. وانو زوجها لالو.. بس قيس متل ماهي قالت.. شاف فيني روح اميرة.. وكاني انا وهدى ضحايا اميرة..

هدى :- عم تحسي باميرة انا متلك بالبداية بس هلق ارتحت انتي اخدتي نص الهم عني..

سمر :- بدي منك تسدقي انو مابهمني ماعندي اي مشاعر تجاهو..

هدى :-متل ماكان هو معي.. ماعندو اي مشاعر لالي..

سمر :- بدي صارحك بشي.. انا عم عيش متلك متل ما انتي عشتي.. هو بالغرفة مابناديني الا اميرة.

هدى :- ههههههههه خجي اشربي هاي القهوة.. اول مرة احس براحة…

سمر :- هدى انا كنت خايفة منك

هدى :- لا لا تخافي انا فعلا حسيت بنارك.. انا وانتي ضحايا.. سدقي كنت عايشة بكابوس..

سمر :- بس قيس كثير بحبك

هدى :- بدك تعملي متل كل ضرة بتصير رفيقة ضرتها وتقلا جوزك بحبك وهيك.. لا تكذبي عليه..

سمر :- انا واجهتو امبارح بكل هالحكي وقلتو لا عاد تناديني اميرة انا سمر سمر سمر سمر.. وصرت اتخانق معو قلتو انا ماني هدى..

هدى :- اي وشو قلك

سمر : قلي ماعاد يقلي اميرة.. وانو انا سمر ومن هالحكي..

( انتهت قعدتنا مع بعض وهي راحت لبيتا وانا بقيت في بيتي كان هاد اليوم لهدى.. وهو المفروض يكون معها..

بالسهرة كنت انا وبنتي وامير قاعدين مع خالتو ام قيس… وقت اسمعنا صراخ ع الدرج.. كان صوتها لهدى.. وبايدها بنتها وشنتاية. وقيس عم يلحقا..

هدى :- بدك اطلقني شئت ام ابيت..

قيس :- لك اسمعي تعي هدى

هدى :- كابوس اميرة معيشني لك انا روح روووح

قيس :- هدى حاجي فضايح

هدى :- لاني هدى الطيبة هاد مصيري..

ام قيس :- بنتي انطري.. هدى.. تعي تعي هاتي البنت وتعي قفلي الباب يا سمر..

(( اخدناها لعنا حسيتا اكثر حد تعيس ومكلوب بالحياة رغم كل شي شفتو بحياتي.. اكثر حد اتحمل بالكون هي هدى.. كانت عم تبكي وماعم نفهم شي من كلامها..

ام قيس :- امي فهمنا شو صاير

قيس :- مابعرف شو صرلا

سمر :- قيس بغلاة كل حد بتحبو وفقدتو اطلقني.. انا خليت حياتكن جحيم.. الله يخليكن.. انا ماني تاركن بس خلص انا بدي بعد عن حياتها هدى ما الها ذنب بشي.. الله يخليك بعدني..

قيس :- شو جنيتو انتو الاتنين..

(( اندق الباب وكان اخوها لهدى اخدها وراح بعد تفاوض مع قيس.. وانا بقيت ابكي على حظي المعتر ولحد هاداك اليوم ماعم تقبل ترجع.. رغم محاولات قيس ليرجعها.. رحت انا وخالتو لعندا انزورها.. قالت انو مو انا الذنب ومادخلني بشي..

هدى :- انا بدي كل شي بالبيت عندي لالو علاقة باميرة ينشال اذا بدو يرجعني.. او يشوف لالي بيت تاني..

(( رفض قيس يشيل كل شي من البيت بخص اميرة.. اتفقو ترجع ع بيتنا تحت لوقت ما يلاقو بيت لالها..

وصرت انا بغرفة وهي بغرفة..وصرت شوف الغيرة… حسيت رغم انو مافي مشاعر بيني وبين قيس الا اني انخنق وقت شوفوا عندها.. كنت حاول فيق حالي من التفكير.. وقول شو عم خبص انا هو مو لالي هي احق مني فيه.. واحيانا هي تغار وكل مرة يكون عندي تشغلو بامير وانو ماحسنان ينام بدونوا.. لوقت ماصرنا انا وهي من غيرتنا بلا زوج.. صار يقضي اغلب اوقاتو فوق عند اميرة..

وبقينا نحنا تحت.. نتحسر ع ايام هي الجسد وانا الروح..

انتهت..

سؤال لو كنتي بمكان هدى شو رح تكون ردة فعل على المعاناة يلي شافتها.. وخاصة مع حد مع اميرة لا حول ولا قوة من وضعها.. كنتي رح تتقبلي فكرة الضرة.. لو كنتي بمكانها..

مين الضحية الحقيقة ومين الجاني بالقصة…

وتفكير ام قيس كان لصالح سمر ولا لصالح ابنها..

انا بعرف انو سؤال ماحلو كثير سيدات فقدت محب ولهلق عايشة بحسرة فقدانو.. معقول قيس لالو عذروا..

جاوبوا..

mal alsham

لا تعليقات بعد على “عروس قي غرفة الولادة بقلم جمايكا الاحمد

اترك تعليقاً

لن يتم نشر عنوان بريدك الإلكتروني.

error: Content is protected !!