#لأني_امرأة_بقلم_هلا_غرابلي_الجزء_الثاني#

#لأني_امرأة_بقلم_هلا_غرابلي_الجزء_الثاني#

#لأني_امرأة_بقلم_هلا_غرابلي_الجزء_الثاني#

#لأني_امرأة_بقلم_هلا_غرابلي_الجزء_الثاني#
#لأني_امرأة_بقلم_هلا_غرابلي_الجزء_الثاني#

كنت كل يومين ارجع افتح معو الموضوع نفسه و يعصب بكل مرة و بالاخير قلي اذا بتفتحي هالموضوع مرة تانية انا رح خبرك ابوكي و خليه يتصرف معك ،وقت جيت خطبتك ابوكي وافق على وضعي و ما اعترض على السكنة مع اهلي ،قلتلو خلص طيب ما بقا رح اطلب هالطلب منك

سكرت على الموضوع و ما خبرت حدا بالشي يلي عم اتعرضلو من سلفي و تحرشه فيني يلي عم يزيد كل يوم لانو كنت خايفة ينحط الحق علي و يكذبني سلفي و اطلع انا يلي ما بسوا و انا يلي عم لاحقو و استدرجو و بالاخير ما رح يجيني الا خراب بيتي و اطلق و ارجع لعند اهلي


بعد 6شهور من زواجي راحت حماتي عند اختا و بالعادة بتاخدني معا بس هالمرة راحت بدون ما تخبرني ،طلعت من غرفتي و ما لقيتا و شفت سلفي سامر ،سالتو عن حماتي و قلي ما بعرف هلأ انا جيت و ما شفتا ،رجعت على غرفتي و سكرت على حالي و بعد خمس دقايق اندق الباب علي ،قلت مين ؟

قلي انا سامر بدي اسالك عن بنطلوني الكحلي ،قلتلو مطوي بخزانتك،قلي قلبت الخزانة و ما لقيته ،تعي طلعيلي اياه ،لبست الروب و طلعت ،كان ناطرني على باب غرفته ،قلي فوتي شوفيلي اياه قلبت الدنيا عليه مستعجل بدي البسو و ارجع على الجامعة عندي محاضرة ،فتت و فات وراي و سكر الباب فورا ،قلتلو ليش سكرتو اتركو مفتوح ،قلي اشلحي هالروب لشوف شو لابسة تحتو، قلتلو عيب عليك تحكي معي هيك انا مرة اخوك و اذا بتريد افتح الباب هلأ انت متل اخي ،قرب علي و شلحني الروب غصب عني و انا عم صرخ و بعدو عني و زتني على التخت ،قلي الي كتير ناطر هاللحظة

انت اكيد مشتهيتني متل ما انا مشتهيكي و ما تنكري لانو هالشي واضح من سكوتك ،قلتلو بعد عني يا ندل انا سكتت كرمال ما اعمل مشاكل بينك و بين اخوك، بكيت و صرخت كتير و حاولت بعدو عني بس كان اقوى مني و بس خلص قلي روحي على غرفتك قبل ما تجي امي و ما تفكري تخبري حدا بالشي يلي صار هلأ لانو رح قول انو هالشي صار برضاكي ، بزقت عليه و لبست تيابي و رجعت على غرفتي و انا منهارة اعصابي و قرفانة ، كرهت حالي اكتر لانو بنت و كرهت اكتر جنس الرجال ….


اجا رامز من شغله المسا و شافني نايمة و التعب مبين على وجهي ،قلي شبك مرضانة ،قلتلو اي تعبانة شوي شكلي بدي كرب ،رامز خلينا نطلع من هالبيت ولله هادا اول طلب و اخر طلب بطلبو منك بحياتي ،قلي لا و هادا الموضوع منهي عندي ما عاجبتك العيشة هون رجعي على بيت اهلك لانو هيدا الموجود ….


بعد الحادثة قضيت معظم وقتي بغرفتي و اتحجج باني تعبانة ، كنت كل ما اسمع صوت سامر اركض على غرفتي و قفل الباب ،كان صوتو يوترلي اعصابي و يذكرني باحداث هديك الليلة ، و بعد شهر و نص صار يلي ما كان بالحسبان انا طلعت حامل و باول الشهر التاني،هيدا الخبر يلي مفروض يفرحني ،صدمني و همني و دخلني بحالة اكتئاب حادة الي 6شهور متزوجة و ما حبلت من زوجي و هلأ بس تعرضت لاغتصاب من سلفي حبلت فورا ،قضيت ليالي كتيرة و انا ما اعرف طعم النوم و لحتى قررت خبر امي بالشي يلي صار معي لانو ما كنت عارفة شو اعمل ، و وقت خبرتا جنت و صارت تضرب بحالا

#لأني_امرأة_بقلم_هلا_غرابلي_الجزء_الثاني#
#لأني_امرأة_بقلم_هلا_غرابلي_الجزء_الثاني#


ام ختام: هلأ جاي تحكي ،ليش ما حكيتي من قبل انو سلفك عم يتحرش فيكي ،بعد ما وقع الفاس بالراس جاي تحكي ،طب ليش ما وقفتيه عند حدو وخبرتي زوجك بوساخته ؟
ختام: ولله خفت احكيلو و ما يصدقني و ما توقعته يتجرأ سلفي و يتعدى علي و قلتلو كتير لرامز تعا نستاجر بيت لحالنا و رفض …


ام ختام: هلأ شو بدنا نعمل بهالمصيبة ؟لازم نخبر ابوكي ،هاي البنات و خلفة البنات ما بجي من وراها الا المصايب …
ختام : هلأ هيدا يلي طلع معك امي ،انا قلتلكن زتوني و زوجوني هيك جازة ،وافقتو بدون ما تسالوني و بعدين ما تخبر ابي ولله بموتني و بحط الحق علي ، على الساكت بدي نزل الولد ، مستحيل خليه و انا متاكدة انو هو من سلفي ما من زوجي…..

#لأني_امرأة_بقلم_هلا_غرابلي_الجزء_الثاني#


ام ختام: حتى لو نزلتيه ،مشكلتك بدا حل ما معقول ضلي قاعدة ببيت حماكي و مع سلفك ،خليكي هون ما الك رجعة لعندو قبل ما يستاجرلك بيت لحالك لانو هالشي ما بينسكت عليه …
اخدتني امي على الصيدلية و قلتلا بدي حب للاجهاض لانو بنتي حامل باول شهر و بدا تطلق من زوجا و حابين ننزل الولد على الساكت ، اقتنعت الصيدلانية بالحكي و اعطتني الدوا و خبرتني انو ممكن الولد ما ينزل بالدوا و تحتاجي لعملية ،رجعت على بيت اهلي و شربت الدوا و تسطحت و بعد ساعتين بلش بطني يجعني وجع لايحتمل و بلشت انزف ، و بعدين دخت و وقعت على الارض ،و وقت صحيت شفت حالي بالمشفى ،شفت امي و زوجي و حماتي ،اطلع فيني رامز و قلي ليش نزلتي الولد ؟،

#لأني_امرأة_بقلم_هلا_غرابلي_الجزء_الثاني#
#لأني_امرأة_بقلم_هلا_غرابلي_الجزء_الثاني#

انا طلعت فيه و بامي و ما عرفت شو بدي جاوبه ،قلتلي امي عملولك عميلة كورتاج و الدكتورة خبرته انك شربانة دوا لتنزلي الجنين، قلتلو رامز انا …نزلتو .. قلت ليتحسن وضعنا برجع بحبل مرة تانية ،قلي انا ابوه و انا يلي بقرر ،انت وحدة مجرمة و فاجرة و ما بتخاف الله قتلتي ابني و ما من حقك هالشي ،بس نطلع من المشفى كل واحد يروح بطريقه لانو مستحيل احواكي عندي بعد الشي يلي عملتيه و طلع من الغرفة ،اطلعت بامي و صرت ابكي لانو انا مظلومة و ما كان عندي خيار تاني ،و تاني يوم الصبح طلعت من المشفى و رجعت لبيت اهلي و انا على امل رامز يجي يشوفني و يعدل عن قراره بس المسا اجا ابي و وجه احمر و معصب و اول ما فات قلا لامي وينا بنتك الكلبة ،قلتلو جوا متسطحة اليوم طلعت من المشفى ما تزيدا على البنت ،قلا و اليوم بدي رجعا محملة على المشفى ،فات لعندي و بلش ضرب فيني و قلي انا زوجتك لارتاح منك و هلأ بدك ترجعيلي مطلقة يا فاجرة ،

وحدة بتشرب دوا و بستقط حالا من شور راسا ،ما عملتي حساب و كرامة لزوجك ،زوجك ما عاد بدو اياكي بدو يشلحك من رجلو و يطلقك لانك مرة ما بتنحوا ببيت، و بعد ما خلص ضرب، قلي برا البيت ما بتدعسي خطوة ولله لارجع ربيكي من اول و جديد لانو امك ما عرفت تربيكي يا عايبة ….

#لأني_امرأة_بقلم_هلا_غرابلي_الجزء_الثاني#


كنت طالعة من المشفى انا و موجوعة و تعبانة و منهارة و اجى ابي يلي مفروض يكون سندي كملا علي و ضربني ضرب مبرح ،قعدت اسبوع بالتخت ما قدرت اتحرك ما من وجع العملية من وجع الضرب يلي ضربني اياه و بعد عشرين يوم اجتني ورقة طلاقي من رامز و شنتاية تيابي ،طلقني فورا و استغنى عني بدون ما يفكر انو يعطيني فرصة تانية 

تابعنا على تلجرام في الرابط التالي

اقرأ المزيد عن مال الشام

mal alsham

اترك تعليقاً

لن يتم نشر عنوان بريدك الإلكتروني.

error: Content is protected !!