ملكك انا بقلم روان الشبلاق الجزء 2

ملكك انا بقلم روان الشبلاق الجزء 2

ملكك انا بقلم روان الشبلاق الجزء 2

رواية ملكك انا بقلم روان الشبلاق
رواية ملكك انا بقلم روان الشبلاق

في مكتب حسام

عمار. هي كل المعلومات الي طلبتا
حسام. كتير منيح وهي ملفو خدو شوفو
اخدو عمار وقرئو

عمار. اف اف كل هاد ومو ماسكين عليه شي
حسام. مافي دليل ضدو
عمار. وماحققو معو
حسام.لك هاد اكبر تاجر مخدرات شوف كم عدد الشباب الي بتعاملو معو
وغير هيك عندو شقق وبأجرها للشباب وبنات مو متزوجين وبياخذ منهم مبالغ كبيرة

عمار. مين كان ماخد ملفو
حسام. اياد
عمار. اي عرفو لمين يسلموه كان بيقدر يمسكو بشغلة الشقق
حسام. لك مو مخلي ع حالو ولا دليل حتى الشباب الي عم يمسكوهم ماعم يعترفو عنو بشي في اخباريات بتقول انو قايل للشباب الي بينمسك وما بخبر عني رح يسلمو شغل ويعطيهم رواتب كبيرة

عمار. وهلأ شو ناوي تعمل
حسام. بدي امسكو بأي طريقة ومستعد اخسر شغلي لك واحد متل هاد لازم يتحاسب شوف كم شب تدمرت حياتو بسببو وفي عليه شغلات كتير غير هيك واياد كان يغض نظر عن الموضوع

عمار. شوف المعلومات الي حصلناها عنو
حسام. اي

حسام. العمى العمى اي اجباري بدو يكون معو كل هالأموال من شغلو هاد
عمار. اي معو مصاري مابتاكلها النيران

حسام. مامعو الا شمس بنت وحده
عمار. لك هي من مرتو الاولى كمل وبتشوف الباقي متزوج وحده تانية بالسر ومعو منها ولدين ومرتو الاولى مابتعرف

حسام. اهااا
عمار. معقول مرتو مانتبهت لهالشي
حسام. هلأ مو هون شغلنا في عندو مزرعة وحاطط فيها ناطور ومعو مرتو وعم بروح عليها ناس كتير بحجة انو قرايب الناطور وبدي تحط عليها مراقبة
عمار. وهوا انجيبو لهون
حسام. لا لانو مامعنا دليل ضدو ورح يعرف انو شاكين فيه
عمار. اي مزبوط

حسام. ماتنسى تراقبو المزرعة
وبس تشوفو حدا دخل عليها بتاخدو هوياتهم وبتشوفو شو بيعملو هنيك
عمار. طيب هلأ رح حط المراقبة انت اليوم رح تبقى هون
حسام. اي اليوم هون
عمار. طيب هلأ برجعلك
حسام. اي اوك

رن موبايل حسام وكانت امو
حسام. اهلين امي
ام حسام. كيفك
حسام. تمام الحمدلله
خير في شي هي تاني مره بتتصلي
ام حسام. اي بدي قلك مشان يكون معك خبر
حسام. خبر شو امي
ام حسام. انا اليوم رح اتصل بأهل العروس واخد منهم موعد بكرا المسا وبتكون انت رجعت

حسام. اوف يا امي رجعنا لنفس الموضوع
ام حسام. ماتركناه حتى نرجعلو
حسام. اجليه كم يوم لأنو مشغول ويمكن ما ارجع ع البيت
ام حسام. شو ع كيفك ماترجع ع البيت والله بزعل منك ومعاد احكي معك
حسام. يا امي امهليني كم يوم هلأ والله مو فاضي
ام حسام. بتروح بتشوفها وبعدها فكر ع مهلك
حسام. اي بس مو بكرا

ام حسام. حسام لا تجنني
شو يعني عم بتسايرني متل لصغار
حسام. لك مو هيك بس
ام حسام. بس شو بكرا بتكون هون مشوارنا كلو ربع ساعة وانا اليوم رح احكي مع اهل البنت واخد موعد شو قلت

حسام. عأساس اذا قلت لأ رح تتركيني
ام حسام. معناها موافق
حسام. اي طيب طيب
ام حسام. بكرا لا تتأخر ها
حسام. لا ما بتأخر

 

ملكك انا بقلم روان الشبلاق الجزء 2

رواية ملكك انا بقلم روان الشبلاق
رواية ملكك انا بقلم روان الشبلاق


في بيت ام حسام
ام حسام اتصلت ب ام ماجد
وخبرتها انو بدها تزورهن وتشوف بنتهم غنى لأبنهم حسام
ام ماجد. اهلا وسهلا بتنورونا
ام حسام. الله يسلمك يلا بدك شي
ام ماجد. سلامتك الله معك
ام حسام. مع السلامة

في بيت ابو شمس
شمس. امي تأخر بابا وانا مليت كتير
ام شمس. روحي ادرسيلك شوي بيمضى الوقت بسرعة هي العطلة عأساس للدراسة واني مقضيتها نوم
شمس. لاتخافي خلص من بكرا ببلش دراسة
وهلأ بدي روح لعند بنات عمي شوف شو بيعملو
ام شمس. اي روحي

في بيت ابو ماجد
غنى. اهلا وسهلا شمس تفضلي
شمس. اهلا فيكي ليش معاد بينتو
غنى. لك سكتي انتي مامعك خبر شي
شمس. خبر شو
غنى. لك لميس احكيلا
شمس. لك شو بدها تحكيلي شبكن ليش ساكتين

لميس. لك بكرا بدهن يجو علينا ناس ويشوفوها لغنى
شمس. عنجد
لميس. اي والله شو مانك مسدئة
شمس. اي ومين هنن
غنى. مابنعرفهن بس ع هوا الحكي شب بطير العقل
وهوا ظابط بالأمن
شمس. اي حلووو الف مبروك من هلأ
لميس. هههههه من هلأ عم بتباركيلها بلكي مازبطت
غنى. لا اكيد رح تزبط ورح البس احلا شي عندي وزبط حالي ع الأخير ورح خليه ينسطل فيني
لك ماني مسدئة احلا شي انو هيك بالأمن لك هاد الشعور بكفي بتعرفو اني صرت حبو من هلأ

شمس ولميس. ههههههههه
شمس. اي انتي قولي ان شاء الله
بس وينا مرت عمي
غنى. لك امي راحت ع بيت اخي ماجد وقالت بدها تستقبلهم هنيك لأنو البيت كبير واحسن من هون

شمس. يعني مو هون
لميس. لا موهون
شمس. لك قلت لأمي اني بكرا رح بلش دراسة مارح تخليني روح ع بيت ماجد
غنى. شووو يعني مابدك تكوني موجودة
شمس. لأ رح حاول
غنى. لأ اكيد رح تروحي معنا
شمس. اي ماشي

غنى. بكرا بدي روح ع السوء اشتري تياب وبدي زبط شعري واتمكيج
بس مو عارفة شو لازم اشتري
شمس. مو ضروري تشتري تيابك كلا حلوة وجديدة

غنى. في نفسها هه هي من غيرتك اكيد بدك ياهن يشوفوني مو حلوة

غنى. اي واذا عندي معليش بشتري جهزي حالك لتروحي معنا بكرا
لميس. شمس شو تشربي
شمس. نسكافيه
لميس. وانتي غنى
غنى. لك تركيني بحالي هلأ شوفيلي مو كأني سمنانة شوي ولي اكيد لتياب مارح يطلعو حلوين عليي

لميس. هههههه شو غنى من الفرحة جنيتي
غنى. لك عنجد بحكي لازم اعمل ريجيم قاسي
لميس. من كل عقلك بتحكي ريجيم من اليوم لبكرا
غنى. طيب شو اعمل

شمس. بس جسمك كتير حلو ومو لازمك ريجيم بعدين انتي كتير مكبرة الموضوع بلكي ماعجبك الشب او ما اتفقتو

غنى. ليش حتى مايعجبني وضعو المادي منيح ومبين مو ناقصو شي واكيد رح اعجبو بس ياترى شو اسمو

شمس. واذا انخطبتي رح تتركي دراستك
غنى. اي شو بعد بدي بالدراسة انا مو مسدئة اتركها

شمس. وانا والله مقصرة كتير بس خلص من بعد بكرا مارح اطلع من غرفتي لحتى خلص كل شي عليي
لميس. اي برافو عليكي وانا متلك رح اعمل

بعد مرور ساعة
في مكتب حسام
دخل عمار لعند حسام
عمار. حسام في شي غريب ما عم افهمو
حسام. شو هوا

عمار. من شوي عرف اياد انو انت استلمت ملف ابو شمس
وتلبك وصار يقول انو انا سكرت الملف والزلما ما ثبت عليه ايا شي ليش حسام ليرجع يفتح ملفو
حسام. طيب وماعرفت ليش
عمار. اكيد متدايئ انو انت اخذت الملف وانك مو واثق بشغلو

حسام. هلأ شيلنا منو
انت حطيت مراقبة ع المزرعة
عمار. اي وبس اعرف شي فورا بخبرك
حسام. اي

في مكتب اياد
اياد. وبعدين معو هالحسام لسا عاملي حالو شي شغلة
كيف بدي خليه يترك الملف
لك مصيبة اذا عرف انو انا ماخذ مصاري حتى اسكت عن الي بيعملو ابو شمس

في بيت ام حسام
حكت ام حسام مع بنتها بتول

ام حسام. كيفك طمنيني عنك
بتول. الحمدلله كيفك انتي
ام حسام. الحمدلله حكيت معك لحتى خبرك بكرا تجهزي حالك مشان نروح نشوف البنت لحسام
بتول. عنجد امي ليش وافق
ام حسام. اي بالموت حتى وافق

بتول. اي لكن بكرا بجي بكير بس خبرتي اختي سهى
ام حسام. اي بس مارضيت قال وجودها ما الو داعي وعندها شغل
بتول. ايوا
طيب مين دلاكن ع هي البنت
ام حسام. جارت خالتك خبرتنا عنهم وبتقول مناح كتير والبنت حلوة
بتول. اي ان شاء الله تزبط ويرضا يتزوج
ام حسام. اي ان شاء الله غير تزبط

بعد مرور ساعتين
في بيت ابو ماجد
ابراهيم. مسالخير شو شمس عنا
شمس. اي ليش متفاجأ
ابراهيم. لا ابدا
وين امي
غنى. راحت ع بيت اخي ماجد
ابراهيم. طيب في شي اكلو ولا روح
غنى. امي ماطبخت شي قبل ماتروح استناها حتى تجي

ابراهيم. خلص لكان رح روح
بس ارجع باكل
شمس. وانا كمان بدي روح
ابراهيم. خليكي مع البنات احسن لا يظلو لحالهم
شمس. لك تأخرت من الظهر وانا هون وهلأ بكون بابا اجا

ابراهيم. لا عمي مو بالبيت من شوي حكيت معو
شمس. عنجد بس تأخر كتير
ابراهيم. يمكن عندو شغل خلص خليكي
شمس. اي طيب
ابراهيم. بدكن شي وانا راجع
غنى. لا سلامتك
ابراهيم. يلا سلام
غنى. الله معك

في المكتب
عمار. حسام في 3 بنات و3 شباب راحو ع المزرعة والشباب شافو هوياتهم وطلعو مابيقربو الناطور ابدا وهوا اعترف بهاد الشي
بس هما مو راضيين يقولو ليش راحو ع المزرعة وهلأ جبناهن لهون وعم يحققو معهم بس بتوقع الي بتفكر فيه انت مزبوط
حسام. كنت متوقع هالشي

دخل اياد ع مكتب حسام وهوا معصب
اياد. شو الي عم تعملو انت شو الي بدك توصلو
حسام. شبك ليش هيك عم تحكي
اياد. انت فاهم عليي
حسام. شو الي بدك ياه
اياد. الملف الي كنت مستلمو وانا سكرتو بأيا حق انت عم بترجع تفتحو

حسام. لأنو القصة م انتهت
اياد. انتهت وانا سكرتا
حسام. انت قلت انو ماعليه شي مزبوط
اياد. اي مزبوط ولو ماني متأكد مابقول هيك شي
حسام. طيب لكن شو بضايقك اذا انا اتأكدت ما انت واثق من حالك
اياد. بس مابصير هيك شي
حسام. انا مارح اعمل شي بس رح حقق معو لأنو الشي الي متهمينو فيه كتير كبير ومو معقول مافي منو هالحكي

اياد. اي تسطفل رح تتعب حالك ع الفاضي
حسام. وانا قبلان اني تعب حالي
اياد. لكن اذا طلعت غلطان بدك تعتذر مني قدام الكل
حسام. اي موافق
اياد. كتير واثق من حالك

حسام. واحد متل هاد لازم تفرح اذا انمسك عليه شي
اياد. بس مو بهالطريقة انت عم تقلل من قيمتي
حسام. لا العفو بس خليني اشتغل شغلي
اياد. طيب

طلع اياد من مكتب حسام

عمار. ليش اياد متدايئ كل هالقد
حسام. لانو اذا طلع ع ابو شمس شي اياد رح يتبهدل وانا متأكد انو في شي بين اياد وابو شمس وبكرا بتشوف
وانا قلتلك مستعد اعمل ايا شي ولو بدي اخسر شغلي المهم اكشفهم

عمار. شو الشي الي بدك تعملو يخليك تخسر شغلك
حسام. بكرا بخبرك
عمار. انا رايح شوف شو صار معهم بالتحقيق
حسام. اي

اياد. انا لازم حط ابو شمس بالصورة لحتى يعرف يتصرف وما نتورط انا وياه

يتبع… الجزء الثالث ☆☆

أقرأ المزيد أيضا في الجنون فنون

ملكك انا بقلم روان الشبلاق الجزء 2

 

اٌقرأ عن 

mal alsham

رأيان حول “ملكك انا بقلم روان الشبلاق الجزء 2

اترك تعليقاً

لن يتم نشر عنوان بريدك الإلكتروني.

error: Content is protected !!