الهارب بقلم جمايكا

الهارب بقلم جمايكا

الهارب بقلم جمايكا

الهارب بقلم جمايكا
الهارب بقلم جمايكا

 

 
#الهارب
#بقلم_جمايكا

 

 
 

الهارب بقلم جمايكا الجزء الاول

“في اليوم الذي اجت لعندي لتاخدني معها.. فقت تقريبا بالخامسة والنص صباحا..

غيث يالا قوم.. قبل ليطلع الضو.. كنت يادوب لحق البس تيابي واركض اركب سيارتها.. لوين يا تاليا…
تاليا :- رح نروح نفتح محل عمك بكير شو رايك..
غيث :- اها في ببالك شي لكان
تاليا :- هيك شي
غيث :- بتحبيني
تاليا :- شو رايك

غيث :- مستعدة اضحي كرمالي
تاليا :- وبفديك بروحي كمان
غيث :- وان اهلك رفضو
تاليا :- مارح يهون عليهن زعلي اكيد رح يقبلو.
غيث : رح تصبري لنحقق احلامنا
تاليا :- وانا معك للموت
غيث :- بس بعدو الطريق طويل
تاليا :-“، راتبي كلو خدو مابدي منو شي انتي خبيهن لعرسنا والباقي اتركوا عليه..
غيث :- شو رح تعملي
تاليا :- انا رافعة مبلغ محرز بس تجي تتقدملي رح اعطيك تقدمو لاهلي ع اساس تكاليف مهر..
غيث :- خايف
تاليا :- من شو ياعمري خايف
غيث :- اهلك يرفضوني ويبعدوني عنك
تاليا :- مارح يرفضو واذا رفضو رح نروح خطيفة
غيث :- اخطفك ونهرب
تاليا :- اي..

(adsbygoogle = window.adsbygoogle || []).push({});

غيث :- لوين
تاليا :- بنسافر سوا..
غيث :- تعي تعي لنفوت لجوا كتير مشتقلك
تاليا :- في عندي شي بدي قلك اياه
غيث :- تعي نقولوا جوا وانتي جنبي
تاليا :- غيث انطر
غيث :- ياروحي شبك
تاليا :- رح نضل ع طول هيك بدي تجي تتقدملي.. حاسة عمك بلش يشك فينا..
غيث :- ياروحي ياعمري.. ياعيوني مارح حد يشك فيني افهمي عليه دخيلك..
كنت اقضي ليلي نهاري معها.. مانها فارقة معي لا الدنيا ولا الدين.. كنت شوف حالي قدام رفقاتي فيها..
عابد :- ما الها اخت لك غيث تنشلني من هالفقر..
غيث :- هههه لو الها اخت ماكنت وفرتا
حيدر :- شلون من جمال يا اخي
غيث :- بتعرفني وبتعرف زوقي
حيدر:- طيب شو مشان انك عم تخطب
غيث :- مارح تعرف
حيدر :-، وان عرفت.
د
غيث :- بكذب عليها بشي قصة.. بدبرها مو وقتو هالحكي هلق..
عابد :- صحيح غيث شو مشان باقي تجهيزات شقتك..
غيث :- دبرتها
عابد :- شلون
غيث :- قلتا واقع بقصة لابي ورح ينسجن ان مادفع الاقساط يلي عليه.. قالت كم المبلغ.. طب شي نص ساعة جايبة لالي شيك اصرفوا..
عابد :- نيالك والله هاي كنز الله يبعتلي متلا
غيث :- كاملة مكملة من كل شي..
حيدر:- لو مني منك بتزوجها يا اخي بعيش عمري ملك معها..
غيث :- يا اخي سيبك ما بتعجب امي هيك عالم بعدين لا هي من ديني ولا انا من دينها اهلها مارح يقبلو.. بعدين شبعرفني اذا ماحد قبلي لعبان عليها وجاي تدبقني وتربطني فيها..
حيدر:_ والله شكلا بتحبك هالبنت
غيث :- واي وانا كمان بحبها وبحب مصرياتها وجسمها 😂😂😜.. ابو الشباااب ماعيتك غير راس هالارجلية.. شو بدكن تشربوا يا شباب اليوم الشربة ع حسابي..
.. وبحياة البيت.
امي :- لك امي حاجي اضلها تجي ع هالبيت من وجه الصبح العالم اشتلقت علينا ماحلوة بحقنا
غيث :- احكيلها انتي
امي :- شو بدي احكيلا انت رفيقها احكي معها.. واذا عرف عمك انك بتروح ع محلو بهيك وقت رح مايخليك تشتغل معو
غيث :- ست الكل سيبك من هالقصص شو شفتي لالي عرايس
امي :- اي غير الحكي مانو هامك وبعدين ليش عرايس بدك تتزوج بالجملة.. وكمان افرض خطبت وخطيبتك عرفت بوجود هالمخلوقة شو رح نعمل
غيث :- امي انتي ليش بتشغلي بالك بهيك قصص.. انتي شوفيلي عروس وخلص واتركي الباقي عليه..
.. ومرقت الايام وخطبت..
تاليا :- نطرتك الصبح ع الباب ودقيتلك مارديت..
غيث :- اه كنت تعبان
تاليا :- وامبارح بالسهرة كان موبايلك مشغول دقيت اكتر من مرة خلال ساعة وكان مشغول بعدين اتقفل خطك
غيث :- كان موبايلي مع امي عم تحاكي خالي وشكلو قفل الخط معها كنت نايم ماحاسس ع حالي..
تاليا :- شبك متغير صرلك ايام زعلان مني بشي..
غيث :- لاء بس مشغول وبرجع صرت مهلوك..
تاليا :- عم تشتغل شغل تاني.
غيث :- اي مع رفقاتي بنقل بضاعة من المصانع
تاليا :- لشو ماعاد يكفيك راتبي وراتبك والمصاري يلي بعطيك اياهن..
غيث :- بتعرفي الوضع يلي اهلي فيه..
تاليا :- موبايلك بدق ليش مابدك ترد
غيث :- هاد رفيقي بدو مصاري مني مابدي رد عليه
تاليا :- كم بدو.
غيث :- شي 500 الف ليرة
تاليا :- ليش اخد هالمبلغ منو
غيث :- ادوية لابي
تاليا :- مو مشكلة مانن محرزين بس كان لازم خبرتني..
غيث :- شلون اخبرك وانتي بيك من فترة متخانق معك ع المصاري يلي بتسحبيهن كرمالي..
( قربت مني وحطيت ايديها ع وجهي وكانو عيونها عم تدمع…
تاليا :- حبيبي ما مهم بكفي انو تكون رضيان انا ابي برضيه بالاخير المهم انت تكون مبسوط والله اشتقتلك.. صرلك فترة حتى ايدي ما كمشتا ومن قلك زعلان مني شي تقلي لاء ومن تجي اتقرب منك تهرب مني.. شو في ياعمري شو يلي اخدك مني هيك..
غيث :- قلتلك يا تاليا
تاليا :- تاليا هيك وين حبيبي وين عمري وين روحي
غيث :- تاليا والله اعصابي تلفانة وليكو بلش يرن
تاليا :- طيب انا رح روح لعند امي بالعيادة ودبرلك المبلغ واجي تمام مابتاخر..
( وركضت تدبر المبلغ لتلبي سعادتي..
غيث :- الو… رنيم.. كيفك حبيبتي..
رنيم :- زعلانة منك ليش مابترد عليه
غيث :- حياتي كان في زباين وماقدرت اتركهن مشغول.. حقك عليه ماتزعلي.
رنيم :- حياتي ممكن طلب
غيث :- عيوني لالك
رنيم :- ممم خجلانة قلك
غيث :- عم تخجلي من زوجك حبيببك اطلبي حياتي
رنيم :- في حفلة عيد ميلاد لرفيقتي ورح نروح انا وماما
غيث :- وبدك تلبسي فستان شيك من عند زوجك حبيبيك ماهيك.. اي مو تكرم عيونك بلمح البصر بكون عندك وان ماعجبك رح ابعتلك غيروا لعند ما يعجبك شي فستان
رنيم :- ياروحي عم تفهمني .. وليش ما اجي انا بدي شوف وين عم تشتغل..
غيث :- حياتي انتي شايفة الاجواء هلق كلا مظاهرات وماخرج تجي.. فهمانة عليه..
( كنت مشغول عم حاكي خطيبتي وما انتبهت انو تاليا بضهري.. كانت متسمرة بارضا.. طفيت الموبايل وانا عم حاول لاقي بعقلي شي مبرر.. مانو وقت تكشفني هلق.. ظروفي بحاجتها..
غيث :- تاليا انتي هون
تاليا :- وانا عم قول شبك متغير وليشك ع طول سرحان وموبايلك دائما برن وان غبت عني موبايلك مشغول كل هاد مشان ست الحسن..
غيث :- فهمتي غلط هاي اختي المتزوجة
تاليا :- قلتلي اختك .. اي صح اختك يلي انت زوجها حبيبها…
غيث:- شو يلي بدك اياه هلق
تاليا :- اتزوجت وتركتني
غيث :- لاء ماتزوجت ارتاحي
تاليا :- يعني عم تخوني مع شي حقيرة
غيث :- احترمي الفاظك بالاول مانها حقيرة هاي خطيبتي.. ورح تكون مرتي وام اولادي
تاليا : خطبت
غيث :- اي خطبت
تاليا : وانا
غيث :- انتي شوو
تاليا :- انا شو مكاني بحياتك.
غيث :- مابعرف اسالي حالك
تاليا : لاء بتعرف يا حقير استغليتني وانا يلي طالعة اركض اسرق امي مشان تتهنى بحياتك.. لولا اني نسيت جزداني لما عرفت شي وبقيت حمارة مغشي ع قلبها.
غيث :- لك ياهبلة افهمي
تاليا : شو بدي افهم قلي
غيث :- انا بحبك
تاليا :- كذاااااااب
غيث :- هلق انا صرت كذاب بعد كل شي صار بينا
تاليا :- الحق عليه انا.. انا يلي سلمتك حالي متل الدمية يلي بتلعب عليها
غيث :-” تاليا.. انطري
..
وغابت يومين.. ورجعت باليوم الثالث.
غيث :- بدك اضل واقفة هيك اذا حاي تصرخي بوجهي قدام الزباين فاذا بتريدي بلاها روحي بدون مشاكل..
تاليا :- ليه هيك عملت غيث.. لي هيك كسرتني.. ليه هيك بكيتني.. انا بشو غلطت معك.. بشو قصرت فيك.. انا كنت كلي لالك.. شو كان ناقصني لتحب غيري وتخوني..
غيث :- انا ماخنت انا خطبت..
تاليا :- وانا شو كان ناقصني لو جيت وخطبتني
غيث :- اوهووو.. بعدين معك
تاليا :-” قلي شووو كان ناقصني
غيث :- بتحبي اقلعك برا المحل ولا تحكي بادب بدون صراخ
تاليا :- طيب رح احكي بهدوء. خلص انت بس اسمعني.. انا بحبك غيث انا مابقدر بلاك..
غيث :- وانا ليكني هون قدامك
تاليا :- اي هون بس مو لالي
غيث :- هاي سنة الحياة
تاليا :-اي حياة.. مو انت كنت تقلي حياتي انتي.. وحياتي بلاكي ما لا طعم..
غيث : اهلي ماعم يقبلو فيكي.. وابي ع حافة قبروا بدو يشوفني عريس قبل ليموت
تاليا :- اي وانا شو ذنبي شو كان ناقصني لو كنت عروستك
غيث : اسمعي من الاخر انا مارح اقبل بوحدة بالعربي كانت تسلايتي مارح تنفعي تكوني ام اولادي
تاليا :- انا كنت تسلايتك ومابنفع كون ام اولادك 😭
غيث :- شبعرفني ان كان حد مانو لامسك قبلي
تاليا :- شو عم تحكي انت بدك تكذبني وقت كنت بين اديك
غيث :-والله الطب اتطور هلق وصار الغش كثير
تاليا :- لك اخررررس
غيث :- بعدين انتو بدينكن عندكن هالشي عادي بس نحنا حرام مابصير
تاليا :-“، لك انت شو فهمك بالدين ومين قلك انو نحنا عادي.. اهلي بخافو ع شرفي اكتر من خوفكن ع شرفكن بس الحق مو عليك الحق عليه انا يلي حطيت شرف اهلي بالارض كرمال واحد جبان وخسيس متلك..
غيث :- شو قلنا احترمي حالك..
تاليا :- تمام رح احترم حالي بتروح بتفسخ خطوبتك من هاي..
غيث :- ماحزرتي شو جنيتي انتي شي لك هاي مرتي وام اولادي رح تصير..
تاليا :- حاجي تقلي مرتك.. انا يلي هي حبيبتك ومرتك ورح كون ام اولادك
غيث :- لك مابصييييير
تاليا :- ليه مابصير
غيث : لك لا دينك بيقبل ولا ديني يقبل..
تاليا :- اي بس بيقبل تتسلى بشرف الناس ماهيك.. شلون انت بتعرف الدين. طيب اسمعني.. انا قلتلك بسلم كرمالك.. صح هيك بصير عندكن انت بصير تتزوج مني وانا كرمالك بترك ديني..
غيث :- واهلك شو رح تعملي بدك يلاحقونا ويقتلونا
تاليا :- شبدك من اهلي انا صاحبة القرار بس دخيلك اتركها انا بحبك غيث وبموت بلاك..
غيث :- لك مابصير
تاليا :- ليش مابصيرررر قلي
غيث :- لسه بتقلي قلي.. لك افهمي انا ماعااااد بدي ايااااكي مابدي شووووووفك بحياااتي. اطلعي منها.. اطلعييييييييي قرفتيني حااالي اطلعييي.. لك روووحي..
ماعاد بدي شوفك ولا اسمع اسمك..
تاليا :- ماشي غيث رح ماعاد تشوفني الا كابووس بحياتك.. رح يجيك يوم وتنسى حليب امك يلي رضعتو وما انسيك تااااليا.. وعد غيث وعدد…
( كمشتا من تيابا وكبيتا لبرا قدام الناس.. قامت عم تركض هربانة عم تخبي وجها… وراحت وماعدت اسمعت عنها شي… واتغيرت حياتي وبلشت ايام جديدة مع زوجتي رنيم.. كانت ايامنا روتينية مملة وماعاد يكفي الشغل بمحل عمي..
عمي :- لك يا اخي ماعاد بدي اياه بالمحل ابنك عم يسرقني
امي :- دخيلك ابو رامي شايف الحرب عم تاكلنا اكل وماعاد في شغل بالبلد وين يروح الصبي خليه تحت رجليك يشتغل..
غيث :- امي حاجي تذلي حالك انا بدي التحق بالجماعات المسلحة..ا 😢
امي :- شو عم تحكي ياغيث الله يخليك ابو رامي مرتوا ع وجه ولادة وين يروح بحالو…
عمي :-ما عرفان شو بدي قلكن انزل بكرة ع الشغل وان شاء الله تتواسخ يا غيث هيك او هيك معي..
امي :- لا اكيد لاء
عمي :- عن اذنكن هلق
امي :- الله معك… لك ابني ليش هيك عم تعمل فينا
غيث :- عمي مهبي ع قلبو هالقد مصاري ومستخسر يعطيني زيادة انا بدو يصير عندي اولاد ماعاد يكفيني الراتب وشغل ماعاد متل قبل فيه.. واخواتي ماحد مهتم فيكن غيري..
امي :- طيب روح اشتغل مع اخواتك بالدهان
غيث :- شو بتقولي امي هو انا خرج بهدلة دهان وقرف
امي :- اخواتك مستورين وساترين حالهن.. ليك ابني انت بشو احسن منهن
غيث :- انا غيرهن عنهن افهمي عليه الله يخليكي..
( ومرقت الايام واجا ابني حازم.. وحملت مرتي بالتاني.. كان وضعي من سئ لاسوء والديون عم تتراكم ماعم تنتهي.. ووشغلتين ماعادو يقدرو يامنو حياتي.. صرت ارجع ع البيت مهلوك ماحسنان وقف ع رجلي..
بس قلا طفي الضو ومابدي ازعاج يادوب لحق نام ساعتين لاقوم ع الشغل..
..
امي :- شووو هاد الصوت يا لطيف..
رنيم :- مرت عمي مين عم يدق علينا هيك..
امي :- ياويلي ياويلي..
عامر ( الاخ الاصغر ل غيث) :- امي شو في.
رنيم :- مرت عمي عم يدقو ع بابنا..
امي :- عامر انا بفتح امي روح انت
رنيم :- ممممم
امي :- مين انتو وشو بدكن..
( كانو مسلحين ومغطين ع وجهن.. فاتو يفتشو بكل البيت.. شحطوني وانا نايم من ع السرير.. مالحقت شوفهن الا هني اخديني معهن..
امي :- لوين اخدينو. مين انتو..
رنيم :- مرت عمي اخدو غيث مرت عمي… عمي الله يخليك قووم اخدووغيث..
امي :- بترجاكن لا تاخدوه.. هو يلي شايلنا.. اخوه صغير لسه.. ومرتو حامل وعندو اولاد الله يخليكن لا تاخدو ضو عيوني..
( ماقدرت قاومهن.. وماعرفت لوين رايح… كانو مقفلين ع تمي بلاصق ومغمين ع عيوني بخرقة .. بعدها اختفى الصوت.. وماعاد سمعت شي. ولا حتى ذبة النملة ماعاد سمعتها… مابقدر اقدرلك الوقت يلي بقيت هيك .. بس كنت حسو ماعم ينتهي.. اتيبسو رجلي من القعدة ماكنت قدران مدر رجلي لان المكان ضيق والحيطان قريبة مني.. وقفت حتى السقف كان قريب.. ومانو عالي.. وكاني بصندوق من الباطون.. سمعت اقدام رجلين جايين لعندي..
غيث :- مين انتو وليش اخديني
… هلق بتعرف مين نحنا..
غيث :- انا ماني هربان من الجيش..
.. امشي قلتلك
غيث :- سدقني انا ضدد الارهاب
.. ولك حيوان امشي.. وانت مخرووس..
غيث :- والله ماني كافر انا مسلم بامن بالله..
… مابدك تخرس ولاك.. فوت لهون
شال من عيوني كان رجال بعمر الاربعين قاعد ع كرسي وحاطط رجليه ع طاولة وبايدو سيجار حرك باصابعو للي جابني وقلو روح..
… تعال اقعد ياروحي انت تعال..
غيث :- مين انتو وليش جايبيني لهون..
… بتعرف كم صرلك عنا
غيث :- دخيلكن والله ماالي باي جماعة انا من شغلي لبيتي ومن بيتي لشغلي
… حيوان من اسئلك بتجاوبني ع قد السؤال..
غيث :- مابعرف مابعرف..
.. قلي مابعرف ياسيدي
غيث :- مابعرف ياسيدي
.. الك اسبوع ويوم.. كم بصيرو
غيث :-8 ايام
.. غلط بصيروا سبع ايام ويوم حيوان.. قرب لعند سباطي بوسوا…
غيث :- ممممم
.. بتعرف في واحد قلتو بوس سباطي بعدو مالحق ياخد النفس.. قلتو روح اتنفسو بجهنم.. بس انت مابدي ابعتك ع جهنم بدي جبلك جهنم لعندك.. انززززززززل….
 

الهارب بقلم جمايكا الجزء الثاني..

 
غيث :-…… ليش شو عملت انا

 

 
شو عملت والله انا حتى مابعرف بس يمكن تعرف هلق واذا عرفت بدي تجي لعندي ركاااااض تقليي فهمااان..

 

 
… هباااااش..
( هباش هو سجان وحارس ضخم بيزيد طولوت عن 190..وووزنو شي 180 كيلو.. كان زند ايديه بحجمي.. اسنانو مقبوعين ومكانهن اسنان فضة محدبين.. وبايديه كف حديد..
هبااش :- نعم سيدي
خدوو ع القصر بدي اياه يسترخي ويهدى ويفكر منيح… بدي اياه يتذكر مين جابو لهون.. وفرو لالو كل وسائل الراحة مابدي يشكي من شي..
هباش : حاضر سيدي.. امشي حيوان..
غيث :: ليش انت هيك بتحكي، سيدي قلك وفروا وسائل راحة..
هباش :- لك امشي لا اضيع وقت الراحة ناطرتك..
( انا مابعمري فتت سجن ولا كنت اهتم للي كنت اسمعو بصير بالسجون.. اخدني لسجن كان مزدحم بالمساجين.. لدرجة مافيهن يسطحو من كثرهن.. كان اغلبهن نايم ع كتف التاني.. منظرهن من التعذيب مخيف على جسدهم الوان الضرب والحروق اغلبهن ماعم يشوفوا لان عيونهن منفوخين من الضرب ومنهن كان لسانهن مقطوع وعم يشر دم.. ومنهن اصابيعهن مقطعة كانو شبه عراه مابيقدر يحكو بس عم يإنو من الوجع …
هباااش :- فوت هون ساعة لارجعلك..
غيث :- نحنا وين
.. ماحد رد عليه.. بعد شوي فاتو اتنين شلحو تيابهن وبولو علينا وهني عم يضحكو وراحو..
… هاد مشان تتطهر جروحكن.. عطشان لك كلب. اشرب واروي عطشك..
.. شفت هاد.. شكلو جديد..
.. هاد شغل امراء مو شغلنا اتركوا .. هاد جاي ينخرط عنا بالحياة ويصبح مواطن صالح.
… والله جاي ع بالي شوف.
… هاد الصنف مانو متاح الا للكبار لا تطلع لفوق يا عمي..
.. امشي تانروح..
غيث :- مين هادول الله يخليكن خبروني
( ماحد فيهن حكا.. ساعة ورجع هباش واشار باصبعتو عليه وعلى 4 شباب مقطعة اصابيعن واذنيهن.. ماكانو قدرانين يمشو.. زحفو لعندو زحف..
هباش :- انزل للارض
( خلاني قرفص ع الارض..
هباش :- امشي ع اربعتك وطالع لسانك.
غيث :- شوووو
( اجا لعندي وطالع ملقط حديد من جيبو وكمش اظفر اصبعتي الكبير وشالو من الالم ماقدرت الا اصرخ بكل مافيني …
هباش :- شو حابب تنزل ولا اقلم لالك كل اظافرك.. طوال شوي..من منظر اللي كانو معي والخوف اللي دب فيني انزلت بالارض متلن.. رفع صباطو الضخم باتجاه تمي..
وقلي..
هبااش :- طالع لسانك اشوف.. طالعوو
( اتذكرت يلي كانو جوا ومقطوع لسانهن.. واحد من اللي كان معي قلي حركة بعيونو وهمسلي ..
.. رد عليه ونفذ اعمل يلي بدو اياه… طالعت لساني..
هباش :- من هون لهداك الباب لسانك بالارض.. بدي شوف الارض عم تلمع لمع..
بلشو الشباب يلحسو بلسانهن الارض كلا وهني ع اربع.. رفعت راسي لعند هباش لقيت معو مقص حديد .. ارجعت نزلت راسي وصرت اعمل متلن..
هباش :- حاجي هيك الحقوني لبرا ع القصر.. خليك متل الكلب ولسانك بالارض..
مشي ومشينا وراه.. كنت عم ساوي متلن اكيد هني عارفين نتيجة يلي بيرفض.. وصلنا للمكان يلي بنقال عنو قصر.. كان عبارة عن زريبة حيوانات الارض كلا ورث ومن كل اتجاه قضبان حديد عالية.. كان الجو بارد.. نزل هباش لعند تيابي وقصهن كلن وصرت عاري متلي متلن.. دفشني برجلو بقوة باتجاه الزريبة ودفش يلي معي.. صرنا كلنا مسطحين فوق الوسخ..
.. لا تقوم خليك لا تقوم..
غيث :- ليش شو رح يعملو فينا
.. اذا بترفع راسك رح يفلتو علينا الكلاب..
غيث :- رح نضل هيك
.. اي اي لعند هو يحكي.. هو رح يوجه علينا ليزر ضلك ثابت… اذا بتتحرك رح تنحرق كلك..
غيث :- ليش هيك بيعملو ومين هادول
.. متلي متلك انا مابعرف مين هني لان ما بسالو ولا سؤال سياسي..والظاهر بيعرفوا ملفاتنا كلها.. بس ما بستبعد يكونوا اصحاب رؤوس اموال او سياسين كبار بالدولة..
هاد الشاب يلي جنبو مقطوع لسانو،، لان خبرنا انهن واصلين بالبلد وبيلعبو علينا.. يعني عاملينا متل احجار شطرنج..وفي منا مسجونين سياسيا بس ماحد بيحكي..
غيث :- صرلك زمان هون
… مابعرف المدة بس شي اشهر طويلة… سامع خطوات رجليه اسكت اسكت..
بعدها بشوي بلش ضو احمر يدور حوالينا والمكان يلي بيجي عليه كان ينحرق ويشعط.. غمضت عيوني مشان ما اشوف شي.. وبلش يقرب الليزر ع واحد منا كان الشاب عم ينحرق ويتلسع بس ماكان قدران يصرخ فتحت عيوني لقيتو عاضض ع شفتو وعم يتحمل الالم..
.. لا تحاول ترفع راسك
.. عم ينحرق
.. اي عم يستفز حد فينا كرمال يرفع راسو..
( ماكفى الشاب حديثو الا بلش الدور عليه وكان نفس الشي عم يضغط راسو بالارض ووجهو بالوسخ كرمال ما يصرخ ويرفع راسو كنت شوف الضو الاحمر عم يسرى فوق بدنو.. كنت خايف من يجي الدور لعندي.. بس وقتا..
هباش :- اقلب حالك تاشوف..
انقلبو الشباب وانا انقلبت معهن وصار وجهنا للسما وضهرنا ع الوسخ.. كان صوت الشباب عم يحكو..
. لا يارب يارب يارب يارب.
اتوجه الضو من تاني باتجاهن بس هالمرة ع اعضائنا التناسلية.. كان صراخهن معبي المكان وصوت نباح الكلاب عم يزيد… ووقتها وجه الضو لعندي… مابقدر اوصفلك الوجع والالم يلي انا حسيتو لحظتها.. كمش ايدي الشاب وقلي اتحمل الله يخليك اذا رفعت راسك رح تاكلنا الكلاااب.. لا ترفع رااسك….
غيث :- خلاااااااااااااااااص بترجاااااااااااكن خلاااااااااااااص..
.. الله يخليك لا ترفع راسك..
بعدها وقفوا والوجع ماوقف كنت اعتقد انها نهاية وخلص رح يطلقو سراحي. وماكان اللي شفتو الا بداية البداية…
هباااش :- قوومو اتحركو..
( قمنا ونحنا ماقادرانين نوقف ع رجلينا.. مشينا وراه باتجاه القضبان وبلش يعلق واحد واحد فينا ع الحديد.. تركنا معلقين بالبرد والدني ليل..
هبااش :- بدي اسمع نباحكن للصبح مفهوم..
هو مشي من هون واللي كانو معي بلشو ينبحو.. عملت متلن وصرت انبح…
.. رح نقسم حالنا نحنا مجموعة صرنا نصنا ينبح ونصنا يوقف..
.غيث :- رح نضل هيك للصبح.. رح موت من البرد
.. ياريت نموت ونرتاح اهون من هالعذاب كل ليلة بقول هالليلة رح موت..
هباااش :- انبح يا حيوووووان بصوت عالي.. وقف نبح سمعني النهيق اشوف.. انهق يا حمااااااااار..
قرب لعنا هباش ومعو مية بارد وفيها مكعبات ثلج.. وبلش يرش علينا..
.. هباش :- انهق منيح تاشووف سمعني صوت الحمار باتقان..كفي كفي.. فعلا اصواتكن منكرة..
سمعني القطة تاشوف.. قول ميو.. لاء لاء استنى بدي صوت القط الهاروون..بدي اسمعوووو..
هلق قسمولي حالكن..
انت انبحلي متل الكلب.. وانت نهق.. وانت ماوي.. وانت قلد صوت المعزة وهي بتولد يالا تاااااااشوف.. اعلى يا حيوانات. اعلى اعلللى قلت..
وبقينا هيك للصبح.. كنت اعمل متلهن كنت انسى البرد والمي الباردة.. وقت طلع الصبح.. اجا واحد تاني اسمعو #فاجر.. فك الاصفاد ومرقنا لجوا ماكان يتحاكى ابدا…
غيث :- ااخ يا امي اااخ..
( بس فتنا لجوا الشباب يلي حكيوني برا ماحكو ولا حرف جوا وماكنت بعرف ليش بيسكتو بس يفوتوا الا وقت اجا فاجر.. حرك باصابيعو اني اجي قمت لعندوو..
وعلق رقبتي بباب السجن باصفاد الرقبة.. وشغل تماس كهربي بلساني.. ،،..
ماقدرت احكي شي حتى اصرخ… كنت اشوف روحي عم تطلع وعم ترجع من تاني لوقت مافك عن لساني الكهربا.. رجعت بارضي بين الشباب خايف..عم تخبى بينهن مشان مايشوفني فاجر…
بعدها فتح البوابة من تاني وكل الشباب جثو ع ركبهن متل الحيوانات وبلشو يطلعو لبرا.. كان وقت الغدا.. والاكل محطوطة باطباق بالارض. كان ممنوع حد يلمس الاكل بايديه.. لازم ياكل متل الحيوانات.. مو هون الالم.. الالم وقت فاتو 5 بيشبهو هباش طول بضخامة. كانو مالابسين تياب جاخلية ولا بناطيل.. . ماقدران كفيلك شو صار.. كانت مهمتهن الاغتصاب.. اي اغتصاب.. هاي اللحظة كل الم وذل اللي بصير. بالكون مابيوصفها.. الكل كان عم يتقبل الشي وراضي ساكت.. لان يلي بيرفض كان مصيرو ينترك للكلاب تنهشوو.. قدام عيني صار هالشي. كان مريض تعبان عم ينزف.. عم يتهرب منهن.. قربوا لعندهن وداسو بسباطهن ع راسو… كان ماقدران يرفع جسمو لالهن.. كل ما يرفعوه كان يسقط جسمو مسطح بالارض.. ماعجبهن حالو وماقدر يساعدهن ليصلو للكيف.. شحطوه وكبوه بالزريبة وقت فلتو عليه كلاب جوعانة نهشو لحمو وهو عايش.. كان عم يصرخ يقلن بعرضكن طخوني.. ماقبلو ماقبلو.. بقيت تاكل فيه الكلاب لما صفي منو شي… صار حالنا يوميا هيك من الخوف اقبل واعمل متلن وكل يوم تعذيب غير شكل ونوع جديد.. وايام ما يكون فيها تعذيب بس فيها تنضيف للسجن وشيل حطب وتنضيف حظاير الحيوانات.. كنت اتمنى. اموت من التعذيب ولا اموت منهوش بين فك الكلاب او عم انحرق ع نار هادية..
بتعرف شو يعني نار هادية.. كانو يولعو حطب ويعلقوه متل الخروف فوقها على شواية عم تلف فيه . يستوي لحمو وهو عايش.. ويرجعو يشوفو لحمو استوى او لاء.. بعد شهرين كنت مستوي من التعذيب..
اجا هباش ونادى عليه من دون الشباب ماكنت بعرف لوين رايح بس كنت خايف.. فتنا ع غرفة كان فيها ..
.. اشتقتلك طولت الغيبة شكلك ارتحت بالقصى وانسيتنا..
غيث :- اعتقني الله يخليك
.. لا ماحبيتا منك بنوب معقول تروح وتتركنا هيك..
غيث :- ابوس ع ايديك اعتقني
.. لاء لاء بتحسس من بوس الايدين.. شو رايك بصباطي..
غيث :- اي بنزل سيدي بنزل وبوس عليه بس اعتقني الله يخليك اولادك.
… شلون اعتقك هيك.. مو لازم تعرف انت ليش نازل عنا زيارة..
غيث :- انا مابعرف والله وماغلطت انا
.. ما اشتقتلا
غيث :_ لمين
… هبااااااااش..
هباش :- جاهز. سيدي..
مرق هباش ومعو مقص قص لالي طرف اذني.. وقرب مكبر الصوت وصار يجعر بقلب اذني..
تااااااالياااا… تاااااليااااااا.. تااااااااالياااااا..
وبقي فوق الدقيقتين وهو عم يصرخ تالياااااا مرق شريط حياتي معها بالثانية بكل لحظة وبكل موقف.. اتذكرت كل شي عملتو فيها..
.. خدوو من وجهي..
اخدني ع السياج وصفد ايدي ورجلي معلقين.. وركبلي ع اذني سماعات مسجل عليها اسم تالياااااااااااا كان الصوت عالي.. وما بيوقف الاسم.. كنت لحالي عم اصرخ.. كنت قلن…
غيث :- وقفووووووو وقفوووو والله عرفتااااا لك تااااليااااا. وصرت اصرخ باسمها.. كانو بس يعلقونا ع السياج من دونن يركبو ع اذني سماعات لاسمع اسمها..
وعلى هال الحال كنت.. لدرجة صرت اهلوس باسمها ماعدت اقدر احكي شي غير اسما.. عزلوني وحطوني بحبس انفرادي.. زنزانة متر بمتر مافيها فِراش أو دورة مياه، بس شباك صغير مستطيل في أعلى الزنزانة، يادوب يسمح لاشعة الشمس بالدخول، بفوتوا الاكل من شق في الباب، بضلك وحيدً، لشهور وسنين ، وأحيانًا لعقود، بتجلس لأيام بلا نهاية، أيام كاملة مابتسمع فيها غير الصمت، أو تسمع صوت استغاثة بسبب التعذيب، سدق كان هالشي يريحني شوي لأن كنت بتاأكد اني لساتني عايش.. بالاول كنت ضوج وصير دق ع الابواب واصرخ وانادي بعدين استسلمت للمكان يلي كنت نام واتغوظ فيه.. بنفس الوقت كنت حس الحشرات والعناكب عم تسري ع بدني وما اشوفها. نسيت كل الناس ونسيت اهلي وشكلن واصواتهن بس هي اللي بقيت براسي هون براسي من جوا مابقدر احكي الا اسمها.. . بعدها اجو لعندي كان موجهين ضو قوي ع عيوني رح يصيبني بالعما..
.. اشتقتلك حبيب.
غيث :- تاليا.. تاليا.. اي تاليا.. تاليا..
.. برافوو عليك
غيث :- تاليا تاليا تاليا
… شو جاي ع بالك تاكل..
غيث :- تاليا تاليا..
.. لاء لاء تالياا مو طيبة كتير حبيبي.. شو رايك بفاجر ولا اقلك بلاها فاجر .. هباااش بيعجبك ع كيف كيفك. ..اشحطو من وجهي.. ..
وبيوم شحطوني عريان ع الزريبة.. وبلشو يدلقو فوق ورث الحيوانات.. وحطو قدامي طلق فيو ورث كلب واجبروني اكلووو..
شفتا كانت واقفة وعم تضحك هي تاليا. اي تاليا هي نفسها انا مابنساها ولا رح انساها كل لحظة عشتها معها ولا يمكن بعمري انساهن.. كانت واقفة ع باب الزريبة عم تضحك بخبث… شحطوني لعندا..
غيث :- تاليا. تاليا. تاليا…
تاليا :- مو قلتلك رح نسيك حليب امك ومارح تنساني…. تفووووو ع هالمنظر الوسخ.. بعدك ماشفت شي وحياتك مو بس تحكي اسمي رح اخليك كل شي تشوفوا بعيونك هاول. رح خليك تشوفني انا..
بزقت علي وراحت.. وبعدها اسمعت هباش عم يحكي لناس انو في حد متبرع بعيون بمبلغ خيالي وانهن ناطرين الطبيب ليجي يستأصل عيوني..
الممرضة :- اتسطح هون..
.. كان معها ابرة تخدير عم تجهزني للعملية..حاولت قاومها بس ماقدرت كنت ضعيف منهار فرطان….
فجاة اسمعت صرااخ وصوت قواااص..
..الطبيب :-. اطلعي من هون اركضي.
الممرضة :- دكتور شو في
الطبيب :- فاتو المسلحين
الممرضة :- شوو لوين رح نروح..
هربوا وتركوني وماكنت بعرف مين هني المسلحين ولاي جهة تابعين ماكان يهمني.. .. اتوريت بين البواب من الرصاص ولميت حالي بشرشف السرير..وهربت متلن. شفت هباش بالارض وراسو متفجر من الرصاص. كانو كل المسجونين هربانين.. طلعت معهن.. مابعرف لوين… صارو المساجين عم يركضو وهني عريانين.. وانا الوحيد يلي متغطي بينهن..طلعوا بالسيارات يلي كانت مع المسلحين وانا ماطلعت اخدت طريق تاني وانا خايف.. خايف اروح مع اي حد ويعذبوني من تاني.. كنت هربان حتى من ضو الشمس.
لعند مالقيتني هون معك ناطر البلم ياخدنا.. كيف وصلت لهون وشلون طلعت من هناك انا نفسي مابدي اعرف…
 
 

الهارب بقلم جمايكا الجزء الثالث..

 

 

اول ماطلعت من السجن بقيت مخبي حالي ببستان ناس ليمر الليل.. ومن عتمت الدني طلعت.. لوصلت ناس كانوو ناشرين تياب لالهن ع العسيل سرقتن وكفيت طريقي..
لوصلت لبيت رفيقي حيدر..
 
حيدر :- ياهلا مين حضرتك
غيث :- حيدر ماعرفتني هاد انا غيث
حيدر :- غيث مين يلي عامل فيك هيك
غيث :- خليني فوت لحد يشوفني
حيدر :- اي اكيد فوت فوت…
غيث :- حيدر انا جوعان وتعبان
حيدر :- بس قلي مين عمل فيك هيك
غيث :- كنت مسجون
حيدر :- مسجون… هش لا تعلي صوتك… حد شافك وانت جاي لعندي
غيث :- لاء ما حد كان بالشارع
حيدر :- مين يلي سجنك عند مين كنت مسجون.
غيث :-مابعرف ياحيدر عند مين.. بس كلو من تحت راس تاليا
حيدر :- تاليا مين تاليا..
غيث :- تاليا تاليا تاليا تاليا..
حيدر: خلص اهدى شبك.. ليكون قاصدك ع هاي البنت يلي كانت تحبك
غيث :- اي هي..
حيدر :- والله قلتلك يا غيث لا تجن وتخدها لان باينتا مو سهلة واهلا واصلين بالبلد مارديت
غيث :- مابعرف كم بقيت بالسجن.. كم التاريخ اليوم
حيدر :- 22 مارس
غيث :- انا صرلي هونيك 6 شهور
حيدر :- كل المدة اووف وكيف طلعت
غيث :- عم قلك هربت هجمو مسلحين وهربت
حيدر :- من اجت لعندي تاليا تسال عنك وكان معها حراسها. وقلتها مابعرف ودقيتلك قلتلك يا غيث عم تسال عنك قلتلي مابطولني هاديك الفترة وين كنت
غيث :– بلبنان كنت مسافر.
حيدر :- كنت رايح تقضي شهر عسل ماخبروك اهلك كم مرة اجت لعنكن ع البيت وقالو اهلك لالها انك سافرت وماعاد ترجع.. الظاهر هاي شايفتك بشي مكان..
غيث :- انا مابدي اهلي يعرفوا مكاني
حيدر :- لكان وين بدك تروح. #بقلم_جمايكا
غيث :- بدي اطلع برا البلد
حيدر :- رح قوم جهزلك لقمة وتاكل لا تخاف ماحد هون.. ارتاح لاجيبلك كمان تياب ادفي عضامك فيهن واجيب لالك شاش ومطهر عقملك الجروح..
غيث :- بس غطيني زمان مانمت دفيان
حيدر :- لا حول ولا قوة الا بالله.. هاد اخر لعبك ع بنت الناس.. ليكها طلعو اهلها كبار بالدولة واخدولا حقها.. ارتاح انت هلق والصباح رباح..
.. بقيت عند حيدر اسبوع وهو عم يحاول يتواصل لالي مع ناس بيعرفهن ليهربوني. قلت لالو كل شي صار معي.. ماكان لالي طريق غير اني اطلع برا البلد.. حيدر كتم عن اخباري.. لان حس بوجعي والشي يلي صار فيني..
حيدر :- قوم خلينا نروح.. قبل لينصبو شي حاجز ع الطريق الشمالي..
غيث :- انت ضامن اني اطلع
حيدر :- اي رح تطلع دغري ع تركيا ومن هونيك شوف امورك
غيث :- خايف حيدر
حيدر :- بدي شيل هالخوف ماسدقنا نصل لهاي المرحلة اي.. مالك الا هالطريقة غيث.. متعبة اي بس مارح تكون متل اللي شفتو بالسجن.. وبجوز ترجع تلاحقك تاليا. وترجعك ع السجن..
غيث :- مابدي اهلي يعرفوا..
حيدر :- مابدك طمن بال امك
غيث :- لاء لاء.. خلص يعرفوا اني متت احسن ما يضلن يدورو وراي مالي وجه قابلهن شو بدي قلن اغتصبوني… ولا مرتي..
حيدر :-طيب انا حطيتلك غيار تياب من عندي.. وهادول المصاري مشي حالك فيهن..
غيث :- بس..
حيدر :- لا تحكي بالمصاري ماقصرت فيني انت.. المهم يالا قوم
..
وطلعت مع حيدر ووصلني لمجموعة شباب وكم عائلة كانو مجهزين حالهن ليهربوا عن طريق الحدود… وقدرنا تاني ليلة نطلع من سوريا..
من صرت برا سوريا ارتحت حتى من كنت نام بالشوارع ماكنت خاف ابدا.. وكل يوم بمكان شكل بتركيا صرت اشتغل هون وهون ومشي حالي باكلي وشربي… استاجرت مع شباب شقة صغيرة كنا 9 شباب ع الاقل كانت تسترنا وايجارها نقدر ندبروا.. ومرقت الايام وتعرفت عن الشباب يلي معي ع شي مهرب يطالعنا ع اليونان…
… غيث :- ليشك واقف هون بعد عمي بعد..
.. انت يلي واقف بمكان شغلي انا هون من قبلك بعدين مين بدو يقبل بهيك هيكل عظمي..
غيث :- لا تخليني اقتلك واشرب من دمك.
د
.. ياامي خوفتني.. انصرف من وجهي.. روح عند الافغان هونيك لقط رزقتك.. يالا ارحل..ريحتك بتقرف. الله يلعنك..
شو كنت تشتغل باليونان؟
غيث :- ماكان عندي الا هالطريقة لامن اكلي.. والا بموت من الجوع.
.. ماكنت تقدر تشتغل بشي مطعم بشي مصنع ؟
غيث:- صعب تلاقي شغل.. وهونيك لاجئين كثير واماكن الشغل ماعادت تستوعب العدد..
.. شو اصعب شي مر عليك بشغلك هاد..
غيث:- انا تاجر بالبشر والمخدرات
.. واشتغلت..؟
طلبو مني اختطف اطفال او جبلن شباب صغار بالعمر انا ما اشتغلت هالشي بس كنت على وشك اني اشتغل هيك بسبب الجوع.. كانو اللي بيشتغلو هونيك يحاولو يجرو شباب مراهقين يضحكو عليهن بكم كلمة وياخدوهن لاماكن ماحد يعرف اراضيهن وين.. يعني يختفوو.. ومرة اجو يعرضوا عليه اشتغل بالهيروين والمخدرات.. انا كنت قبلان بس هني ماوثقو فيني..
… طيب كم بقيت تشتغل بشغلتلك هاي..
غيث :-قصدك اني اعرض حالي ع زبائن
.. اي..
..غيث:_. بقيت شي تقريبا 7 شهور ومو دايما لاقي شغل.. حسب الايام مثلا كل سبت واحد في شغل منيح.. وباقي الاسبوع قليل.. كانو يعطيني الزبون على كل محاولة شي 10 يورو.. او 20 يورو..
.. شو كانت جنسيات اغلب الزبائن…
غيث :- مكسيك ويونان.. وفي من المانيا وفرنسا يجوو.. عرب قليل.. مرة عربي عرض عليه 50 يورو وقلي لا ترجع ع هيك شغل.. بس 50 يورو شو بدها تكفيني..
.. شو اكثر المخاطر يلي تعرضت لالها بهيك شغل..
غيث :- انو في نسوان ماكانو يقبلو نشتغل هونيك.. باعتقاد انا عم نسرق الزباين وانو ماعاد لالهن رغبة بالجنس مع النسوان.. بسبب وجودنا.. #بقلم_جمايكا
.. ماكنت اتشوف هالشي مانو مقبول لا دينيا ولا اخلاقيا..
غيث :- من ناحية الدين.. ماكنت فكر ابدا فيه لان كان همي بس ما اموت من الجوع.. اما اخلاقيا اللي صار معي بالسجن ماتركلي شي استحي منو….
.. شو يلي خلاك تترك اليونان وكيف تركتها وشو السبب..
غيث :- كان بالمنطقة يلي بنشتغل فيها واحد مكوش متل مابقولوا ع كل شي بياخد كل الغلة .. ماحد مابيشتغل الا تحت حسابو هاد كانت جنسيتو افغاني يلي بدو اياه بخليه بالمنطقة واللي مابدو اياه يبعتلو شي تنين يقتلوه او يقلعوه بطريقتن.. اي زبون بفوت ع المنطقة بحسابو بالاول بعدين الزبون بدفع الربع لالنا.. كنا نقبل احسن من بلا…
بيوم وصلو لالو انو لازم يطالعوني من المنطقة يعني لعبو براسو مشان يقلعني بطريقتو.. وبعتلي اتنين وضربوني.. وبقيت فترة برا المنطقة بدون شغل..
بس بيوم حاول افوت اشتغل بدون ما ينتبه عليه.. كنت عم راقبو من بعيد مشان احسن افوت للمنطقة بدون ماينتبه عليه هو وحاشيتو.. وقت كنت عم راقبو اجا واحد اعطاه رزمة مصاري.. وشفتو وين اخفاها.. ماكنت بدي اعمل هيك فيه بس هو اجبرني..
… سرقتوا.. ؟
. غيث :-…..
… شبك ساكت.. ؟
غيث:- هاي اول مرة بحياتي اقتل حدا بس كنت مجبور مو بايدي..
…. قتلتو؟!
غيث :- اي انا ماكنت بدي اقتلو.. كنت بس بدي مصاري.. فتت اسرق المصاري يلي كان مخفيها شافني وكان بدو يقتلني.. بلش يفتح بالدرج ليطول سلاحو انا حملت طفاية السجاير وصرت اضرب فيها ع راسو لوقع بالارض واخدت المصاري وهربت.. هربت ع مدينة تانية.. وهنيك اتعرفت ع مهربين.. ليطالعوني ع اوروبا..
… في البحر.. قبل الوصول الا اليونان.. ..
#ياجماعة لا تتزاحموا رح نغرق هيك.. كل واحد يقعد بمكانو ولا تتحركوا.. عمي لا تخافي لبسي بنتك طوق النجاه.. وقعديها بحضنك.. خففوا الحمولة يا جماعة بكفينا وزنا.. ياعمي اقعدووووووووو اقعدوووووو.. سيدااااااون سيداااااااون..
.
خيي روح اقعد هون اعطي هاد المكان للست..
غيث :- عم تحكي معي
. اي بحكي معك قعد المرا هون وانت اقعد مع الشباب هونيك.. المرا خايفة وهاد احسن مكان لالها..
غيث :1 انا كمان خايف..
..لك خيي انت شاب وخايف كيف المرا قوم روح لعند الشباب اقعد..
.. تعال اقعد هون تعال لا تخاف… اسمي حسام
وانت..
انا غيث..
حسام :- من وين الاخ ..
غيث:- من سوريا وانت ..
حسام :- وانا كمان.. عليك تجنيد..
غيث :- هربان من السجن..
حسام :- من السجن مرة وحدة. وكيف طلعت ووصلت لهون خبرني..
غيث. :-.. هيك يا اخي فقت لقيت حالي بالبلم.. مين انا ومين جابني لهون مابعرف،. طاحش حالي مع هالعالم بدي اختفي ، بس مابعرف لوين، بدي اندفن بسابع ارض بس ماحد يعرف اسمي، قلت بس وصل لاوروبا رح اختار اسم جديد بدي سمي حالي ياسيدي مارتن .. شبك عم اتزاورني هيك، لا تفكر كثير،. ماحد فكر فيني وانا بين الموت، بدك فكر فيهن بعد هالمعجزة الالهية بالهروب.. ..
حسام :- واهلك وعيلتك وامك وابوك وينن..
غيث :- امي . خايف ع امي،، لا تسال عنها.. انا امي اضل عرفانة اني ميت اهون عليها. وارحم لالها ولا تشوفني بهاي الحالة.. وابي بينسى مع الزمن عندو اخوه غيري بصبروه .. مرتي يا سيدي طلقتها بيني وبين ربي خليها تروح تشوف حياتها.. مابقدر ارجعلا واكون زوج لالها اللي صار فيني مابخليني حتى كون اب لابني يلي تركتو معها.. اخر مرة شفتها قالت لالي حامل وبدها تسميها شام.. ماقلتلها شي، ماكنت بعرف شو رح يواجهني… يا اخي سنين مافيني اوصفلك كيف مرقوا ع شاب باول عمروا.. لك شوف الشيب براسي ودقني شووف قرب منيح مشان تشوف احسن.. لك حس جلد جسمي مخشب . كأني عجوز مهتري بدنو من المرض.. وانا بعدو عمري بالعشرين.، اقلك كمان شغلة. انا رايح اموت بهالبحر، بدي موت وارتاح يبلعني هالبحر لقاعو، وينهش بدني المعفن سمكو، لك اشرف لالي من يلي صار معي
حسام :- حطوك بانفرادي ماهيك..
غيث :-.. متخيل الزنزانة يلي حطوني فيها.. سدقني ما بتسع اقعد فيها.. ضليت بالايام واقف .. ماعم شوف ضو عم حس العناكب والحشرات عم تسري ع بدني،. شو اوصفلك قلي..
ولا احكيلك على وقت التسلاية ع بدني وقت يجيهن الكيف. اوووووف . اللي كسرني شاب طويل عريض متلي ماقدرت دافع عن حالي،،..ولا حتى اتنفس ساكت. مخرووس . اذا واجهتن وقلتن موتوني خلصو عليه، وارتاحو وريحوني ، بتركوني اتعذب ع نار هادية وبيعملو المستحيل مشان ما اموت..
حسام :- والله استغربت كيف هربان من السجن لان بعرف يلي بفوت السجن مابيطلع.. الله يعينك بس قلي كيف طلعت من السجن كيف هربت…
غيث :- كيف طلعت اقلك كيف طلعت والله مابعرف حتى انا ، ما اسمعت الا قالو فاتو المسلحين ع هالسجن.. مين هني مابعرف لك يا اخي حتى انا مابعرف مع مين مسجون.. مين يلي حبسوني. وليش انا انحبست.. لك حتى يا راجل مابعرف هل انا مع المؤيدين ولا المعارضين ولامع داعش ولا مهربين ولا مافيا ولا عصابات مابعرف ..لك انا عشت عمري لا الي بهدول ولا بهدول. طيب خد . سدق هالكذبة وتعرف مين اللي وصلني لهاي الحالة.. هي وحدة.. ماغيرا بنت حرام. ..كانو يجو يصرخوا باذني باسمها لك يقربوا ع اذني يصرخوا بمكبر الصوووت.. .
تااااااااااااااااليااااااا
تاااااليااااااا
لك هالاسم لهلق بسمعو باذني بيصرخوا بكل ما اعطاهم الله قوة باذني تااااااااااليااااااا
تاااااااليااااااا


(adsbygoogle = window.adsbygoogle || []).push({});

حسام :- ومين هاي تاليا يابعدي في كمان نسوان راسهن كبيرة بهالبلد..
…. اكيد بدك تعرف مين تاليا..
.. غيث :- هاي بنت اتعرفت عليها بمحل عمي.. عمي كان يبيع تياب وشغلني عندو لامن مهر واحتياجات عرسي .. وقال بدو بنت تشتغل معي عندو.. وتكون حلوة ومرتبة مشان تعرض ع هالزباين قطع التياب..
كنت مشارك بقروب على الفيس.. وعجبني جمال هالبنت وصرت اخد واعطي معها بالحديث وانا علقتها فيني. البنت وضعهن بخير بس ماكنت بعرف اهلا.. ولا كنت بعرف هي بنت مين.. صارت دابقتني ماعم تتركني عم تلبي لالي كل طلبااتي لدرجة اشتغلت كرمالي بالمحل لضلها جنبي.. وانا غلطت كثير معها.. عاملتها كانها زوجتي….. وياسيدي من اهلي طلبو يزوجوني لان جهزت نفسي وصرت اقدر افتح بيت.. قلتا انتي لا من توبي ولا انا من توبك ولا ديني ولا دينك بيزبط سوا.. اتركيني يا بنت الاكابر.. حلي عني اطلعي من حياااتي ماعاد بدي شوفك بطريقي..
وبعد اصرار والف طريقة.. قربت لعندي.. وقالت..
تالياا:- وحياتك لنسيك حليب امك يلي رضعتو وما انسيك اسمي..
وراحت راحت ونستني حتى امي.. وماقدرت انسى هالاسم.. كابووووس بحياتي.. خايف عم اركض من الدني بسببها.. بسبب كل شي عملتو فيني..
حسام :- وليش ما رحت انتقمت منها وورجيتها نجوم السما..
غيث :- بتقلي ليش ما رحت انتقمت منها.. لك انا ماا لحقت ضليت سنتين كاملين وهي ما بتعرف الارض يلي واقف عليها انا وين..
لعند ما صارت هالحرب اللعينة.. واختلط الصالح بالطالح.. وصرت هون معك….
..
………. بعد سرقة المصاري..
حسام :- غيث هاد انت وين اراضيك يا رجل.. وين هالغيبة..
غيث :- انت بعدك هون باليونان انا مفكرتك طلعت..
حسام :- يادوب لحقت اشتغل وجمع شوي مصاري لاطلع.. وانت..
غيث :- وانا كمان جمعت شوية مصاري.. مشان اطلع..
حسام :- كم اخد منك المهرب..
غيث :-“شي 4000 الالاف.
حسام :- انا اخد مني 3000
غيث :- يعني بلفني
حسام :- هني هيك الظاهر انك مورجيه انك مستعجل وبدك تروح بلفك بالف زيادة..ع العموم مافيك تروح تراجعو.. لان امن لالنا سيارة ع بلغاريا .. وهنيك بنفوت بالغابات مشي.. امن لالنا الطريق ع قولوا..
غيث :- شو كنت تشتغل لاتامن هالمبلغ..
حسام :- عامل كنت اشتغل بالباطون والقصارة والتبليط.. بس اهلي بعتولي المبلغ مستحيل جمع هيك مبلغ باليونان وانت..
غيث :- كان معي مبلغ وشغلتو هون مع شاب بمطعم فلافل شاب سوري..
حسام :- بعرفوا انا شي
غيث :- لا ما اعتقد بتعرفوا..
حسام :- قوم بلشو يتحركوا الشباب..
وكانت هون بداية وصولي لالمانيا…تهريب بالغابات.. انا وحسام.. كنت ضايع ومابعرف لوين روح لولاه لرجعت لنقطة الصفر كان عرفان وين يوصل ووين يمشي بقي مخليني معو.. وقت نشوف شرطة نفترق ونرجع نتلاقى.. في لالو قرايب ببلجيكا قعدنا عندهن قبل لنروح ع المانيا… وهونيك بالمانيا سلمت حالي…
… حسام :- ليش قلتن اسمك مارتن..
غيث :- مابدي يعرفوا عني شي.. وغيرت تاريخ ميلادي..
حسام :- بس فهمني من شوي خايف
غيث :- ماخايف من شي بس هيك احسن لالي
حسام :- وعيلتك
غيث :- قلتلك مابدي اياهن.. يعيشو من دوني… صرلي غايب عنهن 4 سنين حلهن يعرفوا اني متت..
حسام :- طيب ياسيدي بتركك انا
غيث :- لوين رايح..
حسام :- رايح اسهر..
غيث :- واذا قفلو الباب..
حسام :-مارح نام اليوم بالسنتر..
غيث :- وين بدك تنام
حسام :- عند وحدة اتعرفت عليها
غيث :- ياعمي.. بس دير بالك. تطلع متل تاليا
حسام :- تاليا شو عرفك انها تالياااا..
غيث :- ليش اسمها تاليا..
( اتهجم عليه حسام وكمشني من رقبتي بدو يخنقني..
حسام :- عم تفتش وراي
غيث :- لك رح تقتلني.. مافتشت وراك.. مابعرف انو اسمها تاليا.. ما انا يلي فوتتني السجن اسمها تاليا.. شبك ما قلتلك انا قصتي من كنا بالبلم قبل سنتين
حسام :- ااااااااه اتذكرت.. يلعن شيطانك كنت ناسي قصتك..
 
 
 

الهارب بقلم جمايكا الجزء الرابع..

 
غيث :- يعني بدك تقتلني كنت لانك ناسي

 

 
حسام :- يا اخي الله ماخلق الا تاليا تبعتك.. شو عرفني استفزيتني.. بعدين البنت يلي بعرفها ادمية وبنت عالم وناس وعتيشة مع امها..وبدي اتزوجها..

 

 
غيث :- طيب ياسيدي الف مبروك
حسام ‘- يالا بشوفك بكرة بعد الضهر
غيث :- ماشي متل مابدك..
حسام :- صحيح هاد حساب الفيس لالك.. اسمو مارتن..
غيث :- اي بعتلك صداقة اقبلو
حسام :- اي ماشي يالا سلام..
( بهاي الفترة كنت منشئ حساب فيس.. باسمي مارتن ماكان شي عليه غير صورة لجيفار.. مابعرف شو خطر ببالي اعمل بحث ع حسابي القديم..
كان حسابي الفيس مغير الصورة.. ومكتوب انا لله وانا اليه لراجعون.. وبوستات مشيرة لالي.. الله يرحمك يا غيث.. بلشت ابحث بالحسابات اللي لاخواتي لقيت تعزية باسم امي.. وعرفت انها من زعلها ماتت.. كانت بالنسبة لالي صدمة ماتت بدون ماتعرف اني عايش.. بس يمكن اهون واريح لالها ولا تعرف باللي صار معي….
وفتحت ع حساب رنيم.. اللي كل شي متغير.. شفت اولادي وبنتي الصغيرة يلي اسما شام.. شفتا لاول مرة.. 4 سنين من عمرها.. مرقوا مابتعرف اذا ابوها عايش او ميت..
… مبروك الخطوبة رنيم…
.. ان شاء الله تشوفي ايام حلوة ويعوضك خير..
.. مبروك الخطوبة بنت عمي ويخليلك باسم ويكون اب لحازم وشام..
.. اي مرتي كانت معلنة خطوبتها من سنة واكيد هلق متزوجة واولادي بحضن غريب.. اكلتني الغصة من القهر ع نصيبي بيتي ادمر واولادي ومرتي بحضن الغريب . وامي ماتت وانا حتى ماقدران واجه حالي باللي صار معي.
.. في اليوم التالي..
حسام :- شكلك سهران طول الليل
غيث :- صباح الخير
حسام :- شبها ريحتك هيك شربان..
غيث :- هلق بنضف المكان
حسام :- قوم ياراجل اذا شاف الكنترول هالمنظر بقلعونا..
غيث :- يالا قايم
حسام :- تروح معي اليوم
غيث :- لوين
حسام :- طالعين سهرة ونحنا مجموعة شباب وصبايا
غيث :- وشو بدي اعمل معكن
حسام :- بتروح بتغير جو وبتتعرف ع شي وحدة
غيث :- لا دخيلك اعفيني ماناقصني
حسام :- رح يعجبك الجو وينسيك يلي انت فيه
غيث : لا لا ماني حابب.ا
حسام :- براحتك متل ما بدك..
… ما اعطيت ولا اهتميت لطلب حسام كنت حابب ضل منعزل وانطوائي.. مابدي واجه حد او اتعامل مع حد.. اللي صار فيني تعبني والكوابيس ماعم تفارقني كل يوم بفيق ع نفس الكابوس.. ماعدت قدرت اتعايش مع حالي فكرت كتير بالانتحار بس كل مرة كنت افشل كنت بعرف حالي جبنان.. حتى لدرجة انو وصل فيني الحال فوت ع زوج مرتي وابعت لالو مواصفاتها كنت بدي قلو انها خاينة وانا عملت فيها هيك هيك وبالعلامة في بجسمها جرح تحت كتافها.. كنت بدي اذمر كل تفاصيلها لاخرب حياتها.. بس ماكان بايدي اتركهن.. 4 سنوات ونص مو شي قليل.. بحياتهن وهي بعدا باول عمرا واللي بفوت السجن معجزة طلوعوا..واذا طلع يا ع قبروا يا ع مشفى المجانين دغري… يافاقد الذاكرة.. ومستحيل يطلع وعيان ومتل قبل…
وغير هيك يلي صار فيني باليونان وكيف كنت بيع حالي للكيف.. مشان جيب لقمة اكلها..
ولا السرقة.. ولا جريمة القتل يلي كل يوم عم شوفها باحلامي..صرت عايش بخوف ماعاد شوف الشمس كنت معتقد اذا وصلت اوروبا راح انسى وارتاح.. بس مارتحت.. الكوابيس بقيت ملاحقتني…
حسام :_ شبك
غيث :- مخنوق
حسام:_ لف لالك سيجارة ماروانا ع كيف كيفك
غيث :- من وين
حسام :- شو بدك من وين.. سيجارة تنسيك يلي انت فيه.. احسن لالك من الشرب… الحكول بتزيد لالك جروحك وبتخليك حزين وكئيب.. هاي بتفرفش وبتريح..
غيث :- طيب لف.. لنجربها..
حسام :- من عيوني
غيث :- متى بدك تتزوج
حسام:- قريب بس لامها توافق لان امها شوي صعبة
غيث :- بس امها هون وين اهلا
حسام :- والله سالت بس عم يقولوا انهن اختفوا بالحرب..
غيث :- ياحرام الله يعينهن..
حسام :- مبسوط معها ومرتاح انسانة طيبة شكلا شايفة كتير بحياتا..
غيث :- الله يعوضكن خير
حسام :- خد دخن
غيث :- يالطيف شو هاااد
حسام :- مخمخ شوي شوي رح تكيف عليها
غيث :- ثقيلة بس
حسام :- تقلتا مشان تنسى ع الاخر
غيث :- اووووف والله عجيبة
حسام :- شلون حاسس
غيث :- طاير طاير.. بس حلقي صار يوجعني
حسام :- اي كل حلو بدها حلو 😂😂
غيث :- العمااااا ع هالورطة بدي كل يوم منها.. سامع صوت مي بتنقط…
حسام :- هههههه صفي ذهنك.. ماني سامع انت
غيث :- بلا سامع بجوز حنفية الحمام بتنقط
حسام :- قوم شوفها
غيث :- لاء ماني قايم حاسس حالي بدي راجع
حسام :- هههههه مشان اول مرة
غيث :- ليش مانك متاثر متلي
حسام :- انا راسي تقيل متعود مو متلك يعني سيجارتين يادوب يتجاوبو معي..
غيث :- بدي حب
حسام :- اي حب ليش لاء
غيث :- بدي حب حدا يحبني متل ما انا
حسام :- اكيد بتنحب بس بدك تغير من حالك شوي اتزبط قصة شعرك صار شعرك طويل ودقنك طويلة كتير.. اعمل لوجهك شوية تغير ماسك شيل الرؤوس السودا من وجهك.. روح ع عيادة السنترم عالج هاي الندوب منيح.. يعني بدي تزبيط انا باخدك ع حلاق ع كيف كيفك..
غيث :- وبعدين
حسام :- الصبايا مالية المانيا.. وكل وحدة احلا من التانية
غيث :- لاء مابدي خلص
حسام :- بس جرب مابتخسر شي اللي مابتعجبك اتركها واتعرف ع غيرها..
غيث :-…….
حسام :- شبك ادايقت
غيث :- قايم انام
حسام :- لك شبك لسه السهرة باولها بدك تنام من هلق..
غيث :- انخنقت
حسام :- لك عمي لا تنخنق ولا شي.. يعني جربت مرة وطلعت بنت حرام جرب مرة تانية شو بتخسر مو كل النسوان متل بعض بعدين نحنا باوروبا مافي كبير وواصلين بالبلد. هون..
غيث :- ومين بدها ترضى بوحدة متلي
حسام :- كثير كثير..
غيث :- ما اعتقد
حسام :- في لحبيبتي رفيقة بطير ضبانات العقل وعاقلة ودلوعة وبتعجبك..
غيث :- اي ورح ترضى فيني
حسام :- ليش ماترضى فيك.. ع العموم الاسبوع الجاي في سهرة ببيت حماتي عيد ميلاد حماتي.. حتكون موجودة شو رايك..
غيث :_ اي مافي مشكلة مادام هيك
حسام :- خلص لهاداك الوقت بنكون رتبت امورك وحلقت والخ..
..
مرقت الايام وبلشت اشوي انفتح على اوروبا بالنهار اطلع اتمشى شوي انخرطت بدارسة اللغة.. لاحسن اتعامل مع الالمان.. وبالليل اشرب حشيش وماريونا.. لاغير جو وانسى يلي بصير معي.. اجت لعندي المشرفة يلي في السنتر وسالتني اذا حسام هون..
غيث :- حسام في الحمام..
.. قالت انو في حد جاي بدو يزورو بمكتب الاشراف..
غيث :- قلتا انو بالحمام وبس يخلص رح يجي.. ماكنت بعرف مين.
حسام :- ما قالو لالك مين
غيث :- والله مابعرف خلص حمام وشوفهن
حسام :- هلق لفتت ومطول روح انت شوفهن لان ماني عاطي موعد لحد
غيث :- طيب ماشي رح شفلك اياهن..
..
رحت للمكتب اشوف مين يلي بدهن حسام.. لانو كان مصر لاشوفهن..
المشرفة :- بدها تعطيه اغراض وتروح ومستعجلة.
غيث :- طيب تنطر شوي ليخلص حمام..
المشرفة :- خبرتها..
غيث :- طيب قليلا انو رفيقو بياخد الاغراض..
المشرفة :- فوت خدهن منها موافقة تاخدهن وتسلمهن لحسام..
.. لحظتا كان قلبي حاسس ومتاكد انو في شي.. بس عقلي كان يقلي لاء مستحيل
.. غيث :- هاد انتي يا بنت الحرام
تاليا :- غيث
غيث :- اي غيث يا بنت الكلب.. لك انا تعملي فيني هيك.. لك انا شو عملتلك لتخربيلي حياتي..
( ماقدرت اتمالك اعصابي وضربتا براسها بالخرامة..وقت بالارض عم تنزف.. كنت بدي اقتلها.. اجتمعو الكنترول والمشرفين واتصلوا بالبوليس..
حسام :- شو عم يصير هون
المشرفة : فيك تنطر برا حسام شوي
حسام :- شبو غيث.. ولمين الاسعاف.
المشرفة :- غيث ضرب يلي اجت تزورك
حسام :- مين اجا يزورني وليش غيث ضربها بعدي هيك اشوف… تاليااااا
تاليا :- حسام دق ع البوليس بدو يقتلني
المشرفة :- البوليس ع الطريق
غيث :- لك هااااااي هي السبب بكل شي صار بحياتي
حسام :- لك شو بتخبص انت لك ليش عملت هيكك.
( وقتا اتهجم عليه حسام ليقتلني بس الشرطة وصلت وقتا..
المشرفة :- وقعتو حالكن بمصيبة.. شو يخلصنا هلق..
حسام :- هاد مجرم هاد
غيث :- ماني مجرم..
المشرفة :- اهدو.. الشرطي عم يسالك غيث ليش ضربتا..
غيث :- ماعم تفهمو عليه هي السبب يلي فوتني السجن.. هي السبب بالتعذيب يلي بجسمي.. لك شووفوا.. اتركوني افرجيكن الحروق والسواط والتعذيب ومكان القراطة يلي ياكلو فيها لحمنا… شوفووااا شوووفواااا.. هاي هي يلي عملت هيك فيني..
المشرفة :- طيب رح ترجملن كل شي بس اهدى
حسام : انت واحد كذاب ومريض انا من يوم ماعرفتك وشايفك مريض ومجنون وساكت..
غيث :- اذا انا مريض اسالها اسالها شبها ساكتة..
المشرفة :- غيث حسام روقوا اذا بتبقو هيك رح ياخدوكن للسجن.. وبعدين الحمد لله الضربة سطحية مافيها شي.. يادوب جرح صغير..
غيث :- ماعم تفهمي ايناس.. انا كل اللي صار فيني بسببها
المشرفة :- لا تخاف ماحد رح يطالعكن من هون انتو بحماية الدولة بس رح تصير اجراءات ورح تجي المسؤولة.. وانا رح ترجملا كل شي..
حسام :- لازم تروح تاليا ع المشفى لتصور راسها بجوز في كسر..
المشرفة :- اهدى حسام الاسعاف عم يحكي مافي شي بس مجرد جرح صغير خيطوه بس هني كمان رح يتاكدو بس انطر لتجي المسؤولة..
غيث :- لك حسام وحياة اولادي يلي راحو من ايدي هي نفسها والله نفسها..لك اسالها.. اسالها شوف عيونها شلون خايفة وكذابة.. وبدها تهرب..
حسام :- تاليا يلي بحكيه صح قولي بلاش نفوت بتحقيقات.. ويرحلونا او نفوت السجن ..
غيث :- لك احكي لا تخليني قلو عن كل شي
حسام :- متل شو شو بتحكي انت
غيث :- قلا بتنكري انك عملتي معي علاقة لمدة سنتين.. وانك كنتي تحبيني وتطلعي من وجه الصبح لتبوسي صرمايتي.. قليلو انك كنتي عاهرة الليل..
تاليا :- خرااااس
غيث :- شوفتي لوين جابك الزمن لعندي
حسام :- تاليا
تاليا :- اي يلي عم يحكيه صح.. انا تاليا يلي ضحك عليها وعشمها بحبو الكذاب.. انا تاليا يلي لعب عليها وعلى مشاعرها وسرقها وخلاها حرامية ببيت اهلا لتجيب لالو مصاري ولما شبع منها كبها.. كبها وصرخ بكل مافيه ماعاد بدو اياها بدو تطلع من حياتو بكل ما الله اعطاه من قوه.. وقبلت وطلعت.. واتعذبت لانساه.. صرت افتل عليه واسال بكل مكان.. ليعطيني شي فرصة اخيرة…
غيث :- ايناس احكي للبوليس ترجميلو انها هي يلي سجنتني وخلتهن يعذبوني قليلن..
تاليا :- ماصحيح هالحكي مو انا يلي فوتك السجن مو انا
غيث :- كذابة ومين يلي اجى ع السجن وصار يضحك على حالي
تاليا :- هني اجبروني والله هني مالي ذنب بشي..
..

الهارب بقلم جمايكا

غيث :- خدو بقا بلش الكذب.. عيني مارح تهربي مني حتى لو سجنوني رح اطلع واخد حقي منك..
تاليا :- لك افهم والله مو انا
المشرفة :- ياجماعة البوليس ضاج اسكتو
تاليا :- فيني احكي مع البوليس
المشرفة :- شو بدك تقليلو
تاليا :- بدي قلو انو ماكان قاصد وانو خلاف قديم وبالغلط اجت ع راسي مانو قاصد
المشرفة :- بس هيك هيك هاد اسمو عنف.. وهني مابهتمو لاقوال حد
تاليا :- انا رح اتنازل ورح يقبلوو
المشرفة :- طيب بتحبي تحكيه انتي ولا انا
تاليا :- معلش انا بحكيه..
المشرفة :- طيب رح اجي معك اذا احتجتي شي ترجملك اياه..
غيث :- مو قلتلك هي نفسها استغبيتني..
حسام:- ماعدت فهمان شي
غيث :- شفت انو من وراها اتعذبت كل هالتعذيب روح معها خليهن يقتلوك اهلا مو بس يعذبوك..
حسام :- فيك تسكر حنك حاليا..
المشرفة :- شبكن ياجماعة روقوا.. بعدو البوليس هون..حلت القصة الصبية وقالت خلاف اصدقاء. رح يقفل المحضر هلق.. بس رح تنتركوا حاليا تحت اشراف المسؤولة وبكرة لازم تروحو تقدمو افادتكن بمركز البوليس تمام..
غيث :- راحت تاليا
المشرفة :- عم تحاكي المسؤولة
حسام :- شو بدك بدينها حل عن سماها اي
غيث :- بدي اعرف ليش عملت هيك فيني
حسام:- بس لو يفكو ايدي لغير ابتلى فيك
غيث :- بتقلي مريض اذا انا مريض انت اغبى مخلوق ع وجه الارض قدامك اعترفت انها غلطت معي ومانها قايلة لالك..
حسام :- لا خبرتني كل شي.. بس ماكنت بعرف انك الوسخة يلي عامل فيها هيك..
غيث :- وشو خبرتك كمان ورضيان ع حالك فوقها
حسام :- لانك مابتستاهلا رضيان فيها غصب عنك.. وروح بلط البحر
غيث :- تاليااااااا
حسام :- شو بدك منها.. لا عاد تنادي عليها..
غيث :- وانت شو دخلك
حسام :- لك عم يقلي شو دخلني هاي رح تصير مرتي..
تاليا :- حسام اذا بتحبني اصبر شوي ولا تعصب انا ماخبيت عنك اني كنت ع علاقة مع شخص صح هالحكي.. وهاد الشخص ماقدر هالشي.. واني انا هون باوروبا بسببو..
حسام :- بس ياتاليا
تاليا. :- خليني وضحلو..
حسام :- ما بيستاهل توضحيلو
تاليا :- اسمع غيث.. انا مادخلتك السجن.. مابنكر اني السبب.. بس انا اجبرت ع كل شي..
….
قبل 4 سنوات..
تاليا :- والله مافيني شي..
ابي :- لكان وين بتروحي من الصبح
تاليا :- بشتغل
ابي :- تمام بتشتغلي فهمتا من الصبح
تاليا :- هيك صاحب المحل بدو
ابي :- تمام وصاحب المحل قلك ترجعي لل 12 بالليل.. شو. هالشغل يلي مابفوت عقل
جورج :- لك بابا بعدك عم تاخد وتعطي معها
ابي :- جورج لا تدخل
جورج :- لك يابي كل الكاميرات كاشفة كذبتا
تاليا :- كاميرات شو
جورج :- نحنا بنعرف كل شي وبنعرف انك عم تشتغلي مع شاب اسمو غيث وبقينا وراكي لعرفنا وين بتروحي..
امي :- جورج انت لا تدخل بين تاليا وبيها
جورج :- دلالك لالها هو السبب يلي وصلها تلعب بشرفنا هيك..
امي :- اختك شريفة ومابسمحلك تحكي عنها هيك
جورج :- خلاص حاجي ادافعي عنها وجودها بمحل مقفل من وج الصبح.. شو بتكون عم تعمل
ابي :- بدك تاخديها بكرة للعيادة تتاكدي قدامي انها شريفة
جورج :- اي هاد افضل شي
تاليا :- لاء مابقبل
جورج : شفت يابي قلتلك خليني اتصرف من البداية وقفت بوجهي
امي :- بنتي اذا في شي احكي
ابي :- انا بدي اسمعك وبوعدك يابي ماحد يمس شعرة منك.
تاليا :- بابا مافي شي بس رفيق لالي وعم يشتغل معي وبنروح سوا الصبح لنرتب المحل.. مو اكتر..
ابي :- طيب انا مسدقك
جورج :- بابا
ابي :- خلص ماخصك بحياة اختك…
وانتهى النقاش بعد شكهن بعلاقتي فيك.. ومرقت الايام وانا عم حاول ما اظهر لالهن شي.. لوقت ماحرقتلي قلبي.. فوق ماخدعت اهلي وعيشتن بكذبة تجي انت وتعيشني عذاب ايام مابينتهي وانت مبسوط بدك تتزوج
..
امي :- تاليا شبك امي ليش عم تبكي مين زعلك
تاليا :- انا موافقة ع باسل
امي :- شو
تاليا :- متل ماقلت
امي :- شو غيرك امي فجاة هيك
تاليا :- محروق قلبي
امي :_ طيب فضفضي لالي خبريني شو صار معك
تاليا :- غيث يلي قلتلك عنو كذب عليه وقلي اطلعي من حياتي بدو يتزوج.. تركني 😢
امي :- اي يصطفل انا خبرتك يا ماما مابيلبق لالنا مو متلنا اذا انا قبلت بيك وخيك وعيلتك مارح تقبل
تاليا :- بس هون المشكلة
امي :- قليلا شو صاير معك..
تاليا :- انا ماني عذرا
امي:- شووو
تاليا :- والله وهبتلو حالي كنت بحبو
امي :- تاليا شو خبصتي انتي
تاليا :- طلع مابيستاهل شي..
امي :- بنتي انتي عرفانة حجم المصيبة يلي حطتينا فيها.. عرفانة شو رح يصير لو بيك يعرف.. رح يقبركن
تاليا :- ساعديني يا ماما الله يخليكي
امي :- طيب وساعدتك شلون رح نخبي هالقصة عن باسل..
تاليا :- انتي بتعرفي
امي :- هالشي مو سهل.. وباسل طبيب مانو جاهل رح يكشفك..
تاليا :- امي لا تخبري بابا خلص مابدي باسل..
جورج :- شو بدك مايخبروو
تاليا :- جورج
جورج :- انا سمعت كل شي… وانا حذرتكن بس انتو ما سدقتوني.. حذرتكن انو هالشخص زبالة واختي عم تلوث حالا.. بقيتو العمر كلو ماتدخل ماخصك.. اختك مو من مسؤوليتك اختك نحنا اللي مسؤولين عنها.. لا تقرب عليها لا تحكيها..خليك بحياتك.. ليكاا قدامك.. شوفي نتيجة دلالك انتي وبيك.. الفضيحة الفضيحة
.
ابي :- شو عم يصير هون
جورج :- تفضل يابابا شوف حال بنتك.. لوين وصلنا.. شوف شرفنا بأي حاوية تركتو.. انا قلتلكن قلتلكن.. بس ماعم تسمعوو اختي المصون ماعادت مصووون.. صار لعبة بإيدين واحد وصخة..
ابي :- اخررس شو عم تحكي انت عن اختك
جورج :- اسالها ليكا قدامك خليها تنكر لاشوف
ابي :- اللي عم يحكيه صحيح تالياا
جورج.:- قولي شبك ساكتة
ابي :- اسكت انت، اللي عم يحكيه جورج صحيح تاليا شبك ماعم تردي..
امي :- اهدي ياعمري كل شي بنحل
ابي :- تاللياااااا اللي عم يحكيه جووورج صح
تاليا :- والله ماكان بايدي ابدا بس حبيتو.. والله يابابا..
( ويومها بسببك ابي واخي ضربوني لاول مرة بحياتي وانحرمت على مدار اشهر اني اطلع من البيت.. انحرمت من كل شي.. كنت عم موت وانت مبسوط.. كانو اهلي عم يفتشو عليك بكل مكان.. وجيت لعندك انا جيت اسال واحذرك.. بس لا انت ولا اهلك ولا اي حد استقبلني. كنت عم قلك اختفي لاعاد تظهر.. كانو ناطرين يقتلوك..
ابي :- وحياة عيونك يا تاليا لغير اخد حقك منو لهالكلب بس لا تبكي يابي
تاليا :- انا مابدي شي خلص ماعاد بدي اتذكروا خليه يروح..
ابي :- بتعرفي هالكلب طالع يعمل شهر عسل بمصرياتك مع وحدة تانية..
تاليا “: 😢😢..


(adsbygoogle = window.adsbygoogle || []).push({});

ابي :- بدي تعيشي القهر لتعرفي انو بيستاهل القتل
تاليا :- بس بابا لشو بدك تلوث ايديك بالدم
ابي :- بدي تقليلي كل شي صار معك من طقطق للسلام عليكو.. بدي كل التفاصيل.
( خبرت ابي بكل شي… خبرتو كيف كنت اسرقوا هو وماما لجبلك مصاري.. خبرتوا كيف كنت كون مذلوله لالك.. وكيف قلتلي اطلعي من حياتي وماعاد بدي اسمع اسمك ولا اشوفك..
. ابي :- ماشي يا غيث.. مو بس يابي رح نسيه حليب امو رح نسيه اليوم يلي اتخلق فيه.. واخلي اسمك كابوس بحياتو..
تاليا :- بابا الله يخليك لا تعمل شي
ابي :- انا مارح اعملو شي.. بس قرصة اذن صغيرة..
غيث :- هاد يلي صار معي قرصة اذن صغيرة
تاليا :- والله ماكنت بعرف انو هيك عملو فيك..
غيث :- كذابة بعدك كذابة وكيف جيتي ع السجن عم تضحكي
تاليا :- هني اجبروني.. هني يلي خلوني هيك اعمل
غيث:- شو تعملي
تاليا :- اضحك ع حالك.. كانو مصوبين قناص ع راسك. واذا رفضت اعملن يلي بدن اياه كانو رح يقتلوك..
غيث :- وليش ماوفقتي يقتلوني وارتاح ليش تركتيني اتعذب
تاليا :- ماكنت بدي تموت.. وبيوم اسمعت ابي عم يعطي مواصفاتك لباسل لياخد عيونك.. ماكان عندي هالطريقة.. اني اعطي مكانكن لمسلحين.. مابعرف كيف وصلت لالهن.. بس تابعت صفحات ع الانترنت وبعتلن من حساب مجهولة عن مكانكن وذكرت انو فيهن اشخاص تابعين لالكن. ماكنت اتوقع تزبط معي.. ماكنت اتوقع انو بنفس الايام يداهم السجن.. وتهربوا.. ركضت ابحث عنك واشوفك اذا عايش او ميت.. مالقيتك.. ارجعت سالت كل معارفك والكل انكر.. فكرتك متت..
تاليا :- امي لازم نروح
امي :- يعني انتي يلي خبرتي المسلحين عن مكان السجن
تاليا :- اي اي بس دخيلك لا تخبري بابا
امي :- اذا عرف بيك رح يدفنك بارضك عم تعرفي شو بصير..
جورج :- لك امي ياروحي من تكونوا عم تتهامسوا بقلب الغرفة لا تشلقوا الحاضرين… كل مرة لازم اكشف تخبيصات بنتك.. بس هالمرة انا مارح خبر ابي ها .. رح خبر باسل وهو وجماعتو يتكفلو باختي..
امي :- شو عم تحكي جورج
جورج : بحكي يلي لازم ينعمل من زمان.. اختي رح تحط ابي بطريق يموت بقهروا منو.. فوق ماعم يجبلا حقها عم اضيعو..
امي :- جورج لك ابني انطر حرام تعمل فينا هيك..
تاليا :- رح يخبروا لباسل
امي :- كلو منك كلو منك كل مرة بتعملي فينا مصيبة غير رح تموتيني من قهري..
تاليا :- اذا ابي عرف
امي :- رح يقتلك
تاليا :- ساعديني ماما
امي :- شلون بدي ساعدك.. رح تموتيني انتي..
..
يومها امي دقت على خالتي اخو زوجها مسؤول بالمطار.. ورتبت لالي اوراق السفر وطلبت مني اطلع قبل ليصل ابي.. وماعرفت شلون طلعت.. هربت من كل عيلتي بسببك.. وصلت لهون لاوروبا وقدمت متلك لجوء هربانة من ظلم اهلي.. وبابا من عرف انو ماما المسؤولة عن تهريبي طلقها ولحقتني لهون.. كرمالك خربت علاقتي مع اهلي وهدمت لالي بيتي.. وهدمت حياتي.. ومن بلشت فيك من العذاب يلي عيشتني اياه.. طلعت بوجهي..
غيث :- طلعنا لنتحاسب..
تاليا :- بس حقي انا ما اخدتو
غيث :- بعدا عم تقول ما اخدتو.. والعذاب يلي سببتيه لالي
تاليا :- مو انا اللي عملت هيك فيك.. انت يلي سببتو لحالك.. هاد جزاتك..
غيث :- لك مجنونة انتي شي خربتي حياتي ووصلتيني لطريق مقرف مشان ما اموت من الجوع
تاليا :- وانا.. وحياتي وشرفي وبيتي وعيلتي وامي.. والعذاب والبكي يلي عيشتني فيه سنين.. ع الاقل عشت كم سنة مع مرتك مبسوط..
حسام :- تاليا انا رح عوضك حبيبي لا تهتمي لالو
تاليا :- بدي روح تعبت اليوم..
حسام :- انطري تاليا..
تاليا :- حسام فيك تتركني ارتاح..
حسام : كلو منك من وين طلعت بحياتي..
ماكنت بعرف اذا هي سادقة او كذابة.. دخلتني بدوامة بس ماعاد ينفع الندم واللي صار صار والماضي مابيرجع هي خربت حياتها وتشتت عيلتها وانا متلا.. لا هي قدرانة تصل لاهلا من تاني ولا انا قدران اعرف مصير عيلتي من بعد يلي صار معي… كانت دنيا ودولاب ودار علينا وكل واحد فينا نال جزائو من نفس العمل..
حسام طلب ينتقل لمكان تاني.. وانا كذالك ماعاد تلاقينا.. بس شفت على صفحتو انو اعلن خطوبتو من تاليا كانت صورهن حلوة.. وهو اخد يلي بتستاهلو وانا بقيت ضايع هربان من مدينة لمدينة.
.. طيب مافيك تتواصل مع عيلتك تسال عن اطفالك.. اكيد هني بكونوا بحاجتك..
غيث :- لاء لاء خليني هيك.. اكيد هني مرتاحين هلق..
.. واهلك وامك وبيك..
غيث :- امي يلي كانت تموت قهر عليه ماتت.. وابي من يوموا تعبان ومعو زهايمر واخواتي كل واحد ملتهي بحياتو لمين ارجع..
.. واولادك.. رح تبقى بحياتهن مجهول للعمر
غيث :- اذا بدي ارجع رح يعرفوا اهل تاليا برجعوني وبجوز هالمرة انقبر وماحد يعرف فيني.. واولادي مابعرف شو بدي قلن
… اتواصل مع ام اولادك
غيث :_ لا مستحيل هي صارت لرجال تاني..
.. سؤال انت قررت تبقى هون وماحد يعرف فيك. طيب شو مخطط لحياتك هون
غيث :- انا بدي بس انسى واتعالج بدي اطلع من عذاب التفكير.. صار الحشيش والشرب مرافقني ع طول.. عم فكر انتحر دايما. بس انا جبان خايف عم اهرب من حالي.. بدي ضل عايش هيك هربان من كل شي.. هلق عم اشتغل طول اليوم.. شغلين بالصبح وبالمسا.. وبرجع بدخن وبنام. وبالاجازات بتعذب مافي شي اعملو..
.. بلش حياة جديدة.. علاقة جديدة.. زواج.. اطفال ابني بيت وعيلة..
غيث :- مابنكر اني جربت.. اي جربت.. بس دائما بدي اتخلص واهرب. وما اكفي بالعلاقة.. انا شايف انو انا هيك رضل العمر ومافي طريقة تانية لارتاح فيها..
.. مابعرف اذا بدخل بخصوصيتك بس انت ماشايف انك بعيد عن ربنا كثير.. اكيد ماعم ترتاح ابدا لان طريق الراحة يلي بدك اياه بحياتك. انت ماعم تتوجه لالو… جرب مارح تخسر شي.. اكيد اللي انت فيه ابتلاء وربنا بدو رجعتك لالو.. لازم تتخلص من العادات يلي بتعملها وتلتجئ لربنا اكيد هو غفور رحيم وبعدو الوقت قدامك.. وهلق انت موجود وربنا بدو يسمعك.. مابتعرف متى يخلص العمر ويقابل ربو ويكون الانسان حامل ذنوب.. الفرصة قدامك لتوب.. سدقني جرب وافتح قلبك لرب العالمين هو الوحيد يلي قادر يشفيك من جوا.. ومابتعرف شو مخبيتلك الايام. انا ماعم رهبك.. لاء انا عم رغبك.. ربنا بحبو عبدو وبيعطيه فرص ليصلح حالو بس الانسان طبيعته سجيه حليقة.. وفي بالانسان سريرة اللي هي السرية.. من أصلح سريرته أصلح الله علانيته… والامام علي.. قال..
من أصلح ما بينه وبين الله، أصلح الله ما بينه وبين الناس، ومن أصلح أمر آخرته، أصلح الله له أمر دنياه، ومن كان له من نفسه واعظ، كان عليه من الله حافظ”..
هاي الكلمات لحالا لازم تتيقن منها منيح انو ربنا رح يشفيك من كل جروحك ورح ينسيك ندوبك.. اكيد في بقلبك اشياء بدك تقولا لربنا هو الوحيد يلي بيسمعك وهو لهاي اللحظة ساترك.والعذاب يلي اتعذبتو بالسجن مابتعرف بلكي كان عذابك بالدني لتتخلص من ذنبك يلي ارتكبتو مع تاليا.. كل شي عند رب الغيب محفوظ. .. . وبدك تغفر لتاليا لحسب ما سمعت منها هي باينتا مظلومة كمان.. وهي اصلحت حياتها وبلشت من جديد ببيت وحياة جديدة… واللي عملوه اهلا بكل مكان بيعملوه اي اهل وعيله بغض النظر عن دينهن وعقائدهن وعاداتهن وتقاليدهن..اكيد بدهن يدافعو عن شرفهن. بس لانهن واصلين بالبلد وايديهن طايلة.. اختارو التعذيب بالسجون لالك.. مؤلم طبعا.. بس انت بالنهاية عرفت لشو كنت مسجون.. وانك انسجنت مشان غلطة انت ارتكبتها وبقيت هربان من غلطك.. بس لازم تتخيل كم شخص بالسجن مابيعرف لشو انسجن ابرياء ماغلطوا ما اذنبوا.. اندفنوا بارض السجن وماحد بيعرف عنن شي. لحد هاد اليوم. شو ماكان انتمائهن مابهم قد مابهم انهن ابرياء . لهيك بدك تستغل الفرصة يلي ربنا وهبك اياها.. وتبلش من جديد حياتك.. التجئ لالو افتح قلبك.. وابدا طريقك مع ربنا اكيد رح تشفى رح تفتح بيت وتكون عيلة.. وبجوز مع الايام ترجعلك عيلتك واولادك.. كل شي عند ربنا مخبى ومع الايام رح تلاقيه….
انتهت…

(adsbygoogle = window.adsbygoogle || []).push({});

 
 
 
 

admin

اترك تعليقاً

لن يتم نشر عنوان بريدك الإلكتروني.

error: Content is protected !!