#لأني_امرأة_بقلم_هلا_غرابلي الجزء الرابع

#لأني_امرأة_بقلم_هلا_غرابلي الجزء الرابع

#لأني_امرأة_بقلم_هلا_غرابلي الجزء الرابع
#لأني_امرأة_بقلم_هلا_غرابلي الجزء الرابع

اخدني ابو سعيد على البيت يلي بدي اسكن فيه ،اول مرة بحياتي بفوت على هيك بيت بهالفخامة ،اجا شب و اخد الشنتا من ايدو لابوسعيد و طلعا على الطابق التاني ،قلي ختام اطلعي وراه لتعرفي وين صايرة غرفة النوم و انا شوي و بلحقك ،لحقتو للشب و انا عم اطلع بالحيطان و السقف و الارضية و التحف و التريات ،شي ما كنت شوفو الا بالافلام و المسلسلات ،فتت على غرفة النوم و فتحت شنتاية تيابي و بلشت ضب التياب بالخزانة ،بعد شوي اجا ابو سعيد يلي كان اسمو ماجد


ماجد: نورتي بيتك ..
ختام : منور بصحابه ..
ماجد : بعد ما تخلصي ضب شنتايتك غيري تيابك و لحقيني ، قلتلن يحضرولنا العشا ،رح نتعشى برا على التراس شو رايك ؟ الجو حلو ..
ختام : متل ما بدك ما بتفرق معي …
ضبيت شنتايتي بالخزانة و لبست فستان طويل ساتان لونو اوف وايت و زبطت مكياجي و فردت شعري الاسود الطويل على ظهري و نزلت لتحت ،وقفت بالصالون و انا عم دور على باب يطلعني لبرا ،شافتني مرة كبيرة بالعمر و شكلا بتشتغل بالبيت
ختام : عفوا ممكن تاخديني على التراس لانو اليوم جيت و ما لحقت اتعرف على البيت…
…اهلا و سهلا انا اسمي ام عمر و انا يلي بطبخ هون ،تفضلي لحقيني ،تابعي على طول و بتشوفيه للمعلم ابو سعيد

#لأني_امرأة_بقلم_هلا_غرابلي الجزء الرابع
#لأني_امرأة_بقلم_هلا_غرابلي الجزء الرابع


ختام : شكرا عذبتك معي ..
ام عمر : لا عذابك راحة انا هون بالخدمة ..
تابعت طريقي للتراس ،كانت ريحة الورد فايحة بكل الحديقة ،الياسمين و الفل و الورد الجوري ،كنت متوترة شوي ،جو جديد و حياة جديدة بتختلف عن كل شي عشته من قبل و انسان جديد ما بعرف كيف رح يعاملني بس ما بعتقد انو رح يكون في شي اسوأ من الشي يلي مريت فيه من قبل
ختام: مسالخير..انشالله كون ما نطرتك كتير
ماجد : مسالنورات ،لا ا ابدا و حتى لو نطرتيني النطرة بتحرز ،مشالله عليكي طالعة متل الفلة البيضا..
ختام : تسلم هيدا من ذوقك
ماجد: تفضلي ،انشالله تكوني بتحبي الفروج المشوي ،ما عرفت شو بدي قلن يحضرولك على العشا ،ام عمر اقترحت الفروج المشوي لانو ما في حدا ما بحبو
ختام : يسلم ايديا ، اي بحبو كتير …
ماجد: اي كلي ما تخجلي ،انا بحب الاكل كتير ..
ختام :هههههه اي واضح مشالله عليك ….
ماجد : قصدك على كرشي ، كان ابي الله يرحمو يقول االرجال بلا كرش متل االبيت بلا عفش


ختام : اممم يعني هيدا الكرش يلي عندك باختيارك و ما عندك مشكلة معه ابدا…
ماجد : لا ما عندي ،انت عندك ؟
ختام : لا ابدا ، انا لحمدلله ما عندي كرش و مبسوطة هيك ما بعرف المرة بلا كرش كيف بتكون ؟
ماجد : بتكون بتجنن و متل القمر ،انا يلي عجبني فيكي قوامك ، طويلة و نحيفة ،انت ما بتاكلي يعني ؟
ختام : لا باكل و باكل كتير كمان بس انا طبيعة جسمي هيك استهلاكي يعني قد ما اكلت ما بنصح و ما ببين علي …
ماجد : هههه معناتا الاكل فيكي خسارة ..
وقفت اكل و طلعت فيه ،و بلعت اللقمة يلي كانت بتمي و قلتلو صفرة دايمة انا شبعت
ماجد : شبك …ولله عم امزح …صدقتي فورا ..انا كان قصدي ضحكك
ختام : لا ما زعلت بس جد انا شبعت ..
ماجد : لا ما شبعتي ، اي انا لسا ما بلشت ، اليوم اول يوم النا مع بعض ما حلوة منك تتركيني اكل لحالي …
ختام : عم امزح معك و انا لسا ما شبعت بس قلت رح جس نبضك و ازعل لشوف ما بتسال و بتقول يلا منيح زعلت و وفرت …
ماجد : اها …مرة ذكية ..طالعة لابوكي..
ختام : انت كام ولد عندك ؟
ماجد : انا عندي 4اولاد بس صبين و بنتين و كلن متزوجين 3منن مغتربين و وحدة هون بالبلد بس ساكنة بغير محافظة و اكيد بكرا انشالله بتتعرفي عليا و بتحبيا…
ختام : بدي اسالك سؤال ،يمكن تشوفو غريب شوي
ماجد: تفضلي
ختام: انت بتحب اولادك الصبيان اكتر من البنات ؟
ماجد : طبعا لا ،بحب الصبيان و البنات نفس المحبة و ما بميز بيناتن ابدا بس ما رح خبي عليكي قلبي بميل اكتر لبناتي رهف و ميساء لانو حناين علي و كل يومين بدقولي و بيحكو معي و بسالوني عن صحتي و اذا عم اخد دوا الضغط كل يوم و انا بالمقابل ما بقدر يمر علي يومين بدون ما اسمع صوتن و على طول بحكي مع ازواجن و بقلن يديرو بالن علين ،اما اولادي سعيد و اسعد بالشهر ليحكوني مرة وحدة ، و انا ما بعتب و ما بسال كتير لانو الشباب غير البنات ،البنات قلبن و احساسن مرهف و بحبو يحسو انو في سند الن من اهلن و المرحومة مرتي ماتت و هي توصيني فين و انا شو بقدر قدملن عم قدم مع انو هن ما بحاجة بس كلمة الله يرضى عليكن بشوفو مني قد الدنيا ،شو خطر على بالك تسالي هيك سؤال ؟

#لأني_امرأة_بقلم_هلا_غرابلي الجزء الرابع
#لأني_امرأة_بقلم_هلا_غرابلي الجزء الرابع


ختام : ولاشي ،ما خطر على بالي شي ، مجرد حديث..
ماجد: طيب انا بدي اسالك سؤال ،انا وقت جيت شفتك اول مرة شو كان رايك فيني؟
ختام : رح كون صريحة معك ، اول ما شفتك فتت ابكي و قلتلا لامي مستحيل اتزوج رجال اكبر مني ب 40سنة …
ماجد: 40سنة ..انا مبين علي عمري 60سنة ،كبرتيني14سنة ، بس انا ما بلومك لانو انا فعلا مبين علي كبير هالقد ، مرض مرتي و وفاتها كبرني عن عمري كتير ..
ختام : الله يرحما و يغفرلا ،كنت بتحبا كتير ؟
ماجد : اي كتير
ختام : ليش تزوجت بعدا اذا بتحبا هالقد؟، ما بتحس انك هيك عم تخونا…
ماجد : لا ابدا هي ماتت و صارت تحت التراب و قبل ما تموت قلتلي تابع حياتك و تزوج بعدي و انا مليت من الوحدة و متلي متل اي رجال ارمل بدو مرة …
ختام : بعدك بتحبا لهلأ ؟
ماجد : انا برايي حكينا كتير بهالموضوع و كلو من الماضي و ما بيستاهل نضيع وقت من سهرتنا عليه …
ختام : طيب سؤال تاني ..
ماجد: يا سلام بدنا نقضي السهرة اسئلة ،اسالي لشوف ….
ختام : انت عمرك 46سنة و رجال جذاب و معك مصاري كتير يعني كان اي بنت بتتقدملا بتوافق عليك فورا ، ليش اخترتني انا ، و انت بتعرف اني مطلقة و من عيلة فقيرة ؟ انا بعرف انو ابي هو يلي عرضني عليك بس ليش قبلت فيني ، كان فيك ترفض و تختار بنت من مستواك..

#لأني_امرأة_بقلم_هلا_غرابلي الجزء الرابع
#لأني_امرأة_بقلم_هلا_غرابلي الجزء الرابع


ماجد: اممم انا وافقت انو اتقدملك لانو حسيتك انسانة مظلومة و سبب طلاقك تافه جدا ،يعني غلطتي و نزلتي الولد ،ما مستاهلة القصة انو يطلقك فورا و ما يعطيكي فرصة تانية ، بس انا حسيت انو بقصتك حلقة مفقودة يعني ما في وحدة بتقتل ابنا بارادتا كرمال الوضع المادي ما مناسب لانو الله هو يلي بيبعت و هو يلي بيرزق ، انا توقعت انك ما كنت بتحبيه لطليقك لهيك ما حبيتي تجيبي منو اولاد …
ختام :يا ريت لو الموضوع بهالبساطة ؟انت جاهز لتسمع الحلقة الناقصة من قصتي مع انو انا مترددة قلك اياها بس حابة كون معك صريحة من الاول ..
ماجد :احكي ، شوقتيني لاعرف…

تابع على التلجرام قصص هلا غرابلي

تحميل تطبيق تيك توك للأندرويد

mal alsham

اترك تعليقاً

لن يتم نشر عنوان بريدك الإلكتروني.

error: Content is protected !!