لغز العشاء بقلم جمايكا

لغز العشاء بقلم جمايكا

لغز العشاء بقلم جمايكا

#لغز_العشاء
#بقلم_جمايكا_احمد

لغز العشاء بقلم جمايكا
لغز العشاء بقلم جمايكا

لغز العشاء بقلم جمايكا الجزء الاول..


حياتنا عبارة عن انطواء واكتئاب وخوف وهروب قدر المستطاع،. انك تعيشي بجو عائلي هادئ ودافي وكلو اهتمام وحنان هي مجرد مشاهد تمثيلية كنا نشوفها بشي مسلسل سوري او مصري.


اما بواقعنا وحياتنا الطبيعية كانت مجرد احلام، هيك ربينا ع الخوف والجحود، ثلاث اخوات واثنين اخوه، اللي يشوف اخواتي من الخارج يحسدنا عليهن طول بعرض بشوارب ورجولة خشنة وثقافة وزوق واهتمام، بس مو معنا لاء هالحكي كان برا هالباب الحديد.. برا باب البيت..وهون بين هالحيطان اول مانسمع صوتن صار بالبيت كنا نختفي نترك كل شي بايدينا او نقوم من مكانا، ينطفي التلفزيون، وتنترك اللقمة من الايد،. ويخلص اخد الحمام..

سامر :- سم الهاري طالعة تهرسي نازلة تهرسي مابترحمي بدك ماكينة تصرفلك اكل..

ابراهيم :- كل يوم حمام عروس اسم الله عليكي واللي بشوفكن ريحة الجيف والخمة بتبخ منكن بخ..

سامر :- مافي شغلة ولا عملة وراكي الا التلفزيون طفيه وقومي انصرفي حطيلي اتزهرم اكل لقمة..

ابراهيم :- هاتي وجهك من الجزامة لإلبسو بدي اطلع مشوار. خلصي..

( هيك كانت طريقة الحكي والمعاملة بقلب البيت، ماكنا نقدر نحكي حرف واذا اعترضنا كانت الايد تترفع علينا وننضرب.. واحيانا الكف مايبرد قلبهن…. وبحزام البنطلون ننضرب، واحيانا كابل الكهرباء.. هالشي ماكان يشفي غليلهن.. كان الحرمان والضرب والاهانة حياتنا..

ومن بلشنا نوعى ع الدني لقينا باب البيت انقفل بوجهنا ماعاد لازم ندرس.. مابصير وعيب وماخرج وانو مكانا المطبخ..

رانيا :- الله لايسامحك يا ابراهيم ان شاء الله ربنا ينتقم منك..

علا :- بدك تستسلمي يا اختي سبقتك انا وماقبلو الله لايسامحهن

رانيا :- اللي قاهرني ابوكي ماعم يقبل يحكي حرف..

علا :- ولا امك بتشوفهن هيك بعاملونا مابتحكي وان حكت بطالعنا بحكيها المسموم.. واذا حكينا معها..لاتخليني كفي بضلا امنا

امي :- اسمعي انتي وهي هادول اخواتك الشباب وهني ادرى بمصلحتكن لهيك بتخرسي انتي وهي ولا تستفزوهن..قومي خلينا نجهز الغذا قبل ليجو.

.. واذا انضربنا..

امي :- لك امي خلص لا تهز بدنك روق الله يخليك لا ترد عليها مجنونة مافي براسها عقل اتركها… خلص.. الله يرضى عليك مابصير الا يلي بدك اياه..

واذا تقدملنا حد..

رانيا :- ان شاء الله تقبل امو انا راضية فيه شو ماكان بدي اطلع بدي اطفش من هالعيشة انخنقت لا عم ناكل منيح ولا عم نعرف انام ولا نرتاح بهاد البيت..

علا :- بس مايقفو اخواتك ويرفضوا متل هاديك المرة شي بخلي الوحدة تتمنى الموت..

وقبل ٦ سنوات اتزوجوا خواتي سوا.. ولنفس العيلة.. وراحو تركوني اعاني مع الاخين مو بس معهن مع نساوينهن واولادهن..

اتزوج ابراهيم وسامر بنفس السنة يلي اتزوجو خواتي فيها.. وبقيت انا عم عيل امي وابي.. وخاصة بعد ما ابي انصاب بشبه شلل.. من كثر الشغل والتعب يلي اشتغلو بحياتو ماعاد قدر يرفع ضهروا.. بيتنا صار ٣ طوابق..

طابق فيو شقتنا غرفتي انا وخواتي.. وغرفة امي والصالون والمنافع.. والسوبر ماركت.. والطابق الثاني لابراهيم والثالث لسامر.. والثالث كان لسهرات اخواتي مع رفقاتهن.. عبارة عن صالة كبيرة مافيها الا حمام.. وكانت للحفلات والسهرات العائلية.. نحنا وضعنا المادي منيح نوعا ما وامورنا ميسرة.. بس انا كنت حس بالفقر من كل شي، ماعندي شي ملبى وقطعة التياب الجديدة يا اخدها من خواتي يا امي من بعد الف حيلة لتعطيني اشتري شي لالي.. وماكانت تعطيني الا بشي مناسبة مهمة.. ع طول امي ملتهيه بالسوبر ماركت.. وابي ع طول انا جنبو دائما بخدمتو..

ورانيا وعلا.. مايجو الا ساعة يطمنو ع ابي او امي ويهربوا ولا مرة من بعد زواجهن باتو عنا.. واغلب زيارتهن مع ازواجهن، كنت اترجاهن يبقو..

رانيا :- ايوه بدك اخواتك يكسروا خاطرنا قدام زواجنا ولا يسمعو ازواجنا كلمة هيك ولا هيك….

علا :- مو هيك وبس ولا تطلع مرت سامر ع اخر طراز محزق وملزق وميك اب مرشوم ع وجها تقول عروس قدام زواجنا..

رفيف :- والله اشتقت لالكن بتمنى اسهر معكن واحكيلكن عن يلي بقلبي..

علا :- بكرة بتزوجي وبنصير نروح عند بعض ونسهر يختي بيت ابوكي مطفش لالنا مابنقعد فيه ماسدقنا نطلع منو..

رانيا :- والله سادقة.. نار زوجي ولا جنة اهلي.. انا جوزي كل يوم مع وحدة شكل بس مابتركوا وبجي لاهلك.. انا قبلانة فيه بكل وساختو.. بس الحمد لله ع الاقل بهتم فيني شوي وما بسمعني حكي وصخ..

علا : والله هاديك المرة اكلت قتل لشبعت ووزعت ع الجيران.. بس اويلي كان ناطرني احرد.. رحت قلتو مابترك بيتي اذا تركتو اخواتي بحرموني منك وبعز عليهن ومابهون عليهن اختهن تنضرب.. قام سكت وبلش يراضيني.. ومارجع عادها وانا ياحسرة لو طلعت من عندو واجيت لهون لرجعو اخواتك ضربوني وكسروا رجليه ورجعوني لعندو مذلولة..

..

دائما شعور خواتي الخوف والهروب.. ماحد كان شاعر وحاسس فيني.. وكبرت مع هالايام واخواتي التهو شوي مع نساوينهن بس من صار لكل واحد اثنين وثلاث اولاد صرت الخدامة والحاضنة لالهن..

سامر :- رولا اتركي الاولاد عند رفيف وتعي

ابراهيم :- رفيف خدي الاولاد حمميهن وعشيهن رايح مشوار انا ومرتي اذا اتاخرنا نيميهن..

سامر :- العما ضربك مانك شايفتيه بيبكي بدو يشرب شربيه.

رفيف :- انا عم اجلي امو ليكا جنبو عم تلعب ع الموبايل..

سامر :- وانتي شو شغلتك شربيه لالعن اللي نفضك فهمانة.. ضبيه للسانك لاقصلك اياه يلي برد جوابات..

رولا :_ هيك احسنلك لوشربتيه ماكان اتبهدلتي بس انتي وجه بهدلة خدي اغسلي هالكاسة..

رفيف :- خدي ابنك معك ماني فاضيتلو عندي غسيل..

رولا:- روحي سمورة.. رفيف مانها فاضية لعبود قال

رفيف :- الله ياخدني وريحني

رولا :- وبتدعي عليه.. اسمعت سامر..

سامر :- ولي صرماية لا تخليني طالع كل حوبتي عليكي اهدي احسن ما خليكي اليوم تنامي بالمشفى..

رفيف :- لك انا شو عملتكن هادول اولادكن مو اولادي..

سامر :- وشو شغلتك انتي عايشة تاكلي وتشربي وتنامي اعملي شي يفيد..

زينب :-شو عندك رفيف..

رفيف :- كملت

زينب :- اخوكي ابراهيم بقلك تعي فوق

رفيف:- ماخلصت شغل لسه وعندي غسيل والله

زينب :- مادخلني انا اخوكي ابراهيم قال اطلعي ساعديني بس تخلصي فوق..

رفيف :- يارب الصبر من عندك

رولا : اجاك الموت ياتارك الصلاة تستاهلي..

( وع هاد الحال كل يوم.. لوقت اجت عمتي لعنا.. كانت جاي تزور ابي.. وشافت حالي بالويل..

عمتي :-مسكينة يارفيف ماعم تاكلي ياعمتي رايح نصك..

رفيف :- الله بعين كيفها الاء..

عمتى :- عرسها الاسبوع الجاي رح تجي ماهيك

رفيف :- هاد اذا رضيو اخواتي

عمتي :- الله يصبرك.. ويعينك ع هالبلاوي..

رفيف :- عمتي شوفيلي حد يطالعني من هالقرف

عمتي :- لك جبتلك بدل الواحد عشرة اخواتك عم يطفشوهن مابيرضوا

رفيف :- طيب انا لمتى رح ضل لالهن خدامة والله تعبت..

عمتى :- سايريهن ولا تردي بتمهن.. الله بكون بعونك.. وينها امك

رفيف :- بالسوبر ماركت

عمتي :- صارت عجوز ولساتا شايلة هم هالسوبر ماركت..

رفيف :- اخواتي بجبروها مالها خيار تاني

عمتي :- لو تقعد ادير بالها ع ابوكي مو احسن

رفيف :- قلتها.. بس امي مابتحكم من اخواتي.. بصيروا يسمعوها حكي.. مشان ادوية ابي واكلنا وشربنا

عمتي :- الله كبير طيب ياعمتي اذا اجاكي حد .. ابوكي مين بدو يعتني فيه… والله نسوان خواتك ببهدلوه..

رفيف :- طيب انا رح ضل مجبورة فيه لمتى يعني امي هيك رح تصفى هي دايرة بالها عليه وماعاد تقعد بالسوبر ماركت.

..

( ومرت هالايام من بعد حديث عمتي وبعد شهرين اتقدملي شاب مغترب.. عن طريق عمتي… قرايب زوجها.. وكان رفيق خواتي زمان.اخواتي مبدأيا موافقين عليه.. ووانا كنت قبلانة فيه بدون ما اشوفوا او اعرف عنو شي واول ما سمعت انو مغترب واني رح سافر لعندو طار عقلي فيه واني خلص رح ارتاح وابعد عن هالعيشة كلا..

عمتي :- بدو يكتب الكتاب ومن ياخدها لعندو بدو يجبلا كل شي من ذهب لملبوس بدن هونيك احلا وارخص..

سامر :- ماعنا مشكلة عماد شب اكابر ومابقصر..

ابراهيم :- مشكلة هاي

عمتي :- بشو عمتي ابراهيم

ابراهيم :- ماحسبنا حساب حد يعتني بأبي اذا اتزوجت رفيف

عمتي :- انا بجي بهتم فيه .. نصيب البنت ولازم تزوج ليكن انتو اولى بالاهتمام فيه انتو ونساوينكن ومرت اخي لساتا بصحتها حرام توقفوا بنصيب هالبنت..

ابراهيم :- اها

عمتي :- ليكون نسوانكن ما بدهن

ابراهيم :- لاء مش هالقصد ياعمتى

عمتي :- لكان يا ابراهيم شو قصدك.

ابراهيم :- ابي متعود ع رفيف وبيخجل من مرتي ومرت اخي..

عمتى :_ صحن الاكل مابخجلو لاخي وتيابو ليكها الغسالة ببيوتكن ع احدث طراز والشغلات الخاصة انتو وامكن بتعملوها ماضروري نساوينكن.. منيح عمتي دق ع الشاب وقلو اعطيناك..

ابراهيم :- شو رايك سامر

سامر :- مافينا نقول لاء لعمتك..

رولا : انا عندي رفيقة عندها خدامة شاطرة ومابدا اياها..

عمتي :- لشو الخدامة

رولا :- اها.. لعمي..

عمتي :- شو الحكي اللي بتقولوا مرتك سامر..

سامر :- مرتي مانها قاصدة شي بس مشان عندها صغار بدها اياها تساندها شوي..

عمتي :- وليش يعني كنتو معتبرين رفيف خدامة..

ابراهيم :- عمتي رح دق لعماد واقلو اعطيناك..

( عمتي هي الكبيرة وشخصيتها قوية وماحد برفضلا طلب..دق اخي ابراهيم واعطى الموافقة.. انا شفتو للعريس بصورة ع موبايل عمتي ماكان معي موبايل.. وهو كمام شافني بالصور بس.. هو اكبر مني ب ٩ سنوات.. وكان مطلق قبل مرتين بفترة الخطوبة..

انكتب كتابنا.. وبلشت احلم بحياة جديدة بعيدة عن هالهموم كلا..

رانيا :-بدك تطلعي هيك بطولك

علا :- خدي يختي هاي التياب مابتجي عليه وبعدها جديدة والله خديها بجهازك..

رفيف :- رولا جابت كيس تياب لالي بتقول خديهن معك.. واغلبهن مبهدلين وعليهن بقع.. غسلت المنيح منو والباقي تركتو مابتلبس..

رانيا :- بكرة هو بجبلك من احسنو وبتعيشي احلى عيشة..

علا :- زينب وينها لا حس ولا خبر..

رفيف :- اختها عندها صرلا اسبوع.. ومانها فاضية طول الوقت اولادها واولاد اختها هون جننوني..

رانيا :_ ياحبيبي كمان اولاد اختها..

رفيف :- شي بقهر يختي.

علا :- وينهن ماعم شوفهن

رفيف :- ابراهيم جايب عشا جاهز نادى عليهن وطلعو والله ماقال خدي هالطبق عشي ابوكي ريحة المشاوي عجقت البيت.. وامك بعتت لالي علبة جبنة بتقلي اعملي ساندويشات ياويلي عليهن من الله.. مرق من عند امي حامل ومحل.. مشروبات وشغلات طيبة ماقلا خدي امي اصبع هالكباب..

علا:- يعني مابتعرفيه لابراهيم حقير من يوموا وبخاف من مرتوا لتجرصوا وتقلو ناقص اصبع كباب..

رانيا :- يالا جوزي بعتلي ليكو وصل رح روح اما انتبهي ع حالك.. ولا تتناقري معهن بلا مايضربوكي ويشوهوا وجهك متل العادة وتروحي لعريسك مشوهه..

رولا :- استني رانيا لا تروحي.. مشان الجمعة رح نعمل حفلة وداع لرفيف ماحلوة تروح من هون بدون حفلة..

رانيا :- شو عدا مابدا حنيتو عليها

رولا :- اشتقنا لنرقص ونصور الحفلة لضل ذكرى ولو..

رانيا :- اي ليش لاء بصير كمان

رفيف :- بس ماعندي فستان

رولا :- قال زينب بدها تعطيكي فستان من عندها.. هيك سمعت ابراهيم قال لسامر..

علا :- اي الله يحنن.. لكان خديني معك رانيا

رولا :- بدري ما لحقنا نشوفكن

رفيف : خليكن عندي امانة

علا :- بنشوف بنجي الخميس لنرتب للحفلة اهتمي بحالك يختي اي والامور هاديك الخميس بنعملها وبنطالعك احلا عروس لا تشغلي بالك..

.. ( ومرقت هالايام الطويلة واجتمعو خواتي الخميس وحسسوني اني عروس بعد كل الترتيبات. وصلو الضيوف وانا عم انطر فستان زينب..

علا :- اكيد هي قالت بدها تجيب فستانها..

رولا :- والله هيك اسمعت

رانيا :- قرايب العريس اجو ولهلق ماخلصنا..

علا:- شوي وجايه

رانيا :- علا وين رايحة..

علا:- تعي لاقلك رانيا

رولا :- شو اسرار

علا :- شي بيني وبين اختي

رولا :- اي لكان اتركن واطلع استقبل ضيوف..

علا:- اختي نسوان اخواتك كذابات ولئيمات وبدهن يفضحو رفيف قدام المعازيم الظاهر لا في فستان ولا شي.. مانك شايفتيه لرولا لابسة كانها العروس..انا رح روح لعند رفيقتي بنت ام احمد.. صرلا اسبوعين متزوجة رح اخد فستانها واجي..

رانيا :-” رح تقبل

علا :- اي لان قالت تعي خديه اذا فستان زينب ماحلو..

رانيا :- طيب يالا يا اختي ركضي روحي لهلق اختك ماجهزت

علا:- يالا مابتاخر

رفيف :- وين رايحة علا

رانيا :- هيها جاي لا ادمعي عم يسوح الكحل..

رفيف :- عيوني عم يحرقوني..

رانيا :- لان اول مرة.. افتحي انفخلك فيها.. اي تمام هيك.. شفتيه لعريسك شي

رفيف : اي شفتو مرتين

رانيا :- حلو

رفيف : مقبول شوي يعني مانو صغير ولالو صلع بنص راسو وملامح وجهو ضخمة.. بجوز لان بالصورة لان عمتي عم تقول ع الطبيعة احلا بس انا مابهمني بهمني اخلص من هالبيت..

رولا :- اجت خالة العريس وقرايبو

رانيا :- ما الو ام و اخوات هون

رفيف :- لاء اختي كلن بالسعودية

رولا :- 😒 بدك اضلي محبوسة ملو المعازيم

رانيا :- شلون بدا تطلع وهي لهلق مافي فستان مو ع اساس زينب بدا تجيب

رولا :- والله مابعرف ليكا ها زينب.. زنوبة تعي يابنت شو هالحلا كلو شو عاملة بحالك اتاخرتي كثير..

علا:- بعدو هيك.. خدي رفيف البسي..

زينب :- يييي نسيت خبركن مشان الفستان لان طلعت السوستة منزوعة والتهيت بحالي ونسيت انزل قلكن..

علا:- خلص اختي مانها بحاجة اطلعو خليها تلبس..

زينب :- اي طالعين اليوم يومكن يا بنات حماي..

علا :- قفلي رانيا قفلي.. جبتلك فستان بطير العقل ومعو كعب عالي كريستال.. وشوية ميك اب وتياب من رفيقتي هديه لالك..

رفيف : جد الله بجنن

رانيا :- ما احلاه.. يالا البسي..

رفيف :- واااو بياخدو العقل

علا :- الله من فوق بحبك يا رفيف لان نيتك طيبة..

( انتهت الحفلة ع خير ولبسوني اخواتي ونساوينهن قدام الضيوف كم قطعة ذهب.. وجهزت تيابي بالشناتي.. و ع اساس خطيبي عم يجهز باجراءات السفر.. وبعد باسبوع جهزت وسافرت لعندو.. كانت اول خطواتي برا هالبيت والعيشة الكئيبة بس يلي كانت ناطرتني لا تختلف بالسوء عن يلي عشتو..

… الاستقبال الاول مع زوجي بالمطار..

عماد :- شكلك بالصور يلي بعتتهن عمتك احلى.. الظاهر لاعبين فيهن بالفوتشوب..

لغز العشاء بقلم جمايكا الجزء الثاني..


( بدون سلام او حضن او تعبير بالوجه بيظهر انو مرحب فيني..اول ما شافني كان مصدوم.. ما اضحك حتى بوجهي.. مديت ايدي وسلمت عليه وكان كلامو قاسي كسرني من اول لقاء.. بس لان متعودة ع كسرة الخاطر من اهلي حطيتها بقلبي وسكتت..

عماد :- كثير قصيرة كيف بدي امشي جنبك..

رفيف :- انا قلت لعمتي كم طولي وهي خبرتك

عماد :- اي خبرتني بس ماتوقعت هيك وكثير بشعة انتي

رفيف :- من ارسلت الصور يمكن كنت اسمن..

عماد :- امشي بسيطة

رفيف :- هاي شنته تيابي

عماد :- اي احمليها

وقفت بمكاني بصالة المطار وعيني ع الرجوع وع اني ابقى.. كان ماعم يختلف عن سامر وابراهيم بشي.. نفس الاسلوب.. هو رفيقهن اكيد مارح يختلف عنهن.. اطلعنا بالسيارة ومن التعود قعدت بالكرسي يلي ورا..

عماد :- شو شايفتيني شوفير يلي خلفك.. تعي اقعدي قدام..

رفيف :- لاء ماهيك القصد بس انا فكرت لازم اقعد وراه..

عماد :- يالا تعي اقعدي قدام..

(طول الطريق كان عم يتأفأف وماعم يعجبو شي.. ويسب ع كل يلي عم يسوقوا ويعيد تسميع الحكي الجارح لالي وصلنا ع بيتهن.. كنت معتقدة دار حماي يكونوا بالاستقبال.. بس مافي حد..

رفيف :- وين دار عمي

عماد :- هني ساكنين بجدة مو هون.. ومافاضيين يجو

رفيف :- هاد بيتنا

عماد :- لاء هاد مستاجرينو

رفيف :- ممم

عماد :- فوتي هيني راجع عندي شي اعملو..

..

( تركني ومارجع الا تاني يوم.. كان البيت بسيط واقل من بيتنا.. الفرش فيه قديم ومهتري والحيطان مقبع الدهان عنها والمطلخ قديم ومليان حشرات بقيت كل ليلي ونهاري رتب بالبيت ونضفو.. لرجع ع البيت ولقاني بالاستقبال.. ومرت حياتنا يوم ورا يوم.. هو مانو متقبلني واغلب ايامو برا البيت… وبسافر بالاشهر لعند اهلو انا كنت رضيانة وبحمد الله وبشكروا انو مافي عذاب من اخواتي ونساوينهن لبيوم رجع ع البيت..

عماد :- ضبي تيابنا رح نرجع ع البلد

رفيف :- ليش في شي

عماد :- اوراقك ماعم تزبط وانا انطردت من شغلي..

رفيف :- وين رح نسكن..

عماد :- رح نستاجر لا تكتري شرايط وخرق،. ماقدرتي احمل شنط شوفي المهم وخذيه..

( اخدت الاغراض المنيحة والمهمة كنت مفكرة انو بدو يجبلي جهاز وملبوس متل ماوعدني بكلامو.. ضبينا الشنط وسافرنا.. وصل خبر لاهلي اني ارجعت للبلد.. واخي ابراهيم استاجرنا بيت.. انزلت في بيت ماكان فيو فرشة ننام عليها….

حطيت تيابي تحت راسي مخدة ونمت بالارض.. اسبوع كامل.. لوقت البرد اكل عضمي وبلشت استفرغ واتعب وينزل ضغطي..

رفيف :- انا حامل

عماد :- كيف.. ومتى.. وشلون عرفتي

رفيف :- هاد الشهر الثالث ماتجيني الدورة الشهرية..

عماد :- مانو وقتو.. وشايفة حالنا

رفيف :- انت معك مصاري ليش ما تجيب لالنا شي سرير او كم فرشة ننام عليها

عماد :- بدي جيب بس كلو غالي..

رفيف :- مافي بالة فيها فرش..

عماد :- بدك تصبري..

وصبرت اسبوعين كمان.. لوقت ما اجو خواتي لعندي وجابو لالي فرشات انام عليها واغطيه.. وشويه صحون وملاعق وطنجرتين.. وامي جابتلي شراشف.. وبعد شهرين جاب خزانة وسجاة وسرير للطفل وشهر بعد شهر وبلش بطني يكبر.. حماي ارسل لالنا مصاري وكفينا عفش البيت.. وبعتلنا انو ماعاد نطلب شي لان هني كمان وضعن سئ.. جوزي ماكان يشتغل ولا كان يعجبو اي شغل.. دائما بالقهوة او عند رفقاتو بأرجل.. وانا ع طول بالبيت..

عماد :- شو عم تعملي

رفيف :- ولا شي قاعدة

عماد :- البسي وروحي لعند اخوكي سامر مرتو مرضانة وبدو اياكي اديري بالك عليها وع الاولاد

رفيف :- عماد انا بطني لحلقي صار وماخرج روح اعتني بحد.. هي لالها اهل..

عماد :- روحي من تم ساكت وماتخجليني قدام خواتك وقفو معنا منيح يالا قومي لا تتاخري..

.. وبقينا ع هاد الحال كتل الخدامة لخواتب ولرفقاتو.. ومو هون وبس صار يبعتني عن عالم ساعدهن ع اساس هني رفقاتو.. بس طلع عم يشغلني خدامة ببيوت الناس وعم يقبض مصاري بتعبي..

.. لك حامل هاي شو بدا تعزل.. مالقيت الا هاي تجيبها..

.. شو اعملك عم يقولوا شاطرة..

.. لك حرام حامل

.. المخلوقة وضعها تعبان وبدا تترزق

.. لاء لاء اعطيها مصاري بدون ما تشتغل وخليها تروح..

.. اعطيت عماد هو يلي جابها.. وقال هو بيعطيها..

..

وهون عرفت انو جوزي عم يشغلني مقابل المصاري وانا كنت مفكرة اني عم ساعد نسوان رفقاتو.. وكنت عم اتلاطف معهن رغم نظراتهن لالي وقت كون عم نضف معهن..

عماد :- لا تعلي صوتك عليه

رفيف :- ليش عم تعمل هيك شغلتني لفاية عند العالم.. كل يوم باعتني عند حد كنت قول زوجي بدو يطالعني وبحب المساعدة وبحب يخدم العالم رغم انو مانو حاسس فيني بس طلعت عم تقبض ع تعبي..

عماد :- لكان كيف بدك تاكلي وتشربي…

رفيف :- عماد انا باقيلي شهرين واولد حرام كل هالتعب..ماعاد بدي روح لعند حد..

عماد :- وكيف رح نصرف ع حالنا

رفيف :- روح اشتغل احسن من قعدت القهاوي..

عماد :- طيب سكري حنكك ولا تفتحي بلوعة هالسياق..

( كان يحاول يحتال عليه بالحكي الحلو ليخليني روح انضف عند العالم.. بس انا كنت افهمو وارفض.. اجى جنبي معو شوكلاه دايبة وصرلا سنة معو

عماد :- حياتي زعلانة مني.. خدي هالشوكلاه..

رفيف :- ماني زعلانة بس ماتحاول ماني رايحة اشتغل..

عماد :- لاء انتي زودتيها كثير..

( نفس المشهد ونفس التمثلية سحب حزام البنطلون وبلش يضربني وانا اصرخ واقلو حرام حرام عم يجي الضرب عم بطني.. قعدت بالزاوية ووجهي للحيط وخبيت بطني بمخدة مشان مايجي اضرب ع بطني بس ضهري صار متل المجلدة من الضرب..

وبلشت وضعنا يسوء ماعاد في اكل بالبيت وهو مايرجع الا وقت النوم.. ووقت قلتو جوعانة مافي شي اكل بالبيت يقلي روحي اشتغلي وكلي.. صرت دق ع الجيران واطلب منهن..

رفيف :- خالتو ممكن بصلة لان زوجي مانو هون وبس يجيب برجعها لالكن..

( كانت تعطيني البصلة واحركها ع النار بشوية زيت واسكب فوقها مي واشربها..

ومرة طلبت خبز.. ومرة طلبت رز.. ماقدرت اتحمل الجوع رحت لامي ع السوبر ماركت..

رفيف :- امي بدي اخد اغراض

امي :- اذا اخواتك عرفوا بسمو بدنك لا تاخدي

رفيف :- امي جوزي مابيشتغل وماعاد يجيب اكل للبيت وانا رح موت من الجوع..

امي :- وهو شو بياكل بدك تاخدي من مال اخواتك لاطعمي زوجك

رفيف :- مابيجي ياكل طول الوقت برا وبجي شبعان انا يلي جوعانة..

امي :- اخواتك حاسبين البضاعة كلا.. تعي في صندوق هون فيو كم شغلة رح تنتهي صلاحيتها شوفي اللازم وخديه..

( ماقدرت اتحمل ردت فعل امي ما اخدت شي.. اطلعت من عندها وانا عن ابكي ولا حتى اتحرك شعره منها كانها مو امي.. بتخاف ع اولادها ومالهن اكثر منا… ماكان عندي الا اختي.. كان تعطيني من خير جوزها شي يمشيني كم يوم بس جوزها بلش يتذمر من هالشي ويدايق.. وانا فهمت من اختي.. وماعدت رحت لعندا..

عماد :- وين ذهبك اللي معك

رفيف :- لشو بدك اياهن

عماد :- مابدك تتسممي

رفيف :- بس هادول من اخواتي

عماد :- اي شو قصدك

رفيف :- يعني ما الك حق تاخدهن مني.. انت كنت بدك تجيب لالي ذهب ولهلق ماجبت ولا قطعة.

عماد :- اي بجبلك كثير بس بدنا انفك كربتنا ورح اشتغل قريب في محل ملابس..

رفيف :- بس

عماد :- اي بقيتي عنيدة رح ماتاكلي لا انتي ولا يلي في بطنك.. خلص وعد رجعلك اياهن

رفيف :- طيب رح جيبهن. انا جاي ع بالي تفاح صرلي اشهر مشتهيتو

عماد :- الله لايشبعك.. ماشي رح جبلك….

وبعد نص ساعة بالزبط.. انفتح الباب بقوة.. وكمشني من شعري وصار يضرب براسي بالحيط..

رفيف :- لك شبك جنيت فرد مرة.. لك عماد اتركني..

عماد :- انا تستصغريني قدام الجواهرجي..

رفيف :- انا شو عملتلك شو دخلني..

عماد :- عاملة حالك مابتعرفي يا بنت الحرام ذهب صيني اللي معك

رفيف :- شوووو

عماد :- وين الذهب يلي لبسوه اخواتك لالك وقبضو حقو مني..

رفيف :- شو اي ذهب واي اللي قبضو حقو.. انا هاد يلي لبسوني اياه اخواتي والله.. هدايا..

عماد :- هدايا شوو.. هاد دين خواتك اخدينو متي وقالو جابو لالك ذهب فيه.. وطلع ذهب صيني.. يا انتي بايعتين وجايبة صيني ياخواتك نصبو عليه

رفيف :- قسم بالله مابعت ولا اشتريت هادول هني وبغلاة يلي ببطني..

عماد :- يعني خواتك نصبو عليه

رفيف :- والله العظيم ماكنت بعرف حاجي تضربني والله مالي ذنب..

عماد :- حسابك معي كبير..

رفيف :- الله لايسامحك فوق ما انت مانك عاطيني حقي كمان ظالمني..

عماد :- حق شو ولي

رفيف :- مو ع اساس تجبلي ذهب وملبوس بدن.. شوف عينك ما عملت شي..

عماد :- الحق ع اهلك.. مو عليه انا ماوعدت حد

رفيف :- انا هيك قالو اهلي انك رح تجيب لاي..

عماد :- اخواتك قالو خدها تعال..

رفيف :- يعني شو

عماد :- يعتي زوجوكي لالي سد دين ببلاش يعني.. يعني رخيصة..

رفيف :- لهيك ماكان عاجبك..

عماد :- لو كان قدرتي ومعي مصاري كنت اطلع بخلقتك الزفرة..

رفيف :_ عماد..

عماد :- بعدي عن وجهي حسابي معكن كبير..

( تركني وفات الغرفة. ورجع معو كابل كهربا. ومن وين مابحب قلبي اكلت ضرب.. وصار يقلي انقلعي ماعاد بدي شوفك ياوجه الفقر.. صرت بوس ع رجليه وايديه قلتو الله يخليك خليني عندك انا ع وجه ولادة وان شاء الله ربنا برزقنا وبعوضنا وبنجيب احسن ذهب… رجعني شحطني من شعري. ..

رفيف :- عماد ليش عم تشحطني.. هيك..

عماد :- اطلعي لبرا مابدي شوف وجهك هون

رفيف :- عماد مابصير هيك اطالعني الجيران رح يشوفوني..

( تركني برا وقفل الباب شوي ورجع زتلي عبايتي وحجابي.. وبقيت ع الباب دق. دق.. دق..

الجيران :- رفيف فيكي شي..

رفيف :- لاء خالتو طلعت كب الزبالة ونسيت المفتاح بالباب وزوجي نايم ماعم يسمع الجرس..

الجيران :- فوتي لعنا ليفتح الباب..

رفيف :- لا خالتو يسلمو رح ضل هون انا.. هلق بفتح زوجي الباب..

وبقيت انطروا ٥ ساعات كاملين بدون شي برجلي حافية كنت.. اتوسلت لالو ماقبل يفتح .. لوقت اجو اخواتي..سامر وابراهيم..

.
.. امشي قدامنا..

.. استنوا احكوه

ابراهيم :-. امشي بدون كثرة حكي وفضايح قدام الناس

.#رفيف:-. يا ابراهيم اسمعني انا ماغلطت معو ع الاقل حاكوه انتو.

.سامر:-. انتي ماعندك كرامة ماهيك جوزك طردك واتصل حكالنا تعو خدو اختكم مابدي اياها..

رفيف:-.. يا اخي انا ع وجه ولادة ومابدي اترك بيتي..

سامر :- رفيف اذا ما مشيتي رح كفي عليكي انا روحي براس مناخيري وماني فاضيلك ولولا اني مجبور جيبك ما اجيت..

( مشيت وراهن واطلعنا سيارة.. مرت اخي سامر دقت عليه اتصال..

سامر :- اي ياعمري لا مابتاخر انتي جهزي حالك ورتبي امورك مسافة الطريق.. اسمعي طعمي عادل مشان ما يبكي بالمطعم ويزعجك.. وخدي معك علبة الحليب احتياط.

ابراهيم :- مشغول شكلك اليوم

سامر :- اي صرلي واعد مرتي من زمان

ابراهيم :- مين رح يقعد بالدكان

سامر :- ليش انت شو عندك

ابراهيم :- جايين دار حماي يسهروا عنا..

سامر :- طيب وانا ماني فاضي يا ابراهيم

ابراهيم :- قعد امك لوقت ما ارجع

سامر :- مابترضا لان بتتعب بالليل وبتنام بتخاف تنام ويفوت حد يسرقنا..

ابراهيم :- خلص سكر الدكان بكير

سامر :- ابراهيم انت شو عندك خد حماك واقعد بالدكان الشباب منهن

ابراهيم :- بدك مرتي يجيها الفالج. بتجرصني يا اخي..

رفيف :- ابراهيم ليش اخدتوني يعني مابتعرفوا عقلو لزوجي الله يخليكن لا تكبروها..

سامر :- جوزك مابيستحي وبعدين شو بدك فيه عطال بطال.. امك وابوكي انتي اولى بخدمتهن.. بدل ما بتخدميه للجربان زوجك..

رفيف :- لك يا اخي ابي بشيلو بعيوني بس انا على وجه ولادة ومابدي ابني يشنطط بقصص الطلاق..

ابراهيم :- اي يالا حاجي علاك مصدي ع اساس ابنك رح يطلع غنيمة وفهمان.. مارح يطلع متخلف متلك يا جربان متل ابوه… انزلي انزلي شوفي امك وابوكي شو بدن احسن لالك..

رفيف :- جوزي عم يقول انكن نصبتو عليه وانكن اخدتو المصاري الدين وملبسيني ذهب صيني..

سامر :- ها بدو زوجة بلاش هيك مفكرها سايبة.. وبعدين بكفي اعطيناكي لالو اللي ماكنت ترضى فيه كلبة..

رفيف :- طيب ليش ملبسيني ذهب صيني..

ابراهيم :- نعم شو بدك انلبسك ذهب اصلي شو انتي شايفة بتستاهلي ..
..

ضربني ع ضهري بكل قوتوا.. انقطع النفس وماقدرت اخد نفسي..

ابراهيم :- اي فوتي لجوا العما ضربك..

( صرت نط بقلب البيت وانا اشهق من الضربة يلي اكلتا ع ضهري.. اجت امي تركض وقت شافت شفافي زرق وبلشت اختنق.. وماعاد فيني..

امي :- بسم الله عليكي بسم الله شو صرلك شو ساويت يا ابراهيم..

( ماحسيت الا مي مثلجة ونزلت فوقي وبلشت اشهق بقوة..

ابراهيم :- اي شووو صرلك متي..

امي :- لك امي مابصير مي باردة.. شبها ماعاد طلع صوتها.. رفيف لك ردي رفيف..


====================================

لغز العشاء بقلم جمايكا الجزء الثالث..


ابراهيم:- عم تمثل هاي..

امي :- لك امي عم اطالع رغوة من تمها..


ابراهيم :- اي خدلك عاد ع المسخرة..

سامر :- شو في

ابراهيم :- روح شوف اختك

سامر :- ماني فاضي رح روح انا هلق اتاخرنا انا ومرتي..

( كنت عم اخد النفس بقوة لوقت امي صارت تهوي بقطعة كرتون.

رفيف:- اتتتصصللي ع الاسسعاف..

( اتصلت امي ع الاسعاف واجو اخدوني ع المشفى..

الطبيب :- متعرضة لوقعة شي..

امي :- اي زحطت وقعت ع ضهرها

الطبيب :- اي الحمد لله الطفل بخير بس بدها راحة.. هاي مجرد ردة فعل وصاير مي بين الفقرات وضغط ع الرئة مافي شي خطير..

امي :- فيني اخدها اليوم

الطبيب :- خليها للصبح ليشوفها الدكتور المتابع ودكتور النسائية لنطمن ع الجنين مرة تانية

امي :- انا عندي زوج مشلول بالبيت ومافيني اتركوا

الطبيب :- اي روحي انتي واتركيها ترتاح هون.. مافي لالها حد اخت او زوجها او قريب غيرك..

امي :- بلا بس بعدني ماخبرتن.. مابدي اقلقهن بالليل.. خليني اخدها ع مسؤوليتي

الطبيب :- يا امي مافي مشكلة اذا ع مسؤوليتك وضعها مو خطر بس بدك توقعي ع اوراق.. المهم انو تتركوها ترتاح..

امي :- اي ان شاء الله

الطبيب :- عند الريسبشن وقعي ع ورق الاخلاء..

( رجعتني امي مشي من المشفى للبيت.. بدون ماترحم التعب اللي فيني.

رفيف :- والله يا امي ماقدرتي امشي خلينا ناخد تاكسي

امي :- ما معي غير تحصيل اليوم من المحل ومابدي مشاكل مع اخواتك وبعدين مانو بعيد البيت.. رح نوصل..

رفيف :- لك امي هالدكان مو بس لاخواتي ونساوينهن كمان من حقنا هاد تحصيل تعب ابي..

امي :- اي واخواتك يلي تعبوا فيها وكبروها

رفيف ٪- انا اختهن ماني غريبة يعني برضيكي هالمصاري تروح عزايم لقرايب نسوان خواتي وانا بنتك اكل صرلي ايام ماعم اكل منيح.. واسترخصتي فيني تاكسي مو هاد سببو اخي..

امي:-……..

رفيف :- شبك ساكتة ليش هيك عم تعاملينا مو نحنا بناتك متل ماهني اولادك

امي :- بدك تخرسي وتمشي وانتي ساكتة ولا اروح واتركك

رفيف :- امي انا ع وجه ولادة.. يشهد الله تعبت من كل شي..

امي :- ووينو جوزك بس شاطر يكبك لالنا

رفيف :- الله لايسامحو التاني..

امي :- مو ع اساس بدك اياه وتركتينا مشانو..

رفيف :- اللي عملوه اخواتي فيني وفيه مش قليل

امي :- يلعي قلبك الهي لمتى بدك اضلي مابتفهمي.. هو يلي كذب عليكي ع اساس بدو يجبلك ملبوس بدن ويلبسك ذهب وينو ماشفتي شي حتى بيت متل الخلق مفروش مافي ليكن بالشحدة كفيتي بيتك.. شو انخرستي بشوف

رفيف :- لك امي هو بقول انو عاطي اخواتي دين.. وانو اتصافو ع اساس مهري وانو اخواتي يعطوني اياه ذهب..

امي :- بكذب عليكي وليش اخد دهبك يبيعو وين لسانك المتبري منك بس ما بطوليه الا ع خواتك

رفيف :- راح يبيعهن لان وضعنا سئ ومامعنا حق اكل ولا جبت ديارة لابني مو ع اساس هاد عليكي..

امي :- الله لا يشبعك واللي اعطوكي اياه خواتك واللي جبتلك اياه من نسوان اخوتك

رفيف :- كلو مهتري ومبهدل ومبقع والله حرام

امي :- اي ابوه مجبور فيه مو نحنا الله لا يقنعك ولا يشبعك لا انتي ولا هو.. فوتي لجوا..

سامر :- وينك امي

امي :- كنا بالمشفى من ورا اخوك ابراهيم

سامر :- ليش شبها ليكون من الضربة اللي اكلتها ليكها مافيها شي متل. الثور الداشر.. بس تكاليف

امي :- ما اتكلفنا امي.. ازرقت وصار حالها بالويل..

سامر :- وشو بدو يصرلا

امي :- اذا صار لابن عماد شي مارح نخلص بالمحاكم..

سامر :- على اساس هو سائل.. المهم امي انا اجتني تجارة بكرة الصبح مشان شوية بضاعة.. مرتي مارح تحسن تروح لعند اهلها لانهن عندن ضيوف نازلين عندن.. لهيك ديري بالك عليها وساعدوها بالبيت والاولاد… جيت وصيكو بس..

رفيف :- والله انا مابرجع اخدم رولا لو شو ما صار

امي :- انتي بتخدمي اولاد اخوكي ما بتخدمي رولا.. فوتي نامي

رولا :- مرت عمي نمتي..

امي :- لاء لسه رولا

رولا :- دخيلك مرت عمي ديري بالك ع عادل وعبير.. بدي روح اسهر مع زوجي اودعو قبل ليسافر

امي :- عمك نايم حطيهن عند رفيف

رولا :- تقبشي قلبي الصبح بجي اخدهن..

..

ومرقت ساعات الليل وانا عم حاول نيمهن تعبوني.. وطلع الصبح وانا بعدني ما نمت.. طلع اخي من الساعة ٣ الصبح..

رفيف :- رولا خدي اولادك بدي نام تعبوني

رولا :- لاء دخيلك لهلق انا كمان ما نمت من ورا اخوكي.. خليهن عندك للصبح

امي : خليهن امي دفيانين اذا طلعو بالبرد لفوق بيمرضوا

رفيف :- لك امي هني وين بيتن ليكو فوق برد شو يلي بتقولي عنو وانا تعبانة بدي نام.

رولا :- تصبحو ع خير

رفيف :- شفتي هربت.. هني انا خلفتن ونسيتن ناقصني انا

( بقيت ساعة من بعد ما راح اخي وانا عم حاول نيمهن وماكانو يقبلو ينامو وبكائهن فيق ابي..

امي :- شبهن ليكون حفوضتو مليانة

رفيف :- شبعرفني

امي :- اي شوفيه وغيريلو

رفيف :- من وين غيرلو ماجابتلو حفوضات

امي :- اي روحي جيبي من عندها

رفيف : رح اخدو لالها هي تغيرلو

امي :- هاتيه لياخد برد وروحي انتي جيبي حفوضات.. .

( ماكنت بعرف شو انا عاملة سئ بالدني لاعيش هالعذاب وليش الله باعتلي هيك اخوة ونسوانهن العاطلين اطلعت وانا مغلوب ع امري لعند مرت اخي رولا.. كان بابهن مانو مقفول موارب.. والظاهر من الاستعجال والنعس تركتو مفتوح.. فتت لاخد حفوضات بدون ما ازعجها.. بس وقتا اسمعت تمتمة بغرفتها.. وكانت شبه تحكي تلفون.. قربت لعند الباب سمعت صوتها وطريقة حكيها غريبة بالاول اعتقد انو اخي عندها بالغرفة.. وخجلت من الصوت بس اخي ماكان بالغرفة لانو سافر من ساعة.. قربت اذني للباب واسمعت انها بتحكي مع حد بفيديوو.. وفكرت انو اخي عم يحاكيها

دقيت ع الباب.. اسمعت شي اتقفل واختفى الصوت..

رفيف :- رولا

رولا :- العما ضربك الهي هاي انتي..

رفيف :- رولا هاي انا رفيف افتحي بدي حفوضات

رولا :- اي استني شوي..

( فتحت الباب وكان وجها كلو ميك اب.. مع انو من ودعت اخي ماكان ع وجها شي ومستحيل حد يحط ميك اب قبل لينام ولابسة تفريعة.. ووضعها كان غريب ومتوترة..

رولا :- خير وكيف فتي للشقة

رفيف :- لقيت باب الشقة مانو مقفول وابنك مسرب ومبهدل حالو وماعندي حفوضات..

رولا :- اها لحظة جبلو غيار تياب وحفوضة..

( حاولت تستر الباب مشان ما اشوف شي بالغرفة.. بس فضولي خلاني افتح الباب بطرف رجلي كرمال اعرف شو في.. كان اللاب توب تبعها مقفول ع طاولة صغيرة فوق السرير..

لاحظت رولا اني عم شوف الغرفة. واني حسيت في شي مانو زابط..

رولا :- هاد اخوكي مالحق يطلع الا اشتاق لالي.. خدي هاي التياب.

.. كانت عم تمشي باتجاه باب الشقة كرمال اطلع واول ما خطيت الباب قفلتو بالمفتاح ع اخر طقة.. كنت عم شوف خيال رجليها من تحت الباب وحسيتها انها مابعدت عن الباب كانت عم تراقبني من العين الساحرة.. نزلت لتحت وغيرت للصبي ونيمتو وانا تفكيري كلو بمرت اخي.. اخدت تلفون امي ودقيت ع اخي..

.. رقم الهاتف خارج التغطية..

.. اذا رقم اخي خارج التغطية لكان كيف في انترنت وعم يحاكيها.. من النعس والتعب نمت.. وفقت ع بكي اولادها من الصبح.. امي ماكانت بالبيت كانت بالسوبر ماركت.. اخدت الاطفال وطالعتن لامهن.. كنت عم دق ع الباب بكل قوتي وماكانت تفتح.. اكثر من مرة واثنين وثلاثة وماكانت تفتح الباب.. صارت الساعة٢ الضهر ولهلق هي مانزلت وانا لهلق ماغمضت عيوني..

ع ٢ نزلت كانت مجهزة حالا ولابسه وبدا تطلع مشوار..

رولا :- رايحة جيب كم غرض وراجعة

رفيف :- خدي اولادك معك اذا سمحتي ماخرج اتحملهن مانمت لهلق وانتي حضرتك نايمة..

رولا :- شو بصير لالك اذا اهتميتي فيهن مو انتي عمتهن يالا مابتاخر

رفيف :- لاء عيني خدي اولادك ماني مجبورة فيهن وان ما اخدتيهن رح اتركهن واروح..

رولا :- اي اتركيهن وبس يعرف اخوكي انك تركتيهن حسابك رح يكون عسير..

ورغم كل حديثي تركتهن وراحت..

رفيف :- امي انا ماخرج اكتر من هيك اهتم باولاد سامر وامهن ع كيفها عايشة..

امي :- وين امهن

رفيف :- طلعت قال بدا تجيب كم غرض

امي :- يووه امبارح طلعت جابت اشكال والوان لحقو يخلصو

رفيف :- خديهن انا تعبانة خيرات الله

ابراهيم :- شبكن

امي :- مرت اخوك تركت الاولاد وطلعت

ابراهيم :- وقتها.. امي اسمعي قفلي السوبر ماركت صارت العصر وفوتي ديري بالك مع رفيف كمان ع اولادي.. رايحين ع الدكتور انا ومرتي ما بنتاخر

امي :- اي حبيبي امي يالا.. خير فيها شي مرتك

ابراهيم :- لاء شي بسيط بس بدها تطمن لان طالع لالها شوية حبوب بجسمها

امي :- بتكون هرمونات رضاعة

ابراهيم :- بدي اخدها مشان ترتاح..

رفيف :- كملت كمان كنت ب ٢ صرت ب ٥ 😢..

من العصبية والحالة يلي انا فيها ماقدرت اتحمل تركت امي وتركتلا الصغار وطلعت من البيت.. لبيت اختي..

علا:- وضريب ان شاء الله شو ماسدقو وجابو خدامة لالهن ونساوينهن وانت شو ضربك وخلاكي تطلعي من بيتك..

رفيف :- والله اترجيتو قلتو خليني ماقبل كبني بالقوة بالشارع.. رح جن ماعاد فيني اتحمل ضل.. لك اخواتك ونساوينن الله ينتقم منهن

علا :- ولي رفيف من اطلعتي لعند رولا اسمعتي شو عم تحكي..

رفيف :- كانت عم تضحك وتحكي بصوت غريب كلو دلع ومياعة ونياصة وقلة ادب..

علا :- شو عرفك انها بتحكي مع اخوكي

رفيف :- حرام لا تحطي بذمتك

علا:- مابحط بذمتي بس تلفونا مابتتركوا من ايدها وع طول خايفة عليه ومن يجيها اتصال تفوت ع الحمام مشان ماحد يسمعها.. ولاحظت عليها من يجيها شي اشعار او رسالة اضل تضحك..

رفيف :-٠مادخلني يصطفلو كلهن

علا :- والله من يوم يومها هالمخلوقة ما صح واخوكي متل الطرطور ما بقدر عليها..

رفيف :_ علا لك ماخلني تعي روحي معي تركت امك لحالا وطفشت..

علا :- وين اروح واولادي وزوجي.. اسمعي استني احكي مع زوجي يروح يصلحك مع زوجك ويرجعك..

رفيف :- امانة يختي ياريت

علا:- طيب قومي لاوصلك مشان ماحد يضربك وبرجع قبل ليجو اولادي من دار جدهن.. وبحكي مع زوجي وبخبروا..

رفيف :- اي ياريت..

( وقت وصلت البيت لقيت اخي ابراهيم ناطرني وبايدو كابل الكهربا..

ابراهيم :- فوتي انتي وهي

علا :- شبك ليش حامل كابل

ابراهيم :- فوتي فوتي

امي :- رفيف وين كنتي يا مقصوفة الرقبة وين رحتي وتركتيني بهاي المعمعة لحالي..

( بعدها امي ماكفت حكيها الا شفت حسيت بلسعة الكابل ع ايدي وماعدت لحق اتلقى ضربات كانو نسوان اخواتي واقفين وايديهن ع خصرهن وناطرين يشوفوا المشهد الخرافي يلي رح يريح قلبهن ويبل ريقهن..

علا :- لك ليش عم تضربهاااا

ابراهيم :- بعدي لحسن اربيكي متلها

علا :- اتربيني ليش مين انت

ابراهيم:- انا يلي رح يربيكن سوا يا قليلات الترباية..

( لا انا ولا اختي قدرنا نهرب من يلي كان ناطرنا وامي تحاول توقفوا وابي عم يصرخ من جوا الغرفة واولاد خواتي الصغار عم يضحكو ع الضرب يلي كنا عم ناكلو..

ابراهيم :- اذا بتخطي رجلك برا هاد الباب قسم بالله لاقطعلك رجليكي واحطهن بحضنك.تتحسري عليهن..

رفيف :- لك الله ينتقم منكن انتو ومرتك

علا :- ماشي يا ابراهيم بتمد ايدك عليه

زينب :- انتي يلي حطيتي حالك بهاي القصة

علا:- اخرسي انتي اساسا البلا ما بيجي الا من تحت راسك انتي وهي

رولا :- وانا شو دخلني اختك يلي تركت اولاد اخوها وانقلعت

علا :- ليش هي خلفتهن ونسيتهن ولا انتي وهي بس للقلعات واللبس والهشك بشك واختي للتعتير..

ابراهيم :- اخرسي علا ماتخليني كفي عليكي

علا :- تكفي عليه طول عمرك انت وسامر متل الطراطير لنساوينكن وما بتستقووا الا ع خواتكن

ابراهيم :- مين الطراطير ولي عم تقولي عني طرطور تعي لهون يا بنت الكلب ان ما خليتك تصرخي بالسرياني وتلعني اليوم يلي انولدتي فيه..

علا :- اترررركني

ابراهيم :- امشي يلعن اللي خلفك

امي :- لك امي اتركها لوين اخدها

ابراهيم :- بعدي عني امي بدي ربي كل العصي عليها

امي :-يا امي يا حبيبي هاي مجنونة ما بيتاخد ع حكيها

ابراهيم :- انا يلي راح حطلا عقل..

( انا من ثقلي والضرب يلي اكلتو ماقدرت دافع عن علا واسحبها من اخي وقت يلي اخدها لفوق.. كان عم يدفشها بكل قوتوا لدرجة شفتها ماقدرت تقوم من وقعتها ع الدرج واخدها ع شقتو.. كان صوتها معبي البناية وامي عم ادق ع باب شقتو ليفتح الباب ويتركها..

ابراهيم :- امي اذا مارحتي والله بقتلها

زينب :- ابراهيم اتركها ليش اتزعل حالك مشانها

رولا :ارتحتي هيك ليكا اختك اكلت قتلة من تحت راسك..

( اخدت تلفون اختي وهربت من البيت لاقدر دق ع زوجها او جيب حد يساعدها..

رولا :- لك هربت.. العما طلعت من البيت

زينب :- ابراهيم افتح رفيف طلعت من البيت هلق بتجيب الشرطة..

مالحقت اقفل الباب الا شفت ابراهيم عم يصرخ عليه من شباب البناية.. ويتوعد لالي بالقتل..

رفيف :- الو ابو يحيي دخيلك الحقني انا رفيف.. علا اخي عم يضربها موتها من الضرب الله يخليك رح يضربني انا كمان.. نحنا بالب…

ماقدرت كفي الحكي لان اخي شحطني للبيت قدام الخلق كلو.. بس هالمرة ما ضربني فوتني الغرفة وقفل عليه الباب..

امي :- بس خليني شوفها شو عملت فيها

ابراهيم :- امي بعدي عن وجهي وفوتي لجوا

امي :- ابراهيم شو عملت بعلا

ابراهيم :- فوووووووووووتي قلتلك و لا تزيديها عليه..

( كنت عم اسمع صراخ امي وشوي كل شي اختفى وعم الهدوء بالبيت. فجاة اندق الباب وكان صوت زوج اختي. . وقتا امي فاتت لعندا ع الغرفة كانو عيونا مفنوخين ومحمرين. ومعها سكينة.

امي :- اسمعي رفيف ما اطالعي ولا صوت فهمتي لا تخليني انهي حياتك انتي كمان..

طلعت امي وقفلت الباب عليه..

ابراهيم : اتفضل فوت ابو يحيي

ابو يحيي :- وين علا

ابراهيم :- علا.. والله مابعرف امي علا وينها

امي :- علاا

ابراهيم :- ما اجت لهون

امي :- اي صحيح شو يجيبها بعدين علا اذا اجت ما بتجي بدونك او بدون الاولاد..

ام يحيي :- اتصلت عليه رفيف من موبايل علا وكانت تصرخ ومافهمت منها شي وبتقلي الحقنا..

امي :- ييي شبها البنت جنت ع الاخر معقول رفيف..

ابراهيم :- بس علا ما اجت لعنا بجوز هي عند رفيف.. وبجوز جوزها ضاربها

امي :- معقول لك امي روح شوفهن هاد زوجها مجنون

ابو يحيي :- امشي لاخدك معي مرتي لهلق مارجعت ع البيت ليكون عامل لالها شي..

..

انا كنت عم اسمع حكي بس ماكنت عم افهم الصوت كان بعيد وماكنت بعرف شو عم يصير برا.. بس تصرف امي معي ما ريحني.. عم الهدوء فوق ٣ ساعات.. وبعدها.. انفتح الباب وكان ابراهيم.. حط ع عيوني غطا وقفلي تمي.. وماعرفت لوين رايحة..

ابراهيم : امشي معي..

امي :- الله ينتقم منك يارفيف دمرتينا

رفيف :- مممممممممم

ابراهيم :- زينب خدي الاولاد لعند اهلك

ابراهيم :- امي

امي :- خلص خلص طيب طيب متل مابدك..

( كل يلي حسيت عليه اني فتت سيارة وماكنت بعرف لوين… او شو صار او شو عم يصير..

سامر :- شو هالورطة يلي ورطتني اياها

ابراهيم :- ماعندي الا هالحل يا سامر

سامر : بربك وقتا

ابراهيم :- خدلا غرفة بفندق..

سامر :- طيب استنا لهون من تشوفني طلعت انا وهي بتطلعو لفوق

ابراهيم :- مابدي تنتبه..

سامر :- لا تقلق استنى شوي..

( دق تلفون ابراهيم..

امي :- لك امي رجع زوج علا مرة تانية.. ومعو عماد..

ابراهيم :- اصرفيهن بطريقتك..

امي :- عم يقلو وعم يحلفلو انو ماكانو عندو.. وهاداك دق ع الشرطة..

ابراهيم :- قليلهن ابراهيم راح يدور عليهن عند عماتهن والقرايب..

امي :- قلت قلت انت وين

ابراهيم :- رحت لعند سامر

امي :- مو سامر مسافر

ابراهيم :- بعدين بقلك

امي :- ليكون

.

ابراهيم :- اي امي اللي ببالك..

يتبع

بلشت الالغاز.. 💔









================================

لغز العشاء بقلم جمايكا الجزء الرابع..


( كنت كل هالوقت ما قدرانة افهم شي من يلي عم يحكوه ولابعرف انا وين ماعم شوف ولا عم اقدر احكي.. كان ابراهيم عم يدفشني لاطلع ع الدرج. وفتح باب وفتت فيه.. وبعدها قفل الباب..

ابراهيم :- خلصني تعال ضروري


سامر :- انا رح وصلها واجي، امي عم ادق ابراهيم مخبرها شي..

ابراهيم :- اكيد بدها تعرف

سامر :- واذا عرفت رولا رح ينخرب بيتي

ابراهيم :- سامر اذا ماطلعنا من يلي نحنا فيه رح ينخرب بيتنا كلنا مو لحالك..

سامر :- وينها

ابراهيم :- لفيتا بالسجادة وليكا بسيارة تحت

سامر :- وين رح نحطها

ابراهيم :- بشي مصيبة المهم نخلص لان زوجها جانن..

سامر :- وهاي التانية

ابراهيم :- بدنا نخفيها كم يوم ليهدا الوضع ونعرف شو نعمل..

سامر :- طيب ليش عملت هيك ليش بليتنا

ابراهيم :- اتواقحت معي وعصبتني مابعرف ماتحكمت بحالي ضربتا ع راسها بعصاية القولف.. ماشفتا الا ووقعت وماعادت اتحركت..

سامر :- لك يا اخي ليكون عايشة

ابراهيم :- اتاكد مافي نفس ابدا واذا اخدتها ع المشفى رح انكشف

سامر :- وامك

ابراهيم :- قلتا امر الله وماتت وخسرتيها وانا رح انعدم.. صارت تبكي وخافت وبالقوة لهديت.. قلتا بسحب معي سامر وببليه وبننعدم سوا..

سامر :- ياحبيبي

ابراهيم :- قلتا هيك هيك رح يعدموني اذا رفيف كشفتنا

سامر :- اي

ابراهيم :- قالت والحل..قلتها فوتي سكتيها مشان ما ننبلى انا عندي اطفال ومابدي يتيتمو.. وينحط الحمل عليكي لان امهن دغري رح تكبهن..خافت وصارت تترجاني ما اعمل لرفيف شي بكفي علا..

سامر :- اوعا يا ابراهيم اوعا بكفينا اللي عملتو

ابراهيم :- خايف منها اذا اضطر الامر رح اتخلص منها

سامر :- مش وقتو

ابراهيم :- جوزها لعلا قالب الدنيا.. والحيوان عماد حط ايدو بايد ابو يحيي بدو يبلينا

سامر :- انت شو قلتن

ابراهيم :- قلت انهن ما اجو لعنا.. وهاداك كذبني وقال رفيف محردها من ايام..

سامر :- طيب انا شوي وبصلك.. لا تعمل شي الا وقت اجي.. ولا تتحرك من مكانك..

..

ماكنت بعرف الوقت كم بس حسيتو طويل كثير وماعم بنتهي مالمت افعال ابراهيم او سامر قد ماعاتبت ع فعل امي.. كنت اتمنى شي يوم تحن علينا وتعطفن علينا.. كان الشي المنيح منها يطلع لالنا بالايجبار وكانو حد غاصبها مابعمرا وقفت ضدد اخواتي لتساندنا او تحمينا من جبروتهن.. كان سكوتها وخوفها عليهن هو السبب بتمردهن وظلمهن لالنا.. كانت ع طول تميز بينا حتى بالمرض كان خوفها بعيونها عليهن اكثر منا. مع انهن مابعمرن حنو عليها بشي.. الدلال الزايد جاب اخوة كسرونا..

سامر :- شيل من عن عيونا

ابراهيم :- بس يا اخي

سامر :- شيل واترك الباقي لالي.. ماتشيل عن تما استنى

شوفي رفيف انا هون مشان ما اخلى ابراهيم يقتلك ويدفنك بدون ماحد يعرف عنك شي.. اذا بطلع صوتك رح جيب اجلك ولا تحاولي تصرخي لانك بمكان الجن الازرق مابيعرفوا فهمانة.. ومافي حد حوالينا ليسمعك لهيك لا اتعذبي حالك..

رفيف :- ليش عم تعملو هيك انا شو عملت لالكن وشو عملتو بعلا

ابراهيم :- قلتلك مافي الا ادفنها بارضا..

( وهجم عليه مشان يضربني.. بس سامر بعدو..

رفيف :- خلص خلص لا تضربني خلص متل مابدك..

سامر :- لكان اخرسي لاشوف

ابراهيم :- امي عم ادق.

سامر :- روح رد عليها..

امي :- الشرطة صارت بالبيت يا ابراهيم

سامر:- شو في

ابراهيم :- الشرطة

سامر :- طيب امشي خلينا نروح ع المخفر انقدم بلاغ عليهن

ابراهيم : شلون

سامر :- بنطلع ع المخفر بنقلن خواتي ما الهن اثر ولا وجود وانو عماد لالو ايد في اختفائهن وبجوز يكون عاملن شي.. ومتفق مع ابو يحيي.. وبدنا حقنا.. ومن هالحكي..

(..

ابراهيم :- واذا جاب اثباتات انو رفيف نحنا اخدناها..

سامر :- متل شو اثباتات.. مافي رسائل ولا نحنا حكينا معو بشي شات.. اتصل من موبايلو الجربان من شي ايام وقال تعال خد اختي وصارت مشكلة مشان الذهب.. وهي على وجه ولادة وما اخدناها لان هي بدها تبقى ببيت زوجها.. ومن هالحكي..

انا ماكنت بعرف شو عم يصير حواليه بس كنت متاكدة انو في شي كبير ومخيف عملوه اخواتي.. وامي عم تعرف.. فات لعندي سامر وقفل ع تمي..

سامر :- رايحين مارح نتاخر..

نطرتن يرجعو ماحد رجع وبقيت مربطة ومقفل ع تمي لطلع الصبح لا سامر ولا ابراهيم.. والساعات عم تمر وانا من الجوع والارهاق كنت نام وارجع فيق.. حتى حركة ابني اختفت. بس بلش يجيني مغص والم ماكنت بعرف من شوي كنت عم اتلوى من الالم وانا مربطة وماكنت قدرانة اعمل شي.. .. حاولت بلساني ارفع الربطة عن تمي لقدرت شيلا.. واقدر اتنفس منيح.. مرق الصبح كلو وماحد اجا منهن.. سحبت حالي باتجاه الباب بقدرة قادر مع ثقل بطني سندت ضهري للحيط وبلشت ارفع حالي شوي شوي لوصلت اكرة الباب ونزلتا لتحت وفتحت الباب بعد عناء طويل.. كان البيت جديد ومفروش من احسنو.. سحبت حالي للمطبخ لاقدر اشرب مي بل ريقي.. او لاقي شي اكلو.. كان الاكل مكشف ع السفرة وصرت احاول مد لساني لاكل….

مرقوا ساعتين كاملين.. شبابيك الشقة مقفلين بالاباجور الابيض وماكنت اقدر شوف شي برا.. او اقدر ارفع الاباجور لانادي ع حد..

مرق اليوم الاول.. والثاني والثالث.. لدرجة عملتا ع تيابي .. وماقدرت نضف حالي. كنت عم عاني بدون ماحد حاسس فيني..

بس يلي ماكنت عاملة حسابو انو الالم يزيد والمغص يشتد وماكنت بعرف اني عم اولد.. وانو اللي معي طلق..

بالبداية كنت عض ع الفرش يلي بالبيت مشان ما اصرخ بس صار الشي مو محتمل.. وبقيت اصرخ واستنجد بحد يساعدني ولا حياة لمن تنادي..

كنت حاسة بشي عم ينزل مني ويندفع لتحت وماكنت بعرف انو ابني بدو يجي ع الدنيا..

صرخت وضغطت بكل قوتي كنت حاسستو بين رجلي.. اني اسحبو كانت من سابع المستحيلات بقي نصو علقان لرجعت وقفت وسندت حالي بالحيط ونزل مني بالارض.. سمعت صرختو… 😭وماكنت بعرف شو اعملو. او كيف احملو….

من الارهاق نزلت نمت جنبو وضميتو بايدي المربطين ع حضني. وبعدو الحبل السري علقان فيه.. كنت خايفة.. خايفة يصرلو شي. كان حلو كثير .. حسيت الدني ضوت بعيوني من شفتو جنبي.. كنت من الوجع اغفى وارجع فيق كنت قاوم خوف عليه..

بس ماحسيت ع حالي شو صار بعدا.. كأني بحلم..

…مابعرف مين بتكون جيت لقيتي ببيتي هون.. والريحة كانت بتقتل.. ا

.. والله مابعرف مين بتكون..

.. غطوها منيح.. الطفل فيو نبض..

… اي بس وضعو مو منيح..

.. انتي خليكي هون ليجي الضابط..

عم قلكن والمصحف مابعرفها صرلي غايبة عن البيت ٤ ايام.. واليوم جيت اشوفوا لقيتا هون.. ولو انا بعرف شي ما كنت دقيت عليكن.

. فتحت عيوني كانت اقدام ناس كتير بالغرفة وحواليه.. وابني مو جنبي..

رفيف :- ابني.. ابني..

…لا تخافي اخدوه يطمنو عليه ورح يحو ياخدوكي..

رفيف :- صرلوا شي

.. من زمان ولدانة

رفيف :_ مابعرف مابعرف

.. مين جابك لهون وربطك هيك.

رفيف : مين انتو..

.. نحنا الشرطة.. لا تخافي نحنا معك وماحد رح يأذيكي.. بس رح ياخدو صور لالك قبل لنفكك..

.. رفيف :- طيب استروا عليه الله يخليكن..

.. غطوها.. وفكوا اللي ع ايديها ورجليها..

… وصلت الاسعاف التانية..

.. الطفل بخير..

… نقلوه ع الحاضنة ليفحصوه منيح..

رفيف :- تعبانة

.. لا تخافي اي رح ناخدك هلق للمشفى وهونيك رح ترتاحي..

رفيف :- وابني.

.. رح نجبلك اياه بس يطمنو عليه..

..نقلوني للمشفى وركبو لالي مغذيات كانت حالتي سيئة ووضعي قاسي.. بس الله بعتلي ست حنونة هونيك متل الام.. كانت عم تحممي وتنضفني واطعميني بايديها..

.. ام رائد.:- تعرفي مين انا انا سعاد ام رائد ممرضة صرلي ٢٠ سنة بالمشفى.. انتي ما الك اهل..

رفيف :- ياريت ماكان لالي اهل..

ام رائد:- مسكينة.. ابنك منيح ماشاء الله ورح تشوفيه لا تقلقي.. ورح تحطيه بحضنك وترضعيه كمان..

رفيف :- خايفة

ام رائد :- من شو ياعمري الضابط يلي برا بكون ابن اخي وصاني عليكي..

رفيف :- خالتو ام رائد.. اخواتك حنونين..

ام رائد :- الله لايحرمني منهن.. تاج فوق راسي.. لو قالو بدهن عيوني ما قلن لاء حنونين وما بقصروا فيني الله يرضى عليهن..

رفيف :- انا اخوتي الله يلعنهن وين ماراحو.. الله ينتقم منهن..

..

( كنت بحكي مع ام رائد وقت انفتح الباب وفاتت صبية مابعرفها بس حسيت اني شفتا بشي مكان..

.. دخيلك بس ساعديني انتي مين.. ومين فوتك ع بيتي..

رفيف :- بيتك.. مابعرف

.. طيب كيف ومين ربطك هيك..

رفيف :- مابعرف..

… من مين خايفة لا تخافي هون الشرطة ساعديني رح يتهموني فيكي.. مين دخلك ع بيتي..

رفيف :- انتي مين.

… انا داليا..

رفيف :- سامر. بتعرفيه..

.. سامر اي زوجي وصرلوا ايام مابسمع عنو شي.. بتعرفيه انتي..

رفيف :- اخي

.. ليك وين الشرطة تعو ليكها حكت..

. الضابط :- عمتي خرج نحكي معها..

. اي وضعها منيح صار فوتوا..

رفيف :- شو بدكن مني..

.. الضابط :- في قضية كبيرة وبدنا مساعدتك.. بتعرفي مين حطك بالبيت.

رفيف :- اي اخي ابراهيم وسامر

الضابط:- تمام وهني يلي حبسوكي وربطو ايديكي ورجليكي هيك..

رفيف :- اي وتركوني ايام لحالي..الله لا يسامحهن

الضابط :- هني عنا بالنظارة من ايام.. وفي قضية كبيرة ومتهمين فيها.. وانتي جزء منها..

رفيف :- هني يلي حبسوني

الضابط :- كنا شاكين من يوم فقدانك.. بتعرفي وين اختك علا..

رفيف :- علا.. صرلا شي..

الضابط :- كمان هي مفقودة لحد الان..

رفيف :- هني يلي خبوها اكيد اذوها..

الضابط :- مابتعرفي لوين

رفيف :- مابعرف لاء بس هني بيعرفوا مكانا منيح ابراهيم هو ابراهيم يلي اخدها..

الضابط:- زوجك عماد وزوج اختك لالهن ايد باللي صار معك..

رفيف :- زوج اختي لاء.. بس عماد هو اكبر مذنب 😢.. بس هو ما خطفني.. هو رماني لالهن ليعملو . فيني هيك.. طمنوني ع علا..

الضابط :- للاسف لهلق مافي خبر عنها.. وزوجها وزوجك واخواتك موقفين عنا كنا شاكين بحد منهن..

الضابط:- طيب انا بتركن..

ام رائد :- خد راحتك..

داليا :- سدقيني انا ماكنت بعرف انو اخوكي هيك عمل فيكي.. لو بعرف انو هاديك الليلة من طالعني من بيتي مشان يحبسك بالبيت ما كنت خليتو…. قلي البسي اخدك ع الفندق رح نقضي احلا ايام هونيك.. قلتو خلينا هون.. قلي مانو مرتاح.. واخد مني المفاتيح ع اساس نسي اغراض ومفاتيحو بدو يرجع يجيبهن ومارجع.. وانا ماعاد بقي معي مفاتيح لاطمن عليه.. اول يوم دقيت عليه ماكنت يقبل يرد وبعتلي رسالة قلي مشغول كتير مانو فاضي.. بعدين موبايلو صار مغلق..

وانا صرت اكل بحالي ومامعي سيارتي كل شي اخد مني.. دقيت ع اختي اجت لعندي اخدتني بسيارتها واجا نجار.. فتحلنا الباب ولقيناكي فيه.. والله ماكنت بعرف انو صاير هيك شي..

رفيف :- هني ضربوني وضربوا اختي وماعرفت وين هي هلق..انتي بتعرفي انو سامر متزوج.

داليا:- اي بعرف بس هو مانو مبسوط مع مرتوا وبدو يطلقها.. بس عليه التزامات مع اهلا وقلي في ديون كتير عليه وماخرج يطلقها الا وقت يقفلهن وانا عم ساعدو..

رفيف :- هو هيك قلك.. كذاب كان عم ينصب عليكي لان هو بحبها وطرطور تحت ايديها ومابرفضلا طلب.. واهلا ناس مبهدلين ومامعهن مصاري..

داليا :- شلون

رفيف :- والله العظيم متل ما سمعتي هني عيلة مبهدلة وفقيرة وهي لازقة فيه ومابتروح حتى لعند اهلا..

داليا :- بس هو قلي

رفيف :- سامر كذاب.. انتي بتعرفيها لمرتوا شايفتيها قبل هيك

داليا :- اي..

رفيف :- 😢. وليش ما سالتي..

داليا :- كان دايما يبكي ويشكي منها..

رفيف ٪- كان عم يكذب عليكي بحياتو ما شكى منها كان شايلها ع كفوفنا..

الضابط :- ست داليا اتفضلي معنا

داليا :- كلامك انقذني..

رفيف :- دخيلك طمنيني ع اختي علا

الضابط:- امشي معنا للمغفر لنكفي اقوالنا..

…. العصر..

ام رائد :- وهاد ابنك.. شوفي ما احلاه..

رفيف :- دخيل قلبو الله يحميه.. كنت خايفة عليه كثير

ام رائد :- قربيه ع حضنك..

رفيف :- مالي حد بالدني غيروا..

ام رائد :- الله مايحرمك منو..

( بدي فووووت لعندا..

ام رائد :- في وحدة برا الامن عم يرفض يفوتها بس بتصرخ بكل مافيها ومعها وحدة تانية وشكلا قريبتك..

رفيف :- هاد صوت امي..

امي :- لك ليش عملتي بخواتك هيك الله ينتقم منك بدك تموتيني بدك تدفنيني قبل ميعادي.. لك اخواتك صرلن ايام مسجونين لوين بدك توصليهن..

زينب :- عارفة شو عملتي بعيلة اخوكي الله لا يشيل عنك شدة..

امي موجه حديثها للممرضة..

امي :- لو سمحتي اتركيني شوي مع بنتي..

رفيف :- ام رائد

ام رائد:- انا بالباب لا تخافي اذا في شي نادي عليه..

امي :- اخواتك راحو فيها.. ياريتك متي متلا وارتحت منكن.. اااخ يا امي ع يلي صابكن.. يا ويل قلبي عليكن.. يارب يارب..

يتبع..


=======================================


لغز العشاء بقلم جمايكا الجزء الخامس..


رفيف :- بس بدي اعرف ليش انتي هيك والله نحنا بناتك كمان..شو عملتو بعلا

امي :- سكري تمك ولا تسالي عن حد لحسن قسم بالله يا رفيف اذا بسببك بنحرم من اخواتك لاحرمك من ضناكي وماعاد تشوفيه


رفيف :- كيف ليش يا امي هيك

امي :- ماعاد تشوفيه..

رفيف :- لا الله يخليكي مالي غيرو

امي :- جوزك ومابدو اياكي لا انتي ولا ابنك ومالك مكان الا عنا اذا اخواتك بفوتوا السجن رح ماتشوفي ابنك للممات..

زينب :- مرت عمي

امي :- روحي زينب من هون

زينب :_ طيب

امي :- وقفلي الباب وراكي..

رفيف :- دخيلك لا تاخدي ابني

امي :- مارح اخدو.. بس بتطلعي بتحكي للضابط انو اخواتك عملو هيك لانك غلطتي..

رفيف :- غلطت بشووو

امي :- اخواتك حكو السبب انهن سجنوكي قضية شرف..

… قبل يومين.. في المخفر

الضابط :- شو سبب اللي خلاك تسجن اختك وتنكر اختفائها…وتكذب بقصص مالها طعمة بدك تحكي ولا اخليهن يسحبوك يربوك جوا

ابراهيم :- ياسيدي فينا نحكي عن انفراد

الضابط :- اها و ليش ماتحكي هون

ابراهيم :- اذا بتريد القضية قضية شرف خواتي..

الضابط :- طيب اطلعو كلكن وخد التثنين ع الحجز وتعال انت

ابراهيم :- تعال سامر

الضابط :- اتفضل احكي..

ابراهيم :- يا سيدي انا اختي شرفي ومابدي حد يغبر عليها ونحنا انصبنا بعرضنا وانحرق قلبنا ع يلي صابنا عنا ولايا وبنات ناس ومابدنا تتشوه سمعتهن..

الضابط:- كفي

ابراهيم :- بيوم اتصل عليه عماد زوج اختي رفيف وقلي تعال خد اختك انا رح طلقها.. قلتو شبها شو السبب قلي اختك بتغلط بحقي مارضي يحكي شي.. وماسدقتو لانها حامل.. بس اختي مابتهون عليه رحت لعندها قلتا شبك شو عاملة ماقبلت تحكي خايفة.. قعدت مع عماد قلتو شبها اختي..

عماد :- انا شبعرفني انو يلي ببطنها ابني

ابراهيم :- شووو شو عم تخبص انت مابسمحلك واختي اشرف من الشرف وطاهرة..

عماد :- روح اسألها مع مين كنتي اليوم

ابراهيم :- لا هيك انا مابسمحلك

عماد :- متل مابقلك عم تطلع بغيابي مشان تقابلو

ابراهيم :- بدك تخرس ولا اخرسك للابد

عماد:- بعد ايدك بدل ما تمدها عليه روح ربي اختك.. خدها وانقلعو من بيتي.. لا بدي اياها ولا بدي الولد..

ابراهيم:- شووووو رفيففففف ياااا رفيييف

.

اجت لعندي اختي عم ترجف وخايفة حسيت انو كلامو صح بس ماقدرت استجوبها قدامو مشان ما يحطها عليه

ابراهيم :- البسي خلينا نروح..

رفيف:- ابراهيم بس اسمعني..

ابراهيم :- البسي رفيف بسرعة..

واخدت اختي يا سيدي وانا قلبي عم يشعل نار من جواتي وصلنا البيت انكرت وقالت كذاب وانا بسدق اختي ومستحيل اختي تعملها..

ابراهيم :- فوتي ارتاحي لاشوف شو نهاية الحكي اللي قالو عماد..

والله ياسيدي طنشت واعتبرت الحكي كذب.. اختي حامل وبدها تولد واكيد كذب يلي بقولوا هالزلمة وماحبيت زعلها مشان بدها تولد باي لحظة..وكنت ما احرمها من شي ويلي بدها اياه اقدمو ع طبق من ذهب.. بس اختي تطلع كل يوم من البيت ومن اسالها تقلي عم اتمشى مشان الولادة وتقلي اوقات علا (اختي التانية) رايحة معها.. وانا اطمن عليها..

بيوم دقلي سامر وقلي تعال قلتو شبك شو في.. قلي بسرعة تعال.. وين قال انا على البحر كان صوتوا مو تمام وفيو شي مانو منيح..

اخدت سيارتي ورحت لعندو لقيتو مع خواتي وهني عم يبكن..

شبك شو في..

سامر :- وين انت عنهن

ابراهيم :- عن شو وخواتك شو جابهن لهو

سامر :- شو جابهن.. قليلو يا بنت الحرام شو جابكن

ابراهيم :- لك سامر شو في…

( كانو خواتي عم يبكو وخايفات..

ابراهيم :- قلي رح جن صاير شي معهن..

سامر : احكن لاشوف مين اللي كنتو معهن هادول..

ابراهيم :_ كانو مع مين رح جن ياراجل..

سامر :- مين الرجال يلي كنتن معهن احكيي بسرعة لاقتلك وكبك بالبحر

ابراهيم :- رجاااااااال..

الله اكبر عليكن..

.. كان هالحكي بعد العصر وع غروب الشمس ماقدرت اتمالك اعصابي يا سيدي كلام عماد صح.. خواتي بخونن ازواجهن..

علا :- والله انا مالي ذنب هي رفيف قالت تعي معي.. ورحت معها.. ومن اجى حبيبها والله مابعرف اسماءهن حتى كان جايب معو رفيقو.. وقلتا بدي روح ماردت عليه..

ياسيدي انت لو مكاني شو كنت رح تعمل اخ ياريتني دفنت حالي وقتها.. من الزعل سحبت اختي رفيف واخي سحب علا.. للسيارة خجلنا قدام العالم ننفضح.. جينا نطلع بالسيارة وما لسه مشينا نزلت علا وهربت من السيارة وماعرفنا وين صارت فتلنا الدني كلا.. ووقتها علا اتصلت بابو يحيي كانت بدها تستنجد فيه مشان ما ينقتلو بس نحنا خفنا من الفضيحة اختي رفيف مجنونة.. ونحنا شرفنا رح يصير بالطين. اخددتا ع البيت لوقت ما نشوف علا وين.. ووقتها اجااو يحيي يسال عن علا.. خفنا تحكي رفيف شي وينخرب بيت اختي علا.. انكرنا اللي قالو.. واخدت اختي ع بيت مرت اخي سامر التانية.. ع اساس اضل هونيك لوقت نعرف وين علا.. وماتهرب.. وجينا نبلغ لالكن باختفائها بدون ما نقلكن الاسباب بضلهن خواتي وشرفي..

الضابط :- وليش مربطها

ابراهيم :- ياسيدي نحنا بينا وبين زوج اختي خلاف ع مصاري.. وهو بدو عزا لالنا ليشبع فيه لطم لا بدو اختي ولا ابنها.. وبدو يفضح عرضنا.. وخفنا تهرب وتروح لعندو وننفضح.. لان عقلها مو سوي..

الضابط :- وهاد اللي بخليك تحبس اختك

ابراهيم :- سيدي نحنا ما حبسناها.. انتو حبستونا وماعررفنا نصل لالها او حد يساعدها.. وماتواخذني اخي متزوج ع مرتوا بالسر وخفنا نحكي لحد وينخرب بيتو ويضيعو اولادو..

الضابط :- رح ترجعو ع الحجز من تاني لنشوف انراجع اقوالكن ونتاكد من صحة اللي عم تحكوه.. فوت خدهن للحجز.. ع زمه التحقيق…

ابراهيم :- ياسيدي والله يلي بقولوا صحيح..

الضابط :- فوت ابو يحيي لهون..

… امرك سيدي..

الضابط :- اجلس ابو يحيي

رح نخلي سبيلك بعد شوي بس لنعرف منك كم شغلة مافي اي اتهامات عليك.. لان اثبت وجودك ببيت اهلك فترة خروج مرتك من البيت.. وهاد يلي اثبت من كاميرات الجيران.. بس سؤال انت بتشك بمرتك بشي او تكون بتعرف حد شي.. قريب غريب ست رجال..

ابو يحيي :- لا ياسيدي مرتي قليل ما بتطلع من البيت ولا عمرا غابت وباتت براتو حتى بس تروح زيارة لعند اهلها مابتنام هونيك.. وقليل ما بتطلع لحالا الا للضرورة القسوى.. ومافي الا اهلي وخواتها يلي بيحو لعنا.. واخواتها الشباب. وامها.. . قليل ليجو..

الضابط ٪- شاكك بشي ع مرتك

ابو يحيي :- كيف..

الضابط :هاي اسئلة روتينيه مشان نعرف سبب اختفائها ولازم تكون صريح معنا.

ابو يحيي:-لا والله مرتي شخص هادي ومابتخطلت وبتخجل لو اخي سلم عليها ومستحيل تكون عم تغلط

الضابط :- فيك تروح وانتبه انت تحت المراقبة ممنوع السفر برا البلد حاليا…

ابو يحيي :- اي سفر ياسيدي ومرتي مختفيه واولادي صفيو عند اهلي لحالهن

الضابط :- فيك تروح..

.. سيدي بقيان اللي اسمو عماد شو نعمل..

الضابط :- خدوه ع الحجز حاليا….

داخل السجن..

سامر :- من وين هالعقل يلي عندك مصيبة انت

ابراهيم :- بس ان شاء الله امك تجي لافهمها شو تعمل.

سامر :-“، يعني رح انفضح

ابراهيم :- هاد يلي بتفكر فيه

سامر :- لا تخليها تروح لعند رفيف.. مرتي لا تخليها..

ابراهيم :_- اسكت هلق اجا عماد.. كنت بدي لبسها لالو بس مابتزبط..

بعد يومين…

.. في المستشفى

امي :- فهمتي متل ما قلتلك بتخبري الشرطة واياكي ثم اياكي تغلطي.. اخواتك برجعو ع بيوتهن وانتي بترجعي لعنا انتي وابنك معززة مكرمة وماحد بمد ايدو عليكي وزوجك حسابو عنا.. رح نخليه يدفعلك مهر ويجبلك بيت ويطلع يشتغل…

رفيف : بدك اتهم حالي قضية شرف

امي :- مافي الا هيك ليطلعو اخواتك.. قضية شرف

رفيف :- وعلا

امي :-رجعت لعند زوجها

رفيف :- مستحيل علا صايرلا شي

امي:- علا رجعت لاولادها ومابدنا نحكي معها لان جوزها مانعنا بعد يلي صار..

رفيف :- كذب

امي :- رفيف لا تخليني جن.. بنتي علا وبعرف مصلحتا اكتر منك.. اكلت قتلة لطول لسانها وهلق انقطعت علاقتنا معها وجوزها ماعاد بدو لا نفوت ولا نروح لعندا بكرة من ترجعي لزوجك ابقي روحي زوريها براحتك.. المهم فكري بابنك وبمصيروا وبوعدك ماحد يدخل فيكي لا انتي ولا ابنك..

رفيف :- لو انتي مابتكذبي ليش بتحكي انو موتك متلا او خلي مصيرك متلا

امي :- لك انا ام مابهون عليه فيكن.. 😢😭.. كيف بدك فرط بعلا

( كان قلبي حاسسني انو في شي ماصح وانها امي عم تكذب.. والبكي والزعل كان تمثيل.. اقبلت وقت يجي الضابط احكي متل ما امي بدها.. وخلال اليومين امي اقتبست دور الممثل ببراعة من اهتمام فيني وبابني وبطريقة كلها حزن.. وزعل.. وانو الحفيد غالي.. حاولت تقنعني بافعالها انها صح..

الضابط :- اظن هلق صرتي احسن وصار وقت نحكي..

رفيف :- اي انا منيحة

الضابط :- رح طالعهن من الغرفة لتحكي بدون خوف.. فيكن تطلعو وانتي ام ابراهيم طلعي..

امي :- رح ضل جنب بنتي

الضابط :- اذا بتريدي اطلعي..

رفيف :- وينن اخواتي

الضابط :- بالمخفر عنا.. وهلق جاي اسئلك كم سؤال وهالاسئلة اعتبريني من اخلص منها ما سالتها ولا تخافي مارح حد يعرف بالموضوع.

رفيف :- اكيد اتفضل

الضابط :- اخوكي حققنا معو وقالو سبب حبسو لالك انك كنتي مع رجال انتي واختك ع البحر صحيح هالحكي

رفيف :-😶😑

الضابط :-، شبك ساكتة لا تخافي ماحد رح يعرف.. جاوبيني او ولا لاء

رفيف : اي

الضابط :- بتعرفي مين هو بتعرفي اسمو

رفيف : الله يخليك ما بدي فضايح

الضابط :- لا تخافي

رفيف :- مافيني قول

الضابط :- ممم من اختك كانت معك شو صار

رفيف :- هربت.. لان اخواتي كانو بدهن يضربونا .. بس انا ماقدرت اهرب لان حامل.

الضابط :- هوووف كنت اتمنى اخد حقك.. بس يبدو انو القصة ناكتة رح قوم انا واذا صار معك شي دغري حاكي الشرطة..

( الضابط ماقبل يسالني اكثر اسئلة من يلي كنت متوقعتو.. تاني يوم اسمعت انو اخواتي طلعو من المخفر..

امي :- قومي اجهزي لنرجع ع البيت

رفيف :- انتي وعدتيني

امي :- امشي..

نزلنا كانت سيارة ناطرتنا.. اطلعنا انا وامي وابني..، بعد بشوي توقفت وطلع ابراهيم وسامر..

😢😢😢

.

امي :- والله يا امي قلبي رح يطير من الفرحة منيح انكن رجعتو لالي كنت رح موت بلاكن.

قعد ابراهيم جنبي وسامر قدام.. وقت قعد ابراهيم ضربني بكوع ايدو بخاصرتي.. من الالم صرت اتلوى بدون ما اطالع صوت..

ابراهيم :- هششششش ولا صوت

امي :- خد ياسامر احمل ابن اختك..

سامر :- اي والله.. شكلو بحب الهوى رح اقربوا من الشباك

ابراهيم :- لاء دخلو امو بتخاف عليه مابهون عليها ينأذى صح يا رفيف..

.. ( كانو عم يعملو حركات تاذي ابني بالسيارة كانو عم يوصلو لالي انو موتو عندهن سهل اذا برجع بتنفس بحرف واحد…

وصلنا البيت وكل واحد راح ع بيتو..

امي :- شفتي بسببك شو عملتي فيني وبحالك والله هم انتو هم..

رفيف :- 😢.. علا امي شو صار فيها مو هي بنتك

امى :- علا عند جوزها..وماعاد بدها اياني مشان ماينخرب بيتها وحاجي تسألي لان كرهت سيرتك وسيرة علا..

دخلت غرفتي وانا عم احمد الله انو ابني بحضني وبعدو بخير.. كنت ماعم احسن نام من الخوف.. خوف انهن ياخدوه مني..

امي :- اخواتك رح ينزلو يتعشو عنا

رفيف :- انا مابدي اتعشى

امي :- انا ما بسالك تجي تتعشي او لاء.. انا بامرك مشان نقوم نجهز العشا.. مابدي انحرم من خواتك.. رح يصيروا كل يوم ينزلو يتعشو عندي..

رفيف :- وليش انا ليش مو نساوينهن

امي :- رح ينزلو بدون نساوينهن.. رح اتعشى انا واياهن اشتقت لالهن بدي اشبع منهن قبل لاموت بجلطة…. كانو جرس الباب بيرن..

رفيف :- اي

امي :- لكان شو بتعملي روحي افتحي الباب..

رفيف :- رااانيا..

امي :- رااانيا..

رانيا :- امي ليش ماعم تردو عليه..

( زاورتني امي ودفشتني بايدها…

امي :- فوتي امي

رانيا :- معي زهير

امي :- فوت صهري

رانيا :- شو عم يصير عنددكن.. رفيف ولدتي..

امي :- اي ولدت

رانيا :- اسمعت انو خواتي كانو بالمخفر

امي :- العما من مين سمعتي

رانيا :- ابن عمو لزهير..

زهير :- مرت عمي شو صاير عندكن.. ابن عمي بقلي شفت اولاد حماك طالعين من المخفر صاير شي جينا نطمن عليكن..

امي :- مافي مشكلة ولا شي اتخانقو اخواتك مع زوج رفيف..وشكا عليهن..

رانيا :- انا انشغل بالي ماعم تردو عليه وبرن ع علا مابترد ومامعي رقم زوجها رحت ع بيتها ماحد فتحلي الباب..

امي :- ييي ماعرفتي

رانيا :- شوو

امي :- علا سافرت هي وعيلتها

رانيا :- سافرت بدون ما تخبرني

امي :- طلعو فجاة.. تهريب لهيك مامعهن تلفونات..

رانيا :- طيب هني وين هلق بخير امورهن تمام

امي :- ماحد سمع عنهن شي لسه. بكونوا بالطريق..

رانيا :- لك رفيف والله نسيتك يا اختي انتي منيحة شو جبتي صبي متل ما قلتي انتو مناح..

زهير :- مرت عمي رح انضل ع الباب..

امي :- فوتو فوتو.. تعي رفيف

رانيا :- وينو البيبي

امي :- بغرفتكن.. شوفيه.. تعي رفيف..

رفيف :- اجيت

امي :- اياكي تكذبيني او تحكي شي هيك او هيك من يلي صار اكتفي بلي قلتو لالهن. ولا تحكي شي.. مشان ابنك

رفيف :- ماشي ماشي خلص خلص..

امي :- اعمليلو قهوة خليه ينصرف هو واختك مانو وقتهن وبلشي بتجهيز العشا..

رانيا :- بسم الله ماشاء الله بياخد العقل بيغرف القلب حبيبي شو سمتيه

رفيف :- لهلق ما سميتو

رانيا :- شو بتعملي عشا والله من القلق مافاتت لبطني لقمة متل الخلق وبالعافية خليت زهير يوصلني..

امي :- روحي رانيا جنب زوجك لا تتركيه..

رانيا :- خليني بساعدكن

امي :- روحي رانيا روحي

رانيا :- شبك امي مدايقةة

امي :- ماني مدايقة روحي هناك

رانيا :- طيب متل مابدك انا قلت بساعدك..

امي :- لا تساعدي ليكها رفيف بتشتغل..

رانيا :- حرام امي والده جديد لمين كل هالاكل

امي :- رح ينزلو خواتك يتعشو

رانيا :- اي وليش مانزلو نساوينهن يتعشو

امي :- نازلين لحالهن.. اشتقت اقعد معهن ع سفرة لحالي..

رانيا :- اه فهمت عليكي هلق يا امي.. ماشي.. انا اطمنت عليكو رفيف بدك شي..

( انحرق قلبي ع رانيا.. ماقدرت قلا شي امي قلعتهن حتى ما لحقو يشربوا القهوة..

رفيف :- خليني بوسك قلب لتروحي

رانيا :- تعي..

رفيف :- لا تزعلي رفيف

رانيا :- لا يختي ما بزعل تعي احضنك اشتقتلك والله وما اشبعت منك..

( استغليت حضن اختي وهمستلا..

رفيف :- ارجعي لبيت علا 😭.

رانيا :-😳

رفيف :- تعي احضنك كمان.. لا تسدقي امي روحي لعلا رح تعرفي.

امي :- اي ما شبعتو احضان

زهير :- امشي رانيا

( راحت اختي وهي مانها فهمانة شي بس حست من تعابير وجهي وقت همست باذنها..

امي :- روحي سخني الخبز وحطي ابريق الشاي رح ينزلوا اخواتك..

رفيف :- طيب..

( حطيت السفرة لاخواتي ونزلو يتعشو.. لقيت امي مجهزتلي ساندويش لاكلو واعطتني صحن اعشي ابي.. وقفلت باب الغرفة علينا…

امي :- رح جبلك ابنك.. مشان مايزعج اخواتك بجعيروا..

..

سامر :- شو مشتاق لاكل ايديكي يا امي اكل السجون ما بيناكل..

ابراهيم :- وانا كمان والله..

سامر :- شو مشان

ابراهيم :- حاليا مارح نعمل شي اكيد مراقبين..

سامر :- طيب لمتى

ابراهيم :- لتنام القصة بجوز شهر شهرين سنة سنتين. مابنعرف

سامر :- ورح تبقى هيك

ابراهيم :_ مافي خيار تاني.. الا ليرجع صاحب البناية ويعمرها ويسكن فيها.. وهاد من سابع المستحيلات لانها مهجورة من سنين وماحد بفوتها..

سامر :- انت ماشفت عارضينا للبيع

ابراهيم :- ماحد بيشتري عليها سيط ما منيح بقولوا ساكنها جن.

امي :- سامر

سامر :- خير امي

امي :- من بيت مين

سامر :- مين هي

امي :- يلي متجوزها ع مرتك

سامر :- ناس معهن مال كثير ماضروري من بيت مين.. مو من توبنا يا امي

امي :- ليش ماعرفتنا عليها

سامر :- مابدك هالمعرفة

امي :- ليش

ابراهيم :- شغل كازينو وبار هههعهه

سامر :- لا تردي عليه هي بس مغنية وصوتها حلو

ابراهيم :- ومعها مصاري كثير وبتنشلنا نشل

سامر :- مابدي رولا بتعرف بتجن علينا

امي :- مرتك ليش راخي الحبل لالها كثير كل يوم بتطلع من البيت لحالا وبتترك الاول يا عندي يا عند زينب

سامر :- بتمل امي وبتزهق خليها تروح تغير جو..

….

رفيف :- ياريتك يا ابي بصحتك لتحسن ترفع عنا هالظلم بس الحق عليك انت.. العقل والخرافة بجيب الصبي هو يلي عمل فينا هيك وعمل بامي هيك.. خوفها ع سامر وابراهيم بسببكن.. انتو يلي غيرتوها وخليتوها تكرهنا كرمال ماتخسرهن..بس شو بينفع هلق الحكي.. كل يا بي كل.. ليكك ماواحد فيهن قلك شو محتاج.. صرلك سنين بالغرفة ولا بعمرن اخدوك شي مشوار يا ع المشفى يا بقعدوك بالدكان عند امي..

انت بتعرف انو هني عاملين شي لعلا صح.. هني اذوها انا متاكدة وكذبوا وقالت رجعت عند زوجها هني حابسينا اكيد..

ماقدران تحكي بعرف.. بس شو رح ينفع حكيك بعد يلي شفناه الله يسامحكن.. عم تبكي.. اكيد رح تبكي يلي بكيناه انا وخواتي ماحرك فيكن ساكن.. بدك شي تاني رايحة انام..

( شربت ابي وغطيتو.. وطلعت لغرفتي سمعت صهصهت امي واخواتي ولا كان صار عندهن مصيبة.. وخاصة سامر بس ماكان يهمني لا هو ولا خيانتو لمرتوا اساسا هي كانت بتستاهل هالخيانة.. وفخار يكسر بعضو كنت اتمنى ينكشف وينخرب بيتو بس ماكان عندي اي اثبات او دليل لاكشفو غير اسم المخلوقة..

سامر : انا طالع لفوق انام..

( اول ما شفتو طالع هربت ع الغرفة وحطيت ابني بحضني وغمضت عيوني كنت خاف منهن.. كانو كابوس ماعم ينتهي بحياتي وكبر هالكابوس وقت اجى ابني..

وبقيت كل ليلة متل الخدامة جهزلن عشا مع ليسهروا مع امي.. وكنت شوف دائما كل مرة وحجة من نسواينهن عم تحاول تتسمع عليهن.. لتعرف شو عم يدور جوا..

رولا :- رفيف هاد انتي

رفيف :- كنت طالعة كب الزبالة بدك شي

رولا :- لاء بس كانهن طولوا

رفيف :- فوتي لعندن

رولا :- بعصب سامر بدي اسئلك

رفيف :- اسالي

رولا :- بدك تعملي لالهن شاي صح.. وانتي فايتة اسالي متى راجع سامر من السفر

رفيف :- مادخلني انا مابسال عن شي فوتي اسالي انتي هاد زوجك وانتي لازم تعرفي مو انا.. عن اذنك..

( تركتا عم تحاول تتسمع ونزلت نزل الزبالة وقت فتحت الباب كانت رانيا..

رانيا :- هشششش.. لحد يسمعنا كنت بعرف رح اطالعي الزبالة متل عادتك بهيك وقت كنت ناطرتك..

رفيف :- رانيا ساعديني خدي ابني الله يخليكي

رانيا :- وين علا يا رفيف هي جوا محبوسة صح

رفيف :- علا مانا هون ماحد بيعرف شي بس اخواتك لالهن ايد بالموضوع هني يلي اذوها

رانيا :- رح لعند ابو يحيي حالتو بالويل وبقول ماتوقعت مرتي تخوني وتهرب .. شو صاير

رفيف :- كذب يختي احكيلو كذب هني اغصبوني اختك ماغلطت بشي ظلمونا الله ينتقم منهن.. وهني يلي مخبيين علا.. ماهربت

رانيا :- وين مخبينها

رفيف :- مابعرف مابعرف

رانيا :- اسمعي بكرة امك الساعة كم بتكون بالدكان

رفيف :- ع ٨ الصبح

رانيا :- تمام انا الصبح رح اجي ومعي ابو يحيي

رفيف :- وين يجي اذا عرفوا اخواتك بقبروني وبياخدو ابني

رانيا :- رح يجن جوز علا وحابس اولاد اختك وبقلهن امكنن وسخة..

رفيف :_ والله يختي ما الها ذنب وما بتغلط ولا كنا مع رجال ولا شي اجت ادافع عني بوجه ابراهيم قامت حكتلو كلام ضربها عليه وضربني وحبسني وحبسها ومابعرف لوين وقال انها هربت.. وامك متفقة معهن.. خوف عليهن.. وانا هددوني اذا بحكي شي رح يقتلو ابني.. لو بتشوفي شو عملو فيني شغلات..

.. امي :- رفيف..

رفيف :-روحي روحي هاي امي

امي :-، مع مين عم تحكي

رفيف :- هاد يلي بياخد الزبالة بقلي لا تحطو قزاز بالزبالة وعلب حديد..

رانيا :- هاتي الكيس كبوا انا. بكرة بشوفك بنفس الوقت

امي :- ولي انتي مابتستحي بدك تجيبي لالنا الكلام عم تحكي مع رجال

رفيف :- امي قد ابي الرجال وبعدين انتو كذبتو الكذبة وسدقتوها انا مابحكي مع رجال

امي :- طيب فوتي انقبري لجوا شيلي السفرة وهاتي الشاي..

بلشت حس بالامان شوي برجعة رانيا ماكان لالي غيرها يساعدني تاني يوم رجعت وخبرتها اللي صار معي. وتالت يوم كذالك وقت اجهز العشا كنت لاقيها ع الباب وخبرتها عن مرت سامر التانية.. وبيوم اجا ابو يحيي وحلفت ع المصحف انو اختي مظلومة وانهن اخواتي وخاصة ابراهيم لالو ايد وانو ابني رهينة تحت ايديهن لهيك مابقدر اتركوا..

رانيا :- اسمعي روحي جيبي ابنك

رفيف :- ابني

رانيا :- اي.. رح يضل معي وبتتظاهر انو انخطف فهمانة.

رفيف :- بس هو بيرضع

رانيا :- رح جبلو حليب ويضل بامان عندي الجاي كبير رفيف انتبهي ع حالك..

رولا :- شو ست رفيف

رفيف :- رولا

رولا :- بدك ادمري اخواتك بدك تبليهن

رفيف :- ماصحيح هالحكي

رولا :- انا بعرف كل شي من اول يوم قابلتي فيه رانيا ورح خربلك حياتك واخليهن يقتلوكي..

رفيف :- شو بدك انتي

رولا :- روحي اعطي اختك الصبي لان مالو ذنب

( كنت خايفة منها ، خايفة اروح جيبو وتروح تخبر اخواتي..

رولا :- خايفة.. هاتي انا بعطيها اياه.

وبالفعل اخدتو مني وحطتو ع الباب.. ولحقتها لقيت اختي اخدتو.. ارتحت رغم انو صار بعيد عني بس بكفي انو بامان صار..

رولا :- ماخلصنا

رفيف :- شو بدك مني

رولا :- اكيد بدي منك.. انا لو بدي اذيكي كان خبرت اخواتك من اول يوم

رفيف :-ممممم

رولا :- مين هي داليا..

رفيف :- مممم مابعرف

رولا :-مين هي داليا وانتي بتعرفي شو مصيرك هلق اذا انكرتي

رفيف :- مرت سامر ااتزوجها عليكي بس هاد يلي بعرفوا وبعرف انها معها مصاري وقت يقلك مسافر كان يروح لعندا والبيت يلي حبسوني فيه بيتها بس والله مابعرف وين هاد كل شي بعرفوا والله..

رولا :- لاء بتعرفي

رفيف :- والله هاد كل شي بعرفوا

رولا :- طيب قسم بالله لاخبرهن واورجيهن انك فضحتيهن وانك هربتي ابنك رح اخلي دمك بغسل بلاط البيت كلو..

لاول مرة ما احس بالخوف رفعت وجهي من الارض وقمت من مكاني ووقفت مقابيلا وعيني بعينا …

رفيف :- خبريهن.. وانا رح خبرهن عن وساختك يلي كنتي تعمليها بغياب اخي سامر وانتي بتعرفي قصدي شو.. وبعرف انك يلي اقترحتي يتهموني بشرفي.. بعرف انك انتي يلي اخترعتي قصة البحر..بعرف كل شي.. وبعرف انو انتي يلي بتعملي هالشي وكاشفتك وبعرف مين يلي عم تطلعي معوو..

( انا وقتها خمنت ومابعرف كيف طلع الحكي مني كنت حاسة حالي افتريت عليها بس لحظتا شفتا خايفة واتغيرت ملامح وجها.. واتراجعت لورا..

رولا :- عم تراقبيني كنتي

رفيف :- اي

رولا :- وليش ما خبرتي اخواتك من يومها

رفيف :- لان مابهمني

رولا :- لان بتعرفي انهن رح يكذبوكي..

رفيف :- مارح يكذبوني بتذكري تلفون علا يلي اخدو مني ابراهيم لان اتصلت ع ابو يحيي.. صورك بخيانتك كلا عليه هلق اذا بخبرهن عن كل شي وفتحو الموبايل رح تكون نهايتك مو نهايتي وبتعرفي اخواتي مجرمين..

رولا :- هلق كان الحق معي صار عليه.. طيب اسمعي لا تجيبي سيرة وانتي بتعرفي انو اولاد اخوكي اذا انا اطلقت رح ينكبو بوجهك

رفيف :-لاتخافي ضرتك موجودة

رولا :- لكان شو يلي بدك اياه

رفيف :- مكان علا

رولا :- علا

رفيف :- اي علا

رولا :- بس انا مابعرف مكانها

رفيف :- كذابة

رولا :- لك والمصحف مابعرف مكانها من يوم ما قتلوها اخدوها ومابنعرف لوي

رفيف :-،،شو

رولا : شو يلي شوو

رفيف :- ماتت

رولا :- عم تهلوسي ع سماي ليش مابتعرفي انها ماتت

رفيف :- شو عم تحكي انتي

رولا :- يا حبيبي

رفيف :- اختي ماتت

رولا :- اتركي الكنزة.. وروحي حاسبيهن لالهن هني يلي قتلوها مو انا

رفيف :- انتي كذابة

رولا:- يا ستي انا قلتلك..

رفيف :- اسمعي

رولا :- شو بدك

رفيف :- بدي اتاكد

رولا :- كيف

رفيف :- بوعدك قلك كل شي عن داليا وبوعدك ما احكي شي..وبدل ما الحق يكون عليكي يكون معك.. انا مابهمني سامر وابراهيم.. بهمني ينكشفو.. ولاقي علا

رولا :- بعدك مانك مسدقة انو قتلوها لك نزلها عم تشر دم لاففا بسجادة

رفيف :- بدي اسئلك

رولا :- خير..

رفيف :-اذا انتي كامشة وشاهدة ع انو اخواتي قتلو علا وشفتيهن ليش ما بلغتي عنهن..

رولا :- اها

رفيف :- شبك سكتي شو يلي خايفة منو

رولا :_ ولا شي

رفيف :- ليش ع طول بتخافي من ابراهيم ومرتوا

رولا :- مافي شي

رفيف :- لانهن بيعرفوا كل شي صح..

رولا :- كيف

رفيف :- انتي سكتي ع مقتل علا.. وشفتي ابراهيم من قتلها لان انتي بتخافي من ابراهيم..

رولا :- انتي مين قلك كل هالشي

رفيف :- زينب انسانة لئيمة وياما تلاءمت معك ورغم هيك كنت ع افعالها معك تسكتي مع انك اقوى منها بالحقارة و الخباثة الله اراد تنكشفي..

رولا : اذا سامر واهلي عرفوا والله بيقتلوني..

رفيف :- الله لا يسامحكن.. لانكن وسخين وظالمين اتهمتونا بالشرف وضيعتو علا..

رولا :- والله بساعدك للاخر بس دخيلك مابدي حد يكشفني

رفيف :- كيف بدك تساعديني..

رولا :- مو ابو يحيي بدو يجي لهون ويكشفهن

رفيف :- اي

رولا :- انا بساعدك.

رفيف :- وشلون بدو يكشفهن

رولا :- انا بقدر خليهن يحكو كل شي

رفيف :- شلون

رولا :- يوم يلي يجي ابو يحيي واختك بفوتهن انا بالممر يلي ورا الغرفة يلي بيقعدو بياكلو فيها مفتاحها عندي.. وبفوت لعندن بقلن وبقلن اني سمعت انو اهلي بيحكو انو سامعين الناس بيحكو انو علا مقتولة مو هربانة..

..

وع اتفاقها قبلت.. ونطرت تجي اختي وخبرتا بكل شي صار وانو رولا بدها تفوتها هي وابو يحيي لنتاكد من كلامها انو علا ماتت وان شاء الله مايطلع هالخبر صحيح..

وكالعادة اجتمعو ع عشا..وكنت متوترة وخايفة من اي ردة فعل..اعطتني المفتاح.. سلمتو لرانيا مشان يفوتوا بالمدخل يلي بدور حوالين الغرفة..

ونطرتها..

دقت رولا ع باب الغرفةة..

رولا :- فيني فوت..

سامر :- خير في شي اذا في شي بس اطلع بحكي معك

رولا :- لا ضروري تعرفوا

امي :- كانو في شي

سامر :- فوتي رولا

رولا :- في خبر مانو منيح

سامر :- احكي خلصي

رولا :- كنت احكي مع اهلي من شوي.. وسمعتهن بقولوا انو علا ما هربانة وشكلا ماتت

امي :- شو عم تحكي

ابراهيم :- ليكون حاكيه شي انتي

رولا :- والله العظيم ما حكيت شي انا.. بس بقولوا لاقين جثة متحللة وبجوز تكون لعلا.. اهلي خمنو بقولو بجوز تكون جثتها لان مو معقول تكون هربانة لهلق.. وماحد عارف عنها خبر..

سامر :- العما جثة

ابراهيم :- مستحيل مو هي لان انا دفنتها بايدي بسابع ارض ومستحيل الجن الازرق يطالعها..

سامر :- ليكون حد كشف مكانها من رايح تتاكد

ابراهيم :- مارحت لهونيك ابدا انا بعرف انهن براقبوني

سامر :- لازم نروح نتاكد بجوز مو هي لا تقلقو..

ابراهيم :- ع اي اساس

سامر :- انت شو مخوفك هلق بتكون جثة مدودة وما بظهر عليها اي اثار ضرب ولا خنق ولا شي.. بنروح بنتاكد واذا هي بنقول اي ونسال عن سبب موتها وبنفتح بيت عزا

ابراهيم :- اسالي اهلك باي مستشفى هي ومن وين سمعو الخبر

سامر :- لازم ضروري

امي :- ماعاد رجليه حملوني

رولا :- يالا رايحة اتصل عليهن..

( طلعت رولا من الغرفة الا الشرطة كانت بالبيت ناطرتن..

الشرطة :- مكانك انت وهو

امي :- يا ويلي يا ويلي

سامر :- رولا

ابراهيم :- يا بنت الحرام

رولا : والله مو انا

رفيف :_ انااا كشفتن قتلتو علا بدم بارد

( امي من المنظر اخدت السكين من ع السفرة وكانت بدها تقتلني لولا الشرطة وقفتها…

رانيا :- اقتليهل يامو اقتليها متل ما قتلتي علا بسكوتك.. يا حنونة يا صدر الامان.. يا الملجأ تبعنا.. يلي تعبتني بحملنا ٩ شهور ليش يا ست الحبايب بتكرهينا مين كان يحن عليكي غيىرنا نحنا اولاد بطنك كمان.. نحنا اخدنا صحتك وسهرناكي يا حنونة.. ليش يامو دم علا عندك هيك مو هاد دمك كمان مابكيتي ولا حزنتي عليها عشنا عندكن معترين ومظلومات بتعرفي يامو عندي بنتي بخاف عليها من النسمة من الظلم يلي شفتو منك ومن اخواتي بخاف عليها من الهوا من رمشة عيني تزعلها.. خليتني حتى اكره الصبيان وادعي ربنا ما يعطيني صبي.. ليش يا اخي يا ظالم هانت عليك اختك المسكينة لا اكلنا من اكلك ولا شربنا من بيرك ليش عملتو هيك فينا يا سند يا جبل عم نتحمي فيه من هالدنيا و من ظلم زواجنا وجور الزمن..تقتلوها وتدفنوها ببيت مهجور وتجتمعو ع عشا مخبيين الغاز موتها ليش.. وامي كل يوم وكل ليلة عم تتعشى ع روح المرحومة بنتها.. جامعة ع طاولتا مجرمين قتلو قطعة منها.. كيف كانت تنزل بحلقكن هاللقمة.. كنتي تضحكي يامو وتاركتيها تتعذب بقبرها لان ماتت مظلومة.. كانت هالغرفة شاهدة وهالسفرة وهالعشا ع لغز اختفائها بس الله راد تنهد هالحيطان وينقلب هالعشا جحيم ع قلوبكن يا خسارة.. يا خسارة

امي :- ليش عملتن هيك لك اخواتك الوحيدين هادول

رانيا :- اخواتي اي الوحيدين اي يلي حبسو هالحامل ايام مربطين ايديها ورجليها وخلوها تولد ببيت لحالا وابنها جنبها غرقان بدمها.. اخواتي يلي كسروا عضامنا من ظلمهن وجبروتهن.. اخواتنا يلي حرمونا من المدرسة والجامعة داسو علينا بكل مافيهن

امي :- لك انتي مابتعرفي الزمن لا عم ولا خال يسال عنكن غير خواتك..

رانيا :- ياريت بقينا حتى بلا اخوه كمان كانت ع الاقل علا عايشة كان ضناكي عايشة يا امي..

الضابط :- هاتوهن

امي :_ لوين اخدينهن.. استنوا.. لك استنوا اولادي راحو من ايدي الله ينتقم منك يا رانيا ويا رفيف لك ابوس ع ايدك يا سيدي تتركهن ماعندي غيرهن ابوس ع ايدك مالي غيرهن انا رضيانة بموت علا بس لا تاخد اولادي…

الضابط :- الله يسامحك اللي ماتت بنتك ياحجة.

امي :_ اي بنتي.. يروحو بناتي كلن فدا لولادي..

امي من نزلت تبوس رجل الضابط ماتحركت من مكانا لا من تما ولا من كما ماعادت حكيت حرف.. دقوا ع الاسعاف واخدوها وانا ورانيا كنا عم نبكي متل اطفال اصغار..

اخواتي كشفو حالهن من حالهن وياحسرة عليكي يا علا.. اخدوهن ع التحقيق.. واتاكدنا انو علا انقتلت.. متل ما كان احساسي قتلها ابراهيم بعصا القولف ع راسها ويتم اطفالها.. عرفنا مكانها كان دافنها ببيت مهجور.. وماحد قدر يشوفها بس اكرمنا دفنها واهل زوجها فتحو لالها بيت عزا.. علا كانت بريئة من اتهامات اهلي لالنا بشرفنا.. وانا كنت بريئة من كلامهن والجنون..

مرت اخي ابراهيم اخدت اولادها وراحت لعند اهلها..

ومرت سامر هربت وتركت الاولاد لالي.. وماحد بيعرف هي وين.. بس لولاها ماعرفنا مكان اختي الله يرحمها.. اخواتي انسجنو بس لحتى الان مافي حكم وماصدر حكم اعمامي حطو لالهن محامين.. وداليا حطت لسامر احسن محامي وان شاء الله مابيطلعوا من السجن.. امي صفت بالفراش جنب ابي هي كمان.. واثنين عندهن شلل.. الله يلطف فيهن ويسامح امي..

وبضلها تصرخ وتنادي اامر بربربر.. قصدها سامر وابراهيم.. هي ماعاد لالها قدرة تحكي.. بس بتنام وبتفيق وبتحكي امرر بربر..

الدكان ماقدرت قفلها لان عندي اولاد سامر وابني يلي سميتو علاء.. تيمن باختي علا. وامي وابي المشلولين صار بدهن مصروف. قعد فيها اخوه ل زوج اختي رانيا. صار يطالع مصروفنا ومصروفوا..اما عماد من سمع انو خير اخواتي صار بحضني حاول يرجعني لالو عن طريق المخاتير والواجهه يلي بعيلتو بس انا رفضت وهو هلق مابدو يطلق الا ادفعلو مبلغ.. كنت بعرف انو بدو رجعني مصلحة ومشان المال..

رولا دورت عليها كثير اختفت.. وما الها اثر تركت اولادها وهربت.. وبجوز راحت مع حبيبها وبجوز هربت خوف من اخواتي.. بس خواتي انهدم. بيتهم. سامر وابراهيم.. بدهن سنين ليطلعو من السجن والاحتمال الاكبر ما يطلعوا ابدا..

دنيا جارت علينا وهدمت احلى سنين عمرنا.. بقينا عايشين بهم المصايب والفقدان.. عم انداوي انا واختي جروحاتنا.. يلي تركت ندب بالقلب العمر كلو مابتروح ..

قصتي مانها قصة ينقال عنها معقول في اخوه هيك.. معقول في ظلم هيك.. معقول هاي حقيقة اي في هاد واقع مو بس حقيقة .. وبكل بيت في اخ ظالم واخت مظلومة في اب متكبر وعم هادم.. في كل بيت في زوج بيكسر الخاطر وبيكسر العضم..ماني وحيدة.. لاء

متلي اسراء ومتلي جنى ومتلي يلي كسر اخوها رجليه بمهدة الباطون…

متلي يلي اغتصبت من خالها ومتلي يلي اتحرش فيها زوج اختها.. متلي يلي امها سكتت ع الظلم كثير.. متلي يلي مخبايين بين اربع حيطان.. ومتلي يلي ساكتين عن الحق ووتاركين الباطل يعيث بالارض ..وهالحيطان مخبية شياطين باأسم القرايب..

انتهت





admin

اترك تعليقاً

لن يتم نشر عنوان بريدك الإلكتروني.

error: Content is protected !!