قد حان قطافها بقلم جمايكا 456

قد حان قطافها بقلم جمايكا 456
قد حان قطافها بقلم جمايكا 
قد حان قطافها بقلم جمايكا
قد حان قطافها بقلم جمايكا
#قد_حان_قطافها..
#بقلم_جمايكا_احمد
 
لقرائة الأجزاء الأولى من هنااااااااااااااااا
#الجزءالرابع
الجزء الرابع..

عبود :- جبتلك في شي ناقصك
 
جنة :- لاء يسلمو شكرا
 
عبود :- تروحي نشرب شي دافي
 
جنة :- لا تعذب حالك
 
عبود :- انا ماكنت بعرف انو اخي ممكن هيك يتصرف سدقيني اتوقعت كل حقارتو بس ماتوقعت تصل لالك مابعرف ليش وافقتي عليه
 
جنة :- انا ماوافقت انا مابدي اتزوج كنت ومابعرف كنت اني رح اجي لهون مشان اتزوج
 
عبود :- طيب اقعدي هون لاجيب شي نشربوا ونكفي حديثنا..
 
((جو البرد والناس يلي ماشية والسيارات والزحمة كل شي كان امان بالنسبة لالي اكثر من وجودي بالسجن يلي كنت فيه قمت من مكاني ورحت بين الناس وما درت ضهري ابدا .. بلشت اسرع بخطواتي وبعد عن المكان.. كانت فرصة لالي مالازم اخسرها.. ماكنت بعرف لوين روح بس كانت افضل الف مرة مشيت طرقات بين الناس وفتت اماكن ما بعمري فتها.. كنت وقف عند كشك اكل واطلب الاكل لاني جوعانة.. كانت الناس تشفق عليه بس ماكان بايدي حيلة.. مرق الليل والنهار كلو والتعب صار اضعاف مضاعفة ماكان هونيك الا حديقة وهالحديقة مغلقة وماحد بفوتها الا عند الدفع نطرت لفاتو ناس وفتت معهن بدون ماحد ينتبه ومشي الليل.. كنت قاعدة بقالب لعبة اطفال كان مقفل شوي من المطر والبرد.. ماكان ساترني الا الجاكيت يلي ع جسمي وغفيت غفيت ونمت من كثر التعب لوقت فقت ع صوت الاطفال عم يحكو بينات بعضن.. نزلت من مكاني من اللعبة.. وصار هاد حالي كل يوم امشي وافتل بالشوارع بالنهار وبالليل فوت المكان اغفى فيه بدون ماحد يعرف عني شي..
 
وصار اليوم الثالث على التوالي..
 
من جيت فوت اللعبة لاغفى وقفني مالك الحديقة..
 
…مين انتي عم نراقبك بالكاميرا صرلنا فترة شو عم تعملي هون.
 
جنة :- الله يخليك والله ماعندي مكان وضايعة ومابعرف وين اهلي
 
.. اهلك من وين
 
جنة :- جينا لهون ع المدينة واختفوا نحنا جايين من برا البلد.. ضعت منهن ومالقيت اثر لالهن
 
… وماعندك قرايب هون
 
.جنة :-. لاء كانو اهلي جايين زيارة
 
… وين بتروحي بالنهار..
 
جنة :- عم دور ع شغل او مكان اعيش فيه ماعم لاقي..
 
.. لا حول ولا قوة الا بالله مانك خايفة من وحوش الشوارع
 
جنة :- الله الحامي
 
.. طيب اسمعي بشغلك هون وبتنامي جوا بالكافتريا. والصبح بتبلشي شغل تنضيف الحمامات ومسح الطاولات.. وعندك سلااات الحديقة جمعيها والورق اللي بالارض.. وكلي واشربي هون ونامي هون لعند ما الله يفرجهت عليكي انتي شو اسمك..
 
جنة :- اها منار
 
.. طيب انا ابو غالب مالك الحديقة.. قومي فوتي نامي بالكافتريا والصبح بلشي شغلك..
 
جنة :- الله يخليك والله ماعرفانة كيف اتشكرك
 
.ابو غالب :- لا حول ولا قوة الا بالله الله يعين الناس ع حالها..
 
( كان بالكافتريا في غرفة صغيرة فيها بضاعة و فيها سرير على شكل صوفايه .. صرت انام فيها صارت لالي بالليل وبالنهار اطلع اشتغل رتب ونضف وامسح واجلي وابيع بالكافتريا.. اموري كانت بخير وكنت شوف ناس واغير جو.. ماكان حد بيعرفني لهيك كنت مرتاحة.. ومرقت الايام والاسابيع كانت صحتي عم تتراجع ومابعرف شو بني..
 
ابو غالب :- منار
 
جنة :- اي عمو ابو غالب
 
ابو غالب :- صابرين مرتي ام غالب برا روحي بدها تحكي معك..
 
جنة :- اي حاضر..
 
ام غالب :- ( انتي منار..
 
جنة :_ اي
 
صابرين :- يا عمري والله صغيرة انتي
 
جنة :- الحمد لله
 
صابرين :- حكالي عنك ابو غالب وقلي قصتك وحبيت ادخل هو خجلان يسالك.. شو عم يصير معك شو قصتك قليلي..
 
جنة :- قصتي متل ما انتي شايفة ضيعت اهلي وماعدت اعرف عنهن شي
 
صابرين :- من وين اهلك يمكن اقدر ساعدك.. واسال ناس..
 
جنة :- انا من الريف.. بس اهلي تركوا هاداك المكان من زمان وجينا لهون ومن بعدها نسافر بس كنا قاعدين بمكان وصارت مشكلة بالمكان واتفرقت عنهن وماعرفت وين راحو كل يوم بروح لنفس المكان كنت ومالقيتن
 
صابرين :_ ياحرام طيب انا عندي حل شو رايك اصورك وابعت صورتك وقصتك ولسمك للاعلان بلكي اهلك شافوكي وعرفوكي.
 
جنة :- اها يعني العالم تشوف صورتي لاء بلاها
 
صابرين :- ليش انتي بحاجة اهلك واكيد هني هلق بكونوا عم يدورو عليكي
 
جنة :- دخيلك بلاها انا بلاقيهن خلص واهلي ماعندن تلفزيون وابي وامي مابيعرفوا يقراو
 
صابرين :- منار في شي مخبيتيه
 
جنة :- ممم مابعرف لاء
 
صابرين :- اسمعي انتي متل بنتي او متل اختي الصغيرة لا تخافي خبريني
 
جنة :- مممم انا هربانة
 
صابرين :- شو
 
جنة :- الله يخليكي اذا عرفوا اهلي مكاني رح يقتلوني
 
صابرين :-“، يالطيف يعني انتي ماضيعتي اهلك
 
جنة :- لاء انا كذبت عليكي حتى اسمي مو منار انا اسمي جنة بس انا ماعملت غلط انا انظلمت مستعدة قلك كل قصتي بس اوعديني اذا مابدك تساعديني لا تاذيني متلن.
 
صابرين :- ياربي.. قولي قولي عم اسمعك.
 
جنة :- انا من ريف الجبل.. من ضيع الباشا القديمة يمكن سمعانة فيها.. هونيك عنا عادة البنات بتزوجوا بكير.. وصارت عنا قصة بالضيعة لبنت قتلوها.. لان هربت مع حبيبها وابي جن جنانو وخايف.. وجابنا لهون.. انا وامي واخي.. جابنا لبيت عمتي على اساس زيارة.. فجاة هيك كنة دار عمتي بدا تعمل شعر جسمي وعم تسال عن مقاسي ماكنت بعرف شي.. واسمعتا بتحكي عرس وماعرس.. وعرفت انو تاني يوم رح يكون عرسي.. وعرسي ع ابن عمتي يلي بكبرني فوق 18 سنة ومتزوج مرتين وانا حتى ما ابلغت والله.. رفضت اتنمردت قلت لا امي لاء.. ماحد سمعني بيوم وليلة لقيت حالي بغرفة مع رجال رجال مابخاف الله ماشافني طفلة وماشاف انو عمري صغير.. حتى ما شافني جسد شوفي.. حتى جسم ماعندي ليغيريه مابعرف شو هو شافني..شو خطر ع بالو يومها.. مارح ضعفي ولا رح اني طفلة.. فجاة هيك وبدون سابق انذار صرت مرتوا الكل بهني حتى امي.. بنتها الطفلة. شريفة طاهرة مالمسها حد قبل هيك.. هنو بعضن وتركوني.. مامرق نصف ساعة الا الشرطة بكل مكان.. قالت جميلة كنة عمتي اهرب يا زاهر.. زاهر بكون زوجي اهرب الشرطة بكل مكان زاهر مطلوب للدولة بقصص نصب وسرقة. هرب زاهر بدون مايلتفت وراه وجميلة قالت الحقو بسرعة.. ماعرفت لوين الخقو لقيت شي غطى على تمي وحد عم يدفشني لورا كانت شبه طلوع فجر التفت لقيتو عبود ابن عمتي واخوه لزاهر خطفني.. واتصل ع زاهر قلتو بتاخد مرتك بترجعلي حبيبتي نادية.. نادية يلي بتكون مرتوا لزاهر التانية يلي اخدها من اخوه على عيونو… وصرت انا سلعة لازم يتقايضوها سوا..
 
عبود عم يهدد زاهر انو رح يفضحوا قدام ابي.. وهيك رح يخسر زاهر املاك ابي كلا.. لان مافي لابي الا انا واخي رامي ورامي منغولي.. وانا الوريثة الاولى.. عبود غلط جكر بزاهر قطعلي تيابي من فوق وبلش يصورني وانا بحضنو وارسلها لزاهر..
 
وهون زاهر قلو رح ابعت الصور لخالك ليحلل دمك ودم بنتو لان خنتو .. وصرت انا تحت الرجلين.. بقيت مع عبود ليجي خبر من زاهر بس زاهر مابتفرق عندو حالي.. واكيد هو عم يدور عليه هلق بكون.. وبدو يرجعني لالو غصب عن عبود..هربت انا لان اثنينن بدهن يقتلوني واذا رجعت لابي رح يقتلني.. واذا ماقتلني رح يرجعني لزاهر.. والكل رح يكون جلاد..
 
صابرين :- استغفرك ربي واتوب عليك شو هالمصيبة
 
جنة :- اذا بتريدي والله مالي ذنب
 
صابرين :- طيب انتي شو عم يصير معك دائما وجهك اصفر ليكون حامل
 
جنة :- مممم لاء مافي هيك شي
 
صابرين :- ياحسرة عليكي انتي شو عرفك ان كنتي حامل او لاء.. شو بتعرفي بالدنيا هاي.. انا رح شوف ابو غالب واحكي معو روحي انتي ارتاحي..
 
..
 
ابو غالب :- اي صابرين شو طلع معك
 
صابرين :- وراها مصيبة هالبنت والله قلبي كان حاسسني
 
ابو غالب :- شو يعني
 
صابرين :- العالم يلي هربانة منهن فيها قتل
 
ابو غالب :- عم تمزحي هي هيك قالت
 
صابرين :- انا بقول يا ابو غالب مابدنا مصيبة وصلها لشي مكان او حد يساعدها نحنا عنا حديقة والكل عم يطلع ويفوت فيها بجوز شي يوم يزورونا ناس بيعرفوها ونفوت بمصيبة مارح نطلع منها
 
ابو غالب :- يعني
 
صابرين :- والله قلبي شفقان عليها بس والله ماناقصنا هيك مصيبة
 
ابو غالب :- انا ماسدقت اطلع من مصيبة الشباب يلي مخبين حشيش تحت الشجر..
 
صابرين،:- مشان هيك شفت شو صار فينا والله من فوق اتلطف فينا ودفعنا مبلغ.
 
ابو غالب :- والحل
 
صابرين :- في اماكن كثيرة وصلها لهونيك وهي بتتصرف ودلها شو تعمل..
 
ابو غالب :- طيب استني
 
صابرين :- مافيك تستنى روح
 
ابو غالب :- والله حرام يعني اطردها بالبرد هاد
 
صابرين :- ابو غالب نحنا عنا اطفال وهيك مصايب مو قدرتنا وبحوز تطلع حامل وننبلي فيها كمان..
 
(( كنت سامعة كل حديثهن ووقت هي خبرتوا عني.. كانو خايفين ماقدرت انطرت خفت يخبروا عني بالشرطة او يرجعوني لعند اهلي.. طلعت بدون ماهني يعرفوا هربت وماعاد رجعت لهاداك المكان..
 
وماعرفت لوين بدي روح التعب هدني اضعفت وماعاد لالي قدرة حتى اسند جسمي والشوارع ماعاد تأويني ارجعت للمكان يلي كان فيو عبود.. ماكان هونيك دقيت ع الابواب بس كانت الشقة فارغة وماكان حدا هونيك..
 
هادية :- بنتي مو انتي الجارة يلي فوق
 
جنة :- اي
 
هادية :- وين كنتي ووين رحتي زوجك سال عنك
 
جنة :-وينو هو
 
هادية :- ترك البناية بعد يوم.. اخد اغراضو شفتو وراح..
 
جنة :- تعي تعي لعندي
 
(( انزلت لعندا لان ماكان عندي مكان روح لعند حدا فيه هي كانت وحيدة.. حكتلا كل قصتي وخبرتا انو هو مانو زوجي..
 
هادية :- والله قلبي كان حاسسني لان مستحيل تكون حياة اتنين متزوحين حتى فكرتك اختو وقت قال مرتي انصدمت طفلة انتي بعدك
 
جنة :- وهاد يلي صار معي وماعرفت عند مين روح لدرجة جيت سلم حالي لالو لان ماعاد في امان ابدا
 
هادية :- والله ربنا بحبك من فوق منيح انو ماكان بالبيت.. ع العموم لا تخافي اعتبريني امك اختك الكبيرة اي حد ولا تخافي مارح اعمل متلها لهاي مرتوا لصاحب الحديقة صحيح ماتزوجت وماعندي اولاد.. بس والله قلبي بيغلي نار من هالتخلف والجهل يلي سائد بالدني.. ابقي عندي هون لنشوف شو رح نعمل..
 
جنة :- مارح تخافي هو يضرك بشي او حد من طرف اهلي
 
هادية :- لا تخافي يلي مكتوب ع الجبين لازم تشوفوا العين قومي هلق غيري تيابك وادفي حالك بهادول صحيح كبار شوي بس احسن من يلي لابستيهن..
 
(( في اليوم التالي كانت هادية جايبة لالي تياب واخدتني لعند الطبيبة…
 
الدكتورة :- بصراحة هي حامل بس الطفل ضعيف كثير
 
هادية :- طيب هي صغيرة فيها تجهضوا..
 
الدكتورة :- بجوز جسمها مايتحمل فعلا ويموت الطفل.. لان حتى نبضوا ضعيف
 
هادية :- الله لا يسامحهن جسمها مابتحمل ميلاد
 
الدكتورة :_ كمان الاجهاض لالها مؤلم..
 
هادية :- دخيلك يادكتورة اعمليها
 
الدكتورة :- بس الطفل عمروا شهرين
 
هادية :- هي مابتعرف انها حامل اعطيني شي دوا شي اشربها اياه. يوقف نبضوا للجنين وينزل..
 
الدكتورة :- طيب قبل هالشي كلو مشان مايصير معها شي نزيف لازم ترجع صحتها وتقوى رح اكتبلا شويه فيتامينات ان عاش الطفل رح نشوف اذا بنعمل اجهاض واذا ماتحمل رح يموت من حالو..
 
هادية :- طيب خلص ماشي..
 
ارجعنا ع البيت وماكنت بعرف شو دار بين هادية والدكتورة.. بس كل يلي بعرفوا انو صحتي سيئة ولازم ارتاح واشرب ادوية كانت هادية عم تعتني فيني بنفس الوقت كانت عم تشربني كمون وشوية شغلات سخنة كانت تمغصني بس روق وارتاح من بعدها…
 
هادية :- مين جاي لعنا بجوز تبع البريد
 
جنة :- بس مايكون حد شافني..
 
هادية :- مين رح يشوفك يا جنة لا اضلك خايفة
 
جنة :- مممم
 
هادية :- لا تفتحي الباب شوفي من العدسة
 
جنة :- عععبوود هههااااد عبوود
 
هادية :- ههششش لا تخافي فوتي ع الغرفة انتي هلق وانا بتصرف
 
جنة:- دخيلك لا تخبريه مكاني
 
هادية :- لا تخافي…. ميييين
 
عبود :- انا جارك يلي فوق..
 
هادية:- مين فيهن
 
عبود :- عبود يلي كان هو ومرتوا فوق وجيت سالتك عنها
 
هادية:- اها في شي اخي
 
عبود :- اذا بتريدي افتحي
 
هادية :- ماتواخذني بس انا مشغولة ومافيني افتح الباب قلي في شي
 
عبود :- انا حاطط فوق كاميرا وشفت تسجيل الكلميرا اليوم وكانت مرتي فيها.. وكنتي انتي عم تحاكيها.. دخيلك اذا بتعرفي شي خبريني..
 
هادية :- شووو
 
جنة :- 😳😳..
 
هادية :- هشش لا تحكي فوتي وانا بدبرها لا تخافي لا تحاولي تظهري حالك.. اي ابني صحيح بس هاي من فترة حتى ماني متذكرة وكانت عم ادق الباب وقلتا انك تركت البيت وراحت بحال سبيلا حتى ماعرفت لوين وماقبلت تجاوب ع شي..
 
عبود :- ياربي طيب دخيلك اذا سمعتي او شفتي شي خبريني انا فوق
 
هادية :- ابني ليش وينها مرتك ووين راحت وليش اجت ومالقت حد
 
عبود :- مشاكل بيناتنا وان شاء الله بتنحل.. ع العموم اذا صار شي انا فوق موجود.. وهاد رقمي دقيلي اذا في شي
 
هادية :- دخلو ابني من تحت الباب
 
عبود :- اي تكرمي وماتواخذيني ع الازعاج..
 
..
 
جنة :- شفتي مارح يتركوني
 
هادية :- لا تخافي اذا صار في شرطة في قانون مين هني ليتحكموا بارواح الناس..
 
جنة :- سامعة في صراخ فوق..
 
هادية :- اي والله رايحة اسمع الظاهر صوت رجال..
 
جنة :- ياربي.. شو قليلي..
 
هادية :- فوتي فوتي هاد عبود وعندو حدا عم يتخانق معو ليكن نزلوا فوتي
 
جنة :- بدي شوف من العدسة.. العما هاااد ابي وزاهرررر 😳😳.. دخيلك رح يقتلوني دخيلك
 
هادية :- هششش لا تخليهن يسمعوو
 
جنة :- هني عم يدقوا عليكي
 
هادية :- لا تحكي شي لا تحكي.. مارح نفتح.
 
جنة :- اكيد عرفوا مكاني.. .
 
 
 
الجزء الخامس#قد_حان_قطافها
#بقلم_جمايكا_أحمد
#الجزءالخامس
الجزء الخامس..
 
زاهر :- ماحد عم يفتح
 
عبود :- من شوي كنت احكي معها.. بتكون نامت المخلوقة
 
زاهر :- لازم تفتح وترد عليه
 
ابو رامي :- دق منيح ع الباب
 
زاهر : في كاميرات برا البناية
 
عبود :- اي في
 
زاهر :- مين بكون صاحبها وين فينا نلاقيه اكيد بكون في تسجيل
 
عبود :- طيب رح شوف رقمو وبجوز مايرد هلق صار الوقت تقريبا ليل
 
ابو رامي :- دقلو بسرعة
 
جنة :- العما ممكن الكاميرا تكشفنا
 
هادية :- الله يكسرك ياعبود ع هالعملة ما اوسخك المصيبة اذا صاحب البناية فتح الكاميرا وشافك معي
 
جنة :_ دخيلك شو اعمل
 
هادية :- لازم نبعدهن بالشرطة هلق لنلاقي شي طريقة طالعك من البيت
 
جنة :- وبلكي الشرطة فاتت فتشت هون
 
هادية :- العما هاد ما حسبت حسابو.. اسمعي رح خبيكي بالسدة فوق صحيح كلا كراكيب بس حاولي تخبي حالك بين الاغراض وبحيث ما تبيني تمام
 
جنة :- كيف رح اطلع لفوق..
 
هادية :- انا بساعدك يالا ع السريع قبل ليفتحو الباب وقبل لتجي الشرطة..
 
جنة :- هادية بترجاكي
 
هادية، :- لا تخافي ع مهلك اطلعي
 
جنة :- كلا جرادين
 
هادية :- بنتي حاولي خبي حالك مؤقت
 
جنة :- تمام هيك..
 
هادية :- يالا رح دق للشرطة.. حاولي ماتعملي صوت.. الووو مرحبا سيدي انا هادية العباس ساكن بعمارات الجازي بالطابق الثالث.. من دقايق لهلق في عالم عم ادق على بابي واغراب وانا مابعرفهن ووجوهن كانهن عصابة دخيلك انا ست وحدانية ومالي حد غير الله ومن ثم انتو.. ماقدرانة افتح الباب .. اي هني ع الباب مابعرف شو بدهن.. لا تتاخروا لا تتاخروا.. اي مارح افتح الباب اكيد بس انا خايفة يكسرووه..
 
 
جنة :- هادية
 
هادية:- شبك.. دقيت ع الشرطة لا تنادي عليه
 
جنة :1 هادية عم انزف
 
هادية :- شو هالحكي
 
جنة:- ومعي اوجاع الدني كلا
 
هادية :- عم تنزفي ياويلي ع قلبي اكلتي رعبة مرتبة حاولي تكمشي حالك ولا اطالعي صوت هاي الشرطة شكلا صارت تحت..
 
..
 
الشرطة :- مين انتو
 
زاهر :- نحنا
 
عبود :- انا ساكن فوق وهاد اخي وخالي.. مرت اخي اجت لعنا زيارة هون وفجاة اختفت عم نشوف بالكاميرات كانت الست يلي تحت هي يلي حاكيه معها ومن بعدها نزلت معها عم اندقلا لنسالها ماعم ترد
 
الشرطة :- افتحي
 
زاهر : شفتا طلعت بالبيت انا كنت متاكد
 
هادية :- اي سيدي
 
زاهر :- وينا مرتي
 
هادية :- مين مرتك مين انتو وشو بدكن مني باخر هالليل
 
ابو رامي :- بنتي يلي كنتي من كم يوم عم تحكي معها.. شفتك بكاميرا تبعت البيت
 
هادية :- انا بحكي مع كل الجيران شو بعرفني مين بنتك ومين مرتك.. انا يلي حكيت معها هي مرت الاخ هاد ( عبود) وسالتني وينو قلتا ترك البيت من كم يوم والمخلوقة راحت بحال سبيلهاا..
 
الشرطي :- طيب تعو ع المخفر اعملو الاجراءات هونيك وبنسمع اقوالكن..
 
عبود :- ليكو صاحب البيت اجا.. استاذ رباح عنا قصة وبدك تحلها..
 
استاذ رباح :- اتصالكن قلقني قلت في شي.. خير سيدي في شي بالبناية
 
الشرطي :- هادول مستأجرين عندك
 
استاذ رباح :- اي الاخ عبود والست هادية بس هادول مابعرفهن..
 
عبود :- هاد اخي وخالي
 
استاذ رباح :- اتشرفنا بس في شي صاير شي انسة هادية
 
هادية :- والله علمي علمك عم يقولوا ضايعة مرتو لهاد وانا ماني متذكرة مين بتكون وكل يلي حكيت معها مرة وحدة او مرتين ومابعرف شو قصتهن عم يدقوا اخر الليل عليه رعبوني..
 
زاهر :- بدي نشوف كاميرات البناية
 
استاذ رباح :- اي بنشوفها بس هاي كل اسبوع الكاميرا بتمحي القديم من حالها..
 
زاهر :- اي ماصرلا مرتي اسبوع بجوز
 
استاذ رباح :- مع اني ماني فاهم شي بس اي شرفوا ع المكتب تحت لنفتحها..
 
الشرطي :- مابصير نفتح كاميرا الا اول شي نسمع اقوالهن ومين هي الست يلي ضايعة.. ضروري نفتح ملف باللي عم يصير..
 
استاذ رباح :- اي هو هاد الصح..
 
زاهر :- بس ياسيدي مافي وقت
 
الشرطي:- عمي هاي اجراءات وضروري ناخد هوياتكن ونسمع الاقوال.. اتفضلو معي..
 
هادية :- ولازم اجي انا ياسيدي
 
الشرطي :- اي اكيد اتفضلو معنا اذا بتريدو
 
زاهر :- ( بهمس بيحكي مع عبود..
اذا فتحو ملفي وشافو عندي سوابق بدي اقتلك ع ايدي اطلع دبرها..
 
عبود :- سيدي انا جاي احط الاقوال واخي بدو يضل هون بجوز تجي لهون فجاة..
 
ابو رامي :- انا بقول هيك انا ابوها وبحط اقوالي
 
الشرطي :- من الافضل يجي كمان زوجها
 
ابو رامي :- انا بجي بالاول ومن اخلص بجي مكانو وهو بقدم اقوالو
 
الشرطي :- طيب اتفضلو
 
هادية :- ماشي لكان انا رح احط ملايتي واجي..عن اذنكم..
 
 
في الداخل.. وبصوت خفيف..
 
هادية :- جنننة.. ججنة..
 
جنة :- عم موت عم موت
 
هادية :- يالطيف شو هاد عم تنزفي وصارت تحتك بركة دم
 
جنة :- ماقدرانة هادية
 
هادية :- شو رح اعمل انا انا لازم روح هلق للشرطة وهاد زاهر رح يضل بالبناية ومافيني خرجك ابدا وبدهن يراقبوا الكاميرات بدي شوف طريقة اطالعك فيها.. المهم انتي انزلي تعي اساعدك تعي..
 
جنة :- واذا فاتو يفتشو البيت
 
هادية :- رح ابعتلك حدا يساعدك بس انزلي وماتفتحي لحد الا من دق انا ع التلفون واخبرك..
 
جنة :- شو اعمل..
 
هادية :- غسلي وغيري تيابك وانطريني ما بطول.. تعي لاساعدك.. ع مهلك ع مهلك..
 
جنة :- خايفة
 
هادية :-لا تخافي اللي مكتوب بدو يصير ومافي منو هروب.. رايحة اشوف طريقة وراجعة.. المهم لا تحاولي تظهري صوت او تفتحي الباب لحد.. هاد فوق ابن الحرام..
 
 
بعد مرور ساعتين .. وبعد انهاء اجراءات الشرطة
 
هادية :- استاذ رباح خدني معك
 
استاذ رباح :- اي اكيد تفضلي ست هادية.. شو هالقصة الملغوصة كيف واحد بيترك مرتوا عند اخوه لحالو. وبقول انها مرتي..
 
هادية :- كذابين تعرف البنت عمرها صغير. قالو عمرها 17.. وهي اقل من 14..
 
استاذ رباح :- شو هالحكي
 
هادية :- انا شفتها بعيوني طفلة صغيرة..
 
استاذ رباح :- هلق بنشوف بالكاميرا واخلص من هالسيرة..
 
هادية :- هي الشرطة لاحقتنا
 
استاذ رباح :- بدي روح انا وابوها بالاول انشوف الكاميرا اذا ظهرت بنتو بنعطي خبر للشرطة وبيجو ياخدو التسجيل..
 
هادية :- اسمع بدي قلك شي بس غلات اولادك ماحد يعرف..
 
استاذ رباح :- شو في ست هادية
 
هادية :- البنت من القصر ومزوجينها لهاد زاهر اكبر منها بشي 18 سنة وغصب عنها والطفلة مابلغت حتى.. هاد ابوها عندو عقلية سيئة.. والبنت بدهن يقتلوها..
 
رباح :- شو هالحكي ليش ماقلتيه للشرطة
 
هادية :- كنت بدي قول بس البنت وضعها صعب..
 
رباح :- شو عرفك بهاد كلو ست هادية
 
هادية :- والله البنت وضعها صعب وحالها بالويل وكمان بجوز تكون حامل لان الدكتورة قالت في كيس حمل.. عندها كيف مابنعرف وهي مابلغت.
 
رباح :- مافهمت شي ياهادية..
 
هادية :- رح فهمك انا.. هاي البنت من فترة عم يجيبها عبود وفكرتا مرتوا وهو قال مرتوا ماخطر ببالي فكرتا اختو الصغيرة وراحت الايام وهو اجا سال عنها وكانو فقدها وبعد بفترة مانها قصيرة اجت البنت كان حالها بالويل وجها اصفر وكانها عم تموت.. اخدتا لعندي وحكتلي قصتها.. وهاد عبود وصخة مصورها بصور مو منيحة مشان اخوه اخد منو حبيبتو وعم يعمل هيك ند بند.. وبقيت البنت عندي مخبيه والله شفقت ع حالها وهاد ابوها جاي يقتلها الظاهر لان لالها صور مو منيحة
 
رباح :- يالطيف والله حسيت من وجوهن انهن ناس همج.. وانتي ياهادية شو دخلك بالقصص هاي انتي بغنى عن هالمشاكل مو بكفي يلي صار معك
 
هادية :- مابقدر يا رباح هاي طفلة والله قلبي اتقطع عليها اخدتها متل بنتي..
 
رباح :- كان بلغتي الشرطة كان لازم ادخلت الشرطة
 
هادية :- البنت وضعها مو منيح ابدا وانت بتعرف الدولة هاد ابوها وجوزها معهن مصاري يعني اذا بيرشوا شي حدا بياخدوها والبنت تركتها وهي معها نزيف. وهلق اذا شافوا الكاميرات رح يشوفوا انها كانت معي ويكشفوا مكانها ددخيلك مالي غير الله وانت.
 
رباح :- الله يسامحك يا هادية هلق. شو رح اعمل اذا هني هلق ناطريني بكونوا بالبيت ليشوفوا الكاميرات.. انتي ناقصك هلق تفوتي بسين وجيم..
 
هادية :- فايتة ع عرضك وكرمك مالي غير الله وانت.. شو قلت.
 
رباح :- وهلق البنت فوق وهاد زوجها فوق.. يعني اذا كشف مكانها..
 
هادية :- بتروح البنت فيها
 
رباح :- طيب اسمعي انتي نزلي واطلعي اطمني عليها وانا بحاول لاقي طريقة من هون للصبح ما يشوف الكاميرات او امحي كل شي فيها..
 
هادية :- دخيل قلبك الله يستر ع بناتك
 
رباح :- هاد جهل وتخلف الناس مابيخلص.. ورح اتخلص من هاد عبود.. والبنت مالازم تبقى عندك مشان ما تتعرضي لقصص رح طالعك منها هلق وبكرة لازم توصليها للاحداثيات تمام
 
هادية :- اي ماشي اكيد..
 
..
 
ابو رامي :- كنا ناطرينك شبك اتاخرت
 
رباح :- انا اتاخرت على عيلتي وبكرة الصبح من بكير بكون هون وبفتح الكاميرات
 
ابو رامي :- لاء شو لصبح وما الصبح
 
رباح :- عمي فتح الكاميرات بدو معلم والشاب هلق نايم ومارح يجي بنص الليل ليفتحها.. وبعدين انا تارك بيتي وعيلتي وجاي واذا هلق ولا الصبح كلها ساعات.. بنحكي بكرة سلام.. وانت عبود.. رح افسخ عقد الايجار ازعاج الناس والبهدلة هاي مابحبها اذا بتريد جهز حالك لتسلمني مفاتيح الشقة..سلام..
 
هادية :- مابيجي من ورا الناس الا وجع الراس تصبح ع خير استاذ رباح..
 
ابو رامي :- اذا بعرف انو عندك خبر عن بنتي مارح ينوبك خير
 
هادية :- استغفر الله بشوف عم تهدد اخي بعد عن طريقي احسن ما دق ع الشرطة..
 
عبود :- خالي تعال نطلع لفوق
 
ابو رامي :- كلو منك.. هلق زاهر وين بتكون اراضيه
 
عبود :- طلع ما تاكل همو.. مارح يروح للشرطة
 
ابو رامي :- اي منيح ما تفوتوا السجن وما يطلع
 
عبود :- اي لا تخاف عليه بطالع حالو من الشي متل الشعره من العجين.. تعال اعملك فنجان قهوة ليطلع الصبح.
 
ابو رامي :- اطلع كلو من ورا تخبيصك وتخبيصوا.. بدي البنت فضحيتنا صارت ع كل لسان..
 
عبود :- رح جبلك اياها خلص المهم متل ماوعدتني نادية ترجعلي
 
ابو رامي :- انت جيب بنتي وخد نادية واهل نادية..
 
 
هادية :- جنة جنة فيقي فيقي شو عم يصير معك
 
جنة :- تعبانة ع الاخر
 
هادية :- الله يستر خدي اشربي مية.. ركزي بس معي شوي لازم نطلع من هون قبل مايطلع الصبح.. اسندي حالك… دقيقة رح رد ع تلفون صاحب البناية. اي استاذ رباح..
 
رباح :- جهزيها رح نزل قاطع الكهربا ووقت تطفي الكهربا بتنزلي بسرعة انتي وهي لعند سيارتي موجودة خلف البناية عند حاويات البناية صاففها تمام..
 
هادية :- اي اكيد
 
رباح:- اسمعي مافي وقت لان هاد عبود شاعل الاضاءات وبجوز يكونوا فايقين بدك تنزلي باسرع وقت..
 
هادية :- يالا نحنا جاهزين..
 
رباح :- توكلي ع الله..
 
(( نزل القاطع وسندتني هادية لانزل الدرج ماكنا شايفين شي غير ضو تلفون صغير شاعل.. ما وصلنا لاخر درج بالبناية الا فتح الباب وكان صوت ابي..
 
جنة :- هادية هاد ابي
 
هادية :- اسرعي اسرعي..
 
(( ماعرفت كيف صرت بالسيارة… كانت هادية معي متوترة وخايفة يصير شي..
 
استاذ رباح :- تمام هيك..
 
هادية :- شو عملت استاذ رباح
 
رباح :- لا حول ولا قوة الا بالله
 
هادية :- شفت كلامي صح طفلة صغيرة..
 
رباح :- الله يلعنهن.. نزلو لتحت شفتن رفع القاطع هاد عبود..
 
هادية :- ماحد شافك
 
رباح :- لاء واخدت تسجيلات الكاميرا كلا.. وين رح نروح هادية ع بيتي بهيك وقت مابقدر
 
هادية :- خدنا ع المشفى حال البنت سئ ع الاخر
 
رباح :- ع اي اساس رح ناخدها رح يفتحو محضر وسين وجيم والبنت مامعها اي اوراق وبجوز مايفوتوها ابدا
 
هادية :- طيب والحل
 
رباح :- مابعرف عندي رفيق بس طبيب بيطري مابعرف اذا بيفهم بهيك شي ليساعدها..
 
هادية : والدكتورة يلي بعرفها ماعندي رقمها الخاص.. بدقلا ع رقم العيادة وهلق العيادة مقفلة..
 
رباح :- ما النا الا هالحل خليني دق عليه لنروح هونيك..
 
(( انا يومها غبت عن الوعي ومافقت الا اني بغرفة وبايدي سيروم.. وكانت هادية جنبي غفيانة..
 
جنة : هادية هادية وين انا
 
هادية :- اها وين نحنا.. ااخ راسي رح تنفجر.. كيف صرتي احسن هلق. امبارح نزفتي كثير وحطينا سيروم.. دمك ضعيف وضروري ننقلك ع مشفى.. ذكرتيني اتصل ع الدكتورة.. لا تتحركي ارتاحي انتي..
 
جنة :- نحنا وين وشو صار
 
هادية :- عند دكتور ارتاحي انتي هلق بامان.. ليكو عم يدق.. الووو اي دكتورة والله بعتلك رسائل واتصالات كتير.. الوضع متازم اي نفسها وصار معها نزيف رح قلك شو صار معنا.. دخيلك الامور معقدة.. ع المشفى.. معقول يفوتونا.. تمام تمام اكيد..
 
استاذ رباح :- صباح الخير
 
هادية :- اي دكتورة ان شاء الله مابنتاخر هلق طالعين اي اي الله معك.. .. صباح النور استاذ رباح شو عملت..
 
استاذ رباح : مسحت كل المقاطع يلي ظهرتي فيها مع البنت و وضفت مقاطع من القديم لحالك. .. بس تعرفي شو شفت بالكاميرات..
 
هادية :-شو قلي
 
استاذ رباح :- هاد يلي شفتو امبارح زاهر فايت هو ومعو كم واحد ومعهن سلاح..
 
هادية :- شو هالحكي
 
استاذ رباح :- بعد شوي نزلوا ومعهن عبود ولحشوه بالسيارة..
 
هادية :- اي
 
رباح :- هاد تسجيل قديم.. منشي اسبوعين تلاتة.. وصلتو للشرطة بدون ماهني يشوفوه..
 
هادية :- رح يفيدنا بشي
 
رباح :- بجوز هني مافيا وعصابات.. وبجوز يقولوا مشاكل عائلية والاسلحة يلي معهن مرخصة..
 
هادية :- اها اتذكرت.. جنة خبرتني انو هاد زاهر مطلوب..وامبارح من اجت الشرطة ما قبل يروح يعطي اقوالو واخوه وخالو غطو عليه.. ومن رجعنا قولك يكون راح..
 
رباح :- لاء ما اعتقد لان سالني الصبح الشرطي عنو وقال ناطر اقوالو
 
هادية :- لكان هالملعون هرب.. وعمل هالفيلم امبارح مشان ماحد يكمشوا..
 
رباح :- طيب هلق شو نعمل كيف صارت
 
هادية :- فاقت شوي ورجعت غطت.. خلينا ناخدها ع الدكتورة..
 
رباح :- ماقدرنا اندبر وحدات دم.. مافي عنا الا هالمشوار.. بس ع العيادة
 
هادية :- لاء ع المشفى.. الدكتورة بدها ادخلها مشفى لتعمل لالها تقرير هالتقرير مهم لالها لان يعتبر اغتصاب وزواج اطفال مابعرف كيف بس هلق بنشوف..
 
رباح :- طيب يالا خلينا نمشي لان الوقت قليل ووضع البنت للماساوي اكثر..
 
هادية:- ساعدني من عندك
 
رباح :- اتركيها انا بحملها بس اكمشي انتي السيروم..
 
..
 
في المشفى..
 
هادية :- طمنينا عنها
 
الدكتورة :- تاخير صغير وكانت رح تروح من بين ايدينا.. دمها صار 7.. ووضعها سئ.. والجنين نزل.. هي هلق حطينا لالها وحدات دم.. بس الطفلة ع فكرة مبلغة يعني الحمل صاير ع بلوغ.. بس جسمها الصغير ما اتحمل..
 
هادية :- يعني كانت مبلغة
 
الدكتورة :- اي وبجوز هي خبت هالشي مشان اهلها مايزوجوها.. المهم عملنا الاجراءات والتقاير وهلق جاي ضابط لهون ورح ياخد اقوالكن ولازم ماتخبي شي هالطفلة بجوز اليوم او بكرة تكون تحت رحمتنا وبعدين من افعال اهلها تصير تحت رحمة ربنا.. لهيك ما تخبي شي هادية..
 
هادية :- اي اكيد اكيد..
 
(( مابعرف كم المدة يلي قضيتا بالمشفى.. بس وقت وعيت لقيت امي جنبي..
 
امي :- جنة فتحي عيونك يامو انا هون
 
(( ارجعت غمضتن من الخوف.. فكرت حالي ببيتنا وفكرت انو ابي اخدني… بعدا.. اسمعت صوت هادية فتحتن ومديت ايدي لالها..
 
جنة :- هادية
 
هادية :- اي حبيبتي انا هون لا تخافي انا جنبك ومعك وانتي بامان.. فتحي عيونك هاي امك جنبك..
 
جنة :- شو بدك مني
 
امي :- بنتي لا تخافي مني انا ماكان بايدي شي والله وماعرفت اتصرف بشي..
 
جنة :- هادية شو صار
 
هادية :- صار كل شي منيح.. لا تقلقي ارتاحي انتي وخلص..
 
.. قبل 3 ايام.
 
رباح :- هادية طلع هاد زاهر وصخة ع الاخر شغل مافيات ونصب ومطلوب فعلا
 
هادية :- يقصف عمروا الهي مريض نفسي كيف بتهف نفسو يستغل الناس الضعفاء.. سواء اهل نادية ولا هالبنت المسكينة..
 
رباح :- متفرعن الله لا يسامحو.. ولا ابوها شو هالمرض هاد
 
هادية :- المشكلة انو مو بس العيلة يلي هيك كل الضيعة..
 
رباح :- ان شاء الله يتحركوا هالمؤسسات ويوقفوا هالقرف عند حدو.. عم فكر والله افضح قصتهن واسرب كل شي..
 
هادية :- لاء حرام مشان هالبنت..
 
رباح :- الله يلعنهن ما هنوني يوم شو هالمصايب
 
هادية :- قولك اذا كمشوه لهاد زاهر شو حكمو
 
رباح :- ملفو اسود اذا مو ع قصة هالطفلة ع قصص النصب واستغلال الناس ..
 
وهادية :- وابوها
 
رباح :- حالو متل حال الناس الجهلة.. وجريمتو بتزويج بنتو قاصر.. بس مو حرام… كان بايدينا شي يدخلو بالسجن العمر كلو انو مزوجها دون بلوغ بس البنت طالعة مبلغة ومامخبره انقذت ابوها..
 
هادية :- لو هالدكتورة ماحكت
 
رباح :- مو بايد الدكتورة ضروري يكون التقرير صح.. ع العموم البنت عم تتحسن صحتها..
 
هادية :- ماقهرني الا امها جوا.. عم تبكي وتنوح ع شو.. وهي لالها ايد بحرق بنتها
 
رباح :- بسيطة لنشوف.. بضلا امها
 
هادية :- اي شو هالامهات يلي هيك كل مخها جهل وتخلف دمروا مستقبل الطفلة وحرقوه.. قولك شو مصيرها.. انا خايفة وجود امها مشان تاخدها
 
رباح :- الشرطي والاحداثيات قالت كل شي بايد البنت اذا هي شايفة رجوعها لعند اهلها في امان بترجع بشروط ما يتعرضوا لالها بشي وكل فترة وفترة بزروها.. واذا البنت مابدها اهلها رح ياخدوها للاحداثيات ليصير عمرها 18..وبعدها بقرروا مصيرها..
 
هادية :- وهاد زاهر رح يضل هيك مطلوب وماعرفانين يمكشوه ياخوفي يتعرض لالنا مادامو ابن حرام مصفى..
 
رباح :- كل شي بايدين ربنا المهم هاد عبود بدهن يدفعو لالو كفالة ليطالعوه..
 
هادية :- الله لايردهن كلهن وهاد ماقصر عبود الاناني خلص حبيبتو تركتو شو ذنب هالطفلة ياخدها خطيفة وحدة بوحدة.. اساسا هو يلي وصلها لهيك مكان
 
رباح :- بتعرفي بجوز الله بعتو ليخطفها ليطالعها من هالعذاب مابتعرفي شو كان مصيرها لو ضلت مع هالحيوان زاهر..
 
هادية :- بس تعبوها الله ينتقم منهن
 
رباح :- نصيبها هيك..
 
 
بعد 3 ايام..
 
امي :- اسندي حالك امي كلي لقمة
 
جنة :- مابدي شي
 
هادية :- هاتي انا بطعميها اسندي حالك جنة مشان صحتك حبيبتي
 
جنة :- مالي نفس
 
هادية :- كرمالي
 
جنة :- لا تتركيني هادية ومابدي روح معهن
 
هادية :- لا تخافي انا جنبك ومعك.. وماحد رح ياخدك.
 
(( كنت رافضة وجود امي مع انو دموعها ماكانت توقف كنت حس انو هي ماكان بايدها حيلة وكانت لازم تقبل متلها متل باقي نسوان الضيعة.. بلشت تتحسن صحتي وكانو ع طول يزوروني الاحداثيات.. ليطمنو عليه.. كانت هادية بهاي الفترة عم تجبلي كتب لاقرأ.. وعرفت انو مافيني ضل عندها لازم اختار مابين وجودي عند ابي او بالاحداثيات..
 
امي :- بنتي روحي ع الاحداثيات لا تنطري
 
هادية :- معقول قلبك من حجر مابدك تاخدي البنت عندك تحميها..
 
امي :- احسن لبنتي سدقيني اذا بقيت عندي اكيد ابوها رح يحاول يظهر انو بيعاملها منيح.. بس بعدها البنت بنظر ابوها متزوجة.. وزوجها زاهر وبجوز يرجعها لالو من تطبق السن القانوني للزواج.. لان هو احق من اي حد فيها انا بعرف بشو بفكر.. روحي بنتي وانا بجي لعندك وبجيب رامي روحي ادرسي وعيشي حياتك..
 
هادية :- 😣 شو هالحال ياربي
 
جنة :- رح يخلوني ادرس
 
هادية :- اي في مدرسة خاصة وبتخرجوا منها متفوقات ورح تلاقي رفيقات كتير متلك
 
جنة :- وانا شو رح يصير فيني بعدين
 
هادية :- رح تدرسي جامعة وتكوني دكتورة قد حالك وتعرفي شي رح استاجر شقة قريبة منك ووقت ماتحبي تعي لعندي ووقت مابدك بجي لعندك..
 
(( انتقلت للاحداثيات كنت غريبة عنهن بالاول اغلبهن من المدن ومقطوعين من شجر ايتام.. .. قصصهن كانت مختلفة شي يلي جبرها الزمن تسرق وشي يلي قتلت حدا وشي متلي اتعرضوا للاغتصاب.. كنت حسهن اقوياء اقوى مني.. بس حياتهن حلوة مجتمعين شي بيلعب وشي بيقرا وشي عم يرتب ويصنع او يخيط.. صحيح فقدت عيلتي واحلامي يلي كنت بحلم فيها بس بنيت حالي من هون من هاد المكان.. مرقت السنين كانت امي واخي يزروني.. ومرة اجا ابي لاسامحو بس حسيتو كذاب ثعلب مراوغ.. كان نفسي شي يوم زور قريتي واشوف شو صار فيها وشو تغير امي بتقلي انو الناس ماعادت تزوج بناتها وهني صغار او لقرايب.. بس بشكل عام هالشي.. لان في عائلات بعدها ع هاد الجهل والتخلف متل اهل رفيقتي غدير زوجو اختهم رسول من شي فترة قصيرة.. وهي بعدا صغيرة.. وماقبلانين يتخلو عن هالعادة.. غدير اسمعت انها انجبت بهاي الفترة 3 اطفال واثنين منهن معهن اعاقات عقلية.. والسبب زواجها من ابن عمها..امراض زواج الاقارب ماكان ينتهي رغم التطور..وانا من هون فتت جامعتي ومشي فيني الزمن لهاد اليوم.. لاكون قد حالي.. درست اجتماع وعلم نفس.. كنت احب اقرا هيك كتب.. واسمع قصص الناس واخبارهن.. وحاليا انا انتقلت لاعيش جنب هادية احن وافضل مخلوقة وقفت جنبي..
 
هادية :- تشربي معي فنجان قهوة
 
جنة :- اي اكيد وانا بعملها شو رايك
 
هادية :- عندي خبرين مابعرف اي خبر بيعجبك اكثر..
 
جنة :- اثنينهن حلوين
 
هادية :- يعني هيك شي
 
جنة :- اي بلشي لكان
 
هادية :- بتذكري قريبي المحامي مجدي ابن اختي حكتلك عنو الله يخليه من يوم يوموا كان يفقدني بكل مصاريفي وصية اختي الله يرحمها يدير بالو عليه.. المهم قبل ياخد قضيتك ليرفع قضية مخالعة لهاد زاهر طلاق غيابي.. وقال انو كل اللي صار معك بحق لالك اخد الطلاق فيها..
 
جنة :- يعني رح اتخلص من هاد زاهر
 
هادية :- اي بس سالت امك قالت رح تجيب الورقة يلي صار فيها زواج .
 
جنة :_ معقول امي بالاخر قررت..
 
هادية :- الورقة امك بتقول انها كانت مع جميلة.. وجميلة قبلت تعطي امك الورقة مقابل تتنازل امك لجميلة بأرض باسم امك بالضيعة
 
جنة :- العما شو هالحقارة
 
هادية :- اي معلش هي حقيرة لان عاشت مع عيلة حقيرة خليها تجيب الورقة وتصطفل منها لالهن..
 
جنة :- هاي الورقة بس بين ابي وهاد زاهر
 
هادية :- ماهو وكيلك كان يعني كنتي قاصر مابتقرري بشي وهاد لصالحك..
 
جنة:- هاد زاهر الملعون لهلق الشرطة ماعرفت مكانو
 
هادية :- امك سمعت من جميلة انو صار باوروبا هو وهاي نادية
 
جنة :- يعني ما ترك نادية لعبود
 
هادية :- لاء ما اعطاها لالو كلو فيلم بس.. وهاداك عبود لحقوا ع اوروبا ع قول امك ليدور عليه هونيك..
 
جنة :- شو هالعالم
 
هادية :- مابدك تسمعي الخبر التاني
 
جنة :- شو هو. خبريني
 
هادية :- بصراحة هاد الخبر مارح قولوا هلق بعد الطلاق بقولوا او بجوز مو انا اقولوا…
 
جنة :-دخيلك قولي لا تخبي عني شي
 
هادية :- والله كنت حابة قولوا بس قلت يطلع من صحابو احسن..
 
جنة :- احكي هادية
 
هادية :- لاء خلص مارح احكي شي..
 
(( ماقبلت هادية تحكي شي يومها.. ونسيت الموضوع لاجت امي وجابت ورقة الزواج من جميلة .. وكان هاد اول لقاء لالي مع مجدي.. كان عمري بيوما شي 24 سنة.. مجدي كان عمروا هون 29 سنة.. محامي ناجح وطموح.. ماكنت فكر باي شي لحظتا الا اني اخلص من زاهر بطلاق غيابي وبالفعل المحكمة الشرعية طلقتني طلاق غيابي وهون وصلت الورقة لابي يلي جن جنانو كيف اطلقت وصار عندو بنت مطلقة وكيف تم هالشي اللي لحد الان ماحد بيعرف انو امي هي يلي ساعدتني لاتخلص من زاهر…
 
هادية :- اي خالتي تعال ولو عاملتك احسن محشي ومو بس لحالي عملتو سدق انا وجنة.. اي لا تتاخر..
 
جنة :- هلق رح يجي..
 
هادية :- اي روحي شهلي حالك وغيري تيابك
 
جنة :- ليش شبني انا
 
هادية :- يابنت يعني مامعقول انتي… الشاب شايف وغشيان ومانو مسدق معقول ماحسيتي عليه..
 
جنة :- بلا بس يا هادية
 
هادية :- نفس موال كل مرة بتعرفي البير وغطاه اي بعرف البير وغطاه وهو قبلان بالبير وقبلان يكون غطاه حاجتك تتهربي الشاب رايدك وانتي كمان وانا شفت هالشي من نظراتكن سوا..
 
جنة : الله يسامحك هيك انا
 
هادية :- يعني بدك تخبي عليه شفتك من كم يوم عم تقلبي صفحتو بالانترنت وعم تقلبي بين الصور
 
جنة :- بس
 
هادية :- بس بس بس عم قلك هو شايف ومانو مسدق وانتي ماشاء الله ماناقصك شي..
 
جنة :- بس هو بيستاهل بنت مالمسها حد..
 
هادية :- وانتي البنت يلي هو بيستاهلها وحاجي تفكري كتير لانو هو ع الطريق وماعاد في وقت..
 
(( ومشي الزمن لاكون لشخص انا كنت بدي اياه وقبلتو بارادتي وبكيفي وبكل قوتي.. كانت البدايات مخيفة والذكريات لا تنتسى.. بس كانت الايام عم اداوي واتعالج قهر سنين. اللي بيريحني ع طول هو قوتي واصراري لاتحمل واكون بهاد المكان.. لاكون زوجة محبوبة واعية ومتعلمة واكون ام لطفلة عم علمها انها هي اساس الحياة وانها جوهرة غالية كثير ماحد يلمسها حتى لو لمعت بعيون الكل.. قصتي ماوقفت عندي بعرف انو في كثير قصص متلي وستات كثير انحرقت طفولتهن وماعاشوها.. وستات كثير وعيو ع الدني لقوا حالهن امهات وصار عندهن احفاد.. وبعدن بعمر صغير.. هالعادات مكانها ماكان بضيعة اهلي وبس.. هي متواجدة بكل مكان وبين زوايا كل بيت في قصص لامهات بتوجع القلب سواء اتزوجت صغيرة او اجبرت ع ابن عمها او قريب. لتتحسر بالاخر ع طفلها يلي اتاذى بسبب هالزواج.. وحاليا وقبل ما انهي القصة.. الورود يلي ببيوتكن بعدهن ماحان قطافهن.. بعدهن براعم صغيرة حتى لو ابلغوا واجسادهن اصبحت اجساد لعمر اكبر منهن.. بعدهن هالبراعم احساسيهن طفولية وعقلهن صفحة بيضا صغيرة… لا تفكرو بقطافهن الا وقت هني يقرورو بكامل ارادتهن.. اتركوهن يعيشوا زمنهن ولا تخافوا عليهن من انو يروح نصيبهم… تربية صالحة واشباع رغبات رح تنشا امهات صالحات وواعيات للزمن.. تربية ناقصة واستعجال بالزواج رح ينشا جيل امهات جاهل ومتخلف.و . محتاج وعندهن شعور قاتل بالنقص.. حتى لو اتزوجت بعمر صغير رح تشعر بعد سنوات زواج كثير انها كانت بحاجة لتعيش صباها وتعيش قصص الحب.. وحياتها رح تنقلب لخيانات وجحيم..وياما في قصص لزوجات بلشو يوعوا انهن ماعاشوا حياتهن رغم انها بتمتلك طفلين وتلاتة.. عواقب زواج القرايب والقصر كثير رح اترك التعليقات لتسردوا قصص لناس بتعرفوهن او سمعتو فيهن مصير حياتهن كانت للاسوء بسبب زواجهن لقرايب او بعمر صغير..
 
انتهت..

admin

اترك تعليقاً

لن يتم نشر عنوان بريدك الإلكتروني.

error: Content is protected !!