ملكك انا بقلم روان الشبلاق الجزء الرابع

ملكك انا بقلم روان الشبلاق الجزء الرابع

ملكك انا بقلم روان الشبلاق الجزء الرابع

رواية ملكك انا بقلم روان الشبلاق
رواية ملكك انا بقلم روان الشبلاق

عمار. كيف شو قصدك ببنتو
حسام. مافي حل الا عن طريق بنتو
عمار. لك احكي بوضوح ماعم افهم عليك
حسام. بنتو اغلا شي عليه بنهددو فيها
عمار. شو قصدك
حسام. بنخطفها يوم واحد بس حتى يعترف ابوها بعدين بنتركها
عمار. من كل عقلك بتحكي شو صرلك جنيت مستحيل انت تفكر بهيك شي
حسام. فكرت وخلص ماعندي غير هالطريقة
عمار. لك يامجنون انت هيك مابتكون ربحت بتكون خسرت كل شي قال يخطفها قال شو نحنا وين عايشين
حسام. انت قلت انك معي ع الموت
عمار. الموت اهون من هاد الشي
حسام. بالعكس الشغلة كلا مابتاخد ساعتين
عمار. لك لا تجنني مستحيل امشي معك بهيك شي خلص بنلاقي حل تاني لا تخاف مارح خليك تعتذر لأياد بس موهيك مو بهي الطريقة انو تخطف بنت

حسام. مافي عندي حل تاني
عمار. مامتوقع منك هيك شي
حسام. اتوقع اكتر كمان
عمار. حسام اهدا شوي عنجد عم بتخوفني شو هالتفكير هاد
مابصير هيك
حسام. عمار رح قلك كلمتين من الاخر اذا حبيت تساعدني بكون ممنونك
انا خلص قررت اعمل هالشي وانا ابن عمك ومارح تقصر معي
عمار. يامجنون والله اذا حدا عرف بهدلة والله بيفصلوك من شغلك والله اعلم شو كمان
حسام. الشغل اخر همي
وخلص اذا مو حاب تساعدني تسطفل
عمار. لك مو هيك بس الشغلة بدها شوية وعي

حسام. عمار انافاهم عليك انت كل همك الشغل يا اخي شيل الشغل ع جنب وبوعدك اذا صار شي وانكشفنا انا بتحمل مسؤلية كل شي
عمار. لك شو دخل الشغل بس انا بحكي مشانك
حسام. الله يسلم شانك بس هلأ جاوبني انت معي اولا جواب نهائي
عمار. له يا حسام انا لسا ع موقفي معك ع الموت بس كمان فكر
حسام. حلو الحكي
عمار. شوف انت هلأ تعبان ومو نايم لهيك عم بتخبص روح ارتاحلك شوي وبعدين مو عأساس اليوم تروح ع البيت

حسام. انت بتجهز كل شي واليوم بالليل بعد العشرة بنلتقا
عمار. شو يلي بدي جهزو
حسام. لك شبك فتح عقلك شوي
بدي تشوفلي شي خطة انوقعهم كلهم ابو شمس والناطور واهم شي اياد

عمار. لاحول ولا قوة الا بالله انا موافق
بس لك فكر منيح لك حسام والله انا مشانك
حسام. هههههه الله يخليك ياصاحبي ويا ابن عمي ويازميلي بشغلي كنت عارف انك مارح تخيب ظني فيك

عمار. طيب هلأ روح ع بيتكن بلكي اذا رحت وشفت عروستك تغير رئيك
حسام. ايا عروس يا رجل انا عم بسايرهن بس حتى يحلو عني

عمار. احمد
احمد. احترامي سيدي
عمار. طالعتوه لأبو شمس
احمد. لأ لسا
عمار. جيبوه لهون
احمد. حاضر سيدي

عمار. حسام هلأ مابتحكي ولا حرف
حسام. ليش
عمار. خلص متل ماعم قلك

احمد.سيدي هي ابو شمس
عمار. شوف يا ابو شمس انت طلعت برائة ونحنا بنعتذر منك ع الغلط الي صار وانا بأكدلك انو ناطور المزرعة رح يتحاسب

ابو شمس. اي بس بتمنا مره تانية ما يتكرر هيك شي
عمار. اي اكيد وهلأ فيك تروح

حسام. عما ليش هيك عملت
عمار. شو نسيت شو ناويين نعمل فيه
ولا بدك ياه فورا يشك فينا
وهلأ قلي شو رح نعمل واحكي بصوت واطي

حسام. رح ناخد البنت ورح نتصل بأبوها ونقلو يسلم حالو بس ما حنخبرها انو نحنا من الامن وبس يسلم حالو فورا بنتركها يعني الشغلة كلا كم ساعة

عمار. حاسب كل شي باينتك
حسام. اي مشان نكون جاهزين واليوم الساعة 10 المسا بتكون قدام بيتهن
عمار. طيب طيب المسا بنحكي
هلأ روح ع البيت كم مره صرت قايلك هالشي
حسام. اي بعد ساعة رايح

في بيت ابوماجد
ام ماجد. طولي بالك يا ام شمس والله مابصير هيك استني بس حتى نفهم شو القصة
ام شمس. لك شو بدنا نفهم شو ياربي متزوج عليي من ست سنين وانا مو حاسة

ام ماجد. طيب هلأ طلع الضو قومي نامي وارتاحي شوي
ام شمس. من وين بدو يجيني النوم

دء باب البيت وكان ابو شمس
ابراهيم. هلا عمي الحمدلله ع سلامتك
ام شمس. بكل عين قوية جاية لهون انقلع لبرا انقلع من هون
ابوشمس. شبك شو في
ام شمس. بعد كل شي طلعت عاملو بتقلي شو في لك ياخسارة عشرة العمر الي كانت بينا

ابو شمس. طولي بالك انتي فاهمة الموضوع غلط وانا طلعت بريئ
ام شمس. لك ياخاين ياحقير انت متجوز عليي لك عقب كل شي منيح عملتو معك عقب الصبر الي صبرتو عليك لك كنت معك ع الحلوو والمرة

ابو شمس. شو لك شو بتحكي انتي مين قلك هالحكي
ام شمس. لك الله يلعنك الله ياخدك ويريحني منك

ام ماجد. طولي بالك ام شمس مابصير هيك هلأ بتسمعك شمس
ام شمس. لك خلها تسمع خلها تعرف ابوها ع حقيقتو خلها تعرف شو هوا طلع واحد تافه وحقير

ابو ماجد. ابو شمس خبرنا شو القصة
ام شمس. شو بعد بدو يخبركم اكتر من الي عرفتوه بدكن اكتر من هيك دمرني ودمر حياة بنتو
لك انت حرام تكون اب عم تخدها من ست سنين وتضحك علينا ياعيب الشوم عليك شو انك مابتستحي هلأ بدك تطلقني هلأ

ابو شمس. شو جنيتي انتي مين الي خبركم
ابو ماجد. واحد من الأمن اجا لهون وسأل عن مرتك التانية

ام شمس. لأ ماجنيت بس هلأ صحيت
ابو ماجد. ابو شمس روح هلت ع بيتكم وبس تروقو بتحكو وبتتفاهمو
ام شمس. لأ هلأ بطلقني وبينقلع
ابوماجد. ابو شمس عم قلك روح ولا تجي حتى خبرك

ام شمس. لا تخبرو شمس انو ابوها بالبيت عأساس طلع وراح ع شغلو
ام ماجد. حرام تحرميها من شوفة ابوها وتخلي بالها مشغول عليه
ام شمس. خلص لا تخبروها بشي

ملكك انا بقلم روان الشبلاق الجزء الرابع

رواية ملكك انا بقلم روان الشبلاق
ملكك انا بقلم روان الشبلاق الجزء الرابع

 

بعد مرور ثلاث ساعات
شمس. اف ماما ليش مخليتني نايمة لهالوقت
ام شمس. معليش حبيبتي انتي مبارح طول الليل مانمتي
شمس. شو صار مع بابا
ام شمس. طالعوه وهلأ هوا بالشغل
شمس. رح احكي معو
ام شمس. لأ لا تحكي معو هلأ لانو سكر موبايلو وقال لحدا يزعجو لانو بدو يعرف الغلط يلي صار ويحاسب الي كانو السبب
شمس. طيب المهم انهم طالعوه

ابو ماجد. شو صار مع الجماعة دقي واعتذري منهم
ام ماجد. بس اعطيناهم موعد مو حلوة
ام شمس. لا يا اخوي ليش لتعتذرو كلها ساعة

ام ماجد. اصلا مارح نستقبلهم هون رح ناخدهم ع بيت ماجد
ابو ماجد. طيب

في بيت ام حسام
ام حسام. لك ما تروح تجهز حالك وتشوف شو بدك تلبس
حسام. ليش انا وين رايح
ام حسام. لا تجنني مرقلي هاليوم على خير
حسام. اجليها امي كم يوم والله الشغل لفوق راسي
ام حسام. والله مابأجلو صرنا ماخدين موعد من الجماعة
حسام. طيب اذا ظليتو اكتر من ربع ساعة بترككم وبمشي
ام حسام. لا ما حنتأخر

في بيت ابو ماجد
غنى. امي بدي روح السوء اشتري تياب
ام ماجد. مافي روحة مو شايفة كيف وضع البيت مكركب البسي ايا شي من الي عندك
غنى. ليش يا امي والله مو حلوة
ام ماجد. خلص بقا متل ماعم قلك
غنى. طيب اذا عمي طلع والامور كلا انحلت وين المشكلة
ام ماجد. لك خلص اسكتي
غنى. ياربي الي ما الو حظ لا يتعب ولا يشقى

ام ماجد. اي يلا جهزي حالك مشان نروح ع بيت ماجد بعد العصر
شمس. امي وانا معليش روح
ام شمس. اي روحي
شمس. وانتي مابدك تروحي امي
ام شمس. لا حبيبتي انا بستاكن هون انتي روحي وانبسطي
يلا روحي جهزي حالك مع البنات
شمس. طيب ماما

ام ماجد. ام شمس ليش مابدك تروحي
ام شمس. اه يا ام ماجد والله مالي نفس لشي والله مو مصبرني غير هالبنت
ام ماجد. طولي بالك واستهدي بالله
ام شمس. بس تروحو رح اطلع لعندو واتفاهم معو وخليه يطلقني

ام ماجد. يي انتي شو عم تحكي لك خليه يطلق التانية مو انتي ولا قلك لا تتصرفي شي قبل ما ارجع انا وبنحاول نحلها ان شاء الله
ام شمس. مع الاسف ما الها حل
ام ماجد. لا اله الا الله طيب فكري بهالبنت شو رح يصير بحالتها
ام شمس. رح اخدها معي
ام ماجد. بس هي متعلقة بأبوها كتير والله بتدمر نفسيتها
ام شمس. لنشوف شو الله رايد

بعد ساعتين راحو ع بيت ماجد
ام ماجد. يا بنات كل شي جاهز ماظل وقت كتير
غنى. اي امي كل شي جاهز
وشوفيلي لبسي حلو ولا لأ
ام ماجد. اي حلو

في بيت ام حسام
بتول. حسام قوم معي
حسام. لوين
بتول. لك ع الغرفة امشي بدي لقيلك شي تلبسو
حسام. لك حلي عني ناقصك انا
بتول. هلأ هيك انا اختك وهيك بتحكي معي
حسام. ليش مال الي لابسهم
بتول. لك عندك احلا منهن بس قوم خلصني
حسام. طيب اتفضلي

في الغرفة
بتول. شوف هي ما احلاها بتطلع عليك
حسام. لأ مابحبها
بتول. طيب هي اكيد رح تطلع بتجنن عليك يلا قيسا وهي بنطلون بيطلع حلو معها
انا طالعة يلا ما تتأخر وزبط شعرك وحط عطر خليك تطيرلا عقلا للبنت
حسام. فاضية لحالك

لبس حسام بلوزة بدي بيضة مع بنطلون جينز اسود وطلع حلوو كتير وشخصية

بتول. اي ها شو هالجمال هلأ بتشوف كيف مارح يشيلو عيونهم عنك

بعد ساعة حسام حكا مع عمار
حسام. لك بدي قلك انو ماتنسى تجيب صورة للبنت
عمار. يعني ماغيرت رأيك
ع كلا لسا في وقت فكر منيح
حسام. لا تنسى الصورة وع الساعة 10 بتجي تاخدني من البيت وجهز مكان ناخدها عليه
عمار. طيب
حسام. يلا سلام

بعد مرور ساعة
ام حسام يلا خلينا نمشي اتأخرنا مو حلوة

في بيت ماجد
غنى. لك انا متلبكة كتير رح يوصلو
لميس. انتبهي وانتي تطالعي القهوة ما تكبيها ههههههه
شمس. هلأ بتحطلهن ملح بدل السكر
غنى. بس ولو عم بتوتروني

دء الباب
ابو حسام. مسالخير
ابراهيم. اهلا وسهلا تفضلو
ابو ماجد. ميت اهلا وسهلا

وسلمو ع بعض والبنات كلن بالمطبخ
ام ماجد. غنى يلا اعملي القهوة وبعد خمس دقايق طالعيها
غنى. امي والله خايفة وعم ارجف
ام ماجد. لا تخافي فوت قولي مسالخير وضيفي القهوة وبس تخلصي سلمي عليهم واقعدي شوي وفوتي
غنى. ولي والله قلبي رح يوقف

لميس. امي كيف شكل العريس
ام ماجد. هلأ حلي عني

ام حسام. لك حسام ليش هيك قالب خلئتك مو حلوة هلأ بصيرو يحكو علينا
حسام. يحكو شو مابدهم
ام حسام. لك مشان الله ليش هيك بتعمل فيني
حسام. لك شو عامل انا يعني اضحك لحتى بين اني مبسوط

دخلت غنى
غنى. مسالخير
الجميع. مسالنور

وضيفتهم القهوة وسلمت عليهم وقعدت معهم وحسام ماتطلع فيها وهيا ماشالت عيونا عنو

غنى في نفسها ياووويل قلبي اكيد امي داعيتلي يجيني شب متل القمر معقول ياربي كل هاد جمال لك نيالي ع هالحظ ولأ كمان شايف حالو يئبر ئلبي بيلبقلو

ام حسام. لك شبك اتطلع بالبنت شوفها بلكي ماعجبتك
حسام. خلص امي والله بقوم وبروح ها
ام حسام. لك بس مره وحده اتطلع فيها

حسام اتطلع عليها بطرف عينو ومو عاجبو
حسام في نفسه شو بكون صار مع عمار

راحت غنى ع الغرفة ومو مسدقة حالها من الفرحة

غنى. الحئوني مشان الله بطير العقل بجنن لك ولي ولي اول مره بشوف هيك جمال يارب تجعلو من نصيبي
لميس. هههههههه شوقتيني حابة شوفو تعي شمس خلينا نطل عليه
شمس. لأ مابدي
لميس. تسطفلي انا رايحة

لميس. لك شو هاد ولي ع قلبي عنجد نيالك وحتى عيونو خضر تعي شمس شوفيه
شمس. لا مابدي
غنى. شفتي لميس الحكي مو متل النظر

حسام. امي يلا مطولين عندي شغل
ام حسام. شغل شو بهالليل ع كلا بس نرجع بنتفاهم

وطلعو بيت ام حسام من عند بيت ابو ماجد

في سيارة حسام
ام حسام. ليش هيك عم تعمل معي ليش ما اتطلعت بالبنت
بتول. لك حسام والله حلوة ليش ماعجبتك
حسام. بعرف انو حلوة الله يخليها لأهلها بس مابدي ياها شوفو غيرها

ام حسام. انت والله غير تجيبلي الجلطة ليش ماعجبتك
حسام. هيك ماحبيتا
ابو حسام. مبين اهلا اكابر
حسام. اي منيح
ام حسام. طيب فكر من هون ليومين
حسام. مابدي فكر شوفو غيرها
طبعا حسام مابدوياها ومابدو غيرها بس حتى يلهي اهلو

ام حسام. لو اعرف ع شو شايف حالك
لك حتى ما سألت من انو بيت هنن وشو اسم البنت وشو دارسة يعني ولا اهتميت ابدا
حسام. مو شايف حالي بس انو ماعجبتني

وصلو ع البيت واتصل حسام ب عمار
حسام. لك وينك اتأخرت
عمار. ع الطريق
حسام. اي ناطرك

في بيت ابو شمس
ام شمس. هلأ بدك تطلقني ومالي قاعدة عندك ولا لحظى لا انا ولا بنتي
ابو شمس. هدي حالك شوي خلينا نتفاهم
ام شمس. طلقني مابدي نتفاهم
ابو شمس. طلاق ما بطلق لا تحلمي بهالشي انا زوجك وانا بحبك
ام شمس. لا تقول هالكلمة ع لسانك والله بقرف منك ومن كلامك وبكرهك لأنك طلعت تافه وحقير
ابو شمس. معليش حقك تحكي بس انا كمان من حقي يجيني ولد يحمل اسمي ويكون سند لأختو شمس ولا مافكرتي بهاد الشي

ام شمس. لك ليش ما طلقتني قبل ماتقول هيك شي
ع كلا مارح اقعدلك بهالبيت لا انا ولا بنتي ومن بكرا رايحة ع بيت اهلي وورقة الطلاق بتوصلني لهنيك
ابو شمس. مابسمحلك
ام شمس. يلي بيطلع بأيدك اعملو

وصل عمار وطلع معو حسام وراحو ع العمارة الي فيها ابو شمس واخوه

حسام. هلأ هون ساكنين
عمار. اي هون الطابق التاني وهلأ كيف بدها تطلع البنت

حسام. لك رجع السيارة شوي لورا حتى ماحدا ينتبه
عمار. لك اخ منك انت الله يجيرنا من الي رح بصير
حسام. شو تراجعت
عمار. لا
حسام. اي هلأ لازم نستنا شوي حتى تطلع من البيت
عمار. بلكي ماطلعت
حسام. معقول ما تطلع
عمار. اي معقول الساعة 10 بالليل والدنيا شتوية شو بدو يطالعها
حسام. طب اصبرلك شوي
عمار. طيب

طلعو بيت ابو ماجد من عند ماجد وبيت ماجد قريب كتير من بيتهم

حسام. جبت صورتها معك
عمار. اي ليكا
حسام. لك انا فكرها اصغر من هيك
عمار. يعني غيرت رئيك
حسام. لا شو غيرو ليكنا عم نستنا

وصلو بيت ابو ماجد ع بيتهم

حسام. لك شوف شوف مين هدول مو مبينين
عمار. هدول اكيد هنن معناها ماكانو موجودين بالبيت
حسام. لك هدول كتيرين كيف بدنا نعرفها

نزلو بيت ابو ماجد من السيارة
حسام. لك بسرعة شو نعمل رح يفوتو ع البيت
عمار. شو رأيك نروح نهجم عليهم وناخذها من قدامهم
حسام. هلأ وقت مسخرتك شرف وهي دخلو ع البيت

عمار. خلص معناها خليها لبكرا
حسام. لك لا شو بكرا استنا بعد شوي
عمار. خلص هلأ رح ينامو

في بيت ابو ماجد
ابراهيم. اف نسيت موبايلي بالسيارة غنى روحي جيبيه
شمس. استني وانا بجي معك لأنو بدي اطلع ع بيتنا
غنى. طيب امشي

وطلعو غنى وشمس
غنى. واوو شوفي الجو شو حلو
شمس. اي حلو بس برد كتير
غنى. لك صحيح شو كان بدو ابراهيم
شمس. بدو موبايلو
غنى. لك نسيت مفاتيح السيارة رح روح جيبهن
شمس. لكان انا طالعة ع البيت بدي شوف بابا
غنى. لك لأ استنيني وانا بدي اطلع معك بدي سلمو ع عمو
شمس. اي يلا لكن ناطرتك

عمار. هي هيا البنت هي فرصتنا
حسام. قرب السيارة بسرعة

يتبع… الجزء الخامس ☆☆

ملكك انا بقلم روان الشبلاق الجزء الرابع

أقرأ المزيد أيضا يافا الدمشقية

اتطلع على 

mal alsham

لا تعليقات بعد على “ملكك انا بقلم روان الشبلاق الجزء الرابع

اترك تعليقاً

لن يتم نشر عنوان بريدك الإلكتروني.

error: Content is protected !!