عروس للايجار بقلم امل احمد سلوم الجزء السابع

عروس للايجار بقلم امل احمد سلوم الجزء السابع

عروس للايجار بقلم امل احمد سلوم الجزء السابع

عروس للايجار بقلم امل احمد سلوم
عروس للايجار بقلم امل احمد سلوم

#عروس_للإيجار
#الجزء_السابع
#بقلمي_امل_احمد_سلوم (◕‿◕✿)

*╚══════ღღ══════╝
ألم يخبرك مظهري وتلك الحدائق السوداء تحت عيني اني أشتاق إليك حد القسوة على نفسي 💔

*╚══════ღღ══════╝

ماشي بسيارته سارح بفكره لبعيد عم فكر ب ام عيون سود يلي ظلمها وبسببه ما حدا بيعرف وين اراضيها… .
اهمل نفسه وصحته حتى لحيته يلي كان دايما يحددها ويهذبها صارت هوجاء كثيفه تغطي وجهه الجميل الذابل
وسام : ياترى وين اراضيكي يارفاه غيابك هد حيلي والله ماعاد فيي اتحمل كل هالعذاب… ارجعي لتسامحيني ورديني غريب متل ماكنت بس ارجعي كرمال الله… .. يااااارب رد لي ظالتي 💔

*╚══════ღღ══════╝

وببيت كمال كانت الفرحة كبيره بعد ماافتتحوا الشركة الجديده ورجع اسم كمال الخطيب يلمع بالسوق

عصام : الف مبروك ابي
كمال : مبروك علينا ابني هلأ ارتاح بالي فعلا
ناصر : يعني عدلت نهائي عن فكرة السفر
كمال : صدقني ما رح ارتاح الا هون وبعدين اسم عيلة الخطيب كبير بالسوق بدك ياني سافر واتغرب وبلش من الصفر
عصام : انا معك ابي بالاخص انه عمي مالك ووسام ماعادو عقبه بطريقنا
ناصر : انا فعلا مستغرب من وسام توقعت وقت يعرف الحقيقة ينتقم مننا كلنا ويخفينا من على وجه الارض
عصام : كأنه كنا ظالمينه ابي
كمال وهو بيحاول يتهرب من الجواب : شو رأيكم تاخدو نور وتروحوا تحتفلوا بشي مكان
عصام : عن نفسي موافق ..شو صهر
ناصر : المنيحه مابدها سؤال… خليني خبر نور لتجهز حالها
طلع ناصر وبقي عصام عند ابوه
عصام : ابي
كمال : نعم
عصام : مو حاجتنا قطيعه مع بيت عمي
كمال : حتى لو فكرت بالصلح… فات الأوان ابني
عصام : ليش ابي
كمال : لانهم رح يحكوا ما فكر بالصلح الا بعد ما اخدت يلي بدي ياه
عصام : مابتوقع وسام وعمي مالك بيفكرو متلك ابي
كمال : روح هلأ انبسط وخلي هالموضوع للايام ابني
عصام : وانت رح تبقى بالبيت
كمال : لا بدي روح شق على رفيقي جهاد سمعت انه مرضان
عصام : ماشي ابي .. خاطرك
كمال : الله معك

*╚══════ღღ══════╝

رفاه : الو كيفك ملك
ملك : تمام يا روحي شو بعدك ماخلصتي شغل
رفاه : امبلا خلصت ورح سلم للشيفت اللي ورايي
ملك : اي الله يعطكي العافيه
رفاه : تسلمي… . وينا خالة انعام
ملك : ليكا حدي في شي
رفاه : كنت بدي اخد رأيها بشغله عطيني ياها ازا سمحتي
ملك : اي طبعا… خدي امي رفاه عاوزتك
انعام : اي بنتي
رفاه : خاله اليوم اجاني عرض لشغل يومين عند جماعه
انعام : لفايه 😲
رفاه : هههههه لا خاله جليسه عند مره ختياره مقعده
انعام : ومين هالمره
رفاه : ام صاحب المطعم ولانه مضطر على وحده تبات عند امه يومين عرض عليي كل ليله ب الف دولار… شو رأيك خاله
انعام : اي ليش لأ هالمصاري انتي اولى فيهم ومدامهم ليلتين توكلي ع الله بنتي بس حاكيني وطمنيني عليكي اي
رفاه : حاضر خاله
سكرت الخط وهي فرحانه لانه وضعها المادي عم يتحسن وصارت قادره تستأجر بيت خاص فيها وماتكون عبئ عحدا حملت دفتر المنيو وفاتت لتبدل تيابها وتطلع مع ربيع على بيته

* ╚══════ღღ══════╝

ناصر : شو رأيكم نفوت عهاد المطعم عندو اصناف اكل بتشهي
نور : خلصوني اختارو اي مطعم لك متت من جوعي
عصام : هههههه ازا جاعت نور معناته دق جرس الطوارئ
ضربته عكتفه : حاج تتغالز عليي ع اساس وقت تجوع بتعود توعى عحالك
ناصر : حاج انت وياها متل النداده والنواحه خلص تعوا لنفوت عهاد المطعم بنتعشى وبنروح نسهر بمكان هادي
عصام : تمام
فاتو عالمطعم وقعدو بصالة الشخصيات المهمه
نور بقرف : شو المطعم هاد
ناصر : من شو بيشكي المطعم
نور ما بعرف ماحبيتو
عصام : حاج ولي المطعم هاد مو اي حدا بيفوت عليه
نور : اي وانا ماعجبني هه 😡
ناصر : امري لله شرفي نور خانوم لنشوف مطعم تاني
نور بصدمه : لك هي رفاه ؟؟
عصام : مين رفاه
فتل ناصر حاله بعجل : وينا ؟؟
نور : اطلع هونيك يلي نازله مع هداك الشب
ناصر : اي والله رفاه بس شو عم تعمل مع هاد الشب
عصام : شو بدكو فيها مو طلقها وسام خلوها تعيش حياتها
نور : الضاهر عايشه حياتها صح هه 😏

*╚══════ღღ══════╝

وقفت رفاه بخجل قدام سيارة ربيع
ربيع : شبك انسه رفاه اركبي السياره
رفاه : معلش مو متعوده اركب مع حدا غريب
ربيع : انا مو غريب رفاه انا مديرك وهلأ اركبي لوصلك عند امي
رفاه : معلش انا باخد تاكسي وبلحقك
زفر ربيع بضيق وحط ايدو بجيبته وتوجه لعند رفاه
ربيع : قلتلك انقبري واركبي السياره
رفاه : انت كيف بتحكي معي هيك… عن ازنك شوفلك خدامه تقعد مع امك
ربيع : اي تعي لهوووون
وطال من جيبته مخدر ورشو بوجه رفاه… وغابت عن الوعي
ربيع : وهلأ انقبري فوتي العما بعيونك
دفشها جوا السياره ولمح حدا من بعيد عم يركض ب اتجاهه… فتل حاله وركب سيارته وطلع ب اقصى سرعه

ناصررر : وووقف ياحقيرررررر
عصام : لك هاد خطفها
ناصر : بسرعه خلينا نلحقه قبل ما يعمل فيها شي
نور : وانا رح اتصل بوسام وبلغه

*╚══════ღღ══════╝

زكيه : شبك لميس لوين رايحه بهالوقت
لميس : اتركيني امي كرماااال الله
زكيه : كيف اتركك مو شايفه الساعه تعدت عشره بالليل وين بدك تروحي
لميس : لجهنم امي رايحه لجهنم
مسكتها من بلوزتها وسحبتها بقوه : عم قلك لوين رايحه به الوقت بتردي
لميس : اتركينييييي اميييييييي
زكيه : مارح اتركك قبل ما اعرف لوين رايحه
بتدفش امها عنها وبتوقع شنتتها مقلوبه وبنتكت كل يلي فيها
زكيه : ولي على امتي لشو حاطه سكين بشنتايتك وبتوقع عينها على فحص الحمل… . بتمسكه وايديها عم يرجفوا
زكيه : شششو هاد لميس لمين هاد
لميس :… ..
زكيه : اانتي حامل ؟؟؟؟؟
لميس :……
زكيه : يعني وقت اجت رفاه وحكت انها شافتك مع شب ماكانت عم تكزب
لميس : حاااج امي… اي انا حامل بس مو بالحرام انا متزوجه عرفي وهلأ رايحه لخليه يعترف بالولد او بطلع بروحو
وتركتها وطلعت متل المجنونه ع البيت اللي كانت تلتقي فيه مع ربيع
لميس : بعد ما اخدت اللي بدك ياه بدك تزتني يا حقير والله لاشرب من دمك والله

*╚══════ღღ══════╝

وقف سيارته وتناول موبايله بتعب ليشوف رقم نور عم تتصل عليه… رماه عالكرسي يلي حدو وكمل طريقه
عصام : شو صار معك نور
نور : ماعم يرد
عصام : ارجعي اتصلي مره تانيه لازم يعرف انه رفاه انخطفت
ناصر : لك مين هالحقير يلي خطف رفاه
عصام : خليك ماشي وراه صهري اوعك يضيع منك
ناصر : لاتخاف عصام رح جيبه واشرب من دمه لك هالبنت انا يلي بعرفها مسكينه ودرويشه
نور : بس كأنها نزلت معه ب ارادتها
ناصر : الضاهر خدعها ليخليها تركب معه بالسياره وبس حست انه في شي ملعوب حاولت تهرب والحقير خدرها
نور : الله يحميها
عصام : ارجعي اتصلي على وسام
نور : طيب

*╚══════ღღ══════╝

ملك : قلبي ناقزني
انعام : من شو خير بنتي
حطت الريموت من ايدها واردفت
ملك : الشغل يلي اجا لرفاه فجأه
انعام : لاتخافي بنتي هنه ليلتين وبيمضوا
ملك ان شاء الله امي
وبهالوقت بيندق الباب بقوة وبتقوم ملك تركض لتفتح
زكيه : دخيلك يابنتي رفاه هون
ملك : لا والله ياخاله عندها شغل عند جماعه
انعام : خير ست زكيه شو في
صارت زكيه تضرب ع وجهها وتولول : ضاعت بنتي ولي على امتي وينك يارفاه لحقي اختك 😭
ملك : شبها لميس خالة ؟؟
زكيه : دخيلك ياربي بدددددي رفاه جيبولي رفاه
ملك : طيب طيب اهدي انا رح اتصل عليها
انعام : فوتي لجوا ست زكيه بلا مالجيران يلتموا عالصوت
زكيه بتعب : دخيلك ياربي اااه بنتي ضاعت بنتي ضاعت
ملك : ماعم ترد عليي يمكن مشغوله
زكيه : وليييييي على امتيييييي ولييييي على طوووووولي
طلعت تركض بالشارع وهي بتنادي عطول صوتها يارفاااااااااااه يالميسسسسيسس بنتيييي ضاعت مني يارفااااااااه الحقي اختك
من بين صرخاتها ودموعها مابتلمح السياره اللي جايه ب اتجاهها بسرعة وبتضرب فيها لتوقع زكيه ع الارض فاقده الوعي وعم تهذي ب اسم رفاه ولميس

*╚══════ღღ══════╝

بعد عدة محاولات اخيرا بيرد وسام بصوت مرهق

وسام : اي نور انتي ماسافرتي
نور بعصبيه : وينك انت ليش ماعم ترد
وسام : انا كنت ..
نور : لسه بدك تشرح تعال لوسط المدينة عند الدوار التالت
وسام : مالي خلق يا نور بعدين
نور بصراخ : رفااااه انخطفت ياوساااام رفاه انخطفت
حس وكأنه حدا شلع قلبه من بين ضلوعه وهشمه
وسام : انتي شوووو عم تحكي نور
نور : لك متل ماعم قلك في واحد خدرها ولحشها بسيارته ونحنا ماشيين وراه
وسام : انتو وين بالزبط
نور : عند الدوار التالت
وسام : انا هناك رح اجي فورا
تعال بسرعة قبل مايعملا شي
وسام : خليكي عالخط لاتسكري ابدا
نور : ماشي

حط عالسبيكر ليبقى على تواصل مع نور ودعس بنزين وحط الضو العالي وضغط عالزامور
صارو السيارات تفكرو من الشرطه او معه حاله طارئه ويفسحولو الطريق وهو طاير ب اقصى ساعه

وسام بقلبه : والله ازا بيلمس شعره منها لاطلع بروحو 😡

*╚══════ღღ══════╝

وبالمشفى
كمال : طمني دكتور كيف وضعا
الدكتور : انت بتعرفها شي
كمال : ابدا… انا كنت ماشي بسيارتي وفجأه طلعت بوجهي كانت عم تصرخ وتركض وما عرفت اتفاداها
الدكتور : عندها ارتجاج بالمخ وكسر بالحوض… ياريت تشوف مين اهلها لتبلغهم
كمال : لاحول ولاقوة إلا بالله… ماشي دكتور يعطيك العافية

*╚══════ღღ══════╝

وصلت لميس على بيت ربيع وفتحت الباب بالمفتاح يلي معها
لميس : ربيع… ربيع … وينو هالكلب احسن شي استناه ليجي
فتلت حالها لتسكر الباب ولمحت ربيع نازل من سيارته عم يجر بنت
لميس : العما شو عم يعمل هاد ومين هي يلي معه
وقفت ورا الباب ورفعت سكينها لحتى فات وزت البنت عالكنبه
رفاه بتعب : اه… انا وين
ربيع : لك تعبتيني لحتى قدرت احصل عليكي… الليله انتي
ملك لربيع وبس ياحلوه
رفاه : بعد عني يا واطي اه…وصارت تحاول تنادي بصوت يادوب مسموع وساااام وساااام
ربيع وهو بيشلح قميصه وبيقرب عليها : ههههه نادي لمين مابدك هون ماحدا رح يسمعك
لميس : متأكد ياربيع
فتل حاله ناح الصوت واتفاجئ بلميس واقفه وراه وحامله ب ايدها سكين
ربيع : لميس ؟؟
لميس : اي لميس يا واطي لميس اللي ضحكت عليها وبدك تزتها للشارع وبكل وقاحة جايب اختي معك لهون
ربيع بتلعثم : اااهدي يا روحي ووووالله مابعرف انها اختك
لميس : بعدك عم تكزب ياكلب ياواطي،
هجمت عليه وحاولت تطعنه وربيع بجثته وبنيته القويه خلصها السكين بحركه وحده وزتها فوق رفاه
ربيع : هههههه شكلها ليلتي حتصير احلا مع الاختين
حضنت رفاه لميس وصرخت : بعد عن اختي يانجس
ربيع : اااه بدكم تتعازموا… هيك مابيمشي الحال ياحلوين
وقفت لميس وحاولت تضربه وصدها ولكمها بقوه على وجهها
وسحب رفاه من اجريها ونيمها تحته
ربيع : اااه شو استنيت هاللحظه
رفاه : بعددددد عني ياوووووووواااااطي وسااااااااااااام
ربيع : ههههههههههههه
قرب منها وشقلها قميصها نصين وقبل مايهجم عليها تلقى ركله قويه بوجهو
وسام : لك يا واطي يا ابن الحرام عم تمد ايدك على مرتي والله لاشرب من دمك
هجموا التنين على بعض وقدر ربيع بجسمه القوي يتملك وسام يلي كان منهار ومو قادر يتوازن
رفاه : وسااااام انتبه
ناصر : اجاك الكبير ياصغير
عصام : اجتك الفزعه ابن عمييييي
هجموا الشباب على ربيع وصارو البنات يساعدو بالضرب
وهون صار ربيع متل العجينه بين ايديهم… وماعاد عرف من وين عم يجيه الضرب شي شباشب شي كفوف شي بالحزام لحتى تهبر جسمه وصار الدم يدفق من تمه وانفه ووقع تحت اجرين وسام لا من تمه ولا من كمه

وسام : رفاه
رفاه بدموع : وسام

وقف الزمن فيهم للحظه سكتت شفايفهم وحكت عيونهم كل شي بقلوبهم…
‏دعينى أبلغ عيناكِ أني—————–عشقتها غرقت وما أروع
الغرق في بحورها——————-أسرت وما أجمل الأسر بها
عشقت ولا عشق يفوق————عشقي لها دعيها تحتضنني
فما أجمل أحضانها وما————-أروع الحديث في نظراتها
أتركي عينيكِ تحتضن—————–عيوني ودعيني أعشقكِ
بصمتي وجنوني دعينا————————نعشق بكل اللغات
دعي عيوننا——————–—————–تتحدث بالنظرات
————————–————————–—–

كان نفسها ترتمي بحضنه وتقله اشتقتلك وهو كان نفسه يضمها ويقلها غيابك عذبني وهد حيلي
بقيوا صافنين ببعض لحتى قطع هالمشهد الرومانسي صرخة نور : اخيييييييي انتببببه
استغل ربيع انشغالهم ببعض وسحب السكين اللي وقعت من لميس وهجم على عصام وحط السكين عرقبته
ربيع : ههههه معلش قطعت عليكم المشهد العاطفي
وسام : تركوا يا كلب
ربيع : مابدي اسمع نفس واحد فيكم .. يالله اتجمعوا عالحيط يالله
وسام : لا تخاف عصام وخليك هادي
ربيع : يالله عالحيط 😡
بلشوا يتجمعوا عالحيط ولميس عم تحاول تحلل صندلها وتفتل ورا ربيع بهدوء
ربيع : معلش مافيي اخد هالبغل معي تعالي انتي يارفاه
مسك وسام ايد رفاه وخباها وراه : ما الك ب رفاه خدني انا عواض ابن عمي
ناصر : خدني انا عواضهم
ربيع : على شو عم تتعازموا شو اخدكم سيران انا

وفجأه…… اااااااااخ 😵
وقع ربيع ع الارض بعد ماضربته لميس بكعب صندلها
رفاه بفرح وهي بتزقف : برافوو اختي
نور : اخي انت منيح
عصام ; اي منيح
ناصر : خلونا نسلم هالكلب للشرطه
وسام : فعلا يلي بيحاول يقتل حدا لازم يتسلم للشرطه
ناصر :…… .
وسام : شو ياصاحبي ماعندك حكي تحكيه
ناصر : سامحني وسام ..
وسام : ياريت بقدر انسى يا ناصر
ناصر : 😔
وسام : ياريت بقدر انسى انك السبب اني عرفت رفاه
ناصر : يعني 😲
وسام : يعني ياحمار 😂
مد ناصر ايدو : بعاهدك عالاخلاص ياشريك
مسك وسام ايد ناصر بقوه: والخاين يخونو الله
حط عصام ايدو على ايديهم : والخاين يخونو الله
حضنوا بعض ونزلت دموع الكل كانت لحظة قاسيه وحلوه مؤلمة وعذبه…
ماعاد في بين ولاد العم كراهيه وحقد ورجع الاصحاب اصحاب بس ياترى رح ترجع رفاه لوسام ؟؟



خليكم معي بالجزء الثامن والاخير لتعرفوا… . 🙈

*╚══════ღღ══════╝

عروس للايجار بقلم امل احمد سلوم الجزء الأول

عروس للايجار بقلم امل احمد سلوم الجزء الثاني

عروس للايجار بقلم امل احمد سلوم الجزء الثالث

عروس للايجار بقلم امل احمد سلوم الجزء الرابع

عروس للايجار بقلم امل احمد سلوم الجزء الخامس

عروس للايجار بقلم امل احمد سلوم الجزء السادس

عروس للايجار بقلم امل احمد سلوم الجزء السابع

عروس للايجار بقلم امل احمد سلوم الجزء الثامن والأخير

admin

4 أراء حول “عروس للايجار بقلم امل احمد سلوم الجزء السابع

اترك تعليقاً

لن يتم نشر عنوان بريدك الإلكتروني.

error: Content is protected !!