ملكك انا بقلم روان الشبلاق الجزء الثالث

ملكك انا بقلم روان الشبلاق الجزء الثالث

ملكك انا بقلم روان الشبلاق الجزء الثالث

رواية ملكك انا بقلم روان الشبلاق
ملكك انا بقلم روان الشبلاق الجزء الثالث

 

اياد عم بيحكي مع ابو شمس
اياد. كيفك طمني عنك
ابو شمس. تمام الحمدلله
اياد. في شي بدي خبرك ياه
ابو شمس. خير شو في
اياد. في ناس عم يتئامرو عليك
ابو شمس. كيف شو قصدك
اياد. في ظابط هون رجع فتح ملفك واليوم جاب 3 بنات و3 شباب كانو رايحين ع المزرعة وهلأ عم بحققو معهم وانا حبيت خبرك
ابو شمس. انت زبط الموضوع وانا مابقصر معك
اياد. والله المره هاي مابقدر لو الملف عندي اي بس في واحد حاطط راسو براسي وعم بيتحداني
ابو شمس. طيب والحل
اياد. مابعرف خبرتك قبل مايكبر الموضوع هلأ بتقدر تلفلفو
ابو شمس. هلأ بتصرف واشكرك كتير عم تعبك معي بس يمكن احتاجك
اياد. ولو العفو نحنا بالخدمةفي مكتب حسام
عمار. هدول اعترفو مشان شو رايحين ع المزرعة بس عم بقولو مابيعرفو لمين المزرعة

حسام. اي خليهن لحالهن رح يعترفو
عمار. مابتوقع يحكو شي لانو مابيعرفو هما بيستأجروها باليوم وتعاملهم مع الناطور
لأنو ابو شمس مارح يكون غبي لهالدرجة ويخليهم يعرفو كل شي عنو
حسام. طيب هلأ بحكي مع الشباب يجيبو الناطور وابو شمس واكيد هالمره مارح ينفذ

ابو شمس راح ع المزرعة لعند الناطور
ابو شمس. احكيلي شو صار
الناطور. اجو لهون شباب وبنات وماحسينا الا اجو الامن اخذو هوياتهم وسألوهم كم سؤال واخذوهم وراحو

ابو شمس. هلأ اذا اعترفو رح يطلبونا اكيد لهيك بتقول انو انا مامعي خبر شي وانو هاد كلو انت عم تعملو من حالك وبتطالعني انا براني ومامعي خبر شي
الناطور. شووو
ابو شمس. رح اعطيك مصاري قد مابدك ورح نتحبس فترة ورح طالعك فورا وخود الي بدك ياه
الناطور. بس
ابو شمس. فكر بالموضوع المصاري الي رح تاخذها بتكفيك سنين
الناطور. وشو بيضمنلي هالشي
ابو شمس. ليش هي اول مره بنشتغل مع بعض
الناطور. طيب موافق

ابو شمس. لكن انا بدي روح مابدي يجو ويلاقوني هون والوقت متأخر اكيد رح يشكو فيني يلا سلام
الناطور. سلام

في بيت ابو شمس
شمس. امي والله بابا تأخر اتصلي فيه شوفي شو صاير معو
ام شمس. اي هلأ بتصل
شمس. امي في شب بكرا بدو يجي يشوف غنى
ام شمس. مين قلك
شمس. وقت كنت عندهن قالولي
بس مابدهن يستقبلوه هون ببيت ماجد
ام شمس. ليش مرت عمك ماخبرتني
شمس. كانت ببيت ماجد وهلأ اجت
بس امي بكرا بدي روح معهن ع بيت ماجد
ام شمس. لا مافي روحة
شمس. امي الله يخليكي خليني روح
ام شمس. لا انتي وعدتيني انك بكرا تدرسي
شمس. بس امي والله انا وعدتن للبنات اني روح بس بكرا الله يوفقك وبعدها بس دراسة
ام شمس. طيب روحي وهي اخر مره بتطلعي بعدها كلو دراسة
شمس. حاضر امي وبدي روح كمان ع السوء بدهن يشترو تياب
ام شمس. هاا كمان ع السوء
شمس. اي وبدك تعطيني مصاري لأنو انا كمان بدي اشتري
ام شمس. عندك طلبات تانية
شمس. لأ حاليا بس هدول
ام شمس. ههههه بس قلتيلي

دخل ابو شمس ع البيت
شمس. اهلا بابا اتأخرت وين كنت لهلأ
ابو شمس. كان عندي شغل
كيفك اليوم
شمس. الحمدلله بس ما قلتلك رح تنسى لكنافة
ابو شمس. اف لك كيف هيك نسيت خلص هلأ بروح بجبلك
شمس. لأ مابدي
ابو شمس. ليش زعلتي
شمس. لأنو من الصبح قلتلك وقلتلي مارح تنسى
ابو شمس. سامحيني والله اليوم الشغل كان لفوق راسي
وهلأ بدي فنجان قهوة من تحت ايديكي
شمس. رح قول لراما تعملك ياه
ابو شمس.معناها لساتك زعلانة
شمس. لأ خلص انا بعملو
وانتي ماما خبريه عن غنى

ابو شمس. شبها غنى
ام شمس. في شب بدو يتقدملها بكرا
ابو شمس. اي الله يقدم الي فيه الخير

في مكتب عمار
حسام. لك اتأخرو مو عأساس راحو يجيبوهم
عمار. اي هلأ بحكي معهم
ها ليكهم وصلو
العسكري. احترامي سيدي
حسام. شو صار معك
العسكري. سيدي هي الناطور
حسام. وابو شمس ؟
العسكري. ع الطريق سيدي راحو يجيبوه
حسام. طيب عمار شوفو

عمار. شو اسمك ولا
الناطور. ابو ادهم سيدي
عمار. بتعرفو لأبو شمس
الناطور. اي بعرفو بشتغل عندو
عمار. كل ايمتا بيجي ع المزرعة
الناطور. كل اسبوعين مره

عمار. مين هدول البنات والشباب ااي اجو ع المزرعة اليوم وشو علاقتك فيهم
الناطور. مابعرفهم اول مره بشوفهم
عمار. بلشت بالكذب يعني
الناطور. سيدي اسألهم
عمار. هما حكو غير هيك وقالو انو هي المزرعة بتأجروها باليوم انت وابو شمس وبتجيبو عليها بنات
الناطور. كذب يا سيدي لا تسدقهم
عمار. حسام شوف شغلك

حسام ضربو كفين خلاه يحكي غصبن عنو

عمار. هي اخر مره بسألك بتحكي ولا بخليهم يجيبو مرتك واولادك لهون
الناطور. لا يا سيدي دخيلك
عمار. احكي لكن

الناطور. انا بشتغل عند ابو شمس وراتبي ماعم يكفيني وصرت اشتغل هالشغلة بدون مايعرف ابو شمس لأنو اذا عرف بيقلعني وبيسلمني الكن

عمار. لسا عم يكذب احكي ابو شمس شو علاقتو بالقصة لا تغطي عليه لأنك رح تروح فيها اما اذا حكيت رح تخفف ع حالك

الناطور. سيدي والله ابو شمس ما الو علاقة وانا بشتغل بدون علمو واذا عرف رح يبتلا فيني

العسكري. احترامي سيدي هي ابو شمس صار هون
حسام. دخلوه
عمار. اهلا” وسهلا”
ابو شمس. خير ليش جبتوني لهون
عمار. في اخبارية عنك انو عم بتجيب شباب وبنات ع مزرعتك ومشترك انت والناطور بهالشي

ابو شمس. شو هالحكي هاد اول مره بسمع فيه شو عم تتهموني يعني مزرعتي محدا بدخل عليها غير انا

عمار. كل ايمتا بتروح عليها
ابو شمس. حسب احيانا اسبوع او اسبوعين وللضرورة
عمار. وشو بتعرف عن الحكي الي قلتلك ياه
ابو شمس. كذب وافتراء
عمار. بس الشباب والبنات والناطور حكو غير هيك واعترفو
ابو شمس. انا اول مره بسمع بهالحكي

الناطور. اي سيدي هوا مابيعرف شي انا بشتغل هالشغلة بدون علمو

حسام. انت خراس ولا تفتح تمك بحرف
عمار. شو يا ابو شمس الحكي الي عندنا غير هيك
ابو شمس. ماعندي غير الي قلتو انا مابعرف شي ولا الي علاقة بشي وهي الناطور قلك هوا بيشتغل بدون علمي وانا رح حاسبو ع هالشي

عمار. انا لسا عم بحكي معك حكي لا تخليني اجيك بطريقة تانية
احكي احسنلك
ابو شمس. ماعندي شي احكيه
عمار. هيك لكن

في بيت ابو شمس
شمس. امي ليش اخدو بابا ليش
ام شمس. اهدي شوي بكون في غلط بشي موضوع
شمس. لك امي غلط شو وهنن اجو ع البيت واخدوه لبابا

ام شمس. حكيت مع عمك هلأ بيجي وبنخليه يروح يشوف شو القصة
شمس. طيب وينو لهلأ
ام شمس. هي عم يندء الباب اكيد عمك قومي افتحيلو

ابو ماجد. السلام عليكم خير شو في
ام شمس. والله يا ابو ماجد اخدوه لأبو شمس ومابنعرف شو القصة دخيلك تشوفلنا شو الموضوع
ابو ماجد. مين يلي اخدو
ام شمس. اجو شي عشرة واخدوه يمكن امن

ابراهيم. ليش شو عامل عمي
ابو ماجد. المشكلة مابنعرف مين الي اخذوه هلأ بتصل ع كم واحد من معارفي وبشوف
ابراهيم. امشو لعنا ع البيت احسن لا تظلو لحالكم يمكن ما يطلع اليوم
شمس. يعني بابا مارح يطلع
ابراهيم. لسا مابنعرف يالله امشو

في مكتب عمار
عمار. وهلأ بعد هالضرب بدك تعترف ولا لأ
ابو شمس. مابحقلكم اصلا تتهموني بشي ومافي دليل
عمار. يعني لساتك مابدك تحكي
طيب خدوه وانا بعرف شغلي معو
وانت ولا كلب
الناطور. انا
عمار. اي انت مين سمحلك تحكي يا حيوان
الناطور. سيدي
عمار. خراس ولا بتحكي ولا حرف بدون ما اسئلك

حسام. اي عمار وهلأ شو
عمار. شوفت عينك
حسام. شوف يا ابو ادهم اذا خايف منو احكي ونحنا بنحميك ومابنخليه يعملك شي
الناطور. ياسيدي والله مادخلو
حسام. يعني هيك رح يقع كل شي فوق راسك وبسنين ما بتطلع من الحبس
الناطور. ياسيدي اذا انا مابخاف معقول ابلي الناس معي
حسام. شوف ولا حيوان بدك تحكي ولا شو
الناطور. حكيت كل شي عندي وماظل شي لأحكيه
حسام. خذوه وحطو فيه كتل لحتى يندوخ

حسام. لك مستحيل يطلع بريئ انا متأكد انو الناطور عم بكذب ومتفق هوا وياه
عمار. اي وانا متأكد من هالشي
حسام. طيب والعمل شو يعني هلأ واياد اتحداني اني اعتذر منو بس فشر
عمار. يعني شو بدك تعمل ومافيه ولا دليل ضدو حتى الناطور حمل الشغلة بحالو

دخل اياد
اياد. شو صار معكم
عمار. ولشي لسا عم بنحقق معهم
اياد. وابو شمس شو قال
عمار. انكر كل شي
اياد. يمكن ما انكر يمكن بريئ بس في ناس بدها تبليه غصبن عنو
حسام. شو قصدك
اياد. ماقصدي شي
والناطور شو حكا
عمار. عم بقول ابو شمس مادخلو وهوا من حالو بيشتغل هالشغلة

اياد.طيب لكن اذا ماعليه شي ليش لساتو هون ما تطالعوه
عمار. لسا ماخلص التحقيق
اياد. وايمتا بيخلص
عمار. مابعرف
بس كأنو انت عم بتحقق معي
اياد. لأ بس حبيت شوف مين بدو يعتذر من الثاني
حسام. بنشوف

راح اياد ع السجن ليشوف ابو شمس

حسام. انا مستحيل اعتذرلو مو مشان شي بس لأني متأكد انو الناطور ماعم يحكي الحقيقة واذا متفق مع ابو شمس انو يعطيه مصاري مستحيل يعترف بشي
لك المشكلة انو مو بس المزرعة في كمان شقق عم بشغل فيهن عالم بس ماعم نلقط عليه شي
عمار. يعني شو بدك تعمل لازم نطالعو لأنو ماعليه شي ومابنقدر نخليه هون

حسام. بالأول لازم نحقق مع اهلو اخوتو مرتو الاولى والتانية بلكي بنعرف شي
عمار. بتروح انت
حسام. لأ انا بظل هون وانت روح وخبرني شو بصير معك
عمار. طيب بخبرك

ملكك انا بقلم روان الشبلاق الجزء الثالث

رواية ملكك انا بقلم روان الشبلاق
ملكك انا بقلم روان الشبلاق الجزء الثالث


العسكري. احترامي سيدي
اياد. روح من هون شوي
ابو شمس. هي انت منيح اني شفتك طمني شو صار
اياد. لا تخاف مو قادرين يمسكو عليك شي حاولو كتير وماعم يطلع معهم ورح يطالعوك اليوم اكيد
ابو شمس. طمنتني بس اطلع مارح انسى فضلك ومعروف معي
اياد. طيب انا بدي روح قبل ما يجي حدا

وصل عمار ع بيت ابو شمس وما لقا حدا نزلو ع الطابق الاول ودقو الباب
ابراهيم. اهلا
عمار. وين زوجة ابو شمس
ابراهيم. جوا بالبيت
عمار. بدنا ندخل شوي
ابراهيم. طيب بس لحظة

ابراهيم. قومن يا بنات ع الغرفة ولا تطلعن
شمس. ليش
ابو ماجد. فوتي عمو

ابراهيم. تفضلو
عمار. مين زوجتو لأبو شمس
ام شمس. انا
عمار. وانت شو بتصيرلو
ابو ماجد. انا اخوه
ام شمس. ليش جايين بهالوقت ابو شمس صايرلو شي
عمار. لأ اتطمني

في غرفة البنات
شمس. يا الله شو في اليوم بابا اتأخر لرجع ع البيت وانا عرفت انو صاير معو شي

لميس. لا تخافي اكيد بابا رح يطالعو
غنى. يا الله لو اجلوها لبكرا كنت خليت الي بدو يصير خطيبي يطالعو
شمس. انتي فاضية لحالك

عمار. شو بيشتغل زوجك
ام شمس. عندو شركات
عمار. بتعرفي وين بروح وين بجي
ام شمس. لأ بيطلع الصبح ع الشغل وبيرجع المسا
عمار. طيب كل ايمتا بتروحو ع المزارع الي عندكم
ام شمس. مابنروح
عمار. ليش
ام شمس. مابيرضا ياخذنا
عمار. ليش
ام شمس. بقول انو مسكن ناس فيها وماحلوة نروح
بس قلي شو في والله شغلتلي بالي
عمار. ماعندكم الا بنت وحده
ام شمس. اي بس شمس الله يسلمها
عمار. طيب زوجتو التانية وين
ام شمس. شووو انا بس مرتو
عمار. لأ متزوج وحده تانية ماعندك علم
ان شمس. شو مستحيل انت اكيد غلطان لا لا مستحيل
عمار. لو سمحتي اهدي شوي

ابو ماجد. ياسيدي اتأكد اكيد في غلط بالموضوع
عمار. لا مافي غلط متزوج صرلو ست سنين وعندو ولدين وهي الملف قدامي واضح

ام شمس. ياويلي ع هالمصيبة ياويلي ع هالمصيبة الي وقعت عليي ياويلي اذا هالحكي صحيح
وغميت ام شمس وفيقوها وراح عمار
ام شمس. لا تخبرو شمس لا تخبروها شو عمل ابوها لأ ياربي والله ماعم سدء ياربي يكون كذب ياربي يكون في شي غلط
وطلعو البنات من غرفتنهن
ام ماجد. خلص هدي حالك شو ي لنفهم الموضوع وهي شمس طلعت هلأ بتشوفك انتي وبهالحالة قومي غسلي وشك بسرعة

شمس. خير شو بدهن
ام ماجد. مابدهن شي حبيبتي بس في غلط بالشغل وعم بتأكدو منو وهي كل القصة
شمس. اي الحمدلله فكرت في شي
طيب وين ماما
ام ماجد. راحت ع الحمام
شمس. وبابا وينو ليش ماطالعوه
ام ماجد. بطالعوه حبيبتي لا تخافي
شمس. والله هلأ ارتحت
ام ماجد. يلا هلأ فوتي نامي انتي والبنات طلع الضو وانتو لسا فايقين
شمس. ليش رح نام هون
ام ماجد. اي هنن هالكم ساعة
يلا روحي يلا ياغنى انتي ولميس خذن شمس وروحن

شمس. بالأول بدي شوف ماما

شمس. ماما شبك ليش زعلانة
ام شمس. ماف شي حبيبتي
شمس. صحيح ماما رح انام هون
ام شمس. اي ياعمري بس هالليلة حتى يطلع ابوكي يلا روحي نامي
شمس. اكيد انتي منيحة ماما
ام شمس. اي ياعمري خلص يلا روحي وانا كمان بدي نام لأنو اتطمنت ع ابوكي
شمس. لكن تصبحي ع خير
ام شمس. وانتي بخير

في مكتب حسام
حسام. عمار وينك لهلأ اتأخرت
شو صار معك
عمار. ماصار شي
مرتو عرفت انو متزوج عليها وجنت ومعاد رضيت تحكي شي بس الي عرفتو انو ماعندها خبر بشي وهلأ لازم نطالعو
حسام. نطالعو
عمار. اي اجباري مابنقدر نخليه ماثبت عنو ولا شي
حسام. بس
عمار. خلص حسام هلأ طالعو وبيلتقالا حل
حسام. اي طالعوه

حسام بس انا مارح اسكت ابدا ورح حاسبو وانت رح تكون معي
عمار. بشو
حسام. عمار شيل الشغل ع جنب انت ابن عمي ولازم توقف معي وانا محتاجك بشغلة شو قلت
عمار. معك ع الموت بس قلي
حسام. متأكد
عمار. اي اكيد ولو
حسام. شو اغلى شي عند ابو شمس
عمار. شو
حسام. انا الي بسألك
عمار. اموالو
حسام. لأ بنتو

يتبع… الجزء الرابع

mal alsham

اترك تعليقاً

لن يتم نشر عنوان بريدك الإلكتروني.

error: Content is protected !!