#لأني_امرأة_بقلم_هلاغرابلي الجزء الثالث

#لأني_امرأة_بقلم_هلاغرابلي الجزء الثالث

#لأني_امرأة_بقلم_هلاغرابلي الجزء الثالث
#لأني_امرأة_بقلم_هلاغرابلي الجزء الثالث

صار اسمي ختام المطلقة ،كانت حياتي ببيت اهلي بلقب مطلقة صعبة كتير و اصعب من لما كنت بنت بمية مرة ،ما كنت استرجي اطلع برا البيت ابدا و لا حتى مع امي لانو كان ابي معاقبني و يخجل فيني و كان كل ما يفوت علينا يبهدلني و يسمعني كلام كتير و اخواتي البنات قسم منن وقف جنبي و تعاطف مع قصتي و القسم التاني صار يخجل مني لانو صار عندن اخت مطلقة و هالشي بسودلن وجهن قدام بيت حماهن و ازواجن

و كانو هالمطلقة ما انسانة متلن متلها و كانو كائن غريب و شاذ ،بقيت سنتين ببيت اهلي و انا عايشة الذل و الاهانة بكل انواعها و خاصة وقت سمعت انو طليقي رامز تزوج و انا كنت حاطة امل انو يرجعني على ذمته ،قلتلا لامي بدي روح خبرو و قلو اخوه شو عمل فيني ،بكل الاحوال انا طلقت و ما بقا تفرق معي ،خليه يعرف انو طلقني ظلم و يعرف ليش انا نزلت الولد و يعرف اخوه الوسخ على حقيقته، بس امي منعتني و قلتلي ما رح يغير كلامك شي و ما رح ينوبك الا انك تفضحي حالك و تصير سيرتك على كل لسان ،قلتلا بكرا سامر بيرجع بيعمل نفس الشي مع مرة اخوه الجديدة ،قلتلي لا ما بالضرورة انت كنت هبلة و ضعيفة و ما عرفتي توقفيه عند حدو و تفتحي صوتك فيه و تحكيه بنبرة قوية و تبهدليه و تهدديه بانك تخبري اخوه ،لو عملتي هيك من الاول ما كان تجرأ و وصل لمرحلة اعتدى عليكي ،لهيك بجوز الجديدة تكون اقوى و اذكى منك ،قلتلا يعني الحق علي صار هلأ ،قلتلي اي الحق عليكي و ضعفك هو غلطك ،قلتلا انا ما بنكر انو انا شخصيتي ضعيفة و ما بعرف رد و جاوب و احكي كلمتين على بعضن بس انتو يلي ربيتونا هيك ،ربيتونا على انو بنات و البنات ما الن راي و كلمة و شخصية ،

خلتونا نكره حالنا لانو جينا على هالدنيا بنات ….
بعد سنتين من طلاقي ،اجا ابي عندي و قلي متقدملك عريس ،حضري حالك المسا جاي يشوفك،قلتلو امي مين هالعريس ؟،قلا معلمي بالشغل و انشالله يقبل ببنتك هالعايبة و اوعى تسوديلي وجهي قدامه و تعملي حركات ما مزبوطة لانو هالمرة رح اقبرك بارضك ،فرحت كتير و اخيرا اجا الفرج و رح اطلع من القبر يلي عايشة فيه ،رح اطلع شوف الضو و الشمس و الناس ،المسا اجا العريس المنتظر هو و ابي ،حضرت حالي و طلعت ضيف القهوة و وقت شفته انصدمت ماتوقعت العريس يكون اكبر من ابي، شعره ابيض و التجاعيد كاسية وجهو ،طويل كتير و كرشو قدامو مترين ،ما قدرت اتخيلو زوجي ابدا ، ضيفت القهوة و قعدت شوي و رجعت على غرفتي انا و عم ابكي ،و بعد شوي لحقتني امي ..

#لأني_امرأة_بقلم_هلاغرابلي الجزء الثالث
#لأني_امرأة_بقلم_هلاغرابلي الجزء الثالث


ام ختام : ختام ..وين رحتي..؟ ارجعي اطلعي عم يسال عنك ابو سعيد …
ختام : هادا العريس يلي جايبلي اياه ابي ،بدو يزوجني لواحد اكبر مني ب 40سنة ..ليش شو عملت انا ؟لييش كل هالعقاب؟
ام ختام: وطي صوتك احسن ما يسمعك ابوكي …
ختام : يسمعني ..ما فارقة معي ..ما رح اتزوجو لهل ختيار يلي برا …يروح يتزوج وحدة من عمرو..


ام ختام: لك انت بالعريس الاول ما اخد رايك ابوكي حتى ياخد رايك بالعريس التاني و خاصة هلأ انت مطلقة يعني ابوكي شايف هادا كتير عليكي و عم يدعي لله يقبل فيكي ….
ختام :لك شو بدو يتزوجني ليعملني ممرضة عندو..
ام ختام : لك بنتي انت مطلقة و فرصك قليلة بالزواج ،و هاي تعتبر فرصة دهبية بحياتك ما رح تتكرر ،الرجال ارمل و غني كتير و كل اولادو متجوزين و معظمن متغربين ،يعني رح يعيشك عز ما عشتيه بحياتك …
ختام : و اذا يعني مطلقة،تزوجت و طلقت و ما نقص مني شي ،بعدني صبية و حلوة و بيجيني لسا عرسان بس انتو من اول عريس بدكن ترجعو تزتوني متل اول مرة ….
ام ختام: اسمعي هيدا الحكي احكيه لابوكي ما الي لانو انت بتعرفي اني انا ما الي كلمة و راي بهالموضوع لاني احتمال يضربني اذا وقفت لجنبك …

#لأني_امرأة_بقلم_هلاغرابلي الجزء الثالث
#لأني_امرأة_بقلم_هلاغرابلي الجزء الثالث


ابو ختام : ختاااام …بهية …وينكن …تعو راح ابو سعيد مسحت دموعي و طلعت على الصالون و قعدت ، قلي الرجال عجبتيه و بدو اياكي بعد عشرة ايام ، بكرا الصبح رح مر عليكن و اعطيكي مصاري كرمال تجهزي ملبوس و شو لازمك اغراض و هالمصاري منو ما مني لانو لو علي بقلو خدا من وجهي بدون ما تدفع ليرة عليها بس الرجال كريم و ما بعينو و عملي حسابك تخلصي بسرعة لانو انا اعطيتو كلمة لمعلمي و ما بدي نتاخر عليه ،قلتلو بس ابي ما كانو كبير كتير علي ،قلي وليه انا ما عم اخد رايك و احمدي ربك انو اجا رجال و طلع فيكي و قبل يحطك على اسمو بعد عملتك السودة ،

و بعدين يا هبلة هادا غني كتير و سيارات و فيلا و خدم يعني عز ليوم العز ولا نحن ما بلبقلنا نتعزز و هو كان عم يدور على عروس و انا يلي عرضك عليه و هلأ جاي تتفلسفي و تقولي كبير ،ما بدي اسمع منك هالحكي و بكرا اسمعي كلمة زوجك و خليه رضيان عليكي و ما تعملي شي من ورا علمو حتى يرضى علينا و يدللنا بجملتك ….بعد عشرة ايام ،اجا ابو سعيد بالسيارة لياخدني من بيت اهلي ،طلعت معه انا و عم ابكي ،هو فكر اني عم ابكي لانو تركت بيت اهلي و انا كنت عم ابكي لانو طالعة من قبر لقبر تاني ، زواجي هالمرة كان صفقة تجارية مربحة لاب…

اطلع على قصص جمايكا الأحمد

انضم الى مجموعتنا في التلجرام

mal alsham

اترك تعليقاً

لن يتم نشر عنوان بريدك الإلكتروني.

error: Content is protected !!