قد حان قطافها بقلم جمايكا 123

قد حان قطافها بقلم جمايكا 123

قد حان قطافها بقلم جمايكا

قد حان قطافها بقلم جمايكا
#قد_حان_قطافها..
#بقلم_جمايكا_احمد..
 
( كانت الساعة 2 بعد الليل.. في هالبيت البارد صوبة حطب بالزاوية وقنديل معلق.. والابريق يلي امي سخنت فيه المي.. وجنبها ليفة والصابون.. نادى عليها ابي تعي فوتي طالعي البنت حمميها..
 
الف مبروك صهري..

 
مبروك ان شاء الله ماتشوفوا هالدم الا لبعد 9 شهور
 
هاتي هالخرقة احتفظ فيها.. هاد شرف بنت اخي.. وابني
..
ماشاء الله عليك قدها يا ابني..
 
الف مبروك صهرنا..
 
اسمعي جميلة هاي اللي جوا راسها عنيد بالقوة لخلصت اموري كان اتبهدلت.
 
.. معلش هي لانها صغيرة وخايفة بكرة بتتعود..
 
كانت رح تفضحني عم تقول انها اختي.. مابدها اياني وصارت تصارخ ضربتا قلتها انا زوجك ياغبية.. .. منيح يلي ماكنتو بالييت معنا..
 
.. انا حسيت انو رح تعمل شي لهيك اخليت البيت لالك.. لعند ماتخلص.. يالا المهم الامور تمت الف مبروك..
 
جميلة :- شبكن ياجماعة يالا ياعروس قومي خدي حمام العريس بدو ينام ويرتاح.. شبك ام رامي رح تبرد المي..
 
ام رامي :- امشي بنتي.. على مهلك..
 
(( قعدت بنتي على الطاولة الصغيرة كان جسمها بارد.. جسمها الصغير النحيف.. ماقدرت احكي شي.. حتى ملامح البلوغ ماظهرت بعدا.. صبيت على شعرا المي لاطهرها.. كنت خايفة اقلا تحكي وانا عم غسلها دعاء الطهور من النجس.. كان قلبي عم يرجف عنها بس هي متل الصنم حتى رمش عيونها مابتحركوا.. كانت صافنة بحيط الحمام.. وجها البراق صار شاحب.. وعيونها اللي كانو يلمعو طفولة انطفوا…
 
حضنتا. وقلتا امي انا اسفة اسفة ماقدرت اعملك شي..اسفة بترجاكي بنتي سامحيني سامحيني.. صمتها القاتل نطق حيطان الحمام صرت اسمع صوتها الداخلي وهو عم يشكي بوجع..
 
امي..
 
فيني بس اسال كيف خطر ببالكن لتفرطو فيني..جاي عم تعتذري مني.. ولا عم تعتذري من جسمي الصغير يلي بين ايديكي.. بدكن اياني سامحكن.. اسامحك ولا اسامح ابي يلي خاف من العادات والتقاليد وماصبر ليعرف اذا ابلغت او لاء…. بدك سامحكن وانا هون روحي عم تحترق.. بس جاوبيني كيف هان عليكن لتفرطوا بقطعة منكم.. بعدني بعمر اللعب ودميتي بعدا بإيدي.. تركتيني بهاديك الغرفة عاجزة ووحيدة.. مقابيل حياة جديدة حياة مو لعمري مو لالي.. بتعرفي انا ماعدت اخاف من حدا.. رجعيني للغرفة من تاني ولبسيني فستان عرسي يلي صار كفني.. وقفي لا تغسليني رجعي ريحة هالغرب على بشرتي…
 
بعدك عم ترشي المي فوقي.. معقول مابتخافوا من ﷲ.. ¿
 
عم تفكري اذا اشرقت الشمس كل يوم رح انسى
لك امي انا اندفنت هاي الليلة اندفنت بالظلام..
 
حتى لو عم اتنفس انا هلاء عبارة عن جسد ميت بقولو عايش.
 
عم تعتذري يا امي هلاء..
امبارح نزلت تحت رجليكي لاترجاكي ترفضي.. تقولي مابدك تزوجيني تقولي بعدها صغيرة.. تقولي ما بلغت بعدا.. كنتي ساكتة..
 
عم تسمعي ضميرك..كل شي عم قولو لالك بلا فايدة.. مارح سامحك مارح سامحك.. حاجي تبكي وتعتذري
..
 
الحياة يلي اخترتوها لعمري.. حاسستا اسم من اسماء الموت.. سدقيني ماعاد لحياتي طعم… ماعاد لالها طعم عم تسمعي ماعاد لالها طعم..
 
جميلة :-ام رامي خلصتي
 
ام رامي :- اي اي
 
جميلة:- طيب يالا رح يطلع وجه الصبح العريس بدو مرتوا..
 
ام رامي :- اي يالا يالا ليكها اجت.. قومي امي قومي….
 
جميلة :- نعيما ياعروس حمام الهنا فوتي لعند عريسك ناطرك جوا..
 
ام رامي :- فيني ضل عندها للصبح بلكي احتاجت البنت شي
 
ابو رامي :- لاء امشي ام رامي جوزها ودار حماها حوليها.. بكرة العصر بنجي.
 
جميلة :- انا اذا احتاجت شي بلبيها لا تخافي بعدين حلها تصير تتعود هي زوجة هلاء صارت وبدها تتحمل مسؤولية ييي.. كلنا مرينا بنفس الشي ولا ناسية ام رامي..
..
 
داخل الغرفة..
 
زاهر : شبك بعدك خايفة انتي صرتي زوجتي وملكي ماعاد لازم تخافي مني..
 
جنة :-لا تلمسني اتركني
 
زاهر :- شبك حابة يتعلم على جسمك الكرباج..
 
جنة :- شو عملت لالك انا بيني وبينك 18 سنة.. بعدني صغيرة كيف قدرت تلمس جسمي..
 
زاهر :- واذا انا اكبر منك شو ناقصني ليكني رجال مشورب وقد حالي.. بعدين امك اتزوجت بعمرك وامي ومرت اخي وكل نسوان الضيعة اتزوجو متلك. الحق مو عليكي الحق على المدرسة يلي رحتي لالها.
 
جنة :- بس انا والله ما ابلغت
 
زاهر :- حاجتك كذب امي قالت ابلغتي.. وبعدين مافيها شي واذا ما ابلغتي خلص هلاء انتي هيك ابلغتي.. اتسطحي خلصي مابدي اسمع صوتك وحاجي تبحلقي هيك..
 
زاهر :- مين عم يدق هلق
 
جميلة :- زاهر يا زاهر
 
زاهر :- شوفي جميلة
 
جميلة :- الشرطة صارت عنا قوم البس بسرعة
 
زاهر :- مين متصل ع الشرطة العما
 
جميلة :- بيك بقلك خد اتجاه البستان وروح من هونيك
 
زاهر :- طيب وهاي
 
جميلة : لازم تاخدها معك مافيك تتركها لان رح تحكي كل شي..
 
.. يتبع..
 
صبايا كيفكن اشتقتلكن اكيد غبت مو بايدي صرت على وجه ولادة وبدي دعواتكن 😘😘.. وماحبيت اغيب بدون قصة تعجبكن حقيقية بكل حذافيرها.. عم تتروي ع لسان البنت والام وحياتهن.. انا مجهزتها صرلي فترة عم اكتبها بطريقتي.. المهم اكيد بعد هالغياب التفاعل صفر وانتو نسيتوني وماعاد حد يهتم لقصصي.. بس بالرغم هيك عندي امل فيكن انكن بعدكن موجدين وعم تقراو وناطرين كل شي جديد.. حبيباتي تفاعل بسيط بكبسة لايك بترجع القروب قوي.. وبترجع تظهر القصص عندكم احفظو المنشور وشغلو الاشعارات واعملو تاق لمحبينكن ليقراو قصة جديدة من نوعها.. واكيد غريبة احداثها غير كل القصة هي مابتحكي عن الزواج المبكر متل ما انا ساردة فوق هاد جزء من معاناة لان الاحداث الجميلة والغريبة بالتفاصيل القادمة..
 
حبكن كفي وارجع اكتب شجعوني ع هاي القصة، 😘😘 وببلش فيها ان شاء الله..#قد_حان_قطافها
#بقلم_جمايكا_احمد
الجزء الاول..
 
في عام 2005.. بقريتنا كان شائع عنا هالنوع من الزواج، زواج الاقارب ماكان يهم هالزواج ان كان في عمر 12 ومافوق، او لسيدة مطلقة او ارملة، القصة كانت مرتبطة على زواج القريب، وعيت بهاي القرية انا واخي رامي من ذوي الاحتياجات الخاصة وعندو متلازمة داون.. ومن بعدها كل يلي كانت امي تجيبهن مايكفو يوم او سنة.. يموتوا والمستوصف يلي بقريتنا طلب من امي تتوقف عن انجاب الاطفال.. لان رح يعرض صحتها للخطر.. بهاي القرية لالي رفيقة بعمري اسمها غدير..هي لالها 4 اخوات.. وحدة متزوجة وعندها طفلة واختها الصغيرة عندها مشكلة بالسمع.. واللي اكبر من غدير بثلاث سنوات عرسها اليوم بالمسا…
 
اخت غدير عمرها 14 سنة كانو عم يجهزوا لالها زينة العرس ابن عمها مستعجل ومافيو ينطر لازم يتزوجها ويسافر لهيك استعجلو بالعرس.. غدير ماقدرت تجي ع المدرسة وابوها بلغ ابي انو غدير مشغولة بكرة ومافيها تروح المدرسة لهيك ابي قرر ما اروح لان غدير مارح تروح لان بالمدرسة مافي اقارب لالي الا غدير وبالباقي اغراب ومابصير روح ع المدرسة بلاها..
 
رسول :- جنة تعي غدير بدها اياكي ولازم تشوفك عند الجسر القديم
 
جنة :- اي يالا رح اجي لعندا..
 
رسول :-شوووو
 
جنة :- ليكني جاااااي
 
رسول :- اي اركضي قبل ليرجع ابي من القهوة..
 
.
 
غدير ماكنت اقدر اقابلها واحكي معها بدون ماحد يراقبنا او يسمعنا كان عندنا مكان مفضل.. عند الجسر القديم.. كانت هونيك ع طول ناطرتني. لنتبادل همومنا وافراحنا سوا.. .
 
جنة :- شبك غدير فيكي شي
 
غدير :- اختي براء مانها مبسوطة وعم تقول انو ابن عمي مامنيح. اسمعتا عم تبكي امبارح وتحكي مع اختي اسماء.. واختي اسماء قالت لالها مافيكي تقولي لاء وهاي سنة الحياة وصار لازم تتزوجي..انا بعرف ليش اختي ماعم تقبل بابن عمي.. هي بتحب ابن ابو رائد حازم.. وكتبت رسالة لالو وبدها مني ابعتها لالو وماحسناني اصل هونيك لان ابي رح يشوفني اذا وصلت فيكي انتي توصليها..
 
جنة :- مممم اي بس شو فيها هالرسالة..
 
غدير :- مابعرف بس قالت ضروري ارسلها لالو هلق قبل ليصير العرس..
 
جنة :- طيب خلص انا هلق بوصلها..
 
غدير :- انا رايحة لان هلق مشغولين وضروري ساعدهن بشوفك بالمسا لا تتاخري عن العرس
 
جنة :- اي حاضر بكرة رح تجي ع المدرسة
 
غدير :- اي رح اجي اكيد
 
 
اخدت الورقة وكنت عم اركض بين بساتين العنب والبرتقال لاقدر اصل لعند حازم …. حازم يلي بيساعد ابوه بمنجرة الخشب.. كان هونيك واقف سرحان وحزين.. المنجرة كانت مقابيل القهوة يلي فيها ابوها لغدير كان صوتوا التخين وضحكاتو لافتة سمع كل يلي واقفين حوالين القهوة ومنهن حازم يلي واقع ووجهو مخنوق عم يسمع حديث ابو اسماء….
 
ابو غدير :- عقبال عندك ظاهر شبك صار لازم تزوج بناتك.. شوف بناتي مالحقت سنة زوجت وحدة وهاي التانية.. والتالتة شي كم شهر ويجيها عريس حاجي اضلك مخلل بنتك.. طالعها..
 
ظاهر :-” طالبها ابن اخي حيدر بس هو حاليا مسافر ورح يجي اكيد..
 
جنة :- حازم هاي الورقة لالك.. من براء..
 
حازم :- براء..
 
سلمتو الورقة ورجعت ع بيتنا لالعب مع اخي زياد هو بكون ناطرني متل كل يوم..
 
امي :- جنة بنتي تعي خدي حمام مشان نروح نحضر عرس براء
 
جنة :- بس بكير هلق
 
امي :- اي بدنا نروح نساعد امها ونشوف الجهاز
 
جنة :- حاضر يالا..
 
مرق النهار وبلشت اصوات الطبل والزمامير والغناء على باب بيت ابو غدير الكل مشغول ونسوان الحارة عم يعرضوا جهاز العروس على بعضن.. والرجال عم يصفقوا ويغنوا وناطرين قدوم العريس لياخد العروس معو..
 
غدير :- ليكن اجو
 
جنة :- كثير بشع وسمين
 
غدير :- اي بعرف حتى شوفي زوج اسماء كثير كبير بالعمر
 
جنة :- انا مارح اتزوج بكير كثير
 
غدير :- ابي عم يقول لامي من تبلغ غدير خبريني مشان اخبر اخي حسون..
 
جنة :- شو رح تعملي
 
غدير :- متل كل مرة رح ابقى مخبية الموضوع مابدي اترك المدرسة
 
جنة :- وتيابك الداخلية
 
غدير :- عم حاول دائما انا اغسلهن مشان امي ماتعرف
 
جنة :- خايفة انتي
 
غدير :- لاء بس بدي ادرس كمان.
 
جنة :- انا اسمعت عمتي رحاب عم تقول انو البنت السمينة بتكبر قبل النحيفة لهيك ماعدت احب اكل مشان ما اسمن..
 
غدير :- 😔.. ماكنت بعرف لو كنت بعرف ماكنت حطيت شي بتمي..
 
جنة :ههههه بدك اضلك مخبية..
 
غدير :- اختي اسماء عم تقلي انو وجهي فيو شوية بثور وجسمي بلش يتغير وسالتني ان اجتني الزايرة او لاء..
 
جنة :- اختك اسماء كثير لئيمة مابحبها..
 
غدير :- هي بدها اتزوج اخو زوجها.. وعم تقلي انو هو شخص منيح لهيك بدها تسبق الكل وعم تحاول تعرف كل شي..
 
اسماء :- غدييييير غديييييير….
 
جنة :- اختك عم تنادي عليكي
 
اسماء :- شفتي براء وين
 
غدير :- براء مممم لاء هي كانت بالغرفة
 
اسماء :- العريس وصل ومانها موجودة بالغرفة
 
غدير :- مو انتو كنتو معها وعم تمكيجوها
 
اسماء :- طلعنا مشان انضيف الرجال ونرحب باهل العريس فتنا مالقيناها
 
جنة :- غدير شو في
 
غدير :- ابي معصب وامي خايفة والكل عم يدور عليها..
 
جنة :- مممم غدير شو رح يعملو
 
غدير :- مابعرف يا جنة، ابي اخد سلاحو..
 
جنة :- غدير ليكون
 
غدير :- انا خايفة تكون هربت مع حازم
 
جنة :- رح روح اسال عن حازم اذا بالبيت او لاء..
 
.. بعد مرور نصف ساعة..
 
جنة :_ غدير شو عم يصير ليش الدني هيك مولعة انا رحت مالقيت حازم.. ومالقيت اهلو.. غدير شبكي شو عم يصير معك..
 
غدير :- ابي قتلها وقتل حازم
 
جنة :- شووو
 
غدير :- كانو هربانين
 
جنة :- غدير
 
غدير : قتلهن ابي عم يقول غسلت عاري..
 
جنة :- الرسالة
 
غدير : اي كانت عم تخطط لتهرب بس ماقدرت كمشوها ببستان الرازي هي وهو.. وابي ما نطر قوصهن سوا..
 
امي :- جنة جنة وين كنتي يا مقصوفة الرقبة..
 
جنة :_ انا هون امي..
 
امي :- مشي بيك ناطرنا ولا تقولي انك كنتي برا.. فهمتي
 
جنة :- غدير
 
امي :-” لك امششييييي
 
ابي :- وين كنتو ليش اتاخرتوا
 
امي :- ليكنا انحجزنا جوا وماعرفنا نطلع الا هلق الله يصبرهن ع مصيبتهن
 
ابي :- والله عفارم عليه ابو اسماء قبضاي غسل عاروا بايدو الله يلعن البنات وهمهن بجيبو للواحد العار
 
امي : مو كلن يا ابو رامي
 
ابي :- ليكها مابتعرف الطمسة من الخمسة وهربانة مع حبيبها..
 
جنة :- ابي اذا هي مابتعرف شي بالدني ومابتعرف الطمسة من الخمسة وهربت ليش ابوها بدو يزوجها بالقوة..
 
امي :- اسكتي امي اسكتي امشي ولا تحكي شي..
 
ابي :- فوتو حطو عشا لالي.. الله يعين ابو اسما ع هالبلوة.. اللي بشوفوا الصبح فرحان مابقول رح يصير فيه هيك.. فوتوا خلصووو…
 
جنة :- امي شو يعني بكرة مارح روح كمان ع المدرسة
 
امي :- والله مابعرف بجوز لاء لان ابوها لغدير حالتو بالويل وما اعتقد يخلي غدير تروح
 
جنة :- اسالي ابي امي الله يخليكي
 
امي :- طيب هاتي اللبنة والزيتون وبس يتعشى بسألو.. العما صوت القواص عم يزيد.. شو عم يصير ابو رامي
 
ابي :- فوتو لتجي شي طلقة طايشة.. الظاهر ولعت مع بيت ابو رائد وبيت ابو اسماء وصار فيها تار..
 
امي :- يالطيف
 
جنة :- يعني مارح روح ع المدرسة بكرة
 
ابي :- بعديها عن وجهي مشان ما ابتلي فيها..
 
امي :- فوتي امي فوتي ع غرفتك..
 
ابي :- رايح اشوف شو صار…
 
(( ومرق شي اسبوعين.. بعد حادثة قتل حازم وبراء.. كان ابو اسماء مسجون وكنت روح ع المدرسة انا وغدير بهاي الفترة..
 
غدير :- ياريت ابي يبقى ع طول بالسجن
 
جنة :- مممم بس هاد ابوكي
 
غدير :- المحامي بقول رح يطلع من السجن لان اللي عملو هو غسل عار.. وخايفة اذا طلع ماعاد يخليني روح المدرسة ولا اطلع من البيت وبجوز يجوزني لابن عمي.. 😔😔.. عم تقول مرت عمي انو جهاز براء موجود وبناخد مكانا غدير
 
جنة : هني عرفوا انك…
 
غدير : اي من الخوف هاديك الليلة كشفتني اختي اسماء وخبرت امي.. وامي مشان تسكت دار عمي والناس يلي كانو معزومين قالت انا موجودة..
 
جنة :- معقول ماحد زعل ع براء 😢.
 
غدير :- امي عم تقول هاد عار ومالازم نزعل..
 
جنة :- بس هاي بنتها
 
غدير :- مابعرف ياجنة
 
جنة :- وانتي شو رح تعملي
 
غدير :- ولا شي رح وافق
 
جنة :- وانا والمدرسة
 
غدير :- ابي مارح يقبل ارجع للمدرسة ولا امي
 
جنة : رح تزوجي هاد البشع السمين
 
غدير :- 😔
 
جنة :- ارفضي غدير
 
غدير : اسماء قالت اذا رفضت ممكن ابي يقتلني ويدفني بارضي متل براء ويطلع من القصة عادي واخسر عمري.. انا صار لازم ارجع ع البيت بشوفك بشي يوم..
 
جنة :- غدير انتظري
 
غدير :- بشوفك جنة مافيني ضل هون مابدي حد يشوفني..
 
..
 
بحديث المساء..
 
ابي :- طلع ابو اسماء من السجن..
 
امي :- وماحكمو عليه بشي
 
ابي :- دفع دية لابو رائد وخلصت القصة..
 
امي :- وشو رح يعملو اسمعت ام اسماء بدها تزوج غدير لعريس بنتها اللي ماتت
 
ابي :- اي شي طبيعي الناس دافعة مهر ومجهزين حالهن ياخدو عروس ويروحوا يسافروا.. اي صحيح على سيرة السفر زبطي الشنت مشان مسافرين نحنا كمان
 
امي :- لعند اختك
 
ابي :- اي ناطرتنا الاسبوع الجاي
 
امي :- دقت سالتني عن هاداك الموضوع
 
ابي :- اي وشو خبرتيها
 
امي :- قلتا بعد لسه بس ان شاء الله اول ما اشوف رح خبرها
 
ابي :- اي اكيد خلي عينك مفتحة مابدنا يصير فينا متل ماصار مع ابو اسماء خلينا نسلم هالامانة ونرتاح.
 
امي :- والمدرسة
 
ابي :- ماعاد في مدرسة خلص
 
جنة :- ابي لالي مافي مدرسة
 
ابي :- اي كم حدا بيروح ع المدرسة عندي غيرك خلص قطعي رجليكي بمشوارك لهونيك..
 
جنة : الله يخليك يابي والله بدي كفي دراسة
 
ابي :- خليني كفي عشا مشان ماينسم بدني واسم بدنكن
 
امي :- اقعدي امي اقعدي
 
جنة :- فايتة انام
 
ابي :- نومة بلا قومة
 
جنة :- 😑..
 
ابي :- شفتي تربايتك والدلال وقصة المدرسة قلتلك بالمدرسة بعلموهن يتنمردوا اصريتي انتي.. شوفي هالحال
 
امي :- خلص متل مابدك والله مارح تروح
 
ابي :- هاتي المية الباردة..
 
امي :- قولك اختك وداد لمين بدها العروس لعبود…
 
ابي :اللي اسمعتو انو عبود مابدو يتزوج وواصلة بين اختي وبينو للشيطان الرجيم عم يقول مابدو من العيلة وبدو يكفي جامعتو شو هالجيل.. قلتا لاختي المدينة رح تغير اولادك ماردت عليه..
 
امي :-لكان لمين بدها عروس
 
ابي :- لزاهر
 
امي :- بس زاهر متزوج مرتين..
 
ابي :- وحدة وهاديك طلقها
 
امي :- بعدين زاهر كبير بالعمر كثير
 
ابي :- ومن متى يا ام رامي العمر بعيب الرجال ليكني قدامك حصان رغم فرق السن بينا ولا مانك مسدقة..
 
امي :- لاء اعوذ بالله شو هالحكي حصان واحسن حصان..
 
ابي :- اي لكان قومي قدامي لنشوف.
 
امي :- طيب خليني اشيل العشا..
 
ابي :- اتركيه معك الليل كلو..
 
امي :- طيب رح اسكر الابواب
 
ابي :- ناطرك..
 
 
بعد مرور يومين..
 
جنة :- امي خلينا نروح على عرس غدير
 
امي :- بس ليجي ابوكي بنروح
 
جنة :- خلينا نروح بكير..
 
امي :- مافينا نكسر كلمة ابوكي قال من يرجع يعني من يرجع لان هيك وصانا مانطلع من البيت.. هاتي الباذنجان من عندك لاحسن اكبسوا منيح..
 
ابي :- ام رامي
 
امي :- ليكو اجا لا تحكي شي قدامو مشان مايعصب علينا ويمنعنا نروح..
 
ابي :- قومو ضبضبوا شوية اغراض رح نسافر
 
امي :- نسافر
 
جنة:- مارح انروح على عرس غدير
 
ابي :- لا تتاخروا يادوب نلحق القطار
 
جنة :- امي
 
امي :- شو عم يصير ابو رامي
 
ابي:- اختي اتصلت وطلبت نروح ضروري
 
امي :- في شي صاير شي يعني بعد لسفرنا شي يومين .
 
ابي :- زاهر اجا من الخليج وماعندو وقت
 
امي :- ليش
 
ابي :- انتي بتعرفي انو مطلوب لهيك مامعو وقت لازم نروح نشوفوا
 
امي :- طيب روح انت
 
ابي :- ام رامي اختي طالبة البنت وهاي فرصة فهمانة
 
امي :- شو عم تحكي ابو رامي البنت بعدها طفلة
 
ابي :- شو يعني بدك ننطر لتجيب لالنا شي مصيبة ماشايفة شو عنيدة
 
امي :- دخيلك والله بكير عليها
 
ابي :- انتي جهزي الامور هلق وهنيك بنحكي بجوز بس نكتب الكتاب ونخليها لتبلغ
 
امي:- بس زاهر كبير عليها والله
 
ابي:- شو قلنا ام رامي لا اتعبي بالي.. خلصي ماعاد في وقت اخر قطار بيطلع بعد شي ٣ ساعات..
 
امي : ياربي
 
. ابي:- اسمعي مابدي قصص وقرف هلق ولاتحكي شي قدامها مشان ماتعمل شي قصة ما الها طعمة وادفنها لالك بالحيا..
 
جنة :- امي شبو ابي وليش لازم نروح لعند عمتي..
 
امي :- مابعرف يا جنة روحي ضبي التياب من ع المنشر خليني احطهن بالشنط..
 
جنة :- والله مابحب روح لهونيك انا..
 
امي :- يالا بنتي امشي.. ساعديني كرمال نروح.. ردي ع التلفون..
 
جنة : اي يالا… الووو
 
جميلة، :- لك جمة هاي انتي كيفك يا ضرسانة
 
جنة :- منيحة بدك امي
 
جميلة :- قديش مقاسك لك زعرا
 
جنة :- انا ليش
 
جميلة :- جايبة لالك هدية مرتبة
 
جنة :- مابعرف امي بتقلك تاخدي تحكي معها
 
جميلة :- اي هاتيها
 
جنة :- امي هاي جميلة بدها اياكي.. مابعرف شو بدا بكره اتصالا
 
امي :- هششش عيب.. الووو اهلين جميلة
 
جميلة :- ليك هالضرسانة شو لسانها طويل
 
امي :- ماتواخذيها بعدها طفلة
 
جميلة :- طفلة شو يا ام رامي صبية اسم الله
 
امي :- جميلة انا حكالي ابو رامي دخيلك والله متل مابقلك حتى مابلغت
 
جميلة :- يووه بتعرفي يا ام رامي مافي وقت لا تخافي عليها..
 
امي :- احكيلك كلمة بتموني انتي عليهن
 
جميلة :- شو بدك احسن من زاهر مال وجاه وطول وعرض.. بشيلا بعيونوا قولي قولي شو مقاسها
 
امي :- اصغر مقاس
 
جميلة :- يعني الاكس سمول
 
امي :- مابعرف انتي ادرى.. نحيفة كتير البنت
 
جميلة :- طيب بنشوف رح اترك الخياطة عندي وهي يتصغروا لو طلع كبير..
 
امي :- بس
 
جميلة :- لا تخافي هو مارح يترك شي من نفسها رح يشتريلا احسن جهاز من الخليج ولو..
 
ابي :- شبكن لهلق ماعاملين شي
 
امي :- جميلة ع التلفون
 
ابي :- هاتي حاكيها وانتي كفي خلصي مابقي وقت الووو كيفك جميلة
 
جميلة :- كيفك ابو رامي والله بتعرف عم نركض من الصبح وبدنا نخلص هالعرس
 
ابي :- اي اي الله يعينكم
 
جميلة :- لا تتتاخروا علينا بكرة المسا بدنا نكون مخلصين امورهن
 
ابي :- اي لا تقلقي اكيد.. رح يطلع العرس احسن مما يكون
 
جنة :- عرس.. امي عرس مين..
 
 
 
#قد_حان_قطافها..
#بقلم_جمايكا_احمد
#الجزء الثاني
الجزء الثاني..
 
امي :- جنة هاتي هاد الباكيت
 
جنة :- امي شو قصدو ابي بعرس
 
امي :- مابعرف بنتي..
 
جنة :- ليكون بدكن اتزوجوني
 
امي :- لاء شو هالحكي
 
جنة :- لكان جميلة من متى بتحبني لتهتم وتشتري لالي فستان..
 
امي :- بجوز بيك طلب منها لان مافي وقت نشتري
 
جنة : فينا نشتري كنا من هون.
 
امي:- مابعرف امي ابوكي هو يلي بقول وبشور
 
جنة :- انا قلبي مانو مرتاح وحاسة في شي
 
امي :- اذا مرق بيك هلق وشافنا ما خلصنا رح يعمل شي قصة..
 
جنة :- امي وجهك مانو منيح وفي شي اكيد مخبيتيه عليه..
 
امي :- بنتي حاجي تسالي
 
جنة :- مارح سامحكن امي اذا في شي..
 
ابي :- رح اخد الشنط اللي جهزت للسيارة.. حاولوا تخلصوا لنقدر نلحق نمشي.. ام رامي تعي لعندي..
 
امي :- اي
 
ابي :- البنت جاهزة
 
امي :- مابعرف جهزتلا كم قطعة تياب
 
ابي :- لاء قصدي جاهزة امور العرايس شعر جسما ونضافة وهيك
 
امي :- مابعرف شو اقلك هي جسما نضيف مافيو شي
 
ابي :- متاكدة ما بدنا نخجل
 
امي :- اي متاكدة مافيها الا وبر الشعر وجميلة بتعملو
 
ابي :- اي تمام اجهزي انتي كمان..
..
 
جنة :- ليكي امي جهزت كل شي
 
امي :- روحي البسي التياب يلي تركتن لالك ع السرير
 
جنة :- مممم بس هاي التياب مابتلبق لالي
 
امي :- بنتي رايحين لعند عمتك ومابدنا نخجل قداما وتحكي شي البسيهن..
 
جنة :- بس هاد فستان لست متزوجة وانا..
 
امي :- دخيلك يا امي مابدنا نفوت بقصص ومشاكل مع بيك روحي البسيه..
 
جنة :- لاء مارح البسو
 
امي :- جنة
 
جنة :- مابدي روح رح ابقى هون
 
امي :- جنة. وين رايحة. جنة..
 
(( ماعرفت كيف ابي ماشافني وقت هربت من البيت.. وصلت لعند غدير يلي عم يجهزوها لفرحها..
 
غدير :- جنة
 
جنة :- شبهن ايديكي هيك.. وليش وجهك متغير
 
غدير :- امي واختي شالو الشعر يلي بجسمي
 
جنة :- مممم اتوجعتي
 
غدير :- اي
 
جنة :- مبسوطة
 
غدير :- لاء بس لازم اقبل
 
جنة :- غدير بما انك اكبر مني بشوي صغيرة.. قولك شي سنة ابي يعمل فيني متلك
 
غدير :- كل البنات هيك اتزوجو.. والبنت الصغيرة من تتزوج بضل طول عمرا موردة هيك امي واختي بقولو..
 
جنة :- ليش بحسها اسماء كذابة هاديك اليوم من جيت لعندكن كانت عم تخبي وجها وشفت على وجها علامات ضرب..
 
غدير :- اي عادي هي هيك ع طول بتكون زوجها بيضربها وبقولوا يلي زوجها بيضربها قال بحبها..وهي قبلانة بالشي هاد..
 
ابي :- جنة
 
غدير :- بيك يلي بالسيارة لوين رايحين
 
جنة :- رح نسافر نحضر عرس لبيت عمتي بس مابعرف لمين
 
غدير :- مارح تكوني الليلة
 
جنة :- لاء وجيت اودعك اكيد وقت تجي زيارة لبيت اهلك رح نشوف بعض مو هيك
 
غدير :- 😔 رح اشتقتلك
 
جنة :- وانا بالاكثر
 
امي :- لك بنتي امشي
 
جنة :- رح روح هلق ابي بعصب عليه.. مع السلامة غدير
 
امي :- لك بنتي اتاخرنا اطلعي
 
ابي:- لو ماني مستعجل لكسرتن لعضامك
 
امي :- خلص يا ابن الحلال انا قلتا روحي تودع رفيقتا
 
ابي :- الله يسخطها هي ورفيقتا.. خلص اعصابي برجليه فكرتا هربت
 
امي :- لا بنتنا مابتعملا وقلك سدقني
 
ابي :- اي خير وليش مالابسه الفستان
 
امي :- مابدي توسخوا بس نصل بتلبسوا
 
ابي :- كيف رح تلبسوا قدام العالم
 
امي :- هلق بس نطلع القطار قبل لنصل بنفوت الحمام وبخليها تغيروا
 
ابي :- واذا كان زحم وماحسنت تغيروا
 
امي :- انت لا تقلق اترك الامور عليه..
 
كانت الطريق طويلة وماحسنت اغير تيابي القطار كان معجوق ناس.. وابي على طول كان معصب وعم يصارخ بوجهنا ماقدرنا نحكي شي امي كانت على شوي وبدا تبكي قدام الناس.. لعند ماوصلنا المدينة واخدنا ابي لمطعم وفاتت امي جبرتني ع الفستان البسو.. كان طويل وواسع ومالبس طفلة ابدا كان تقيل وكلو قطع مزخرفة.. ولاول مرة احط شال فوق شعري…
 
جنة :- امي ماحلو
 
امي:- منيح بنتي
 
جنة :_ هاد لبس كبار مو لالي شوفي كيف مشرشر وحالتو بالويل
 
امي :_ بنتي خلينا نصل ونرتاح من نق ابوكي الله يخليكي
 
جنة :- ياربي..
 
ابي :- خلصوا اتاخرنا ع الجماعة اتحركي قدامي انتي وهي..
 
جنة :- شوفي كيف العالم عم تزاورني
 
امي:- بنتي لا تهتمي هني بيعرفوا انو نحنا ارياف..
 
جنة :- شوفي شلون عم يتمتموا بلسانهن
 
امي:- الله يصبرني.
 
( الطريق ماكانت قصيرة ابدا.. وصلنا لبيت عمتي استقبلتنا جميلة وعمتي رحاب وزوجها.. وكان من بين المستقبلين زاهر.. كان حجمو غريب طول وبعرض حتى من وقف ابي جنبو كان ابي واصل لنصفو شعروا خفيف ونصف اقرع.. وشوارب غزيرة دقن ماكانت موجودة اشبه وجهو بالجزارين.. ولالو بطن كبيرة ومفاصل رجلين صغيرة وبايديه خواتم من فضة ضخمة..
 
جميلة :- اي دخيل جمالها
 
ابي :- كيفك ياجميلة
 
جميلة :- والله بوجودكم فرحانة
 
ابي :- يالا خدي هاي الامانة
 
جميلة :- اي يعني يادوب نلحق لكان
 
ابي :- فوتي ام رامي مع جميلة وانا رايح لاقعد مع اختي وزوجها وزاهر لنتفق
 
امي :- فوتي بنتي
 
جميلة :- والله مجهزة كل شي حتى الحنة ومعقود السكر وكل شي
 
امي :- يسلم دياتك
 
جميلة :- هاتي ايديكي لاشوف يا جنة.. ايووه مابياخد معنا شي بس تلميع
 
امي :- اي ناعمة
 
جميلة :- مشان نلحق نحممها والدني دفا
 
امي :- اي يالا..
 
جنة :- امي شو عم تعملو
 
امي :- مشان في عرس وهيك
 
جميلة :- يييي شكلك مانك قايلة لبنتك يا ام رامي
 
امي :- لا والله مالحقت
 
جميلة :- طيب خلص انا بقلا هاد يا عروس بكرة عرسك وضروري نزينك لعريسك
 
جنة :- امي عم تمزح جميلة صح..
 
جميلة : شو امزح لك معقول نجيب كل هالشغلات لمزح
 
جنة :- امي احكي شي شبك ساكتة شو عم تقول جميلة
 
امي :- بنتي هيك بيك بدو
 
جنة :- شو بدو لك امي بعدني ما ابلغت
 
امي:_ بنتي الله يخليكي مابدنا مشاكل
 
جنة :- شو يعني بدكن تزوجوني..
 
امي : بنتي اسمعي
 
جنة :- امي شو اسمع عم تقولوا عرسي وزواج شو بدك اسمع منك
 
امي :- هني قالو بس كتب كتاب يعني مارح يصير شي افهمي عليه
 
جنة :- شو بعني
 
امي :- بدهن يزوجوكي شكلي بس مشان ماحد يحكي ومن تبلغي بصير زواج هلق لا تخافي
 
جنة ٪- ومين العريس
 
جميلة :- ييييي معقول شو عم تحكي ام رامي ماهيك
 
امي :- الله يخليكي كرمالي مشان مايصير شي مابدنا اياه
 
جميلة:- شو بدو يصير معقول
 
امي :- مشان خاطري مشي اللي بقولوا رايحة قوم جيبها وانتي احكي نفس كلامي مو هاد يلي بدو يصير..
 
جميلة :- اها لنشوف
 
جنة :- امي عم تكذبو عليه
 
امي :- لك مو هيك نحنا اتفقنا بس كتب كتاب شكلي قدام العالم مشان ماحد يحكي شي وهو مسافر
 
جنة :- يعني بدكن اتزوجوني لزاهر ماهيك
 
امي :- يا امي بس شكليات كرمال الله تعي نخلص هالسيرة ونرجع ع بيتنا بكرة بدون مشاكل..
 
جنة :- طيب ليه هالشي بدكن تعملوه يعني ماضروري انا مافيني شي ولا بجسمي شي
 
امي :- مابصير قدام الناس لازم تكوني عم تلمعي
 
جنة :- 😣..
 
مرقوا ساعات اليوم كلن باجراءات جميلة يلي مابتخلص وباليوم التالي اطلعنا لنشوف فستان الفرح يلي كانت الخياطة عم تحاول بكل الطرق تخليه يناسب جسمي وانتهينا وارجعنا ع البيت لاستقبل ست كبيرة بالعمر ناطرتني لتعملي مكياج.. ومرقت هالساعات وكنت ناطرة اكون بين الناس متل ماكان يصير بأعراس القرية بس هالمرة ماكان لا في اغاني ولا طبل ولا زمر ولا حتى ضيوف ابي وعمتي وزوجها وجميلة وزوجها.. وعدد اشخاص ٣ اخرين..
 
زاهر كان على طرف وابي على طرف تاني وشيخ بينهن عم يلقنهن اجراءات كتب الكتاب وتم الاتفاق بدون الرجوع لالي لان ابي ولي امري وهو ادرى بمصلحتي فتت لعند امي قلتا خلصنا يلي شلحيني هالفستان انخنقت منو.. لقيتا عم تبكي..
 
جنة :- امي شبك ساعديني شلحيني اياه
 
ابي :- ام رامي مشي
 
جنة :- امي لوين رايحة
 
ابي :- يالا ام رامي
 
جنة :- امي ردي انطريني خديني معك امي..
 
جميلة :- جنة روحي ع الصالون هلق امك بتجي..
 
(( غادرو البيت وبقيت لحالي فيه واقفة ع الشباك ناطرة امي تجي بس هي وابي وجميلة والباقين غابو عن عيني.. وبلشت اغفى على الصوفاية يلي جنب الشباك ونظري ع الساعة.. صارت ٢ بالليل انفتح الباب وكان زاهر..
 
جنة :- هاد انت ليش جاي لهون
 
زاهر :- شو هاي ليش جاي لهون بيتي هاد
 
جنة :- انت لازم تكون مع اهلي وينن اهلي
 
زاهر :- كانو عم يتعشو وغفيو فوتي لنتعشا ع بعضنا ونغفى
 
جنة :- مافهمت
 
زاهر :- هلق بفهمك جوا بغرفتنا
 
جنة :- غرفة شو
 
زاهر :- غرفتنا تعي
 
جنة :- اتركني لا تشدني هيك
 
زاهر :- اسمعي الدني نص ليل مابدنا نصارخ بتلتم علينا الناس امشي..
 
(( شحطني بالقوة للغرفة وقفل الباب وبلش يفك حزام البنطلون ومن بعدها ازرار القميص..
 
جنة :- شو عم تعمل
 
زاهر :- شبك عم تخجلي
 
جنة :- مابصير تشلح تيابك قدامي
 
زاهر :- شبك مجنونة انا زوجك
 
جنة :- زاهر انت متل اخي الكبير ليش هيك عم تعمل
 
زاهر :- شو اخي ما اخي لك مرتي انتي
 
جنة :- زاهر الله يخليك شو عم تعمل بعد ايدك عني
 
زاهر :- لاء انتي فعلا بدك ضرب.. وها وها..
 
..
 
(( وقتا ماوعيت الا ع هاد الحال…
 
كانت بس بعدا الساعة 2 وقريب. 3 بعد الليل.. معقول ماغبت عن الوعي كثير في هالبيت البارد صوبة حطب بالزاوية وقنديل معلق.. سريري يلي انا عليه كان فيو دم..

. وصوت الابريق يلي ع النار يلي امي سخنت فيه المي.. وجنبها ليفة والصابون.. نادى عليها ابي تعي فوتي طالعي البنت حمميها..

 
ابي :-الف مبروك صهري..
 
جميلة :-مبروك ان شاء الله ماتشوفوا هالدم الا لبعد 9 شهور
 
عمتي :-هاتي هالخرقة احتفظ فيها.. هاد شرف بنت اخي.. وابني
..
جوز عمتي:- ماشاء الله عليك قدها يا ابني..
 
جميلة :- .الف مبروك يا زاهر .. لو فيني زغلط بهالليل ماكنت قول لاء..
 
زاهر :-اسمعي جميلة هاي اللي جوا راسها عنيد بالقوة لخلصت اموري كان اتبهدلت.
 
جميلة :-.. معلش هي لانها صغيرة وخايفة بكرة بتتعود..
 
زاهر :- كانت رح تفضحني عم تقول انها اختي.. مابدها اياني وصارت تصارخ ضربتا قلتها انا زوجك ياغبية.. .. منيح يلي ماكنتو بالييت معنا..
 
..جميلة : انا حسيت انو رح تعمل شي لهيك اخليت البيت لالك.. لعند ماتخلص.. يالا المهم الامور تمت الف مبروك..
 
… شبكن ياجماعة يالا ياعروس قومي خدي حمام العريس بدو ينام ويرتاح.. شبك ام رامي رح تبرد المي..
 
ام رامي :- امشي بنتي.. على مهلك..
 
(( قعدت بنتي على الطاولة الصغيرة كان جسمها بارد.. جسمها الصغير النحيف.. ماقدرت احكي شي.. حتى ملامح البلوغ ماظهرت بعدا.. صبيت على شعرا المي لاطهرها.. كنت خايفة اقلا تحكي وانا عم غسلها دعاء الطهور من النجس.. كان قلبي عم يرجف عنها بس هي متل الصنم حتى رمش عيونها مابتحركوا.. كانت صافنة بحيط الحمام.. وجها البراق صار شاحب.. وعيونها اللي كانو يلمعو طفولة انطفوا…
 
حضنتا. وقلتا امي انا اسفة اسفة ماقدرت اعملك شي..اسفة بترجاكي بنتي سامحيني سامحيني.. صمتها القاتل نطق حيطان الحمام صرت اسمع صوتها الداخلي وهو عم يشكي بوجع..
 
امي..
 
فيني بس اسال كيف خطر ببالكن لتفرطو فيني..جاي عم تعتذري مني.. ولا عم تعتذري من جسمي الصغير يلي بين ايديكي.. بدكن اياني سامحكن.. اسامحك ولا اسامح ابي يلي خاف من العادات والتقاليد وماصبر ليعرف اذا ابلغت او لاء…. بدك سامحكن وانا هون روحي عم تحترق.. بس جاوبيني كيف هان عليكن لتفرطوا بقطعة منكم.. بعدني بعمر اللعب ودميتي بعدا بإيدي.. تركتيني بهاديك الغرفة عاجزة ووحيدة.. مقابيل حياة جديدة حياة مو لعمري مو لالي.. بتعرفي انا ماعدت اخاف من حدا.. رجعيني للغرفة من تاني ولبسيني فستان عرسي يلي صار كفني.. وقفي لا تغسليني رجعي ريحة هالغرب على بشرتي…
 
بعدك عم ترشي المي فوقي.. معقول مابتخافوا من ﷲ.. ¿
 
عم تفكري اذا اشرقت الشمس كل يوم رح انسى
لك امي انا اندفنت هاي الليلة اندفنت بالظلام..
 
حتى لو عم اتنفس انا هلاء عبارة عن جسد ميت بقولو عايش.
 
عم تعتذري يا امي هلاء..
امبارح نزلت تحت رجليكي لاترجاكي ترفضي.. تقولي مابدك تزوجيني تقولي بعدها صغيرة.. تقولي ما بلغت بعدا.. كنتي ساكتة..
 
عم تسمعي ضميرك..كل شي عم قولو لالك بلا فايدة.. مارح سامحك مارح سامحك.. حاجي تبكي وتعتذري
..
 
الحياة يلي اخترتوها لعمري.. حاسستا اسم من اسماء الموت.. سدقيني ماعاد لحياتي طعم… ماعاد لالها طعم عم تسمعي ماعاد لالها طعم..
 
جميلة :-ام رامي خلصتي
 
ام رامي :- اي اي
 
جميلة:- طيب يالا رح يطلع وجه الصبح العريس بدو مرتوا..
 
ام رامي :- اي يالا يالا ليكها اجت.. قومي امي قومي….
 
جميلة :- نعيما ياعروس حمام الهنا فوتي لعند عريسك ناطرك جوا..
 
ام رامي :- فيني ضل عندها للصبح بلكي احتاجت البنت شي
 
ابو رامي :- لاء امشي ام رامي جوزها ودار حماها حوليها.. بكرة العصر بنجي.
 
جميلة :- انا اذا احتاجت شي بلبيها لا تخافي بعدين حلها تصير تتعود هي زوجة هلاء صارت وبدها تتحمل مسؤولية ييي.. كلنا مرينا بنفس الشي ولا ناسية ام رامي..
..
 
داخل الغرفة..
 
زاهر : شبك بعدك خايفة انتي صرتي زوجتي وملكي ماعاد لازم تخافي مني..
 
جنة :-لا تلمسني اتركني
 
زاهر :- شبك حابة يتعلم على جسمك الكرباج..
 
جنة :- شو عملت لالك انا بيني وبينك 18 سنة.. بعدني صغيرة كيف قدرت تلمس جسمي..
 
زاهر :- واذا انا اكبر منك شو ناقصني ليكني رجال مشورب وقد حالي.. بعدين امك اتزوجت بعمرك وامي ومرت اخي وكل نسوان الضيعة اتزوجو متلك. الحق مو عليكي الحق على المدرسة يلي رحتي لالها.
 
جنة :- بس انا والله ما ابلغت
 
زاهر :- حاجتك كذب امي قالت ابلغتي.. وبعدين مافيها شي واذا ما ابلغتي خلص هلاء انتي هيك ابلغتي.. اتسطحي خلصي مابدي اسمع صوتك وحاجي تبحلقي هيك..
 
زاهر :- مين عم يدق هلق
 
جميلة :- زاهر يا زاهر
 
زاهر :- شوفي جميلة
 
جميلة :- الشرطة صارت عنا قوم البس بسرعة
 
زاهر :- مين متصل ع الشرطة العما
 
جميلة :- بيك بقلك خد اتجاه البستان وروح من هونيك
 
زاهر :- طيب وهاي
 
جميلة : لازم تاخدها معك مافيك تتركها لان رح تحكي كل شي..
 
زاهر :- قومي حطي ع حالك هالتياب وامشي
 
جميلة :- زاهر اطلاااااع
 
زاهر:- خلصي..
 
جنة :- ماقدرانة امشي
 
جميلة :- روح انت هلق بتحلق امشي انت بس.. امشي بسرعة انتي كمان الحقيه
 
جنة :- لوين اروح
 
جميلة :- من هون هلق بكون زاهر ناطرك اياكي تظهري اي صوت
 
جنة :- وين رايحة انا
 
جميلة :- لك روحي..
 
(( فتت بالبستان الصغير بس كنت لحالي وماعرفت لوين روح صفيت بالمكان واقفى ماقدرانة امشي خطوة كانت الشرطة بكل مكام.. وبلشت اضاءات الاجهزة والكشافات تمر بالبستان كنت بدي اكشف حالي لوقت ما انحطت ايد ع تمي..
 
جنة :- مممممم
 
… هشششش لا تحكي حرف بلا يكشفونا..
 
جنة :- عععععع
… اي عبووود…
 
 
 
#قد_حان_قطافها..
#بقلم_جمايكا_احمد
الجزء الثالث..
 
جنة :- شو بدك مني..
 
عبود :- لا تحكي شي مشي معي
 
جنة :- لوين
 
عبود:- مشي بعدين بتعرفي
 
جنة :- بس زاهر
 
عبود :-هو زاهر هو حسابو كبير..
 
(( كان المكان يادوب ضو القمر منور فيه.. عتم ومابعرف كنت لوين عم روح كان عبود مقفل تمي وعم يدفشني بالقوة.. بعدا ركبت سيارة وبعدنا عن المكان.. رفع سماعة تلفونوا..
 
عبود :- شو امي ماسدقتيني ماهيك
 
ام زاهر :- كنت عرفانة وقلبي حاسس انو انت ورا كل شي لك امي هاد خيك ليه هيك بتعمل
 
عبود :- هلق صار خيي وين كنتي من خربلي حياتي
 
ام زاهر :- لك امي هي الدني قسمة ونصيب
 
عبود :- متل ما حط عينو واخد نصيبي ماعاد رح هني لالو نصيب
 
ام زاهر :- ابني بكفي اطلقت مرتوا من تحت راسك
 
عبود:- وبعدو الحبل ع الجرار..
 
ام زاهر :- لك جرار شو يا امي
 
عبود :- جنة معي
 
ام زاهر :- شو عم تحكي
 
عبود :- ويحلم ياخدها
 
ام زاهر :- لك ابني كيف وصلت لالها.
 
عبود :- متل ماوصل هو لنادية
 
ام زاهر :- يا الله
 
جميلة :- هاتي مرت عمي احكي.. اسمع عبوود نادية هي يلي باعتك.. وركضت ورا مصريات زاهر حاجي تتفزلك ع سماه وتحملو المسؤولية مابدنا فضايح من تحت راسك
 
عبود :- انتي بالذات ماتحكي يا محراك الشر..اخي جابر مغمض عيونوا اي و خرطي من يوموا ماشي ورا كلمتك بس مصيروا يعرف شو انتي وع ايدي
 
جميلة :- شو بتحكي.
 
عبود :- ولا نسيانه حالك شو عملتي مشان تخدعي نادية وركضتي ورا طلاق جواهر مشان يدفعلك زاهر..
 
جميلة :- ماصحيح هالحكي
 
عبود :- اي بكرة رح نشوف ع العموم ليكها جنة معي يوم يلي بطلق نادية بياخدها.. اذا اتصل عليكن.. وقليلو لا ترجع للبيت لان الشرطة حاطط عيون حواليكن لهيك مايخبص كثير..
 
جميلة :- عبود هاد بضل خيك مابصير تعمل هيك
 
عبود :- سلام..
 
 
ام زاهر :- شو قال
 
جميلة :- عبود مانو مصلي ع النبي وبدو يجرنا لامشاكل وان عرف ابو رامي ومرتوا باللي صار رح ننبلي
 
ام زاهر :- لا تحكي شي
 
جميلة :- لكان معقول زاهر هرب ومفكر مرتوا هون
 
ام زاهر :- بس يتصل بنخبروا بس لا تحكي شي قدام اخي ومرتوا
 
جميلة :- ايه مابنحكي بس شو حلوة هالاساورة اكيد من زاهر
 
ام زاهر :- بس مالحقت البسها
 
جميلة :- اي الله بعوضك مرت عمي..
 
ام زاهر :- بعطيكي اياها بس لا تجيبي سيرة
 
جميلة :-اي مو تكرمي يا غالية.
 
ام رامي:- فايقين بكير
 
جميلة :- اي كنا عم نودع زاهر ومرتوا
 
ام رامي :- بنتي
 
جميلة :- اي سافرت..
 
ام رامي :- شو هالحكي فجاة طيب فيقونا احكو انهن رايحين
 
جميلة :- ماحبينا نزعجكم كنتو غرقانين بالنوم من التعب.. وهو كان مستعجل لان اجاه اتصال ضروري يسافر
 
ام رامي :- مامعقول لاء
 
ابو رامي :- شبكن وجهكن مو طبيعي ع وجه الصبح
 
جميلة :- يسعد صباحك يا ابو العروس مافي شي بس عريسنا اخد عروستو وراح..
 
ابو رامي :- لوين راح وبعدو صباحية ماطلع عليه .
 
جميلة :-مستعجل بدو بعمل شهر عسل ولحق القطارات والطيران
 
ابو رامي : طيب الاوراق ماجهزت
 
جميلة :- والله مابعرف قال مستعجل..
 
ابو رامي : طيب رح دق عليه اطمن
 
ام زاهر :- لاء هلق..
 
ابو رامي :- شو في
 
جميلة :- مرت عمي قصدا انو هلق بكونوا نايمين وتعبانين.. رح قوم اعملكن فنجان قهوة..
 
ام رامي :- رح اجي معك
 
جميلة :- لا لا ارتاحي بعملها ببيتي لان عندي قهوة ع كيف كيفكن.. وبتعرفي هلق بكون جابر نايم..
 
ام رامي :- اوك متل مابدك قلت بساعدك..
 
….
 
جميلة :- لك رد يا زاهر يا الله منك.. رد
 
زاهر :- الو جميلة
 
جميلة :- قامت الدني وقعددت يا زاهر
 
زاهر :- انا ماعرفان اتحرك من مكاني مامعي الا اوراقي.. وناطر رفيق يجي ياخدني..
 
جميلة :- جنة مع عبود
 
زاهر :- شووو
 
جميلة :- ليش ما اخدتا معك
 
زاهر :- مالقيتا التفت مالقيتا .. وماعرفت ارجع كانت الشرطة بكل مكان فكرتا رجعت لعندكن
 
جميلة :- عبود ورا كل شي وعم يهدد ويقلك عن نادية بترجعها بتاخد جنة
 
زاهر :- هاد المجنون شي يوم رح اقتلو
 
جميلة :- المصيبة مو هون يا زاهر المصيبة انو خبرت ابو رامي انك اخدت جنة معك.. لان مستعجل عندك شويه اشغال وبعدها تروح شهر عسل.. اذا عرف ابوها انو عبود خطفها رح يجن جنانو
 
زاهر :- شو هالمصيبة
 
جميلة :- رح يدقلك هو ويطمن ع بنتو انا خبرتك انتبه.. خالك مانو سهل
 
زاهر :- ليكو عم يدقلي حاولي تلاقي لالي اراضي عبود باي طريقة..
 
جميلة :- رح حاول بس بتعرف الحال هالايام
 
زاهر :- جميلة انا مابقصر فيكي طالعيني من هالمصيبة..
 
جميلة :- اي مو تكرم عيونك ابن حماي..
 
زاهر :- طفي خليني دق ع خالي….
 
…..
 
عبود :- شبك صافنة فيني
 
جنة :- لو قلتلك لا ترجعني واتركني اهرب
 
عبود :- ليش
 
جنة :- ماترجعني لزاهر
 
عبود :- اها وشو السبب
 
جنة :- انا مابدي اياه ولا بحبو
 
عبود :- ليش مين بحبو هالحقير لعنة الله عليه
 
جنة :- دخيلك لا تخليني ارجع والله حرام يلي عملو فيني هو وابي اسمع بعطيك كل شي لابستو من ذهب وشو مابدك بعملك.. بس لا ترجعني
 
عبود : مارح رجعك هلق بس اخرتك ترجعي اذا وافق يرجع نادية
 
جنة : حتى لو رجعلك نادية دخيلك لا ترجعني..
 
عبود :- نامي بدي ارتاح شوي..
 
جنة :- موبايلك عم يدق
 
عبود :- اسكتي ولا تحكي حرف.. الووو اي امي
 
ام زاهر :- ابني دخيلك لا تعمل شي غلط البنت ما الها ذنب رجعها امي مابدي اوقع مع دار خالك بقصص ومشاكل برضاي عليك
 
عبود :- امي بدي نام مش رايق لالك اذا بتريدي.. سلام..
 
..
 
جنة :- هني شو عملو معك لتكون هيك..
 
عبود :- طول عمروا اخي زاهر عيونو ع الشي اللي مو لالو.. حقير وملعون.. اتزوج جواهر مع انو اخي جابر كان طالبها.. ووقت عرف انو امي عم تحكي بجواهر لجابر ادخل وقال بدو اياها لالو وانو هو الكبير وانو هو اللي لازم يتزوج اول.. وامي راحت زوجتو جواهر.. ومن شاف اخي جابر بلش يتنمرد جابلو وحدة ع كيفو وهي جميلة.. جميلة انسانة حقيرة بمعنى الكلمة.. واستغلالية. وكامشة قصص ع الكل بس انا الوحيد يلي عرفان شو طينتها الوسخة.. لهيك عم تحاول تتخلص مني.. بيوم خبرت اهلي عن نادية. نادية كانت بالجامعة معي وكنت احبها من كل قلبي ولحد الان هي فقيرة وعيلتها وضعهن تعبان وبهاديك الفترة طلبت من امي شوية مصاري لنساعدها.. وامي ماعندها الا زاهر لان وضعو بخير كثير حكتلو السيرة والقصة.. وخبرتوا عن نادية وهو عمل حالو رجال شهم وقبضاي.. ونزل مشان يساعدها ع اساس بس كانت نيتو غير هيك فات ع بيتهن باذخ عليهن.. وابوها كان بحاجة كل ليرة.. كانت اخر سنتين بالجامعة وهو دفعلا اقساط الجامعة كلا.. وبلش يتودد لالها هي الله خالقها ايه من الجمال.. كنت احس نظراتو لالها فيها شي غلط.. بس مدحها لالو ع انو هو اخوها الكبير كان يهون عليه.. لبيوم اتصلت فيني تقلي انو ابوها مديون وواقع بمصيبة ماقدرتو يحلها وكنت بعرف انو ورا هالمصيبة هو اخي زاهر بس هالحقير طالع حالو منها متل الشعره من العجين.. ورجع عمل حالو قبضاي وقدران يطالع ابوها لنادية من هالقصة.. مقابل مهرها ع الطاولة كمان. ابوها وهي ماكان بإيديهن شي كان غصب عنها بدها توافق لان مصير ابوها السجن.. واخدها من بين ايدي رغم اني وقفت بوجهو.. كنت مفكرها ترفض ووعدت ابوها سدد كل الديون بس زاهر كان سابقني.. واخدها وراح..
 
حاولت اصل لالها ماقدرت.. وقفت معي جواهر وبلشت ترسلي اماكن وجود زاهر ونادية سافرت لعندن.. وكنت بدي اخدها واهرب بس ما قدرت هي اتخلت عني وتركتني في شي كان مخوفها وموقفها.. وهالشي كان كبير لدرجة انو زاهر طلع جواهر كرمال نادية اضل.. ومرقت السنين كان مفكرني نسيت..
 
اجت لعندي امي لنصلح كل شي بيني وبين زاهر وخبرتني عنك.. رفضت وقلتا مابدي من العيلة ومابدي اتزوج بنت صغيرة.. بس عينو الفارغة حتى عليكي ما غمضها مع انك بجيل بنتو..
 
انا ماكان يهمني اساسا حتى لو اتزوج حورية بهمني نادية ترجع لعندي بهمني اعرف شو في عندها..
 
جنة:- لهيك خطفتني
 
عبود :- مافي الا هاي الطريقة
 
جنة :- زاهر مارح يهمو حالي
 
عبود :- زاهر بهابو لخالي.. لابوكي وبيعملو حساب..
 
جنة :- لاء مستحيل.. سدقني
 
عبود :- انا بعرف شو في بينهن.. ليكو عم يدق الحيوان…. جيت والله جابك بالاتصال..
 
زاهر :- اسمع لو بدي راسك بطولها فهمان تخبيصك هاد رح يحفرلك قبرك بايدك..
 
عبود :- لااااه
 
زاهر :- اسمع زاهر مابدي مشاكل مع خالك
 
عبود :- مفكرني ماعرفان لعبتك مع خالك.. انت بتعرف انو وراه مال وبساتين مابتاكلها النيران واتزوجت بنتو لان عرفان ابنو المعاق مارح يكفي ويعيش كتير.. ماهيك
 
زاهر :- مانو شغلك هاد
 
عبود :- وقت اسمعت بالبنت خفت تروح لغيرك
 
زاهر :- وين انت موجود
 
عبود :- شوف زاهر عبود الطفل الصغير مات هلق انا رجال وقدران لعبك ع الف حبل بطلق نادية وبترجعها لعندي بتاخد جنة..
 
زاهر :- لا انت عنجد بدك تخبيط ع راسك
 
عبود :- زاهر لا تخليني اطلع من تيابي واورجيك شي مابتحبو
 
زاهر :- والله وصار يطلع منك اشياء.. من يومين كنت بالبيضة يا حيوان وين انت قلي مكانك لاخلي رجالي يجيبوك من تحت الارض بالصرمااااي.. عبوووود
 
عبود :- شو مالحقت تشوفها لتخاف عليها وتحبها.. بتحب ابعتلك صور لالها وهي بحضني.. احم صار عندها ليلتين دخلة
 
زاهر :- عبوووووود
 
عبود :- ههههههههه استنى استنى طفي خليني ارسلك صورة..
 
زاهر :- عبووود
 
عبود :- سلام.. تعي لعندي
 
جنة :- شو بدك
 
عبود :- بدي ابعتلو صورة
 
جنة :- صورة شووو. عبود لا تلمسني الله يخليك
 
عبود :- تعييي
 
جنة :- ليش بدك تقطعلي تيابي الله يخليك لا تعمل هيك والله مالي ذنب بشي انا الله يخليك..
 
عبود :- هششششش ولا نفس اوك..
 
(( قطعلي تيابي وبلش ياخدلي صور وهو واقف جنبي ودافشني لعندو كان حالي مانو حال.. ارسل الصور لزاهر وهو عم يضحك.. بعدها طفى موبايلو وحط براسو ونام..
 
 
ابو رامي :- اها ليكو العريس بدق.. الوووو
 
زاهر :- خالي كيفك
 
ابو رامي :- معقول هيك رحت وتركتنا بدون حتى ماتودعنا
 
زاهر :- خال مو بايدي ضروري كنت لازم سافر
 
ابو رامي :- كيف العروس معك
 
زاهر :- اها اي ع كيف كيفك رايقة ونايمة هلق
 
ابو رامي :- خف هالدلال شوي ماعنا بنات بتنام لوجه الضهر..
 
زاهر :- معلش خال لانها عروس..
 
ابو رامي :- هههه ماشي بس تفيق حاكينا لان امها بدها تطمن عليها
 
زاهر :- اي اكيد..
 
….
 
فقت من نومي كانت تقريبا قريب المغرب..
 
عبود :- فيقي كلي لقمة لان بدنا نطلع من هون
 
جنة :- مالي نفس
 
عبود :- متل مابدك
 
جنة :- رح اضل حابسني هيك
 
عبود :- طول الوقت وانتي عم تهلوسي ومابدك تروحي لزاهر شو اشتقتيلو
 
جنة ٪- انا مابدي ارجع لزاهر ولا لعند اهلي انا بدي اهرب الله يخليك اتركني روح
 
عبود : انا بدي رجع نادية ووين مابدك انتي روحي مابهمني
 
جنة : واذا مارجعلك نادية
 
عبود :- رح افضحووا..
 
جنة :- رح تخبر ابي
 
عبود :-رح دقلو لزاهر.. اي زاهر شو خيي ما حنيت لمرتك..
 
زاهر :- بتعرف شو. عم فكر ورجي الصور لخالك واقلو بنتك خدعتني وهربت مع عبود.. وهي دمك بصير حلال عندو وحلال عند كل العيلة شو رايك
 
جنة :- لااااااااه زاااهر لاااااااه والله ماغلطت لا تخبر ابي
 
زاهر :- شو رايك
 
عبود :- اخرسي اخرسي.. اسمع زاهر نادية رح ترجعها لالي..
 
زاهر :- غبي في حدا برسل هيك صور 😂😂طول عمري بقول عنك ولد ومابعمرك بتتعلم..
 
عبود :- رح اقتلك زاهر رح اقتلك
 
زاهر :- تعال اقتلني واشرب من دمي ناطرك..
 
عبود :- تفيييييي
 
زاهر :- ههههههههههه شو حرقتك ماهيك.. رجعها لعندي وانت ساكت.. يالا حبيب يالا يا روح اخوك الشاطر..
 
 
قفل موبايلو عبود وطبشو بالارض وهو معصب.. وانا كنت عم اكل بحالي وماقدرانة احكي شي كنت بمصيبة صرت بأكبر.. كان حالي هيك.. وماكنت قدرانة اعمل شي غير انو اتنقل من مكان لمكان. ومافي حل قدام عبود الا يرجعني بس ماكان يقبل عبود بالشي هاد… وانا كنت عم ارفض لان مصيري ع الجهتين الموت.. مرقت الايام والاسابيع وماكان في اي خبر.. بس كنت ع الاقل مرتاحة.. عبود كان تاركني بسجن بس هالسجن كان ارحم لالي من رجعتي لعند ابي او زاهر..
 
عبود :- شبك وجهك من الصبح مانو تمام فيكي شي
 
جنة :- لاء بس تعبانة
 
عبود :- مرضانة شي
 
جنة :- لاء.. بس موجوع بطني
 
عبود : محتاجة شي ماهيك
 
جنة :- خايفة هاي اول مرة يوجعني بطني هيك
 
عبود :- اي فهمت عليكي رايح جبلك ابقي هون..
 
جنة :- خدني معك انخنقت من قعدت البيت
 
عبود :- طيب يالا..
 
(( كنا طالعين من البناية وقتا وقفتنا ست ساكنة بالطابق يلي تحتنا..
 
.. ابني انتو الجيران الجدد ماهيك
 
عبود :- اي في شي
 
.. عرسان ماهيك
 
عبود :- اي
 
…طيب انت متل ابني اذا محتاج شي خبرني
 
عبود :- اي ان شاء الله عن اذنكم..
 
(( كانت نظراتها لالي كانها عم تسال عن الف جواب.. وانا نظراتي لالها كاني عم قلا ساعديني..
 
عبود : حشرية هاي الجارة
 
جنة :- عم ادق كتير ع باب البيت
 
عبود :- لا تفتحي لاي حد. شوفي شو ناقصك من السوبر ماركت..
 
جنة : مابدي شي
 
عبود :- مو قلتي بطنك عم يوجعك
 
جنة :- اي بس مابدي شي
 
عبود :- شلون مابدك شي.. خجلانة استني انا بجبلك بدك فوط نسائية..
 
جنة :- فوط نسائية مافهمت لاء مابدي..
 

admin

اترك تعليقاً

لن يتم نشر عنوان بريدك الإلكتروني.

error: Content is protected !!