الملكة بقلم هلا غرابلي

الملكة بقلم هلا غرابلي

الملكة بقلم هلا غرابلي

الملكة بقلم هلا غرابلي
الملكة بقلم هلا غرابلي

الملكة بقلم هلا غرابلي الجزء الاول


المقدمة


كانت اعدة بغرفتها الصغيرة وعم تقرأ كتاب

كانت مندمجة كتير بعيونها العسلية وشعرها البني طويل وجسمها الرشيق الطويل وبشرتها حنطية كان عندها جمال خاص

فجأة وهي عم تقرأ بالكتاب بتسمع دق على باب البيت بطريقة جنونية وكأنو بدون يكسرو باب البيت خافت كتير وطب الكتاب من ايدها وقامت بسرعة طلعت من غرفتها

ليان(بفزع):ماما بابا شو في مين هاد

كانو اهل ليان خايفين مو عارفين شو بصير

حمدي:مابعرف بنتي رايح شوف

راح بسرعة منشان يفتح الباب ولحقتو امها وهي كمان فتح الباب ونصدم كانو جنود المملكة

حمدي(بخوف):جنود المملكة خير شو في

الجندي:عن أوامر بأنو نجيب بنت اسمها ليان وساكنا هون

بهديك اللحظة قلبها وقف من الخوف شو عملت لحتى ياخدوا هي بنت هادية وما بتطلع ولا الها مشاكل

كوثر: والله بنتي هادية وما بتطلع من البيت ليش لحتى تاخدوها والله بعمرها ما عملت مشكلة

ليان:والله يا سيدي انا ما لي عامل شي الله يخليك 😟

حمدي:فهمني بنتي شو عاملة

جندي:انا ما عندي معلومات الملكة طلبت نجيبها بسرعة من بعد اذنكون بلا مشاكل وخلونا نشوف شغلنا

وبأشر الجندي منشان ياخدوها بيدخلو وبمسكوها من ايدها وبصيرو يجروها وهي تحاول تملص حالها وتبكي وتترجاهون

ليان(تبكي):بترجاكون انا ما عملت شي دخيل الله تركوني ماما بابا احكولون اني ما عملت شي

حمدي:بنتي نحن متأكدين انك مالك عاملة شي روحي هلق معن ونحن جايين وراكي

كوثر:ما فيكن تاخدوها هيك طب شو تهمتها لك تركوهاااا وقفوو حمدي وقفهوم لا تخليهم ياخدوها اههه يا بنتي

كانت بتسمع امها كيف بتحكي قلبها عم يتقطع طب شو عملت لحتى عم ياخدوها وصارت تدعي لربها هي وعلى طريق يااا ربي انا شو عملت لحتى ياخدوني اههه ياربي😭

وصلوا على القصر كان شي متل خيال قصر كبير مزخرف بلون دهبي كان في حراس كلون لابسين نفس الطقم وباب القصر كبير والو زخرف مشتغل بأحترف دخلوني على القصر

الجندي:نزلي الملكة بأنتظارك

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الملكة بقلم هلا غرابلي الجزء الثاني


الملكة

وصلوا على القصر كان شي متل خيال قصر

كبير مزخرف بلون دهبي كان في حراس كلون لابسين نفس الطقم وباب القصر كبير والو زخرفة مشتغل بأحترف دخلوني على القصر

الجندي:نزلي الملكة بأنتظارك

نزلت من العربة ونفتح باب القصر ودخلت كان شي متل خيال سمعت كتير عن القصر بس الحكي مو متل الشوف اخدوني الجنود لعند جناح الملكة ودقوا الباب سمحتلون بدخول

الجندي:فوتي الملكة بأنتظارك

دخلت وصرت دور بعيوني بخوف على الملكة كانت واقفة بشموخ كانت علامات تقدم بالعمر مبينا على وجهه بس مالها مأسرة على جمالها

الملكة:كنت بأنتظارك شقد استنيت هل اللحظة اعدي بنتي

استغربت من طريقتها كانت عم تحكي معي بحنان

ليان:عفوا مولاتي ما بقدر جلالتك

الملكة:مافي داعي تقولي مولاتي اعدي بدي احكيلك قصة ولازم تسمعيني

استغربت كتير شو بدها تحكي مع بنت فقيرة لا و بدها تحكيلي قصة كمان

اعدت على الاريكة المطرزة بأتقان واجت الملكة اعدت جنبي وحطيت ايدها على وجهي بحنان

الملكة:يا الله شقد بتشبهي امك

استغربت اكتر مو فهمانة شي انا ما بشبه امي بشي حتى ناس بقولو اني مو بنتها

ليان:عفوا مولاتي بس انا ما بشبه امي ابدا

الملكة:كنتي صغيرة لما اعطيناكي لعيلة مزارع حمدي كرمال يحميكي وتكوني بأمان بعد ما امك جابتك ماتت وابوكي من حزنو عليها بعد بفترة مات صاروا يحاولوا يقتلوكي لانك من دم العيلة الحاكمة كرمال نحميكي عملنا هيك بعدناكي عنا وبعد ما يصير عمرك 18 رح نرجعك على القصر وليكي صار عمرك 18 وصار لازم تتزوجي من ملك ريان الي بكون ابني انتي بتكوني بنت اختي

دمعت عيني مو مصدقة هل عنجد كلامها صحيح ولا

ليان:وهلق لازم صدق مو هيك مافيكي تحكي شو مابدك لانك ملكة هههه شو بدك تضحكي علي يعني

الملكة:هي الحقيقة عملنا هيك كرمالك وكرمال مملكة وشعب لو ما عملنا هيك كنتي هلق مقتولة

ليان:طيب ليش بدون يقتولني ومين هنن اذا كلامك صحيح

الملكة: الاعداء اعداءنا كتار مابدون يجي وريث للمملكة مابصير الوريث الا اذا كانت الام وألاب من العيلة الحاكمة انتي وريان من العيلة الحاكمة لهيك كان لازم نحميكي

ليان(بدموع):كذب كلامك كذب اههه مافيكي تخربيلي حياتي بمجرد هاد الكلام انا بنت غير البنت الي عم تحكي عنها بترجاكي تركيني

الملكة ضمنتي وصارت تبكي

الملكة:مبلا انتي زمرد بنت اختي ما بتعرفي شقد تعذبت وانتي بعيدة عن مملكة انتي الملكة زمرد

ليان:لا مو انااااا مو انااا مالي مصدقتك

بعدتني الملكة عنها وقالت

الملكة:طيب شو مصلحتي جيب بنت من عامة الشعب واكذب عليها اهه قوليلي هلق انتي بصدمة بس تصحي منها رح نبدأ مراسم زواج ما عنا وقت

ليان:زواج شو انتي شو عم تحكي مارح اتزوج من حدا تركوني بحالي

الملكة:يا حراس خدوها

ليان:مافيكي تعملي فيني هيك مارح اتزوج حداا لك تروكني لوين اخديني بدك تزوجني بالغصب

الملكة:اذا طلب الامر اي خدوها هلق وخلي تحط عقلها براسها وتفكر لانو اذا ما وافقتي حمدي وكوثر رح ينسا العالم انو كانو موجودين

انصدمت من الي قالتو

ليان:شوو كيف فيكي تكوني هيك طب فرضنا انو انا بنت اختك كيف بتعملي فيني هيك وبتهدديني بأغلى ناس عندي وبدك تزوجني غصب عني

ملكة:بعدناكي عنا كرمال المملكة وهلق مافي عندي مشكلة زوجك غصب عنك كرمال مملكة

قرري وهلق خدوها

طالعوني من جناح الملكة كنت منهارة اخدوني على جناح تاني وانا على طريق كانت وحدة مبينا انو وحدة مهما بالمملكة عم تتطلع فيني بحقد بس انا ما هتميت دخلوني الجناح وقفلو علي

اعدت وصرت ابكي وانهرت ولا بعمري تخيلت يصير فيني هيك انا بنت فقيرة بنت مزارع اخر الشي اطلع ملكة اههه

بمكان تاني

كان على خيل بتفتل بالقصر كان وسيم كتير شعرو اسود طويل عيونو سود متل اليل طويل كتافو عراض ملامح وجهو حادة بنظرة بطبك بأرضك كان بعمر 28

اجت لعندو بنت حلوة طويلة عيونها زرق شعرها اشقر لابسة فستان سماوي وحاطة تاج معصبة كتير ونيران عم تطلع من عيونها

ميس(بعصبية):ريااان يا ريان

ريان اطلع عليه ونزل من على الخيل وابتسم وقرب منها بدو يضمها بس بعدتو عنها

ريان(بمزح):شبو الحلو معصب

ميس وزورتو

ميس:يعني ست الحسن اجت وامك بدها تزوجها ياك

تغيرت ملامح وجهو بسرعة

ريان:يعني زمرد رجعت

ميس:اي اجت وهلق هي بجناحها الخاص الي امك جهزتلا ياه وكل عم يقول رح تتزوجها بعد سبع ايام شو رأيك

ريان:يعني امي عملت الي كانت تقولا وهلق بدها تزوجني ياه

ميس:وانت مارح تعارضها ريان انت زوجي زوجي وبس مستحيل اتقاسمك مع حدا عم تفهم

ضمها ريان وصارت تبكي شو بدو يقلها هو وعد امو انو رح يتزوج زمرد اذا سمحتلو يتزوج من حبيبتو ميس بنت الوزير

ريان:اهدي رح احكي مع امي

بعدها عنو وراح لعند الملكة

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الملكة بقلم هلا غرابلي الجزء الثالث

ضمها ريان وصارت تبكي شو بدو يقلها هو وعد امو انو رح يتزوج زمرد اذا سمحتلو يتزوج من حبيبتو ميس بنت الوزير

ريان:اهدي رح احكي مع امي

بعدها عنو وراح لعند الملكة

عند الملكة

كانت عم تفكر بزمرد شو رح تعمل وهي عم تفكر اندق الباب

الملكة:ادخل

الحرس:مولاتي حمدي ومرتو وصلو وبدون يشوفوكي

الملكة:خليون يدخلو

دخلو وكانو متلبكين كتير وخايفين من الي بدها تحكي الملكة

الملكة: اهلا وسهلا كنت عم انتظركم تفضلوا اعدو

اطلعو ببعض وكأنو عرف شو بدها تقول اعدو

الملكة:صار الوقت حمدي انو ترجع الملكة زمرد على القصر بتشكرك على كلشي ولانك هتميت فيها هل قد وهلق بدي اطلب منكم طلب أخير بدي منكم تحكوا مع زمرد وتحكولها الحقيقية رح تقتنع منكم

كوثر ودموعها صارو متل المطر

كوثر:مولاتي بترجاكي لا تبعديها عنا نحن مالنا غيرها

حمدي وستجمع حالو بعد ما تزكر وعدوا للملكة لما اجت لعندو وطلبت منو يربيها لحتى يصير عمرها 18 وترجعها اخدها وحبها متل بنتو لانو ما كانو بجيبوا ولاد

نزل راسو بحزن وقال

حمدي:متل ما بدك مولاتي رح يصير

اطلع على كوثر الي انهارت وعطها نظرت انو ما بقدروا يعملوا شي

الملكة:تمام هلق الحراس رح يخدوكم لعندها وبعد ما تحكوا معها الحراس رح يوصلوكم ورح يعطوكم 200 دهب ورح تطلع من البلدة وما عاد بدي شوفكم سمعتوا

انخضعوا لأوامر الملكة

حمدي:متل ما بتأمري ومولاتي

الملكة:يا حراس خدوهم لعند الملكة زمرد

……..

عند الملكة زمرد

كنت عم ابكي على السرير وما عم اقدر صدق الي عم يصير معي طب ليش انا من بين ملايين بنات ليش لأنصدم بهيك واقع كنت شوي صدق وشوي لا شوي قول الملكة عم تكذب وشوي قول ليش للملكة تكذب علي كنت بدي موت من تفكير كنت عم حس هاد جناح حبس الي ومالو خلاص

بيقطع تفكيري صوت الباب

بطلع بشوف امي وابي يالله كأنو صرلي دهر مو شايفتم ركضت لعندون وضميتوم وصرت ابكي

زمرد:ماما بابا طالعوني من هون بترجاكون

بعدين ابي عنو وحكا بصرامة

حمدي:انتي مو بنتي انتي الملكة زمرد نحن ربناكي بأمر من الملكة وهلق صار الوقت تعرفي وتصدقي وتفكري بالشي الاصح ولي هو زواجك من الملك ريان كرمال مملكة وشعب

زمرد(ونزل دموعها على خدها بصمت):بهل بساطة بتحكي انكم مو اهلي وبدكم اتزوج كرمال المملكة وشعب الي خربولي حياتي فجأة هيك من دون انزار بيدخلو حياتي وبدون يزوجوني وكمان ملكة انا مابدي شي من هدول بدي كون ليان مو زمرد ولو هاد الشي حقيقة

حمدي اطلع بكوثر وأشرلها تحكي

كوثر:بنتي لازم تتزوجي من الملك هاد مصيرك من لما خلقتي انك تكوني زوجتو انتي الملكة زمرد مافي تغيري قدرك هاد قدرك واذا ما تزوجتيها رح يقتلونا انا وابوكي بترجاكي كرمالنا ما لنا خاطر عندك نحن ربيناكي 18 سنة ردينا جميلنا

كنت عم اطلع بأمي ودموعي بنزلو بس ما كان في رد شو بدي احكي بعد الي قالتو بتقلي روحي موتي وتزوجي بحدا ما بتعرفي كرمالون طب وانا انا مالي روح انا ما بحس

بعد صمت حكيت واستجمعت حالي

زمرد:طيب متل ما بدكن من هون رايح انا الملكة زمرد وانتو روح كملو حياتكم كأني مالي موجودة رح اتزوج الملك وجيب وريث مو هيك بدكم كلكم وهلق روحو من هون ما عد بيربطني فيكم شي طلعو لبراااا

وصرت صرخ كنت بدي كذب كلشي بس خلص الكل تخل عني انا مجبورة كون متل ما بدون فقدت سيطرتي على حالي وصرت ادفشهم وطالعهم بعدين طبقت الباب وصرت ابكي وصرخ لحتى يطلع هل وجع من قلبي واخلص

قمت جمعت حالي ومشيت لعند السرير وتسطحت وغفيت

……….

بمكان تاني

كان عم يمشي بسرعة رايح لعند الملكة طلع درج هو معصب لحتى وصل جناح الملكة

ريان:قولولها اني بدي شوفها

الحرس:حاضر مولاي

دقو الباب وسمحتلوم

ريان:ماما صحيح الي سمعتو اجت زمرد

الملكة:اي اجت وعرسكم بعد تلات ايام

ريان(بأستغراب):كيف تلات ايام ما فهمت امي حاج ما عاد فيكي تتحكمي بحياة ناس تركي زمرد مافيكي تتحكمي بحياتها

الملكة:انت عم تحكي هيك كرمالها ولا كرمالك شوف ريان انت وعدتني ومافيك تخلف بوعدك رح تتزوجو وألا ما عاد تشوف وجه ميس طول عمرك

ريان:امي انتي بدك تدمرينا كلياتنا بترجاكي

الملكة:عم اعمل هيك كرمالنا كلنا زمرد قدرك من اول يوم اجت فيه على دنيا بس انت عاندت قدرك وتزوجت بوحدة تاني بس مع هيك مافي مفر من القدر يا ريان

كان زواج بعد سبع ايام بس غيرت رأي رح يكون بعد تلت ايام لانو بعتقد زمرد تقبلت الحقيقة وصارت جاهزة

ريان:متل ما بدك يااا مولاااتي

وطلع بعصبية وكان بدو يكسر اي شي قدامو هو ما بدو شي غير ميس بس دأئما كانت زمرد عائق بحياتو بيكرهااا كتير

ـــــــــــــــــــــــــــــــــــــــــــــــــــــــــــــــــــــــــــ

الملكة بقلم هلا غرابلي الجزء الرابع

الملكة

وطلع بعصبية وكان بدو يكسر اي شي قدامو هو ما بدو شي غير ميس بس دأئما كانت زمرد عائق بحياتو بيكرهاااا كتير

…………….

ميس :بابا انا ما فيني استحمل انو حدا يشاركني بريان مستحيل اسمح بابا ساعدني ساوي اي شي منشان تمنع هاد زواج انت الوزير الملكة بتسمعلك

الوزير (بخبس):رح اعمل كلشي منشان ما يجي هل وريث وانتي كمان لازم تساعديني كرمال نوقف بوجه هاد زواج لانو اذا صار هاد الزواج كلنا بخطر انتي لازم تقنعي ريان يوقف بوجه الملكة وانا رح حاول مع الملكة مفهوم

صفنت ميس شوي

ميس:مفهوم

………..

عند الملكة زمرد

كنت نايمة وعم شوف كابوس كان في حدا عم يلحقني وبقلي بكرهك طلعي من حياتي رح اقتلك

فجأة بينفتح الباب بقوة وبفيق مرعوبة وبطلع مين فات بخوف

زمرد(بخوف):ممين اانت😧

اطلع فيها شوي يالله هي البنت الي ربطوني فيها من انا وصغير البنت الي كرهتا اطلعت شفتها خايفة اديشها حلوة وناعمة بس طارت هي الافكار من راسو وعصب من جديد وشرار صار يطلع من عيونو

ريان قرب منها ومسكها من ايدها بقوة ووقومها وطلع بعيونها وحكا

ريان(بعصبية):اناا لك انا الي دمرتيلي حياتي من اول ما خلقتي كرهتك انا الي مربوط فيك من كان عمري عشر سنين مافيني كون مع حب حياتي انا الي دائما كنت خايف من اليوم الي رح تجي في كرمال تدمريني انا رياااان الي رح صير زوجك

كنت مصدومة وخايفة ودموعي نزلو بسرعة كان عم يوجعني كتير يالله شقد هل انسان حاقد علي كيف بدو يتزوجني صرت اترجاه بعيوني يتركني

بصوت متقطع من البكه

زمرد:ان انا ماا لي دخل ترر كني بترر جاك اخخ اايدي

بوقتها حس على حالو شو عم يعمل يالله كيف فيو يعمل هيك مع هل مخلوق ناعم الي بينكسر من نسمت هوا

صفن بعيونها بعدين ترك ايدها وندار وحط ايدو على وجهو وصار يستجمع حالو

بعد ما تركني ركضت بسرعة وتخبيت بجنب الخزانة كنت خايفة منو كتير كان قلبي عم يدق بسرعة ياااا الله ساعدني انا وين وقعت

اندار ما شافها صار يدور عليها

ريان:وينك وين رحتي لك وينك

لمح حرف فستانها بجنب الخزانة حس اديش خافت منو

قرب من الخزانة وطلع فيها بعدين نزل لمستواها وحكا

ريان(بتأنيب ضمير):انا اسف ما كان بدي خوفك

دار ضهرو بدو يطلع اندق الباب وفاتت الخادمة نارمين

نارمين:اسفة مولاي ما كان قصدي بس الملكة طلبت مني جهز الملكة زمرد كرمال تقدمها للشعب اليوم المسا

هز براسو وطلع من جناح بسرعة راح على مكان الي لما بكون مزعوج بروح عليه الخيول

اما انا حسيت بطمئنين للحظة لما حكا معي بهي طريقة الي هزت كياني قربت مني الخادمة وقالت

نارمين:مولاتي سمحيلي لازم نروح على الحمام هنيك كلشي جاهز كرمال تكوني جاهزة للتقديم

زمرد:بس انا مابدي بترجاكي ساعديني طالعيني من هون

نارمين:مولاتي انا خادمة مافيني اعمل شي بترجاكي انتي تجي معي انا عبده مأمورة

زمرد مسحت عيونها وحكت بيأس

زمرد:فهمت يعني انا مجبورة روح وطيع أوامر الملكة طيب يالله خديني

اطلعت نارمين بشفقة على حالة زمرد بعدين حطت ايدها على كتاف زمرد وقالتها

نارمين: هاد قدرك… تفضلي

طلعتني من جناح وصرنا نمشي بصالون لحتى وصلنا لمكان فيو مسبح وفوقو ورود

اطلعت فيها قالتلي

نارمين:يالله شلحي وهلق هدى وياسمين بساعدوكي بالحمام انا رح جهز الفستان الي رح تلبسي يا هدى ياسمين تعالو ساعدو الملكة زمرد

قربو مني بسرعة واخدوني ساعدوني بشلح التياب ودخلوني على المسبح وصارو يحمموني انا كنت مستسلمة ما كان فيني اعمل شي كلشي مجبورة عليه ماحدا معي كلن تخلو عني

وانا بتحمم دخلت وحدة بتحكي بعصبية

ميس(بغيرة):اهلين بزمرد اوو لا بالملكة زمرد كيف عجبتك حياتك الجديدة

اطلعت عليها كأنو شايفتها تزكرت هي نفسها البنت الي كانت بتطلع علي بحقد

زمرد:عفوا بس مين حضرتك

ميس وقربت مني ونزلت لمستوي لأني كنت بالمسبح وقالت

ميس:انا الاميرة ميس زوجت الملك ريان يعني ضرتك يا حلوة

انصدمت شو بدي احكي بهيك موقف يعني كمان متزوج وهي مرتو شو بتكرهني ادركت بهديك اللحظة انو طريقي صعب وطويل

زمرد:تشرفت يا اميرة بدي تعرفي انو هاد زواج غصب عني مو بأيدي

ضحكت ضحكة سخرية وقالت

ميس:طبعا مجبورة ما احلاكي تكوني برضاكي حبيبتي رح تتعذبي كتير انت لسع ما بتعرفي مين انا رح دمرك ونسيكي حليب امك اهاا نسيت انتي يتيمة وما شربتي حليب امك

دمعوا عيوني لا اراديا يالله حسيت حالي عنجد يتيمة

بس مارح اسكتلها قلت لازم كون قوية لحتى واجهه هي مشاكل قلتلها

زمرد:ما تنغري بحالك كتير انا الملكة هون لو كنت يتيمة انتي مجرد اميرة مافيكي تتحديني

نغاظت كتير ميس وعصبت

ميس:لا شايفتك تأقلمتي بسرعة واخدتي دور مو كنتي مجبورة

زمرد وتصنعت القوة وضحكت بسخرية

زمرد:بس مع الامثالك لازم اتأقلم وطالمة مجبورة ومجبورة ليش بدي ازعل خليني افرح ما انا بلأخير ملكة ولي متلك بدون هيك جواب وهلق طلعي من هون بدي كمل حمامي لانو اليوم لازم كون جاهزة لتقديم

ماتت من قهرها ميس وقفت بعصبية

ميس:ماشي رح نتواجه يا زمرد

زمرد:الملكة زمرد

عصبت كتير ونادرات وطلعت وهي بدها تفقع قهر

ضحكت لانو نجحت غيظها كانت بدها تزعجني بس انا الي زعجتها

زمرد:كملوا يا بنات

……………………..……………………..……………

الملكة بقلم هلا غرابلي الجزء الخامس


الملكة

زمرد:بس مع الامثالك لازم اتأقلم وطالمة مجبورة ومجبورة ليش بدي ازعل خليني افرح ما انا بلأخير ملكة ولي متلك بدون هيك جواب وهلق طلعي من هون بدي كمل حمامي لانو اليوم لازم كون جاهزة لتقديم


ماتت من قهرها ميس وقفت بعصبية

ميس:ماشي رح نتواجه يا زمرد

زمرد:الملكة زمرد

عصبت كتير ونادرات وطلعت وهي بدها تفقع قهر

ضحكت لانو نجحت غيظها كانت بدها تزعجني بس انا الي زعجتها

زمرد:كملوا يا بنات

هدى:هههه مولاتي انتي قوية كتير

اطلت بهدى وتنهدت وقلت

زمرد:لا قوية ولاشي لو كنت قوية ما كنت هون وما كنت مجبورة اتزوج من شخص مابعرفوا ولا كنت حكيت مع هيك شكيلات

يالله خلونا نخلص بسرعة

هزوا براسون وساعدوني لخلص الحمام

………..

طلع على الخيل معصب وضربو فأسرع الخيل وطلعوا من القصر كان عم يفكر وخايف من فكرت زواج منها وكمان بدو يجيب منها طفل عقلو طار من الفكرة دار الخيل ورجع على قصر

…………..

عند الملكة

الملكة:نارمين كلشي جاهز

نارمين:اي مولاتي بس ضل تلبس الفستان ونزينها

سكتت الملكة شوي بعدين حكت

الملكة:كيفها عذبتك

نارمين:لا مولاتي تقبلت الفكرة وكان باين عليها استسلمت

تنفست بضيق الملكة ما كان بدها تعمل هيك معها بس لازم كان تقتنع

الملكة:ماشي فيكي تروحي مابقي وقت للتقديم استعجلو

نارمين:أمرك مولاتي

……….

كانت هدى عم تسرحلي شعري وياسمين بتحط مكياج كانو مشغولين كتير اطلعت على حالي بالمراية يالله أديش تغيرت اديش في فرق بين ليان وبين زمرد ليان بنت بسيطة كتير ام زمرد فا هيا الملكة الي لازم تتهتم بمظهرة

دخلت نارمين وكان مع فستان مخصص للملكات كان لونو احمر منفوخ من تحت وضيق من فوق ومطرز بحبات الولو الاحمر كان بجنن

نارمين:يالله خلصتو بسرعة منشان تلبسي فستان

هدى:اي خلصنا فيكي تلبسي

قمت واخدت الفستان

زمرد:فيني البسو لحالي ممكن تطلعوا

هزوا براسون وطلعوا

مسكت الفستان بأيدي وابتسمت كنت احلم البس فستان ملكات وهلق رح البسو

بدلت ولبست الفستان قربت من المراية ووقفت قدامها وصرت اطلع على حالي يا الله عنجد انا ملكة وكتيرر حلوة ما كنت عارفة حالي

زمرد:ههه ولا وطلعتي حلوة يا ليان

سكتت وتزكرت انا زمرد الملكة زمرد

زمرد:قصدي زمرد اووف يااه

رح اعدت على السرير وصرت انتظر لحتى يجوا ياخدوني

…….

ميس:حبيبي ساوي اي شي ومناع هاد زواج بترجاك

رد بعصبية

ريان:لك بكفي الي فيني مكفيني لو كنت بقدر امنعوا ما كنت منعتوا ما تحكي حكي فاضي وهلق البسي اتقديم قرب ما بدي امي تحكي عم تسمعي

انصدمت هي اول مرة بعصب عليها هيك

قالت بقلبها اذا من اولها هيك بكرا بسرعة بتاخدو مني

طلع من جناحون وراح على ساحت الاحتفالات

……..

اجت الملكة لعند زمرد

كانت اعدة وعم تستنى بينقد الباب

زمرد:تفضل

فاتت الملكة واطلعت بزمرد اندهشت بجمالها يالله اديش بتشبه امها بس زمرد لسع احلا

الملكة:زمرد طلعانة بتجنني كتير حلوة

خجلت زمرد من كلام الملكة

زمرد:من زوقك

الملكة:يالله تفضلي الكل بأنتظارنا خلينا ما نتأخر عليهم اكتر

هزت براسها وطلعو

……..

كان الكل بساحت الاحتفالات عم ينتظروا الملكة الجديدة لحتى تتقدم

فاتت هي ولملكة كانت عم تمشي وما عم تتطلع بحدا

انبهر الكل بجمالها ولما اجت عين ريان عليها جمد بأرضوا وسرح فيها وصار يطلع كيف بتمشي وكيف بتتحرك داب بجمالها

وقفت الملكة وزمرد عند ريان وحكت الملكة

الملكة: اهلا وسهلا بجميع بتشكركم كتير لحضور حفلة تقديم الملكة زمرد الي هي زوجة الملك ريان المستقبلية

صفق الكل

لما سمعت شو حكت الملكة بسرعة رفعت عيوني وطلعت فيها كان الفراس الي بتحلم فيه كل بنت كان كتير وسيم لتقوا عيونا مع بعض وسرحنا

الملكة انتبهت وابتسمت بعدين قالت

الملكة:يالله بدأو بلأحتفالات شغلوا الوسيقى

وطلعت عليهم

الملكة:يالله وانتو رقصو

انا تلبكت وهو قرب ومد ايدو

ريان:تفضلي

حطيت ايدي بأيدو بتردد بس لما دقرت ايدي بأيدوا حسيت جسمي كلو رجف

ومشينا لساحت ارقص مان في ناس بترقص

ريان وطلع علي وقال

ريان:بتعرفي ترقصي

تلبكت بزيادة انا مابعرف ارقص

زمرد(بزور بتحكي):لاا مم ما بعرف اررقص

هز براسو وقال

ريان:مافي مشكلة عيفي حالك الي وانا بعرف الباقي ماشي

وطلع على بنظرة سحرتني

هزت راسي بالايجاب بدون تردد

حط ابدو على خصري وحطلي ايدي على كتفو ومسك ايدي تاني وبلش يرقص ويحركني معو نسيت حالي وصرت بعالم تاني كنت مبسوطة كتير شي اول مرة بعيشوا حسيت بشعور حلو ابتسمت وطلعت فيو اطلع على بنظرة غريبة ما فهمتها نزلت عيوني وختفت ابتسامتي حسيت بالخجل

خلصت الرقص ووقف شال ايدو من على خصري وحك شعروا كنت صافنة فيو

ريان:صار لازم روح بشوف بعدين

وطلع من الاحفلة بسرعة

نزعجت كتير لانو مشي صرت حس الحفلة مملة

كان في حدا عم يطلع ونار الغيرة عم تطلع من عيونو كانت ميس فقدت اعصابها وراحت لعند ابوها بسرعة كان عم بحكي مع قادة بالمملكة

ميس:بابا ممكن تجي شوي

الوزير:عن اذنكون

ورح مع بنتو

الوزير:شبك شو في

ميس:بابا هلق بدك تتخلص من هي الي اسمها زمرد

الوزير:كيف بدك ياني اتخلص منها يعني حكيت مع الملكة بس سكرت الموضوع بسرعة انتي شو عملتي ما اقنعتي ريان

ميس(بعصبية):لااا قال مافيو يعمل شي لهيك بدي ياك اليوم تتخلص منها يعني اقتلها

الوزير ضحكت وابتسم بخبث

الوزير:طلعتي مالك قليلا طلعانة على ابوكي ههه لا تكلي هم انا الي رح اتخلص منهاا هههه

وضحكت كمان ميس وطلعت بزمرد الي كانت مالة كتير

ميس:رح ورجيكي شو يعني تتحديني هههه

ــــــــــــــــــــــــــــــــــــــــــــــــــــــــــــــــــــــــــــــــــــــــ

الملكة بقلم هلا غرابلي الجزء السادس

الملكة

خلصت الحفلة تقديم واجت نارمين واخدتني على جناحي

نارمين:فوتي استريحي بتكوني تعبتي وهلق ببعتلك هدى تساعدك بتبديل تيابك

ابتسمتلها بتعب ودخلت جناح كنت تعبانة كتير وبس بدي ناام بس كان لازم بدل واغسل جسمي مشيت شوي بجناح فجأة اجت صورة ريان بعقلي ابتسمت لا اراديا فجأة ليندق الباب عرفت انو هدى اجت

زمرد:فوتي هدى

دخلت هدى بس كان مبين عليها الخوف ومتلبكة كتير وكان بأيدها كاسة استغربت

هدى:بس ما كون تأخرت عليكي

زمرد:لا ما تأخرتي شو هاد الي بأيدك

واشرتلها على كاسة

هدى وتلبكت وخافت اكتر

هدى:هي هي كااسة حليب الك

ابتسمت بسرعة وجيت اخد الكاسة الحليب لانو بحبو كتير

زمرد:شكرا

واخدتو من ايدها وجيت بدي اشربها بس بأخر لحظة هدى بتضربلي ايدي وبطب الكاسة على الارض انا نصدمة من تصرفها

زمرد؛ ليش هيك عملتي هدى

هدى صارت تبكي واعدت بالارض وتطلب مني سماح

هدى:مولاتي بترجاكي سامحيني والله هي الي جبرتني

ما فهمت ليش بدها سامحها نزلت لعندها ومسكتها من ايدها وسألتها

زمرد:شو قصدك ما فهمت

هدى وطلعت علي بعيون باكي وخايفة

هدى:مولاتي هي الاميرة ميس حطتلك سم بقلب الحليب وأمرتني انو خليكي تشربيها واذا ما نفذت أومرها رح تقتلني دخيل الله سامحيني

انا فتحت عيوني على وسعن ما عم استوعب وصل الحقد والكره لتقتلني يالله كانت على لحظة بدها تموت

زمرد:ليش ليش بدها تقتلني انا شو عملتلها

هدى:يمكن من غيرتها منك لانك رح تتزوج الملك ريان

زمرد:مارح اسكت على هاد الشي ابدا هلق بدي روح لعند الملكة وقلها وانتي رح تروحي معي

هدى وخافت ومسكتني من ايدي وصارت تترجاني

هدى: دخيل الله مولاتي لا تروحي والله الاميرة ميس بتقتلني

طلعت عليها وطمنتها

زمرد:لا تخافي انا رح احميكي بعدين الملكة لما رح تعرف مارح تعيفها هون يالله خلينا نروح

طلعنا اتا وهدى ورحنا بسرعة لعند الملكة وقفنا عن الحراس

زمرد:قلها الملكة زمرد بدها تقابلك ضروري

دخل الحراس وقلها وسمحتلنا بدخول

زمرد:مولاتي في شي ضروري لازم تعرفي

الملكة بخوف وقربت مني

الملكة:خير شوفي احكي

زمرد:مولاتي ميس حاولت تقتلني

الملكة:شووو شو عم تحكي

زمرد:مولاتي حطتلي بالحليب سم وعطتوا لهدى كرمال اشربو وموت مو هيك هدى

هدى هزت براسها بالايجاب

هدى:ااي مولاتي صح هاد الكلام وكمان هددتني اذا ما عملت هيك بدها تقتليني وكمان ابوها الوزير كان معها

الملكة انفجرت من الغضب وبسرعة طلبت من مسؤولين المملكة يجتموعوا بقاعة الحكم وأمرت يعتقلوا ميس والوزير بسرعة ويجيبون على قاعة الحكم

………

كانت مبسوطة كتير وعم تنظر خبر موت زمرد كان ريان جنبها نايم وفجأة بيندق الباب بقوة بتضحك بتفكر انو هاد خبر موت زمرد

بقوم ريان بفزع

ريان:لك شوفي شو صاير

طلعوا لبرا بسرعة ميس وريان

ريان:لك شوفي لي هيك عم تدقو الباب

الجندي:مولاي معنا أوامر انو ناخد الاميرة ميس معنا على قاعة الحكم

ميس فتحت عيونها على وسعهن ونصدمة

ميس:ليش شو عملت انا

ريان:ليش بدها تروح على قاعة الحكم شو عاملة

الجندي:مولاي انا ما بعرف هي الاوامر وانا بنفذ بس يالله تفضلي مولاتي

ريان مصدوم وما عارف شو عم يصير اخدوا ميس على قاعة ولحقها ريان

……….

بقاعة كان الكل عم يستنى الكل بدو يعرف شو صاير وليش بهاد الوقت من الليل طلبت الملكة يحضروا وميس والوزير كانو قدام الملكة بموقع المجرمين وريان كان بدو يعرف ليش الملكة اعتقلت ميس

الملكة:بعرف الكل عم يسأل ليش استدعيتكم

انا استدعيتكم كرمال حكم على الاميرة ميس والوزير الي كنا واثقين فيها وعاطينوا شؤون المملكة وهو خانا وكان بدو يقتل ملكتنا زمرد هو والاميرة ميس لهيك انا بصدر حكم بسجن الوزير مدة الحياة وميس نفيتها عن المملكة ورح تتجرد من كل حقوقها وهلق خدوهم وحطوهم بسجن

رياان:مولاتي شو عم تحكي ميس مستحيل تعمل هيك

ميس:اي مولاتي انا ما بعمل هيك اكيد هاد افتارأ

انا كنت عم اسمع بس لما صارت تبرأ حالها ما قدرت اميك حالي لك كانت بده تقتلني

زمرد:لاا كنت بدك تقتليني لا تكذبي لك انتي شو لك انا شو عملتلك لحتى تحاولي تقتليني

ميس فقدت اعصابها واعترفت لحالها

ميس:هههه شو عملتيلي لك انتي اخدتي كلشي مني واخدت ريان زوجي مستحيل اسمحلك رياان الي وبس

الملكة:بكفي خدوهاا

الجندو مسكوا ميس واخدوها

وريان نزلوا دمعوا ما كان متوقع ميس توصل لهل مرحلة اطلع بزمرد الي كانت بتطلع عليها زورها وطلع بسرعةة

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الملكة بقلم هلا غرابلي الجزء السابع

الملكة

فتت على جناحي عم فكر بريان يالله هلق شقد بكون مقهورة عليها بكى عليها شقد بيحبها كنت مزعوجة من هل فكرة كتير

اطلعت على السرير كان عليه غراض لانوم بدلت تيابي ولابستون وتسطحت ونمت

………..

مروا التلت ايام بسرعة ما شفت فيون ريان ابدا ما بعرف عنو شي كنت بهل تلت تيام بجناحي وتجي الملكة ونارمين يجيبوا فساتين يخلوني جربون وفصلولي فستان العرس صرت اتأقلم بفكرة اني صرت ملكة

لأجى نهار العرس الي فيو رح كون زوجة الملك ريان

…………

نارمين:صرتي جاهزة ملكة زمرد اطلعي على المراية

اطلعت على المراية كان الفستان ابيض منفوخ من تحت وضيق من فوق ومطرز بألماس وعليه وردات بيض،صغار وألو فتحة ضهر من ورا ومكياج كان خفيف وشعري كان مرفوع

زمرد:يالله شقد حلمت بالفستان الابيض بس ما كنت متوقعة ابدا انو ألابسو وانا ملكة

وضحكت يالله على الايام شقد فيها مفاجأة

دخلت الملكة على جناحي وابتيمت وقالت

الملكة:طلعانة بتجنني الله

يباركلكم يارب يالله الكل بأنتظارك لحتى نبدأ بمراسم زواج

هزيت راسي ومشيت مع الملكة

رحنا على قاعة الاحتفالات كانت مزينة بورود بيضة كان بجنن فتنا على قاعة صرت دور بعيوني على ريان لحظة انا لمحتو درت وجهي بسرعة اطلعت فيها كان مبين عليه تعب والارهاق والحزن مالو مبسوط ابدا

نزلت راسي بحزن وكملت مع الملكة وقفنا قدام ريان الي اطلع علي بنظرة غريبة حسيت بدو يقتلني بأرضي شلت عيوني عنو بسرعة

عند ريان

كان تعبان كتير ومحمل كلشي على زمرد يالله شقد بيكرها اخدت كلشي بحبو وهلق اخدتلو ميس كانت مشاعروا ملخبطة اوقات بيعطف عليها وأوقات بريد يقتلها

الملكة:يالله روحو رقصو هلق وبعدين منعقد القران

قرب مني وهو زاوني مسك ايدي بقوة وجعني اطلت عليه وقلتو

زمرد:بتوجعني

قرب من ادني وقال

ريان:بكرهك

حسيت كأنو حدا ضربني كف على وجهي يالله كيف رح كون زوجتو لك بيكرهني نزلت دمعتي بسرعة

شدني واخدني على ساحة الرقص وبلش يرقصني

زمرد بحزن

زمرد:ليش انا شو عملتلك

ريان:مابكفي الي صار بعدتي ميس عني

زمرد:حاولت تقتلني

ريان:من حبها الي

زمرد:انا شو ذنبي انا هون عم اتزوجك غصبا عني

ريان:انتي متأكدة غصبا عنك لانو لما بتكوني بين ايدي ما بحس انك مجبورة

كسرلي كبريائي بكلامو طلعت عليها وانا مستحقرتو

زمرد:مافي تحكي عني هيك تركني مابدي ارقص معك

ودفشتو ورحت لعند الملكة

الملكة:شوفي ليش جيتي لسع ما خلصت رقصة

زمرد:ما جاية على بالي ارقص

الملكة:ماشي يالله معناتها نبدأ بعقد القران

هزت راسي بعصبية

زمرد:متل مابدك مولاتي

الملكة بصوت علي :اهلا وسهلا فيكوم بتشكركم لانكم لبيتوا الادعوا اليوم عرس الملك ريان والملكة الزمرد وهلق رح نعقد القران بتمنى الكل يرجع لمحلوا

صفقوا الكل

واعدت انا وريان على طاولة عقد القران وبدأ

عاقد القران:انتي الملكة زمرد بتقبلي زواج من الملك ريان

اطلعت عليه وانا معصبة منو كتير وطلعت بالملكة الي كانت بتهز بارسة لحتى قول اي

زمرد:موافقة

صفقوا الكل

عاقد القران:وانت الملك ريان بتقبل تتزوج الملكة زمرد

اطلع على وابتسم ابتسامة سخرية

ريان:اي موافق

صفقوا الكل

عاقد القران:مبروك بعلانكم انكم صرتو زوج وزوجة

قلبي صار يدق بسرعة صرت زوجتو اطلعت عليه كان بطلع علي بنظرة فيها شر

خلص العرس واخدوني على جناح الي جاهزوا النا انا وريان

نارمين:تفضلى مولاتي

دخلت عليه وانا خايفة كتير

اطلعت كان مزين فيو سرير وعليه ورد وخزانة كبيرة وكمان مكان لتزيون

زمرد وبلعت ريقها

زمرد:هلق بدو يجي الملك ريان

نارمين:اي نولاتي هلق بيجي يالله عن اذنك

طلعت وتركتني لحالي انا خفت كتير يالله هلق شو بدو يصير

مافي شوي الي نفتح الباب بقوة انتفضت بخوف وطلعت كان ريان ومبين عليه معصب كتير اطلع علي وابتسم بطريقة مرعبة خفت كتير وصرت ارجع لورا

ــــــــــــــــــــــــــــــــــــــــــــــــــــــــــــــــــــــــــــــ

الملكة بقلم هلا غرابلي الجزء الثامن

مافي شوي الي نفتح الباب بقوة انتفضت بخوف وطلعت كان ريان ومبين عليه معصب كتير اطلع علي وابتسم بطريقة مرعبة خفت كتير وصرت ارجع لورا

صار يقرب مني اكتر وانا ارجع لحتى وقعت على السرير وهو لسع عم يقرب وابتسامة نفسها على وجهو

زمرد (بخوف):شششبك رييان

ضحك بصوت عالي

ريان:يالله ما احلاكي وانتي خايفة من هون ورايح بدي شوفك هيك دائما هااهاا

نزلت دمعتي

زمرد:ليش عم تعمل هيك

وقمت من على السرير وبدي امشي مسكني من ايدي بقوة ودارني لعندو

ريان وشرارة عم يطلع من عيونو

ريان:لاني بكرهك

اطلعت عليها وجمعت كل قوتي وحكيت

زمرد:مافيك تكرهني

عقد بحواجبو وسأل

ريان:هه ليش

زمرد:لاني ما عملت اي شي كرمال تكرهني اول اتعامل بهي طريقة عم تفهم وهلق تروك ايدي عم توجعني

طلع فيني وبجكر شد على ايدي اكتر

ريان:كل هاد ولسع بتقولي ما عملتي شي ولا بتستحقي هي المعاملة

حكيت بقوة وجكر في صرت بدي ازعجوا اكتر

زمرد:اي ما عملت شي وما بستحق هي المعاملة

عصب مني وصرخ بوجهي

ريان:لك انتي شو لك من انا وصغير محكوم بأني اتزوجك كان ممنوع علي الحب بس مع هيك حبيت بس انتي جيتي واخدتيها مني كمان ولسع بتقولي ما بتستحقي

عصبت منو كتير ورديت عليه بنفس طريقة

زمرد:لك انا الي لازم اكره مو انت انا الي جيت لهون غصب ونفرض على كون ملكة واتزوجك بالغصب وبسببك وبسبب المملكة كنت بدي موت وجاية تقلي بكرهك لك انت لازم تخجل مني لك انااا بتمنى لو هاد كان كابوس واصحة منو ياريت ما شفتك بحياتي ابدا

بوقتها فلت ايدي وحس على حالو واعد على حد السرير وحط ايدو على وجهو

اما انا دموعي عبو وجهي وحكيت بقوة وصرامة

زمرد:ريان بتمنى تطلع من الغرفة

رفع راسو وطلع فيني وكأنو ندمان وقف وقرب مني وحكا

ريان:اناا اناا اسف زمرد بس انا من يومين خسرت اكتر انسان بحبو لهيك كان لازم حط الحق على حدا وانتي كنتي اول حدا بوجهي فحملتك مسؤلية خسارتي لميس

ندرت وحكيت بصرامة

زمرد:طلاع ريان بترجاك مابدي احكي معك

نزل راسو بيأس وطلع برات الجناح

انا هون نهرت بالبكى كانت هي اول ليلة زواج لك ليش هيك حظي اهه ياربي قربت من السرير وتشطحت وصرت ابكي

زمرد:بكرهكم كلكم ما حدا حبني منكم كلكم تخليتوا عني عند كنت بحاجتكم امي ابي الملكة وحتى انت بكرهكككك انت بتحبها لميس بس بتكرهني ليششش انا شو عملت لحتى تكرهني كلكم بلا احساس ولا ضمير كل واحد داير على حالو وانا كنت ضحيت مملكتكم اهههه ان شاء الله موت واخلص

تعبت كتير قد ما بكيت وغفيت من تعب

…………….

مر يومين ما شفت فيون ريان ابدا نسيت الي صار شوي وصرت اسأل عنو مابعرف ليش بس في احساس يقلي سألي

كانت ياسمين بتسرحلي شعري

فضولي قتلني ما عدت قدرت بدي أسال

زمرد:ياسمين

ياسمين:اه مولاتي

زمرد:وين الملك ريان

ياسمين ضحكت وقالت

ياسمين:مولاتي على حسب علمي انو عم يقضي وقتو عند الخيل لانو لما يكون مزعوج بروح لهنيك

اطلعت فيها وسألتها بفضول

زمرد:وبرأيك شو الي بكون زاعجوا

ياسمين:انا مابعرف مولاتي انتي زوجتو لازم تكوني بتعرفي

ساويت حالي بعرف ويعني زوجة وهيك

زمرد:اه طبعا بعرف بس بدي شوف بتعرفي انتي كمان هه

ياسمين وابتسمت ابتسامة انو كاشفتك

ياسمين:اي وانا عم قول هيك اكيد بتكوني بتعرفي

سكتت شوي وصرت فكر

زمرد:ياسمين ممكن تاخدين هلق عند الخيل

ياسمين:،طبعا مولاتي متل ما بتأمري

فرحت كتير كنت بدي شوف مابعرف بس كان في شي عم يدفعني لروح يمكن لانو تفهمتوا وحسيت فيه او حتى يمكن شفقت عليه

لبست احلى فستان عندي وتزينت وحطيت مكياج

زمرد:كيف حلو

ياسمين:بجنن متأكدة رح يطير عقلو للملك

انا وصرت برر

زمرد:لا انا مو كرمال هيك عم البس

ياسمين:لكن

زمرد:هيك لانو حبيت البس بصير مو هيك مافي مانع

ياسمين؛طبعا طبعا ليش ليكون في مانع تفضلي لانروح

طلعنا انو وهي وانا كنت متلبكة كتير وصلنا محل الخيول صرت دور عليه بعيوني شفتو كان اعدة عم يطعمي الخيل ياالله قديش حلو صفنت فيها ما حسيت الا ندار علي وصار يطلع فيني

خجلت كتير وقف وقرب مني

ريان:زمرد شو عم تعملي هون

تلبكت كتير من سئالو

زمرد:اهه انا جيت كرماال كرمال

ريان وبطلع علي بطريقة بتفقدني صوابي

ريان:كرمال شو

فورا خطرلي قلو

زمرد:جيت كرمال قلك انو قبلت اعتذارك وتفهمتك

حسيت كأنو فتحتلو جرحو

ريان:ايوا فهمت اي وهلق

زمرد:امم مابعرف شو هلق

ريان وصفن فيني بعدين حكا

ريان:بتعرفي تركبي خيل

زمرد:لا مابعرف ماركبت من قبل

ابتسم بطريقة بتجنن وحكا

ريان:ماشي تعالي علمك

ومسكني من ايدي وشدني وراح لعند الخيل

ريان:ركبي

زمرد(بخوف):خلص بلاها مافي داعي والله

فرط ضحك علي وانا صفنت بضحكتو يالله عم حس بشعور بجنن

ريان:هههههه ليكون بتخافي ههههه لك طلعي بس لو تشوفي شكلك ههههه

ابتسمت لا اراديا

زمرد:لا رح اركب مالي خايفة

ريان:ههه اي يالله طلعي

زمرد:مابعرف

ريان:بساعدك

قرب مني ومسكني من خصري ورفعني وحطني على الخيل حسيت بكهربة بكل جسمي بلعت ريقي بصعوبة

ريان:يالله رح اجي اركب وراكي لعلمك

وابتسم وطلع وراي ومسك رسن الخيل وشدو وطار فينا الخيل انا غمضت عيوني بخوف ومسكت ايدو

زمرد:وقفو دخيل الله انا خايفة كتير

قرب راسو علي وحط ايدو على خصري وشدني الو ومسك رسن بأيد وهمس بأدني

ريان:ما تخافي انا معك

……………………..………….

الملكة بقلم هلا غرابلي الجزء التاسع


الملكة

زمرد:وقفو دخيل الله انا خايفة كتير


قرب راسو علي وحط ايدو على خصري وشدني الو ومسك رسن بأيد وهمس بأدني

ريان:ما تخافي انا معك

حسيت بشعور بعمري محسيتو يالله حسيت بأمان تمنيت يوقف الوقت

عم عند ريان كان كتير مبسوط ونسي حزنو مع زمرد

زمرد:ريان

ريان:شو

زمرد:ممكن نصير اصدقاء

ضحك وقال

ريان:طبعا اخسن من ضل نتخانق

فرحت كتير قضينا وقت حلو ونحن على الخيل اخدني على مزارع ورحنا على البحيرة وبعدين رجعنا على القصر

ريان:تعي ساعدك

مسك ايدي ونزلني من على الخيل تلاقوا عيونا ابتسمت بخجل وقلت

زمرد:شكرا ريان

ريان:على شو

زمرد:على الوقت الحلو بعمري ما فرحت قد ما اليون فرحت

ريان فرح عند سمع كلامها

ريان:اهه فرحت لانك فرحتي

ضحكنا سوااا

زمرد: هههه حلوة هي فرحت لانك فرحتي

ريان:اي ههه

حكيت بعفوية وبسرعة

زمرد:يالله تعال نروح

ريان وعقد حاوجبو بأستعجاب

ريان:لوين بدنا نروح

زمرد:على جناح

اطلعنا ببعض وانا حسيت على حالي شو حكيت وحمروا خدودي وصاروا متل البندورة

زمرد (بخجل):يعني قصدي انو مو صرنا اصدقاء اي يعني لازم نقضي وقت مو اكتر

حس انو خجلت فأبتسم ابتسامة بتجنن دوبتني

ريان:ايوا فهمت عليك طيب ماشي انتي سبقيني روحي وانا بجي وراكي

ابتسمت

زمرد:ماشي

مشيت شوي ورجعت ندرت عليها كان عم يطلع ابتسمت وندرت ورحت على جناحي اول ما دخلت كان دقات عم يدقو بسرعة صرت ارقص وغني يالله شقد مبسوطة

شوي اندق الباب وقفت بسرعة وبلعت ريقي وطلعت على مراية اذا حلوة ولا لا بعدين قلت

زمرد:فوت

دخل ريان وكان متلبك مو عارف شو بدو يعمل

انا شفت هيك حبيت افتح موضوع

زمرد:اي كيفك

ريان:منيح

زمرد:تفضل أعود

اعد ريان على الكنبة وانا اعدت مقابيلو وسكتنا وصرنا نطلع ببعض شو بدنا نحكي

زمرد:اي

ريان:اي

ضحكنا سوا

ريان ومتلبك بعدين صار يحكي

ريان:زمرد انا مبسوط لاني معك وكماان انا انا عم حس شي لما بكون معك

تلبكت كتير يالله عم يقول عم يخس بشي تجاهي يعني متلي

زمرد:اي وكمان

ريان:مابعرف شوو رأيك نحاول يعني

عقدت حواجبي بأستعجاب

زمرد:نحاول بشو

ريان:نحاول نكون سوا

سكت وصار يطلع على ردت فعلي

اما انا كنت بقلبي مبسوطة وطايرة بس ما عدت اعرف شو احكي

زمرد:اهه يعني ما بعرف اننت هيك رأيك

ريان:انت ما عم تحسي شي تجاهي

خجلت ونزلت راسي وابتسمت ابتسامة صغيرة بعدين جرأة خالي وحكيت

زمرد:صراح اي

ابتسم ودار وجهو بعدين وقف واجى اعد جنبي ومسك ايدي ورفعلي وجهي واطلعت فيو كان عم يطلع علي بطريقة فقدتني صوابي

ريان:زمرد انتي حلوة كتير وخاصتا لما بتكوني خجلانة

انا قلبي كان بدو يوقف قد ما كنت متوترة وهداك الحساس الي عم يقطعلي نفسي فصرت خربط بالكلام

زمرد:اكيد قصدي تسلم

ضحك علي وصار يقرب مني بعدين ضمني وحكا بهمس

ريان:شكرا لانك دخلتي حياتي كنت مفكر الي عشتو مع ميس الحب بس هلق عم عيش شي جديد بعمري ما عشتو من قبل صرت أمن انو هاد الحب

بعدعني وحط ايدها اتنتين على وجهي

ريان:في رابط قوية بيني وبينك كلامك بأثر فيني وبغيرلي تفكيري يمكن لانك قدري

انا كنت بدي دوب بين ايده وقلبي دقاتو صاروا مليون بثانية

زمرد:عم حس بشي غريب رح عم يدق قلبي بسرعة

ابتسم وضمني بقوة

ــــــــــــــــــــــــــــــــــــــــــــــــــــــــــــــــــــ

الملكة بقلم هلا غرابلي الجزء العاشر والاخير

الملكة

عدت الايام وصرت انا وريان كتير قراب من بعض حتى صار يجي نام عندي بجناح اوقات والاوقات نضل عم نلعب انا وياه ليطلع الاضو

بس ما عترفلي بحبو ابدا ولا انا لحتى اجى اليوم هاد الي هو اسعد ايام حياتي

فات ريان لعندي مبسوط كنت مجهزة حالي وكنت رح خلص حط مكياج قرب مني وضمني من ورا وصار يشم شعري

ريان:يالله ريحتك ما اطيبها

خجلت ونزلت راسي

ريان ودارني لعندو

ريان:اليوم عاملك مفاجأة

انا وصار عندي فضول

زمرد:مفاجأة شو هي قلي يالله

ريان:عم قلك مفاجأة كيف يعني قلك

زمرد:بدي اعرف هلق هلق

ريان:لا مافي

صرت اضربو على صدرو بعدين صار يلحقني وانا اهرب

زمرد:ما رح تحسلي لاااا

ريان:ههه مسكتك

مسكني وقرب من ادني

ريان:نارمين رح تجي بعد شوي ورح تساعدك لحتى جهزي حالك

عقدت حواجبي

زمرد:ليش شو اليوم في حفلة

ريان:شو مو قلتلك في مفاجأة

ابتسمت واطلعت فيه يالله شو بحبو

باسني من خدي وطلع وانا تسطحت على السرير وانا فرحانة

……………

ريان:ماما انا اليوم بدي اعترفلها بحبي

الملكة ونزلت دمعتها

الملكة:ان شاء الله ضلو مبسوطين

ريان:ماما انا بتشكرك لانك دخلتي على حياتي زمرد زمرد غيرتلي حياتي انا مبسوط كتير بعمري ما فرحت هل فرح لما بكون معها بحس دنيا حلوة كتير

الملكة:قلتلك زمرد قدرك ومافيك تهرب منو

ابتسم ريان

ريان:واحلى قدر

ضحكوا سوا هو ولملكة

……….

ساعدتني نارمين بلبس لبست فستان كحلي مطرز وحطيت مكياج خفيف وسرحت شعري

نارمين:طلعنا بتجنني مولاتي

ابتسمت وقلتلها

زمرد:شكرا نارمين بس بدي اسألك

نارمين:اي مولاتي

زمرد:شو في اليوم

ابتسمت

نارمين:مافيني قلك مولاتي الملك ريان منبه الكل ما يحكيلك شي اذا حكيت بتعاقب

ضحكت وقلت

زمرد:هيك لكن

……

كان مجهز كلشي عن البحيرة مزين وحاطط طاولة وكراسي وورود بيض بكل مكان ومشغل شمع ولابس أسود

اجى لعندي على جناح وحطلي ربطة على عيوتي واخدني

زمرد:لوين اخدني

ريان:ما تستعجلي رح تعرفي

اخدني على البحيرة وشلي ربطة اطلعت حولي كان كلشي متل الخيل ضحكت وفرحة من قلبي

زمرد:عملت هاد كرمالي

ريان:طبعا حبيبتي

اطلعت فيو بسرعة عند قال حبيبتي

ريان وقعد على نص رجل ومسك ايدي

ريان:انا بحبك زمرد انا بعشقك بتمنى نكمل عمرنا سوا بعرف انو متزوجين بس بدي يصير زواجنا حقيقي

نزلو دموعي من الفرحة

زمرد:وانا كمان بحبك

وقف ومسحلي عيوني

ريان:مابدي شوف دموعك من هون ورايح رح نضل فرحانين

زمرد:اكيد بس هدول دموع الفرح

ريان وطالع طوق الماس وشلي شعري على جنب وحطوا على رقبتي

ريان:بتمنى يعجبك

زمرد:بجنن

ريان:يالله تفضلي ناكل

زحلي الكرسي واعدت وهو اعد معي وصرنا طلع ببعض على ضو القمر

كان احلى يوم بعمري ♥️♥️♥️♥️♥️

……………

بعد عشر سنين

صار عنا ولاد وبنت وجبنا الوريث المملكة

الي صارت كل هل قصة كرمالو

أحبك وكأنك قد وضعت أمانة في عنقـي وكأن أمـك قد أستودعتـك في قلبـي ومضت مطمئنـة ، وكأن الكـون كلة قـد أوصـاني عليك 💜احبك

♥️♥️♥️♥️♥️♥️♥️♥️♥️♥️♥️♥️♥️♥️

(النهاية) 💙




admin

اترك تعليقاً

لن يتم نشر عنوان بريدك الإلكتروني.

error: Content is protected !!