عروس للايجار بقلم امل احمد سلوم الجزء الثامن والأخير

عروس للايجار بقلم امل احمد سلوم الجزء الثامن والأخير

عروس للايجار بقلم امل احمد سلوم الجزء الثامن والأخير

عروس للايجار بقلم امل احمد سلوم
عروس للايجار بقلم امل احمد سلوم

#عروس_للإيجار
#الجزء_الثامن_والاخير
#بقلمي_امل_احمد_سلوم (◕‿◕✿)

*╚══════ღღ══════╝

أسرتني عيناها من أول نظرة. ما أجملها من ملاك تسبح في ثوب من الطهر والبراءة. كيف يمكن لنظرة شاردة تجوب أرجاء الشارع، تنتقل بين وجوه المارة بلا هدف، أن تحدث ذلك التغير على حياتي؟!
ما تزال نظرتها الأولى تعلق بذهني إلى الآن، ما زلت ألامس ذلك الإحساس الذي تملكني في تلك اللحظة، ومن غير قصد التقت عيوننا لثوان معدودة، توقف معها الزمان ، وكأن شمس الصباح قدر لها أن تشرق في سمائي. كيف لم أدرك من قبل أن للعين لغة يمكنها أن تتجاوز أي كلمات؟! نظرة واحدة يمكنها أن تعبر بسهولة ويسر عما تعجز عنه كل قواميس اللغة.

*╚══════ღღ══════╝

وصلت الشرطه وانحطت الكلبشات ب ايدين ربيع وانساق عالبوكس تحت انظار الجميع
رفاه : وقف عندك
ربيع :… ..
رفاه : وين ورقة الزواج العرفي يلي ضحكت على اختي فيها
ربيع : ممما في اي ورقه انا ماتزوجتها
لميس : كزاب اختي والله تزوجني عرفي والله والورقه معه
حضنتها رفاه ورتبت على ضهرها : بعرف اختي بعرف لاتخافي انا معك وجنبك
توجهت ناح ربيع وقفت قدامه بثبات وعيونها عم تلمع
رفاه : لاخر مره رح اسألك وين ورقة الزواج العرفي 😡
ربيع : قلتلك ما. … .. وقبل ما يكمل كلمته كانت رفاه ضاربيته كف متل فراق الوالدين ومسكته من تيابه وكزت ع اسنانها
رفاه : ورحمة ابي بدفنك مطرحك احكي وين الورقه ولا
ادخل الشرطي : يا انسه ممكن تبعدي لنمشي وبالمخفر فيكي تشكي عليه
رفاه بحده وعيونها متسلطه ع ربيع : مارح اتركه لحتى يحكي وين الورقة العرفي … . انطق ولا
عصام : عنك يا انسه… .ومسكه عصام ولكمه بوجهو بقوه
عصام : عامل حالك رجال و عم تضحك عبنات الناس
ربيع : قلتلكم ماااابعرف مابعرف
ناصر : شكلو مارح يفهم بالمنيح
هجموا عليه الشباب وشلحوه تيابه وعشوي، كان رح يصفي طرزان
الشرطي : لو سمحتو هيك ما بيصير فيكوا تقدموا شكوا بالمخفر
وسام : اعتبرها اختك بترضا حدا يعمل فيها هيك
حك الشرطي راسه واطلع بربيع ب احتقار : هو الكم شباب
وسام : ينصر دينك
ناصر : تعال لحضني ياربوعي 😈
عصام : ياجماعه مو حلوه هيك قدام الناس خلونا ناخده عشي قرنه ونقرره بمعرفتنا
ربيع بخوف : خلص خلص رح احكي رح احكي الورقه بمحفظتي
وسام : هلأ انت عيني
نكت عصام المحفظه وطال ورقة الزواج العرفي وابتسم
عصام : هي هيه الورقه يا انسه
لميس بدموع : اي هيه
عصام : وهلأ شو بتحبي نساوي فيه
لميس ب انهيار : انا حامل 😭
شد عصام على قبضته ورمق ربيع بنظرة غضب
عصام : ناصر روح جيب الشيخ فورا
ناصر : حاضر
لميس : انا مابدي ياه مابدي ياه هاد واحد ندل حقير
عصام : وانا مارح خليكي معه رح نوثق الزواج ونخليه يطلقك فورا
صارت لميس تصرخ وتضرب عبطنها ورفاه ونور يحاولو يهدوها
لميس : قلتلكم مااااابدي ياه ماااابدي يااااااه انا بخاف منه
رفاه : لميس انتي عم تنزفي 😱
ارتخت لميس ووقعت مغمى عليها بين ايدين رفاه
رفاه : اختييييي ردي عليي كرمال الله
نور : الورقه صارت معنا… خلينا ناخدها عالمشفى بسرعه

*╚══════ღღ══════╝

انعام : بعدها ماردت عليكي
ملك : لا والله وقلبي غليان عليها
انعام : جربي اتصلي على لميس لازم تعرف انه امها عملت حادث
ملك : طيب امي
طلبت رقم لميس وضغطت على زر الاتصال واستنت الرد
ملك : افففف كمان لميس مابترد
انعام : لاحول ولاقوة إلا بالله… شو هالليله هي
تقدم كمال ب اتجاهم واردف بصوت هادي
كمال : مسا الخير
ملك وانعام : مسا النور
كمال : انتو اهلها للمصابه
ملك : نحنا جيران والست زكيه كانت عنا قبل ماتفقد اعصابها وتطلع عالشارع
كمال : معكم رقم زوجها او حدا من اهلها
انعام : زوجها متوفي وبناتها ماعم يردو ع تليفوناتهم
ملك : حضرتك يلي دعستها
كمال : اي… . بس ماكان بدي ادعسها مابعرف كيف طلعت بوجهي
انعام : هيه كانت منهاره ومو بوعيها
كمال : على كل حال هاد الكرت تبعي ازا بين حدا من اهلها ياريت تخبروني
مسكت ملك الكرت وتوسعوا عيونها وشهقت : حضرتك من عيلة الخطيب 😲
كمال : اي… في مشكله
ملك : بتعرف وسام الخطيب
كمال : طبعا وسام ابن اخي
ملك : ابن اخوك ؟؟
كمال : عفوا من وين بتعرفي وسام
انعام : ابن اخوك ضحك على بنت هي المره يلي دعستها تزوجها ليله وطلقها
كمال : البنت اللي تزوجها وسام بنت هي المره ؟؟؟
انعام : مو بنتها بنتها… هي بتكون بنت زوجها
كمال : عن ازنكم لحظه
بعد عنهم ومسك موبايله واتصل بناصر
ناصر : اهلين عمي
كمال : البنت اللي تزوجها وسام شو اسما
اطلع ناصر بمرايته ع رفاه وتلبك : ليش عم تسأل
كمال : جاوب بدون ما تسأل
ناصر بهمس : رفاه
انتبهت نور انه همس ب اسم رفاه .. اطلعت فيه وهزت راسها : شو الموضوع ؟؟
رفع كتافه انه مابيعرف
كمال : معك رقمها
ناصر : في شي عمي
كمال : انا بالمشفى
ناصر بصدمه : بالمشفى ؟؟
نور بخوف : شبو بابا يا ناصر
ناصر : عمي انت منيح صاير معك شي
كمال : انا منيح بس دعست مره بسيارتي وعرفت انها مرت ابوها لرفاه لهيك بدي رقمها لتجي او يجي حدا من اهل المره
ناصر : رفاه معي نحنا جايين فورا
كمال : معك ؟؟؟
ناصر : بس اجي بفهمك عمي سلام

نور : شو القصه ناصر
ناصر : مرت ابوها لرفاه عملت حادث
رفاه بخوف : شووو
ناصر : وعمي يلي دعسها
رفاه : وكيف وضعها
ناصر : ما بعرف هلأ بس نوصل عالمشفى بنفهم
نور : ان شاء الله خير لا تخافي
ضمت اختها لصدرها ونزلت منها دمعه حاره… . هالعيله من لما فاتت حياتها وهي بالمشاكل والهموم… اطلعت بطرف عينها على نور وتزكرت كلامها وقت كان وسام بالمشفى
رفاه بقلبها : ياترى وسام سعيد بحياته معك ؟؟ بس هيه ليش ركبت مع ناصر وخلت عصام يركب مع وسام وليش هيك منظر وسام باين عليه التعب والهم معقول متزاعلين… . ؟؟؟

*╚══════ღღ══════╝
وبالطرف الاخر

عصام : سامحتني من قلبك وسام
وسام : اكيد عصام والشي اللي عملته انت وناصر ونور مابنساه طول عمري
عصام : حبيتها
وسام :… .. انا بدي ياها تسامحني عالشي اللي عملته معها
عصام : بس انت حبيتها
وسام : عم قلك انا
وسام : حبيتهاااا
وسام :… ..
عصام : نظرة عيونك ولهفتك كل هالشي بيأكد انك حبيتها
وسام : حتى لو كنت بحبها هيه مارح تسامحني ولارح تقبل ترجعلي
عصام : بس انا شايف عكس هيك
وسام : كيف يعني
عصام : كانت بعيونها دمعة شوق ولهفه وخوف… هيه كمان كانت ملهوفه عليك
وسام : شو اشتقت لعيونها
عصام : احم احم نحن هنا… .. لحظة ياروميو ناصر عم يتصل
عصام : اي ناصر…… شلون…… اي طيب طيب انا ماشي وراك عالمشفى هلأ بشوف الموضوع… .. سلام
وسام : شو في
عصام : هي الدنيا هلقد صغيره
وسام : لك احكي نطفت قلبي
عصام : ابي دعس بسيارتها مرت ابوها لرفاه
وسام : زكيه !!
*╚══════ღღ══════

وبالمــــــشفـــى

فوتوا لميس على غرفة العمليات وركضت رفاه لعند زكيه لتطمن عليها
رفاه : خاله زكيه
كانت زكيه نايمه بتختها وراسها ملفوف واجرها مجبره وقلبها مكسور
اول ما شافت رفاه نزلت منها دمعة ومدت ايدها بعجز ونطقت من بين شفايف مرتجفه : رررفاااه .. االححقي اخخخختك
تقدمت منها رفاه ومسكت ايدها وباستها والدموع بعيونها
رفاه : لا تخافي خالة لميس بخير مستحيل اسمح لحدا يئزيها
زكيه : للللمممييس حححامممل
رفاه : لا خاله شو حامل كان في خربطه
زكيه : لاتكزبي عليي رررفاه لممميس ووووطططلتي ررراااسسيي
رفاه : راسك مرفوع خاله… لميس اتزوجت بالسر يعني حتى لو حامل هو بالحلال والله بالحلال
زكيه : اناااا غضضضضبانه عليييها لييييوم الد….
حطت ايدها عتمها بعجل : لاتغضبي عليها يامو
زكيه : يامو
رفاه : طول عمري بعتبرك متل امي بس انتي ماكنتي تسمحيلي ناديكي يامو
زكيه بدموع : سسسامحيني رررفاه اانناااا ظلمتك كتير يياااا بنننتي
رفاه : مسامحتك يامو انا مافيي ازعل منك انتي يلي ربيتيني
زكيه : وينااا لميييسسس
رفاه : اه… لميس هلأ بتجي ارتاحي يامو ولاتتعبي حالك
زكيه : مممابدي شوفاااا
رفاه : بعرف هالحكي من ورى قلبك يامو… انتي جواتك اطيب قلب بالكون
زكيه : بعدد كللل شششي عملته معك عممم تححكي هيييك
رفاه : مافي بنت بتزعل من امها .. وهلأ حاج تحكي وارتاحي
زكيه : فيييي شييي لازم قلك ياه
رفاه : بعدين امي ارجوكي ارتاحي
زكيه : ووووساااام وسسسام
رفاه : امي ممكن بلاا سيرة وسام

وقبل ماتحكي زكيه يلي عندها بيندق الباب وبيفوت وسام وناصر وعصام ونور وانعام وملك وكمال
كمال : حمدلله ع سلامتك ياخانوم
هزت راسها بدون جواب وعيونها مسلطه على وسام
وسام : كيف صرتي خاله زكيه
زكيه : وووسسسام وسسسسام كان ييييجي كل دووووم ليسسسسأل عنك ووويدور عليكككي
رفاه : امي مافي داعي لهاد الحكي هلأ…… عن ازنكم
ملك : لوين
رفاه بهمس : بدي اطمن على لميس
ملك : خديني معك

طلعت رفاه وبقي وسام مكانه مصدوم معقول مابدها تسامحه معقول خسرها للابد… . نزل راسه بيأس وغمض عيونو ب الم
عصام وهو بيحط ايدو عكتف وسام : لا تخاف كلشي رح يتصلح
زكيه : وووسسام
وسام : اي خاله
زكيه : سسسامحني ابني انا كزبت عليك وعععطيتك امل كزاااب كنت بعرف اننننها رفاااه ببيت ممممملك وماقبلت خبرك لما كننتت تجي تسسسأل عنها كل يوم
وسام : الضاهر مارح تسامحني خاله
زكيه : رفاااه بتفكر انك متزووووج بنت عمك لهههيك عممم تبعد عنك الحححقها ابببني رفااه بتحبك
وسام بصدمه : شوووووو
نور : وانا كمان خبرتا انه انا وانت سرنا مع بعض سامحني وسام 😔
انعام : وانا ماخبرتا وقت اجيت تسأل عنها وشقيت الكرت… . اسفه ابني كنت عم حاول احميها
حط ايديه عراسه وغمض بقهر : لك انتووووو شووووو مافي بقلوبكم رحمه بدك تحميها مني وانتي يابنت عمي ماكفاكي اللي ساويتيه كمان خربتي بيني وبين رفاه
نور : وسام انا
وسام : حاج نور مابدي اسمع شي لامنك ولا من غيرك كلكم ظلمتونا ماحدا فيكم فكر فينا كل واحد فكر بالشي اللي بريحه… اتركوني بحالي مابدي حدا ولابدي شوووف حدااا

*╚══════ღღ══════╝

طلع وسام من المشفى ودموعوا بعرض وجهوا… ليش هيك صار معه وليش الكل واقف ضدو… حتى رفاه مابدها تسمعه
وسام : بعرف اني جرحتك وقت طلقتك بس انا كان لازم فكك من قيدي لحتى ماتنجبري تكوني معي غصبا عنك
رفع راسه للسما… يشهد ربي اني حبيتك رفاه ومابدي حدا غيرك ياريت عطيتيني فرصه ياريت ما كنتي قاسيه 💔

‏تمنيت العُمُر وياك
‏لكن للظروف أحكام .>> وأنا ربي حكم إني أحبّك وأنحرم منّك ! 🎶

*╚══════ღღ══════╝

كانت واقفه بحد لميس وماسكه ايدها لتفيق بعد مااجهضت الطفل اللي ب احشائها قربت منها ومسحت ع وجهها بحب
رفاه : حمدلله عالسلامه اختي
لميس : شو صار
رفاه : صار معك نزيف واجهضتي البيبي
لميس بتهيده : الحمد لله مابدي شي يربطني بهالحقير
رفاه : لو سمعتي كلامي يا اختي ماكان صار اللي صار
لميس بندم : بعترف اني غلطت الغرور عما على عيوني وبصيرتي 😔
شدت ع ايدها لتحسسها بالامان : كلنا منغلط اختي انسي كل شي وبلشي من جديد
لميس : ومين رح يقبل يربط حياته بوحده متلي 😔
رفاه : مابدي اسمع منك هالحكي انتي اتزوجتي مارحتي بالحرام… صحيح يلي عملتيه غلط وغلط كبير بس بتبقى كلمة مطلقه ارحم مليون مره من……… .
لميس : وينا امي
رفاه : خاله زكيه حواليكي ماتشغلي بالك
لميس : بدي شوفا بدي تسامحني
رفاه : اهدي هلأ واهتمي لصحتك واتركي موضوع خالة زكيه عليي
لميس : رفاه
رفاه : عيوني اختي
لميس : سامحيني اختي سامحيني انا ماكنت الاخت الحنونه ياما ازيتك وسبيتك ودايقتك وانتي كنتي احسن مني
ضمتها بحب لتنزل دموع الخوات وتغسل كل اوجاع الماضي الاليم
رفاه : مسامحتك اختي بس اوعديني ماتكرري الشي يلي عملتيه
لميس : بوعدك اختي
بيندق الباب وبتفوت نور وناصر وعصام وانعام
نور : رفاه ممكن احكي معك
رفاه : بخصوص شو
نور : وسام… وسام مو
رفاه : لو سمحتي نور مابدي احكي بهالموضوع وسام استغلني ابشع استغلال ليوصلك ورجع رماني عالطريق بدون مايرفله جفن
ناصر : وسام بيحبك رفاه
رفاه : بيحبني ؟؟ واطلعت بنور
هزت نور راسها ب ابتسامه وحضنت ناصر : انا ما تزوجت وسام انا مرتو لناصر
رفاه بصدمه : مرتو لناصر ؟؟ بس وسام
عصام : ممكن تجي معي لنحكي بهدوء انسه رفاه
رفاه : شو بدنا نحكي .. شو بعد باقي مفاجأت مابعرفها
عصام : الله يسامحك نسيتيني احكي ل لميس حمدلله عالسلامه ومال براسه بشقاوه ناح لميس : حمدلله ع سلامتك لميس ورقة طلاقك من الحقير صارت معي
لميس : بجد
عصام : اها
لميس : شكرا عصام
عصام : الشكر الك لميس نسيانه انك انقذتي حياتي
نزلت لميس راسها بخجل وتبسمت بود
عصام : شو ست رفاه رح تيجي معي ولا اشحطك شحط 😡
رفاه : جايه
عصام : ايوا لازم تخليني حمر عيوني 😁

*╚══════ღღ══════╝

فات عالقصر مخنوق وقلبه مكسور … يمكن بهاللحظه حس بشعور رفاه وقت جبرها تتزوجه ورجع طلقها تاني يوم… حس اديش الظلم شعور بشع وقاسي… كان عم يلعن نفسه وقلت حيلته وقرر يترك البلد ويسافر لبعيد
حط بشنتايته الاغراض الضروريه وفتح الدرج وتناول رسالة رفاه ورجع يقرأها… . قرأها مره ومرتين وتلات لحتى تبللت الورقه بقطرات دموعه… ضم الرساله يلي كانت اخر تذكار من رفاه واستنشقها لتغلغلت حروفها جوات صدرو واستقرت بقلبه المتعب
حمل شنتته ونزل عالدرج بخطوات ثقيله مهزوزه متعبه
وســـــام
التفت ناح الصوت ليشوف امه العاجزه عم تحاول تجر كرسيها ب اتجاهه وتلحقه… ركض عليها وحضنها
راويه : لوين رايح وسام لوين تارك امك ورايح
وسام : ماعاد فيي اتحمل امي كرمال الله سامحيني
راويه : ورفاه
وسام : حتى رفاه ماعاد بدا ياني خلص امي كلشي انتهى
راويه : من ايمت وسام بيستسلم
وسام : انا مو حجر امي انا انسان وعندي طاقه للتحمل… رفاه رافضه تعطيني فرصه تانيه رافضه تسمعني
راويه : ازا رفضت اليوم تسمعك بتقبل بكرا
وسام : مابعتقد امي… رفاه اخده قرارها انه ماترجعني لحياتها
حطت كفيها على وجهو بحنيه ودفا واردفت بصوتها الحنون
راويه : رفاه بتحبك امي
وسام : لو بتحبني كانت سمعتني

مالك : لو مابتحبك مابقيت لابسه دبلتك لليوم
وسام : عمي ؟؟
مالك : روح لعندها ابني ولاتخسرها
وسام : انت كيف عرفت
كمال : انا خبرته
وسام : عمي كمال ؟
كمال : صار الوقت ليتصلح كلشي ابني انا السبب بالي انت فيه ولازم صلح غلطي
اطلع ب امه يلي كانت دموعها بتنزل بفرح ورجاء… مسحلا دمعتها بكفه وقام رمى حاله بحضن اعمامه ليستمد قوته منهم ويرجعوا عيله من جديد
كمال : حاج دموع ابني ويالله لنروح نخطبلك رفاه
وسام : بس
مالك : لاتبلش اتبسبس اسمع الكلمه ولابدك حلاوة هالمنظر يروح ببلاش
وسام بتعجب : اي منظر ؟؟
مالك : اطلع وراك بتعرف
فتل حاله ليشوف امه واقفه ع اجريها وفاتحه ذراعيها اله
وسام : اممي انتي واقفه على اجريكي
راويه : تعا لحضن امك يا روحي
وسام : امييييييي
ركض لعندها حضنها ملئ الحب وملئ الشوق نزل لعند اجريها يبكي بفرح :
وسام : ماعم صدق عيوني يا امي انتي واقفه ع اجريكي ياربي دخيل اسمك ازا كان حلم ماتفيقني منه
راويه : مو حلم ابني ربك قادر على كل شي
وسام : انا مو عاطي فرحتي لحدا امي مو عاطي فرحتي لحدا ياروحي اااخ يا امي
بكي كمال وبكي مالك وبكي كل يلي بالقصر حتى الحجر والصخر… كان الكل بحاجة هالدموع لتغسل قلوبهم وتنقيها ويعرفوا انه المصاري مابتعوض الانسان عن عيلته وصحته ولا بتشتري السعاده ولا بتستأجر عرايس… .!!!؟

*╚══════ღღ══════╝

ثورة غضب اجتاحت قاعة الكافتيريا واصوات حاده تتعالى
رفاه : انت شو عم تحكي عصام…
عصام : هاد يلي صار رفاه
رفاه بضحكه هستيريه ممزوجه بالقهر : ههههههههههههه كنت مفكره حالي عروس للإيجار طلعت بديل احتياطي للسيد وسام
عصام : مو هيك الموضوع رفاه
رفاه : الموضوع واضح عصام مو بحاجة شرح ..البيك بعد ما فشل يحصل على حبيبته بدو يحبني ع اساس مكتوب عجبيني علاج القلوب المكسوره تأخذ عند الحاجه
عصام : انتي التفاهم معك صعب
سكتت لبرهه لتأخذ الدموع مجراها بخدها الوردي وتحمر عيونها السود
رفاه : بالعكس التفاهم معي ولا اسهل منه بس وقت يتعلق الموضوع بكرامتي بتحول… . حط حالك محلي عصام او حط نور مكاني بتقبل اختك تكون بديل مكاني ليعالج وسام جراحه وخيبته بالحب ؟؟
عصام : انتي حبيتيه رفاه
ضحكت ب انكسار من بين دموعها : للأسف اي حبيته وما بعرف كيف حبيته ولا خططت لشي عصام 😔
عصام : وهالحب مابيستاهل تعطيه فرصه تانيه ليعيش لاتقتلي حبكم وهو بالمهد
رفاه : ما عاش من الاساس ليموت
عصام : شو افهم من كلامك
وقفت بثقه ومسحت دمعتها بقوه
رفاه : الموضوع منتهي عصام وسام مابيحبني وسام بدو وحده تنسيه جرحه وحده تنسيه انه انسان فاشل…ياريت تحكيلو ينساني لاقدر كفي حياتي … . عن ازنك ….. ايه نسيت وقله شكرا على كل شي
اطلع ب ايدها المرتجفه واردف : هاد المحبس وسام لبسك ياه
رفاه بتلعثم : للاا مابعرف… عن ازنك
عصام : رفاه .. رفااااه ارجعي لنتفاهم رفاااااه…… .هووووووف شو يباسة هالراس هي

نور : شو عصام قدرت تقنعها
رمى حاله عالكرسي وحط ايدو عجبينو : عنيده عنيده كتير
ناصر : والحل
عصام : وسام بدو معجزه
اطلعوا التلات ببعض بعجز… كيف ممكن يرجعوا وسام ورفاه لبعض
ناصر ; مو وقت السكوت هلأ قوموا لنلحقها بسرعه

*╚══════ღღ══════╝

وصلت لبوابة المشفى لتلاقي بوجهها وسام وكمال ومالك
اخدت نفس بقوه واسرعت بمشيتها
مالك : رفاه وقفي شوي
رفاه : نعم مالك بيك
مالك : شبها الاميره معصبه
رفاه : انا مو معصبه مالك بيك واطلعت بطرف عينها على وسام
بس ياريت تخبرو لوسام بيك انه رفاه. مو خطه بديله ولا بتحل محل حدا
مالك : اكيد انتي مو هيك
رفاه بدموع : وقت يتزوجني ليوصل للبنت اللي بيحبا وتاني يوم يطلقني كرمالها هاد شو بيكون
مالك :… ..
رباه : البيك وقت عرف انها حبيبته ضحكت عليه وطلعت متزوجه صاحبه ماحب يطلع من اللعبه خسران وحكا لحاله بضحك على رفاه بكلمتين وبرجعها منه بشغل وقتي ومنه بلاقي غبيه اداوي جرحي
وسام : انا ما فكرت فيكي رفاه
رفاه : لا فكرت هيك وسام وانا ماعاد بدي اعرفك وياريت ما شوفك ولو صدفه عم تفهم

وصلوا عصام ونور وناصر وشافوهم عم يحكوا بحده والتوتر سيد الموقف
ناصر : شكلها علقت بيناتهم
نور : نحنا لازم ندخل
عصام : لا… اتركيهم يفشوا قلوبهم هلأ وبس يهدوا بيحلا ربك

وسام : انا حبيتك رفاه والله حبيتك وقت انصدمت بحقيقة نور مانهرت وبقيت واقف وسامحتها واعتبرتها صفحه وانتهت بس وقت تركتيني انتي حسيت قلبي عم ينعصر بين ضلوعي
رفاه :
وسام : انا بعترف اني غلطت وبعترف ان الطريقه اللي تزوجتك فيها كانت حقيره وبعترف اني تسرعت وقت فكرت حلك من هالرباط، بس وقتها كنت خايف عليكي تتورطي بشي مالك فيه
رفاه : 😔
وسام : رفاه انا بحبك بترجاكي سامحيني
رفاه (بتبكي) : اسامحك على شو وسام بيك انك خليتني عروس للايجار وحرمتني الفرحه اللي بتحلم فيها اي بنت ولا سامحك على طلاقك الي وتركتني بوسط مجتمع حقير مابيرحم اي وحده مطلقه…… ولا سامحك على ندمك المتأخر واحساسك بالزنب بعد فوات الاوان…. بتعرف لو نور ما طلعت متزوجه كنت ممكن صدقك بس المشكلة انت عم تحكي كلام انت نفسك مو مقتنع فيه
وسام : 😔
رفاه : انساني وسام انا بعمري ماكنت من ضلعك
وسام : رفاه
ما استنته ليحكي… تركته وراحت تركض لبعيد وصوت شهقاتها عم تدمي قلبه 💔

مثلما أخبرتني بأن العشق دفئ وأثلجتني
أخبرني بأنك لاتحبني وأحبني..
وكما قلت بأنك تشتاق وهائم بي
أريني فعلك حين تشتاق ولو لمرة أصمت خوفي وأحتضني..
أن صدقت وأن كذبت فالشعور أقوى من القول وسأفهم عينيك ماتخبرني
سأقتلك أن أوجعت قلبي وهو على جمر حبك يسير حافي القدم..
ياليتك تفهم نبض قلبي وما وراء صمتي،،تأتي من غير أن أخبرك،، تقبل عيني وتخبرني بأنك كثيرآ تفتقدني
ياليل عمري وسواده ياغربتي..
يا أيها البعيد بعد السماء والقريب كراحة يدي
أمسك بذراعي وخذني أليك وأهمس لي بكل حب بأنك أنت هو أنت فقد جمدني عشقك، وقم بفعل يهزني، يؤثر بي
موجوعة منك فكل فصول العمر بي غرزتها ولم أعلم بم أشعر بعدما بالحب الكبير أوهمتني.

*╚══════ღღ══════╝

مرق خمس شهور على اخر لقاء بين رفاه ووسام
خلال هالفتره قدمت رفاه امتحاناتها وتخرجت من الجامعه واشتغلت بمحل بدلات عرايس وطبعا رجعت تعيش ببيت ابوها بعد ماصالحت زكيه ولميس على بعض وتغيرت معاملتهم معها
زكيه تحولت من مره قويه وكاسره لام حنونه لرفاه ولميس وما عادت فرقت بيناتهم وسجلت البيت ب اسم رفاه و لميس
لميس اطلقت من ربيع واشتغلت بشركة الخطيب سيكرتيره عند عصام…
ومارح انسى قلكم انه عصام وناصر رجعوا يشتغلو بالشركه مع وسام تحت ادارة مالك وكمال ورجعوا عيله متماسكه من جديد
نور حامل بالشهر التالت و الست راويه بلشت علاج طبيعي وصارت تقدر تمشي بضع خطوات
اما وسام عاش هالفتره ينتظر اليوم اللي يرجع يشوف رفاه وكل يوم كان يتركلها عالباب بوكيه ورد مع كرت مكتوب عليه #سامحيني
كان شغل رفاه مريح وبتاخد راتب منيح وكل ماتجي عروس لتقيس بدله تتخيل حالها لابسيتها وتتحسر عالفرحه اللي نحرمت منها وعلى كسرة قلبها 💔
كانت تبتسم فجأه واللي يشوفها يفكرها مجنونه مابيعرفوا انه الحب بخلي المحبوب شاخص بالذاكرة مهما طال الزمان

‎ﺃﺟﻤﻞ ﺍﺑﺘﺴﺎﻣﺔ ﻫﻲ ﻋﻨﺪﻣﺎ ﺗﺒﺘﺴﻢ ﻟﺸﺨﺺ ﻟﻴﺲ ﻣﻮﺟﻮﺩ ﻣﻦ ﺣﻮﻟﻚ ﻭﻟﻜﻨﻪ ﺧﻄﺮ ﻋﻠﻰ ﺑﺎﻟﻚ. :’). 💔

*╚══════ღღ══════╝

قاعد ورى مكتبه عم يحرك قلمه بين اصابعه ويفكر
عصام : لميس
لميس : نعم استاز عصام
عصام : استدعي ناصر وتعوا لعندي فورا
لميس : حاضر استاز
حط القلم من ايدو وابتسم ابتسامة عريضة
دقت لميس عالباب وفاتت لمكتب عصام
لميس : نعم استاز عصام
اشرلها تقعد وهو بيضحك
عصام : استاز عصام استاز عصام وبعدين يعني نحنا عيله واهل
لميس بخجل : كرمال واجبك استاز
عصام : استاز برضو ماشي ياستي رح مشيها استاز عصام
لميس : ههههه
دخل ناصر على غفله : شو يا ضحكونا معكم
عصام وهو مركز بعيون لميس : انا لقيت الحل
لميس وناصر بصوت واحد : حل لشو استاز
عصام : اتصل لنور لتجي فورا
ناصر : طب فهمني شو القصه
عصام : مو رفاه بتشتغل بمحل بدلات عرايس
لميس : اي استاز
عصام : ازا بتحكي كمان مره استاز رح زتك من الشباك
لميس : 😲
حتى حاله عالمكتب وهمس : في وحده بتحكي لزوجها استاز
لميس : زوجها 😲
ناصر : شو صهري نويت تتأهل
عصام : هيك شي ورح اضرب عصفورين بحجر
ناصر : شلون
عصام : لميس الليله بتخبري امك واختك انه جاي اخطبك
لميس بخجل : حضرتك تخطبني انا
عصام : اها ليكون مو عاجبك
لميس : العفو اســـ 🙊
عصام : ايوا… انعدلي
ناصر : وشو الحل يلي لقيته
عصام : وقت اخطب لميس رح اطلب يكون الزواج خلال اسبوع بالكتير
ناصر : اي
عصام : وطبعا عروستي بدها تلبس بدله ماهيك
ناصر : اكيد
عصام : ورفاه بتشتغل بمحل بدلات عرايس
ناصر : لعيتلي قلبي احكي بالالم نشرح شيه
عصام : وقت تجي نور رح فهمكم على شو ناوي بالضبط وهالمره متأكد رح تزبط

*╚══════ღღ══════╝

رجعت لميس عالبيت وهيه طايره من الفرح ومركزه بالكلام اللي حكاه عصام وما بقي عليها الا انها تباشر بتنفيذ الخطة
فاتت وهي عم تفتل حوالين حالها وتنط
زكيه : خير ياطير شو سر هالسعاده
لميس : مممممم في بقلبي فرحة حابه شاركك فيها امي
حطت السناره من ايدها وركزت نظرها بلميس : فرحة شو هي
لميس بخجل : مممممم اجاني خطاب
زكيه : شيلي اصبعك من تمك واحكي متل الخلق
لميس : شبك زوزو عم قلك في عريس جاي يتقدملي بتحكيلي احكي متل الخلق
حطت ايدها ع خدها ولوت تمها : عريس متل يلي قبلو
لميس : بلا هالسيره امي وماتنزعي عليي فرحتي
زكيه : لكن مين هالعريس
لميس : مممممممم عصام 🙈
زكيه : عصام عصام
لميس : اي امي عصام عصام
توسعت ضحكتها وبان سنها : لك ريتووو الف مبروك اللهي سيدي ومولاي يجعله من نصيبك ويحلحل عقدة رفاه وسام
لميس : امييييييييين… . وينك امي الجماعه جايين الليله شو نحضر ضيافه
زكيه : ماتشغلي بالك بنتي الك عليي جهز ضيافه ما صارت ولا حتصير
حضنتها بقوه وباستها : الله مايحرمنييييي منك يازوووزووو
زكيه : وسام رح يجي معهم
لميس : ما بعرف صراحه
زكيه : ااااخ بس الله يحل عسيرا
لميس يارب…… طيب امي انا فايته لغرفتي جهز حالي
زكيه : ماشي حبيبتي وانا رايحه حضر ضيافه
فاتت لغرفتها ورمت حالها عالتخت واتصلت بعصام
لميس : اي عصام… كلو تمام… المسا ناطرينكم.… . باي

*╚══════ღღ

اجا المسا وتجهزت لميس لجية عصام واهله
كانت لابسه فستان موف مخطط بالابيض وعامله شعرها فير مع مكياج خفيف زاد من انوثتها وجمالها
اما رفاه كانت حاسه بضيق لمجرد انه عيلة الخطيب رح يدوسوا البيت وقررت تبقى بغرفتها بس لميس ترجتها تكون موجوده لانها مالها حدا غيرها وغير امها
وبعد الحاح من لميس وافقت رفاه ولبست فستان اسود طويل وعملت شعرها جدوله رمتها ع كتفها وحطت برقبتها طوق عشكل شريطه سوده عقد الرقبه وبالنص قلب مكسور 💔 وكأنها بتعلن الحداد لقلبها ونفسها

*╚══════ღღ══════╝
لميس : وصلو وصلو
زكيه : هششش بلا مايحكوا عنك خفيفه خليكي تقيله قدامهم وصوتك ما يطلع
نزلت عيونها بالارض : حاضر ماما
راحت زكيه فتحت الباب وتفاجئت بكل العيله واقفين قدامها
زكيه : يامية اهلا وسهلا زارتنا البركه تفضلو تفضلو
فات الكل وقعدو…
زكيه بقلبها : ليش وسام مو معهم
وسام : احم احم
زكيه بفرح : ييي هاد انت ياروحي
وسام : وهي امي راويه خانوم
زكيه : لك اهلين اهلين بالغوالي شرفوا تفضلو
سند وسام امه وقعدها عالكرسي وقعد حدها يتلفت حواليه ويعيد زكرياته لليوم اللي اجا طلب رفاه واتزوجها بالقوه… نفض راسه واخد نفس ليمنع دمعته تنزل وتفضحه
كمال : نحنا بيشرفنا ياخانوم نطلب ايد كريمتكم لابني عصام
زكيه : ونحنا بيشرفنا نسبكم يابيك

اصواتهم واصله لمسامعها وهي واقفة ورى الباب وحاطه ايدها عتمها وبتبكي بصمت… كانت فرحانه لاختها بس الغصه يلي تركها وسام بقلبها ماخلت للفرح مطرح… . علي صوت الزغاريد ووعيت عحالها
لميس : ولي رح دوب من خجلي
حضنتها رفاه بحب : الف مبروك اختي يجعلها جوازة الدهر
لميس : الله يبارك فيكي اختي عقبالك
رفاه : 😔
لميس : لشو هالدموع
رفاه : لك هي دموع الفرح ياحوبه يالله روحي قدمي القهوه وانتبهي تدلقيها على عريسك
مسكت لميس ايدها : مارح اطلع الا وانتي معي
رفاه : بس
لميس : كرمالي اختي
رفاه : حاضر
مسكوا الخوات ايدين بعض وطلعوا عالصالون ورجع صوت الزغاريد يعلى وتقدمت لميس لتسلم عالموجودين… وتركت رفاه واقفه لحالها عيونها بعيون وسام… . والدمعات ماقدرت تتخبى اكتر

– وكيف حالك الآن ؟
‏= مُنقسم تماماً.. جزء يُقاوم وجزء منهار، جزء يحن وجزء يصد، جزء ينتظر وجزء لايُبالي بشئ 💔

انقرأت فاتحة لميس وعصام ولبسو المحابسوتحدد موعد العرس بعد اسبوع متل ماهو متفق… .وبعد سهره لطيفه رجع كل واحد لبيت يلي حامل بقلبه فرحة ويلي حامل بقلبه غصه 💔

*╚══════ღღ══════╝

حلل كرافته اللي كانت عشوي رح تخنقه ورمى حاله عالكرسي وهو يزفر بغضب
وسام : اتوقعت واحد من امامي يفتح موضوعي انا ورفاه معقول خلص نسيو الموضوع… . معقول رفاه نسيتني 😔

*╚══════ღღ══════╝
وبغرفة رفاه
دفنت راسها تحت مخدتها وانفجرت بالبكي
رفاه : توقعت انهم يفتحوا موضوعي انا ووسام بس الضاهر انه فعلا كل شي راح وانتهى معقول وسام نسيني 😔

*╚══════ღღ══════╝

مرق اسبوع هادي عالكل الا على قلب وسام ورفاه يلي عم ينحرقوا من جواتهم
وبيوم العرس كانت لميس ب اجمل طله الها وكأنها مليكانه معروضه ببترينه ماقبلت تتحرك خطوه الا ورفاه معها وكل ماتعمل شي تخلي الصبايا يعملوه لرفاه لحتى طلعت احلا من القمر بيوم التمام
لميس : شو حلو محلكم والبدلات بتهوس واحلا شي انه الصالون مع محل البدل
رفاه : لك البدله طالعه تحفه عليكي ياعمري
لميس : تسلمي يا روحي ممكن تصبيلي كاسة عصير حاسه ريقي ناشف
رفاه : تكرم عينك…… .. تفضلي ياعروس واتتبهي تدلقي،شي عحالك
مسكت لميس الكاسه بطرف اصابعها وبحركه متعمده تركت الكاسه من ايدها واندلق العصير على بدلتها
رفاه بشهقه : ولي على امتي خير خير اختي هلأ بخلي الصبايا يختارولك بدله تانيه
لميس بحزن مصطنع : انا كنت حابه هالبدله لانك اخترتيها الي
رفاه : ياروحي ولايهمك هلأ بختارلك احلا منها تعي معي بسرعة
فاتو لغرفة الغيار وبلشت رفاه بسرعه تفرجي لميس البدلات ولميس زعلانه ومو عاجبها شي
رفاه : شو رأيك بهي
لميس : ممكن تقيسها لشوف كيف عاللبس
رفاه بتلعثم : اي بس انا
لميس : خلص خلص اختي متل مابدك 😔
رفاه : لا حبيبتي هلأ رح قيسها تكه
فاتت رفاه ولبست البدله وطلعت
رفاه : شو رأيك
لميس ب اعجاب : بتخوت بس ناقص الطرحه خدي جربي،هي
رفاه : بس يالميس،
لميس : كرمالي اختي ولو
رفاه : امري لله وطلبت من البنت اللي،بالصالون تساعدها بلبس الطرحه
لميس : واااااو بتجنني
رفاه : عجبتك
لميس : كثير
رفاه : لكن خليني ابدل تيابي بسرعه لتلبسي البدله بدل هي
لميس : بس الصبيه اللي هون نظفتلي بدلتي ومابدلي اشلحها 🙈
رفاه : بالله جد 😏
فاتت نور عالصالون ووجها اصفر متل الليمونه
لميس : شوفي نور ليش لونك مخطوف
نور بصراخ : وسااااام وسام عمل حادث
رفاه : شوووووووو ووينو هلأ
نور : بالمشفى يابنلحقه يا مابنلحقه
حطت رفاه ايدها عقلبها وطلعت من الصالون وهي عم تصرخ وسااااااااااااااااااااام لا تتركني كرماااال الله

وبس صارت برات الصالون شافت الكل مجتمعين اهل وسام كلهم وزكيه وملك وامها
صارت تطلع بوجوهم وعيونها عم تذرف دموع
رفاه : عمو مالك وينو وسام شو صرلو
رفاه : ناصر احكي انه هالحكي كزب احكي انه وسام منيح ابوس ايدك
رفاه : امي امي وسام وينووو يا امي احكي ليش ساااكته
انهارت ووقعت بالارض وهي عم تصرخ ب اسم وسام وما حدا عم يرد عليها
وفجأه صارت اغنية شادي اسود تصدح بالمكان ووسام يطلع من بين الموجودين وهو حامل ب ايديه باقة ورد

غلطت بحقك سامحيني اخر مرة سامحيني

غلطت بحقك وندمان ع الوقت اللي مضى

غيرة وعذاب وحرمان ولا لحظة رضا

خليكي الله يخليكي عمري الجايي بشوفو فيكي

بدي انتي تربيي ولادي وتكوني الزينة باعيادي

حبك شهادة ميلادي لا تروحي…

توسعوا عيونها بس شافته قدامها وبدون وعي حملت طرف بدلتها وركضت لعندو ارتمت بحضنوا وهي عم تبكي

وسام : حلوه هالبدله… للإيجار شي
وبس وعيت عحالها وعرفت انه مقلب والكل متفقين يوقعوها صارت تصرخ وتضرب وسام عصدرو ووسام يضحك ويشدها لحضنه ليهديها
رفاه : عم تكزبو عليي بكرهك بكرهك… بعد عني اتركني
وسام : وانا بعشقك رفاه ومافيي عيش بلاكي
رفاه بدموع : وانا بحبك وسام بحبك 😭
وسام : يعني سامحتيني
رفاه : سامحتك
وسام : بتقبلي تكوني مرتي على سنة الله ورسوله وقدام كل الناس
رفاه بخجل : بقبل
مسح دمعتها وباسها عجبينها وضمها لصدرو وصار يدور فيها والكل يصفق ويصفر ويزغرد
اخيرا انتصرو بحبهم على كل الصعاب والمتاعب بعد كل هالتعب
انعمل الهم عرس ولا الف ليله وليله واخدها وراح فيها لبيتهم وعلق عالباب لافته مكتوب عليها

( عفوا العروسين عانوا كثيرا حتى استطاعوا ان يتزوجوا ويظلوا سوياً ، ولهذا فالزيارات ليست مقبولة ❤.! )

وانتو شو بعدكم عم تقرأو اتركوا العرسان ياخدو راحتهم يالله كل واحد على فصله بيتك بيتك 🙈

*╚══════ღღ══════╝


#النــــــــــــهايــــــــه
#تمت_بكل_الود
#بقلمي_امل_احمد_سلوم

عروس للايجار بقلم امل احمد سلوم الجزء الأول

عروس للايجار بقلم امل احمد سلوم الجزء الثاني

عروس للايجار بقلم امل احمد سلوم الجزء الثالث

عروس للايجار بقلم امل احمد سلوم الجزء الرابع

عروس للايجار بقلم امل احمد سلوم الجزء الخامس

عروس للايجار بقلم امل احمد سلوم الجزء السادس

عروس للايجار بقلم امل احمد سلوم الجزء السابع

عروس للايجار بقلم امل احمد سلوم الجزء الثامن والأخير

mal alsham

3 أراء حول “عروس للايجار بقلم امل احمد سلوم الجزء الثامن والأخير

اترك تعليقاً

لن يتم نشر عنوان بريدك الإلكتروني.

error: Content is protected !!